DEUTERONOMI 31
31
U Joshua u mihpli ha ka jaka u Moses
1U Moses te u la leit kren ïa kine ki ktien ha ki Israel baroh. 2#Jkñ. 20:12.U la ong ruh ha ki, “Nga la dap shispah arphew snem mynta; ngam lah shuh ban mih shabar bad ban wan shapoh: bad U Trai ruh u la ong ha nga, ‘Men ym ïoh leit sha shiliang kane ka Jordan.’ 3U Trai uba U Blei jong me, u hi keiñ un ïaid sha shiliang ha shuwa jong me; un pynduh noh ïa kine ki jaid bynriew na khmat jong me, bad men ïoh ruh ïa ki; u Joshua ruh, un ïaid sha shiliang ha shuwa jong me, kumba U Trai u la ong. 4#Jkñ. 21:21-35.U Trai te un leh ïa ki kumba u la leh ïa u Sihon bad ïa u Og, ki syiem ki Amor, bad ïa ka ri jong ki; ïa kiba u la pynjot noh thiaw. 5Bad U Trai un aiti noh ïa ki ha khmat jong phi, ba phin ïoh leh ïa ki katba kum kita ki hukum baroh kiba nga la hukum ïa phi. 6#Heb. 13:5.To long kiba khlaiñ bad kiba shlur, wat sngewkyiuh, lymne wat sheptieng ïa ki: namar U Trai uba U Blei jong me, ma u hi u leit ryngkat bad me; un ym iehnoh ïa me, lymne kyntait noh ïa me.”
7Te u Moses u la khot ïa u Joshua, bad u la ong ha u ha khmat ki Israel baroh, “To long uba khlaiñ bad uba shlur: naba men leit ryngkat bad une u paidbah sha kata ka ri ïa kaba U Trai u la smai ha ki kpa jong ki ban ai ha ki; te men pynshong ïa ki ha ka. 8#Jos. 1:5; Heb. 13:5.Namar U Trai da lade hi, u leit ha shuwa jong me; un long ryngkat bad me, un ym iehnoh ïa me, lymne kyntait noh ïa me; wat sheptieng te, lymne wat khaw-eit.”
Ka hukum ba dei ban pule ha man la ka bakut ka snem ka bahynñiew
9Te u Moses u la thoh ïa kane ka hukum, bad u la aiti ïa ka ha ki lyngdoh ki khun u Lebi keiñ, kiba ju ïabah ïa ka synduk ka jutang jong U Trai, bad ha ki tymmen basan jong ki Israel baroh. 10#Deu. 15:12; 16:13-15.Bad u Moses u la hukum ïa ki, u da ong, “Man la ka bakut ka hynñiew snem, ha ka Ïa ba la buh jong ka snem ka jingpyllait, ha Ka Jingkhawai Niam Ki Tabernakl, 11haba ki Israel baroh, ki la ïawan ban mihpaw ha khmat U Trai uba U Blei jong me ha kata ka jaka ïa kaba u un jied, men pule ïa kane ka hukum ha khmat ki Israel baroh, ha kaba kin ïohsngew. 12To ïalum lang ïa u paidbah, ïa ki rangbah, bad ïa ki kynthei, bad ïa ki khynnah, bad ïa u nongwei uba hapoh ki khyrdop jong me, ba kin ïohsngew, bad ba kin ïoh nang, bad ba kin sheptieng ïa U Trai uba U Blei jong phi, bad ba kin sumar ban leh ïa ki ktien jong kane ka hukum baroh; 13bad ba ki khun jong ki ruh, ki bym pat la tip, kin ïohsngew, bad kin ïoh nang, ban sheptieng ïa U Trai uba U Blei jong phi, katba phi dang shong ha kata ka ri sha kaba phi leit sha shiliang ka Jordan ban ïoh ïa ka.”
Ki ktien ki bakhatduh U Trai ha u Moses
14Bad U Trai u la ong ha u Moses, “Ha khmih, ki sngi ki la wan ba me la dei ban ïap: to khot ïa u Joshua, bad phin ïaïeng ha khmat ha Ka Tabernakl ka jingïaseng, ba ngan ïoh ai hukum ïa u.” Te u Moses, bad u Joshua, ki la ïaleit, bad ki la ïaïeng ha khmat ha Ka Tabernakl ka jingïaseng. 15Te U Trai u la mihpaw ha kata Ka Tabernakl ha u rishot lyoh: bad uta u rishot lyoh u la ïeng halor ka jingkhang Ka Tabernakl.
16Bad U Trai u la ong ha u Moses, “Ha khmih, men sa thiah lem bad ki kpa jong me, te une u paidbah un ïeng noh, bad un leit leh nuti bad ki blei ki nongwei kata ka ri sha kaba ki ïaleit hapdeng jong ki, te kin ïa-iehnoh ïa nga, bad kin ïa-pynkheiñ ïa ka jutang jong nga ïa kaba nga la thaw bad ki. 17Ynda kumta, ka jingbitar jong nga kan meh lep pyrshah ïa ki ha kata ka sngi, bad ngan iehnoh ïa ki, bad ngan buhrieh ïa la ka khmat na ki, bad yn bam duh noh khoit ïa ki, bad bun ki jingsniew, bad ki jingjynjar kin ïangat ha ki, ba kumta kin da ïa-ong ha kata ka sngi, ‘Hato kine ki jingsniew kim shym la ngat ha ngi naba U Blei jong ngi um don shuh hapdeng jong ngi?’ 18Te ngan buhrieh shisha ïa la ka khmat ha kata ka sngi, namar kita ki jingsniew baroh ïa kiba ki la leh, ha kaba ki la ïaphai noh sha kiwei pat ki blei. 19To thoh, namar kata mynta, ïa kane ka jingrwai ïa phi, to hikai ruh ïa ka ha ki khun Israel: to buh ïa ka ha ka shyntur jong ki, khnang ba kane ka jingrwai kan long ka sakhi ïa nga pyrshah ïa ki khun Israel. 20Namar ynda ngan wallam ïa ki sha kata ka ri ïa kaba nga la smai ha ki kpa jong ki, kaba tuid da ka dud bad ka ngap; bad ba kin bam, bad kin kdang ruh, bad ba kin man sngaid ruh; te kumta, kin ïaphai noh sha kiwei pat ki blei, bad kin shakri ïa ki, bad kin pynbitar ruh ïa nga, bad kin pynkheiñ ïa ka jutang jong nga. 21Kan jia te, ynda la ngat ha ki, bun ki jingsniew bad ki jingjynjar, ba kane ka jingrwai kan phla ha khmat jong ki kum ka sakhi; naba yn ym klet noh ïa ka na ka shyntur ki khun ki ksiew jong ki: namar nga tip ïa ka jingpyrkhat jong ki, ïa kaba ki ïathmu, wat mynta ruh, haba ngam pat la wallam ïa ki ha kata ka ri ïa kaba nga la smai.” 22U Moses, namar kata, u la thoh ïa kane ka jingrwai ha kata kajuh ka sngi, bad u la hikai ruh ïa ka ha ki khun Israel.
23 #
Jkñ. 27:23; Jos. 1:6. U la ai hukum ruh ïa u Joshua u khun u Nun, bad u la ong, “To long uba khlaiñ bad uba shlur: namar me men ïalam ïa ki khun Israel sha kata ka ri ïa kaba nga la smai ha ki; bad ngan long ryngkat bad me.”
24Ka la jia ruh, ynda u Moses u la wai noh ïa kaba thoh ïa ki ktien kane ka hukum ha ka kitab, ha ban da pyndep ïa ki, 25ba u Moses u la hukum ïa ki Lebi, kiba ïabah ïa ka synduk ka jutang U Trai, u da ong, 26“To shim ïa kane Ka Kitab Ka Hukum, bad to buh ïa ka ha ka krung ka synduk ka jutang U Trai uba U Blei jong phi, ba kan long hangta keiñ kum ka sakhi pyrshah ïa me. 27Namar nga ithuh ïa ka jingïaleh kiat jong me, bad ïa ka ryndang ba-eh jong me: ha khmih, katba nga dang im lem bad phi ha kane ka sngi, phi la ïaleh pyrshah ïa U Trai; sa katno tam te ynda nga la ïap? 28To ïalum lang ïa ki tymmen basan ki jaid jong phi baroh, bad ïa ki rangbah jong phi, ba ngan ïoh kren ïa kine ki ktien ha ki shkor jong ki, bad ba ngan pynïeng sakhi ïa ka bneng, bad ïa ka khyndew, pyrshah ïa ki. 29Namar nga tip, ba ynda nga la ïap, phin pynsniew khoit ïa lade, bad phin ïaphai noh lyndet na kata ka lynti ïa kaba nga la hukum ïa phi; ka jingpynsniew te kan ngat ha phi ha kita ki sngi ki bakhatduh; namar phin leh pop ha khmat U Trai, ïa ka ban pynbitar ïa u da ki kam ki kti jong phi.”
Ka jingrwai u Moses
30Bad u Moses u la kren ha ki shkor u paidlang ki Israel baroh, ïa ki ktien kane ka jingrwai, ha ban da la pyndep ïa ki.
Currently Selected:
DEUTERONOMI 31: KHB
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
