1 Corintios 1
1
Cartapa qallanan
1Jesucristupa apostolnin kanäpaq Dios Yaya qayamashqa kaptinmi noqa Pablo wawqintsik Sósteneswan cartakayämü.
2Corinto markachö#Hech. 18.1. Dios Yaya kuyanqan creyikuqkuna: Qamkunapaqmi Dios Yaya nirqan: <<Paykunaqa Jesucristuchö santum kayan>>. Tsaynö kayaptikim qayayäshushkanki pay munanqannö santu kawayänaykipaq. Tsaynöllam maychö täkuyaptinpis payman llapan creyikuqkunata qayashqa. Tsaymi Jesucristuqa paykunapa y noqantsikpapis Señornintsik kaykan. 3Taytantsik Dios Yaya y Señor Jesucristo llakipäyäshurniki alli päsakuychö kawakuyänaykipaq yanapaykuyälläshuy.
Dios Yayata Pablo agradëcikunqan
4Dios Yayatam qamkunapaq imaypis agradëcikü. Jesucristuwan jukllayllanö kayaptikim llakipäyäshurniki imaypis yanapaykäyäshunki. 5Llapan imaykachöpis yanapayäshuptikim tantiyakuykäyanki y alli willakuykäyanki. 6Jesucristupa willakuyninta chaskiyänaykipaq yanapayäshunqaykinöllam kananpis yanapaykäyäshunki. 7Tsaymi Señor Jesucristo kutimunqanyaq shuyäyaptiki ima yachaynikikunapis faltäyäshunkitsu. 8Paymi yanapayäshunki kutimur pay munanqannö kawaykaqta tariyäshunaykipaq. 9Dios Yayaqa prometinqanta imaypis cumplinmi. Paymi Tsurin Señornintsik Jesucristuwan jukllayllanö kawakuyänaykipaq qayayäshushkanki.
Juk shonqulla kawakuyänanpaq yachatsikunqan
10Wawqikuna y panikuna, Señor Jesucristupa shutinchömi rugayaq mana chikinakur juk shonqulla y juk yarpaylla kawakuyänaykipaq. 11Panintsik Cloé castakuna shamurmi willayämashqa kikikikunapura chikinakurnin piñakur kaykäyanqaykita. 12Wakikish noqata qatiräyämanqaykita nikäyanki, wakikish Apolusta#Hech. 18.24. qatiräyanqaykita nikäyanki, wakikish Cefasta#1.12 Cefasmi Pedrupa jukaq shutin karqan. qatiräyanqaykita nikäyanki y wakikinash Jesucristuta qatiräyanqaykita nikäyanki.
13Tsaynö nirqa mana allitam nikäyanki. ¿Acäsu Jesucristuqa atskaman rakikashqaku kaykan? ¿Acäsu noqaku qamkuna rayku cruzchö wañushkä? ¿Acäsu noqapa shutïchöku bautizakuyashkanki? 14Dios Yayatam agradëcikü qamkuna kaqchö kaykar Crisputawan#Hech. 18.8. Gayullata#Hech. 19.29; Rom. 16.23. bautizanqäpita. 15Tsaymi ni mayqaykipis niyankimantsu noqapa shutïchö bautizakuyanqaykita. 16Tsaynöllam Estéfanas#1Cor. 16.15. castallata bautizashkä. Peru tsaypita mastaqa manam ni pitapis bautizanqäta yarpätsu. 17Manam runakunata bautizar purinäpaqtsu Jesucristo kachamashqa, sinöqa alli willakuyninta willakur purinäpaqmi. Willakuyninta willakur manam yachayyuq kanqäta runakuna yarpäyänanpaqtsu willakü. Yachayyuq tukur willakurqa Jesucristo cruzchö wañunqantam manakaqman churäman.
Jesucristupa willakuyninman creyikuqkunata Dios Yaya salvanqan
18Jesucristo cruzchö wañunqanta willakuptïmi infiernuman jitarpushqa kayänanpaq kaqkuna manakaqkunata willakunqäta niyan. Tsaynö niyaptinpis salvashqa kaqkunapaqqa tsay willakuy Dios Yayapa poderninmi.#Rom. 1.16. 19Dios Yayapa palabranmi nin:
<<Yachayyuq runakunapa yarpayninkunatam upayätsishaq.
Yachayyuqkunapis mana tantiyayänanpaqmi permïtishaq>>.#Isa. 29.14.
20Tsaynö kaykaptinqa yachayyuqkuna yachayanqanpis ¿imapaqtan välin?#Job 12.17; Isa. 19.12. Ley yachatsiqkuna yachayanqanpis ¿imapaqtan välin? Kay patsachö yachaqkuna estudiayanqanpis ¿imapaqtan välin? Jesucristuman mana creyikuqkuna yachayanqanpis Dios Yayapaqqa manakaqllam.#Isa. 44.25. 21Paymi yachayyuq kar permïtishqa runakuna yachayyuq kayninwan payta mana reqiyänanpaq. Tsaymi willakuynin manakaq kanqanta yarpäyaptinpis willakuyninman creyikuqkunataraq salvan.
22Israel runakunaqa Jesucristuman creyikuyänanpaq milagrukunataraqmi rikayta munayan. Griego runakunanam yachayyuqkuna niyanqannö Diospa willakuynin kananta munayan. 23Peru tsaynö munayaptinpis noqakunaqa Jesucristo noqantsik rayku cruzchö wañunqantam willakuyä. Tsaynö willakuyaptïmi Israel runakuna rabyakuyan.#1.23 Israel runakunam yarpäyarqan Dios kachamunqan Cristuqa imayyaqpis mandakuq kananpaq kanqanta. Wañunqanta willayaptinmi rabyakuyarqan. Mana Israel runakunanam manakaqkunata willakuyanqäta yarpäyan. 24Peru Dios Yaya qayanqan kaqkunam sïqa Israel runa mana Israel runa karpis tantiyakuyan Jesucristo Dios Yayapa podernin y yachaynin kanqanta.#1.24 Jesucristo Dios Yayapa podernin kanqanta nirmi Jesucristuman creyikuqkunata Dios Yaya poderösu kayninwan salvanqanta nin. Jesucristo Dios Yayapa yachaynin kanqanta nirmi Jesucristo cruzchö wañunqanpita payman creyikuqkunata Dios Yaya salvanqanta nin. 25Tsaymi willakuyanqä upa runakunallapaq kanqanta yarpäyaptinpis yachayyuq runakunapa yarpayninpitaqa mas alli. Tsaynöllam Jesucristo cruzchö wañunqanta manakaqman churayaptinpis payman creyikuqkunataqa Dios Yaya poderösu kayninwan salvaykan.
26Wawqikuna y panikuna, Dios Yaya qayayäshunqayki witsay imanö kayanqaykita yarpäyay. Qamkunachö juk ishkayllam yachayyuq kayarqayki, juk ishkayllam poderyuq kayarqayki y juk ishkayllam rïcu kayarqayki. 27Mana yachayyuq kayanqaykita yarpäyaptinpis qamkunatam Dios Yaya akrayäshushkanki yachayyuqkuna tantiyakur penqakuyänanpaq. Tsaynöllam poderninnaq kayanqaykita yarpäyaptinpis Dios Yaya akrayäshushkanki poderyuq runakuna tantiyakur penqakuyänanpaq.#1.27 Manam yachayyuq kayanqanpitatsu ni poderyuq kayanqanpitatsu runakunata Dios Yaya salvan, sinöqa Jesucristuman creyikuyanqanpitam. Tsayta tantiyarmi runakuna penqakuyanqa yachayyuq kayanqanman y poderyuq kayanqanman confiakuyanqanpita. 28Manakaqman churayanqan runakunata salvananpaq Dios Yaya tsaynö akraptinmi musyantsik pipis yachayyuq kayninwan ni poderyuq kayninwan mana salvakänanpaq kanqanta. 29Tsaymi Dios Yayapa puntanchö ni pipis aläbakunqatsu.
30Qamkunatam Jesucristuchö kayänaykipaq Dios Yaya salvayäshushkanki. Noqantsik raykum Jesucristuta Dios Yaya churarqan yachaynintsik kananpaq, salvamaqnintsik kananpaq, perdonamaqnintsik kananpaq y rantimaqnintsik kananpaq. 31Tsaynö kaykaptinqa ama aläbakushuntsu. Dios Yayapa palabranmi nin: <<Pipis aläbakunqanpa rantin Dios Yayata alabatsun>>.#Jer. 9.23-24.
Currently Selected:
1 Corintios 1: qxn
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.