Isaías 53
53
1Willakuyanqäta ¿piraq creyishqa?
Dios Yaya imanö salvamanqantsikta musyatsikuptinpis ¿piraq tantiyashqa?#Juan 12.38; Rom. 10.16.
2Dios Yayapa serviqninqa paypa puntanchömi jatunyarqan.
Tsaki patsachö jawäkur tseqllimuq jachanömi wiñarqan.
Pay manam kuyakuypaqtsu ni rikapäkuy munaytsu karqan.
3Runakuna payta manakaqman churarmi chaskiyarqantsu.#Sal. 22.6-7.
Alläpa nanaywanmi ñakarqan.
Manam pipis rikayta munarqantsu.
Payta chikirmi ni pipis cäsurqantsu.
4Paymi qeshyaynintsikkunata apashqa.
Paymi nanaynintsikkunatapis jipishqa.#Mat. 8.17.
Jutsa ruranqanpita Dios Yaya castiganqantam yarparqantsik.
5Peru tsaynö yarpashqapis noqantsik mana cäsukuq kanqantsikpitam tuksishqa karqan.
Jutsata ruranqantsikpitam wañutsishqa karqan.
Dios Yayawan alli kawayta tarinapaqmi castigashqa karqan.
Yawarninta jicharmi kutikätsimashkantsik.#53.5 Manam qeshyayllapita kutikätsimänapaqtsu nin, sinöqa ñakaykunapita, llakikuykunapita y jutsa ruraykunapita salvamänapaqmi nin.#1Ped. 2.24.
6Llapantsikmi oqrakashqa üshanö kaykantsik.#1Ped. 2.25.
Dios Yayapita witikushqa karmi munanqantsiknö kawaykantsik.
Tsaynö kaykashqapis llapan jutsantsiktam Dios Yaya payman churashqa.
7Alläpa maqayaptinpis manam imatapis parlakurqantsu.
Üshata pishtayänanpaq apaqnömi payta apayarqan.#Apoc. 5.6.
Millwanta rutuyaptin üsha wiyaräkunqannömi upällalla wiyaräkurqan.
Tsaynö upälla kakurmi ni juk shimillapis parlakurqantsu.
8Imayka jutsayuqtanömi juzgayänanpaq prësu apayarqan.
Payta wañutsiyaptinmi tsurinpis karqantsu.
Kuyanqä runakunapa jutsankunapitam alläpa ñakarqan.#Hech. 8.32-33.
9Payqa manam ni ima jutsatapis rurarqantsu ni pitapis llullatsirqantsu.
Tsaynö kaykaptinmi jutsasapakunata y rïcukunata pampayanqanman pampayarqan.#1Ped. 2.22.
10Tsaynö ñakananpaqmi Dios Yaya munarqan.
Consagratsina sacrificiunö wañuptinmi miraqninkuna maytsikaq kayanqa.
Tsaypitam atska wata kawanqa.
Pay raykum Dios Yaya munanqannö llapanpis rurakanqa.
11Ñakanqan allipaq kanqanta rikarmi kushikunqa.
Dios Yayam nin:
<<Payqa jutsannaq servimaqnïmi.
Wañurmi atskaqta perdonanqa.
Jutsa rurayanqantam pay apanqa.
12Kikin salvakunqanpa rantinmi jutsayuq runanölla wañurqan.#Mar. 15.28; Luc. 22.37.
Runakuna rayku wañurmi paykunata perdonanäpaq mañakamarqan.
Tsaymi payta churashaq mas respitashqa kananpaq.
Guërrachö venciqkuna imaykata chaskiyanqannömi paypis premiuta chaskinqa>>.
Currently Selected:
Isaías 53: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
