DEUTERONOMI 27
27
Ban thoh la ki hukum ha ki mawbah
1Te u Moses, lem bad ki tymmen basan ki Israel, u la hukum ïa u paidbah, u da ong, “To sumar ïa ki hukum baroh ïa kiba nga hukum ïa phi ha kane ka sngi. 2#Jos. 8:30-32.Bad kan jia ha kata ka sngi haba phi ïaid sha shiliang ka Jordan, sha kata ka ri ïa kaba U Trai uba U Blei jong me u ai ha me, ba men pynïeng ha me ïa ki maw kiba khraw, bad men ñiad astor ïa ki da ka astor: 3bad men thoh ha ki, ïa ki ktien baroh jong kane ka hukum, ynda me la leit sha shiliang; ïa ka ban leit hapoh kata ka ri ïa kaba U Trai uba U Blei jong me u ai ha me, ka ri keiñ kaba tuid da ka dud bad ka ngap, kumba U Trai uba U Blei ki kpa jong me u la kular ha me. 4Te ynda phi la lait shiliang ka Jordan, phin pynïeng ïa kine ki maw, ïa kiba nga hukum ïa phi ha kane ka sngi, ha u lum Ebal, bad men ñiad astor ïa ki da ka astor. 5#Eks. 20:25.Hangta ruh, men tei ïa ka duwan ïa U Trai uba U Blei jong me, ïa ka duwan da ki maw keiñ: men ym shna shuh ïa ki da ka atiar nar. 6Da ki maw tylli, men thaw ïa kata ka duwan ïa U Trai uba U Blei jong me; bad men kñia ainguh da ki jingkñia thang halor jong ka ïa U Trai uba U Blei jong me: 7bad men kñia ainguh ïa ki jingkñia bapynïasuk, bad men bam hangta; bad men leh kmen ha khmat U Trai uba U Blei jong me. 8Bad men thoh shai bha halor kine ki maw, ïa ki ktien jong kane ka hukum baroh.”
9Te u Moses, bad ki Lebi ki lyngdoh, ki la ïakren ha ki Israel baroh, da kaba ong, “To sumar, to shahshkor ruh, A Israel; ha kane ka sngi la pynlong ïa me u paidlang ïa U Trai uba U Blei jong me. 10To men kohnguh, namar kata, ïa ka ktien U Trai uba U Blei jong me, to men leh ruh ïa ki hukum jong u bad ïa ki aiñ jong u, kiba nga hukum ïa me ha kane ka sngi.”
Ka jingtim halor u lum Ebal
11Ha kata kajuh ka sngi, u Moses u la hukum skhem ha uta u paidlang, u da ong, 12#Deu. 11:29; Jos. 8:33-35.“Kine ki ban ïeng halor u lum Gerisim ïa ka ban kyrkhu ïa u paidlang, ynda phi la lait sha shiliang ka Jordan: u Simeon, bad u Lebi, bad u Judah, bad u Issakhar, bad u Joseph, bad u Benjamin: 13bad kine ki ban ïeng halor u lum Ebal ïa ka ban tim: u Reuben, u Gad, bad u Asher, bad u Sabulon, bad u Dan, bad u Naphtali. 14Bad ki Lebi kin ïakren, kin ong ruh ha ki rangbah Israel baroh da ka ktien bajam,
15 #
Eks. 20:4,23; 34:17; Leb. 19:4; 26:1; Deu. 4:16,23,25; 5:8; 7:25. “ ‘Ka jingtim ïa uta u briew uba thaw ïa ka durblei ba la mut lane ba la saiñ, ka jingijli keiñ ha U Trai, ka kam jong ki kti u nongthaw stad, bad uba buh ïa ka ha kaba rieh.’ Bad uta u paidlang baroh kin ïathuh kin ïa-ong ruh, ‘Amen.’
16 #
Eks. 20:12; 21:15,17; Leb. 20:9; Deu. 5:16; 21:18-21. “ ‘Ka jingtim ïa uta uba lehbeiñ ïa la u kpa lane ïa la ka kmie.’ Bad uta u paidlang baroh kin ïa-ong, ‘Amen.’
17 #
Deu. 19:14. “ ‘Ka jingtim ïa uta uba pynkynriah ïa u mawpud u paramarjan jong u.’ Bad uta u paidlang baroh kin ïa-ong, ‘Amen.’
18 #
Leb. 19:14. “ ‘Ka jingtim ïa uta uba pynïaid bakla noh ïa u bamatlah na ka lynti.’ Bad uta u paidlang baroh kin ïa-ong, ‘Amen.’
19 #
Eks. 22:21-24; 23:9; Leb. 19:33,34; Deu. 24:17,18. “ ‘Ka jingtim ïa uta uba pynsniew ïa ka jingbishar ïa ki nongwei, bad ïa ki khunswet, bad ïa ki riewkynthei.’ Bad uta u paidlang baroh kin ïa-ong, ‘Amen.’
20 #
Leb. 18:8; 20:11; Deu. 22:30. “ ‘Ka jingtim ïa uta uba thiah bad ka tnga u kpa jong u; namar u pynpaw rain ïa la u kpa.’ Bad uta u paidlang baroh kin ïa-ong, ‘Amen.’
21 #
Eks. 22:19; Leb. 18:23; 20:15. “ ‘Ka jingtim ïa uta uba thiah bad kano kano ruh ka mrad.’ Bad uta u paidlang baroh kin ïa-ong, ‘Amen.’
22 #
Leb. 18:9; 20:17. “ ‘Ka jingtim ïa uta uba thiah bad ka para jong u, ka khun u kpa jong u, ne ka khun ka kmie jong u.’ Bad uta u paidlang baroh kin ïa-ong, ‘Amen.’
23 #
Leb. 18:17; 20:14. “ ‘Ka jingtim ïa uta uba thiah bad ka syngken kurim jong u.’ Bad uta u paidlang baroh kin ïa-ong, ‘Amen.’
24“ ‘Ka jingtim ïa uta uba shoh ïa la u paramarjan ha kaba rieh.’ Bad uta u paidlang baroh kin ïa-ong, ‘Amen.’
25“ ‘Ka jingtim ïa uta uba bamsap ïa ka ban pynïap ïa u briew balui lui.’ Bad uta u paidlang baroh kin ïa-ong, ‘Amen.’
26 #
Gal. 3:10. “ ‘Ka jingtim ïa uta u bymïaineh ha ki ktien jong kane ka hukum baroh ban leh ïa ki.’ Bad uta u paidlang baroh kin ïa-ong, ‘Amen.’
Currently Selected:
DEUTERONOMI 27: KHB
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
