YouVersion Logo
Search Icon

2 Corintios 1

1
Cartapa qallanan
1Corinto markachö#Hech. 18.1. y Acaya provinciachö creyikuqkuna:
Dios Yaya akramashqa kaptinmi Jesucristupa apostolnin kar noqa Pablo wawqintsik Timoteuwan kay cartata cartakayämü. 2Taytantsik Dios Yaya y Señor Jesucristo llakipäyäshurniki alli päsakuychö kawakuyänaykipaq yanapaykuyälläshuy.
Ima ñakaychöpis Dios Yaya yanapamanqantsik
3¡Señor Jesucristupa Taytan Dios Yaya alabashqa kaykullätsun! Paymi llakipämarnintsik animatsimantsik. 4Ima ñakaychöpis animatsimantsik noqantsikpis creyikuq majintsikkuna ñakayaptin animatsinapaq. Tsaymi Dios Yaya animatsimanqantsiknö wakin kaqkunatapis animatsintsik.
5Noqakunatapis Jesucristuman creyikuyanqäpita runakuna sufritsiyämaptin Jesucristuwanmi Dios Yaya animatsiyäman mana ajayaypa creyikuyänäpaq. 6Tsaynö animatsiyämaptinmi shumaq tantiyakuyä qamkunatapis animatsiyänaqpaq. Tsaynöpam sufriyaptïpis salvacionta chaskir kushikuyanki. Tsaymi noqakuna sufriyanqänö sufrirpis Dios Yayaman mana ajayaypa creyikuyanki. 7Musyayämi noqakunanö sufriyaptikipis noqakunatanö Dios Yaya yanapayäshunaykipaq kanqanta.
8Wawqikuna y panikuna, Asia provinciachö runakunam alläpa sufritsiyämashqa. Tsayläya ñakatsiyämaptin manana awantarmi kawayänäpaq kaqtaqa yarpäyarqänatsu.#1Cor. 15.32. 9Wañutsiyämänanpaq kanqanta yarparmi tantiyayarqä kikilläkunapitaqa ni imatapis mana puëdiyanqäta. Tsaynöpam yachakuyarqä wañuqkunata kawatsimuq Dios Yayaman mas confiakuyänäpaq.
10Wañutsiyämänanpaq yarpäyaptïpis Dios Yayam salvayämashqa. Manam tsayllachötsu yanapayämashqa, sinöqa llapan imaykachömi yanapaykäyäman. 11Dios Yayata noqakunapaq mañakurmi qamkunapis yanapaykäyämanki. Tsaynö atskaq mañakuyaptinmi payta atskaq agradëcikuyanqa.
Corintuman Pablo imanir mana aywanqan
12Qamkunata ni wakintapis mana llullatsiypa y mana engañaypam kawaykäyä. Rasunpa tsaynö kayanqäta mana penqakurmi niyaq. Tsaynö alli kawakuyänäpaqmi Dios Yaya imaykachöpis yanapayäman. 13Cartakayämurpis tantiyayänaykipaq kaqllatam qellqayämushkä. Ojalä imayllapis shumaq tantiyayankiman. 14Kanan mana tantiyarpis Señor Jesucristo kutimuptin noqakuna qamkunapaq kushikuyanqänömi qamkunapis noqakunapaq kushikuyanki.
15Shumaq tantiyayänaykipaq kanqanta yarparmi Macedonia provinciapa shamur qamkuna kaqman puntata chämuyta yarpäyarqä. Yarpäyanqänö kaptinqa qamkuna kaqman ishkay kutinam chäyämüman karqan. 16Puntataqa Macedonia provinciapa päsaqnöllam chämuyta yarpäyarqä. Kutimurpis yapay chämuytam yarpäyarqä. Qamkuna kaqman chäyämuptï Judeamanna aywayänäpaq yanapayämänaykitam munayarqä.#Hech. 19.21.
17Peru manam yarpäyanqänötsu kashqa. Willakatsimunqänö mana shayämuptï ¿imanirtan wakiki niyanki shumaq mana yarpachakur willakatsimunqäta? ¿Imanirtan yarpäyanki äniskir mana shayämunäpaq kanqanta? 18Mana cumpliyänäpaq kanqanta musyaykarqa noqakuna imaypis manam äniyätsu. 19Dios Yayapa Tsurin Jesucristupis kay patsachö kar rasun kaqllatam pïmaytapis nirqan. Paypa willakuynintam Silvanupis#1.19 Silvanupa jukaq shutinmi Silas (Hech. 15.22, 40)., Timoteupis y noqapis qamkuna kaqchö willakuyashkä.#Hech. 18.5. 20Jesucristuta kachamurmi Dios Yaya llapan prometinqankunata cumplin. Tsaymi Jesucristuman creyikur Dios Yayata alabar <<¡Amén!>> nintsik.
21Payta servinapaq churamarnintsikmi Jesucristuman mana ajayaypa creyikunapaq yanapamantsik. 22Tsaynöllam shonquntsikchö kananpaq Espíritu Santuta kachamur payllapana kanapaq sëllamashkantsik.#Efe. 1.13; 4.30. Espíritu Santuta chaskirmi musyantsik Dios Yaya llapan änimanqantsikta cumplinanpaq kanqanta.
23Wawqikuna y panikuna, Dios Yayapa shutinchömi rasun kaqta nï: Shamuyta yarparpis qamkunawan jaqayätsinakuyta mana munarmi shamushkäraqtsu. 24Qamkunata mandar jaqayätsiyanqaqpa rantinmi qamkunawan paqta Dios Yayata serviyta munayä. Tsaynöpam Dios Yayaman creyikur qamkunapis kushishqa kawakuyanki.

Currently Selected:

2 Corintios 1: qxn

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy