Eclesiastés 10
10
1Perfümiman qenrash yaykuskir perditsinqannömi mana tantiyakuq runapis yachayyuq runa yätsinqanta perditsin.
2Yachayyuq runam allita yarpan.
Peru mana yachayyuq runam sïqa mana allita yarpan.
3Mana yachayyuq runam imata rurarpis llutanta ruran.
Tsaymi pïmaypis paypaq upa kanqanta niyan.
4Rey piñapäshuptiki ama rabyakuytsu.
Pacienciakurmi piñashqa kaykaqtapis päratsinki.
5Kay patsachömi rikashkä reykuna llutanta rurar 6mana yachayyuq runata mandakuq churanqanta y yachayyuq runatana pitsapakuq kananpaq churayanqanta. 7Tsaynöllam rikashkä servikuq runakuna patronnö bestiankuna montashqa puriykäyaqta y patronkuna servikuqnö chakillapa puriykäyaqta.
8Uchkuta uchkuqmi kikin tsayman jeqanqa.#Sal. 7.15; Prov. 26.27.
Perqata paskaqtam culebra kaninqa.
9Rumita llaqllaqmi rumiwan llawakunqa.
Yantata tseqtaqmi kikin kallapakunqa.
10Jächa roquyaptin mana afilarmi mas kallpawan walluntsik.
Imatapis shumaq yarpachakur rurashqam mas alli.
11Culebra mana kaninanpaq upayätsiyta yachanqanpis kaniptinqa manam välintsu.
12Yachayyuq runa parlanqanmi maypis cäsukuy munay.
Peru mana yachayyuq runa parlanqanmi ajayaypaq.#Prov. 15.2.
13Mana yachayyuq runam imaypis manakaqkunallata parlan.
14Payqa manam imaypis upällakuntsu.
Waray warantinkuna ima päsananpaq kanqanta mana musyaykarqa ¿piraq musyanman wañukuptin ima päsananpaq kanqantapis?
15Qela runam ichikllata aruykarpis jankat pishipan.
Tsaymi imata rurananpaqpis musyantsu.
16Juk nacionmi llakipaypaq kaykan mandaqnin rey wamralla kaptin y mandäsiqninkunapis fiestata rurarlla kakuyaptin.
17Juk nacionmi kushikuypaq kaykan mandaqnin rey yachayyuq kaptin.
Tsaynöllam kushikuypaq kaykan mandäsiqninkunapis upyaman churakäyanqanpa rantin kallpan kananpaq höranchö mikuyaptin.
18Qela runapaqa wajinmi shutuwan ushakan.
Mana allitsar rikaraykaptinmi juchun.
19Mikuyqa pacha junta mikunapaqmi.
Vïnuqa kushikur upyanapaqmi.
Qellayqa imaykachöpis gastanapaqmi.
20Shonqullaykichöpis reypa contran ama yarpaytsu.
Japallayki karpis rïcu runapa washan ama rimaytsu.
Rimaptikiqa yukrisllapis willanqam.
Currently Selected:
Eclesiastés 10: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
