Matayo 5
5
Akitatam alokidiama emoru
1Na engolikinea Yesu asepich a ngitunga, todoka kidiama emoru kiboikin. Tochunun ngirukitos keng nikeng 2sodi tolomak ngesi akitatam kesi ebala:
Alakara na iteni
(Luka 6:20-23)
3“Epiarit Akuj ngulu eyenete atamar
eringa kesi nyenupa ngakiro a Akuj.
Kainyo erai Apolou a Akuj akech.
4 #
Isa 61:2 Epiarit Akuj ngulu ialolongete.
Kainyo isililingi Akuj kesi.
5 #
Eosio 37:11 Epiarit Akuj ngulu epalaaka anikeng.
Kainyo eanyunete kesi nguna ichikakinit Akuj.
6 #
Isa 55:1-2 Epiarit Akuj ngulu iitanito
akiwap ngakiro na echamit Akuj,
loger a itwaan ani enyamit akoro ka akure.
Kainyo isimwonio kesi noi.
7Epiarit Akuj ngulu isieniyenete luche.
Kainyo isienio kesi.
8 #
Eosio 24:3-4 Epiarit Akuj ngulu ikiuna ngitai.
Kainyo eanyungarete kesi Akuj.
9Epiarit Akuj ngulu esakete akisisil ngitunga.
Kainyo enyarae Akuj kesi ngide keng.
10 #
1 Pet 3:14 Epiarit Akuj ngulu eboliare
ani iwapitotor ngakiro na echamit Akuj.
Kainyo erai Apolou a Akuj akech.
11 #
1 Pet 4:14 “Kipiarit Akuj esi lu kingeritoe, kitoboliare nabo kitingakin ngakiro naaronok kotere ayong. 12#2 Ngirwa 36:16; Tich 7:52 Talakaros kichuro, kainyo eyei ebachit loapolon nadis kidaritere esi. Aboliatar kolong ngitunga ngikadwarak a Akuj lungorok loger lopei ngolo.
Amakat ka akicha
(Mariko 9:50; Luka 14:34-35)
13 #
Mar 9:50; Luk 14:34,35 “Ikwaan esi ka amakat alotunga a akwap. Nakaneni ani kepener amakat, emam kona itababaruunio nabo. Eliwor ngesi ibore pasit, echakario kipudata ngitunga.
14 #
Yoa 8:12; 9:5 “Ikwaan esi ka akicha alotunga a akwap. Ere ngolo edukokinitae kidiama emoru, ileere. 15#Mar 4:21; Luk 8:16; 11:33 Emam itwaan inokakini ataa sodi tobuburik atubwa. Iwaakinio ni ikeuna kinwakunea ngitunga daang alokai. 16#1 Pet 2:12 Aloger alopei kangolo, ejoikinit akicha kus ekwanguni alotunga sodi taanyungareta kesi ngitichisio kus luajokak, kipuruut Apakus lo eyei nadis.
Akitatamo a ngakiro a etal
17“Nyiitamasi kori abunit ayong akikisar etal a Musa ka ngakitatamet a ngikadwarak a Akuj. Peabunit akikisar pearai akitemokin kesi toriyana. 18#Luk 16:17 Kalimokinit ngakiro na iteni atamar, ani eringa adis ka akwap eya, emam ibore kori akiroit tani nadiochichi a etal na ikisario eringa nyitemokino kona esakitere. 19Kaneni, itwaan cha daang ni esechi akiroit tani nadiochichi a etal, kitatam luche atamar tosuba kongina, enyarao ngesi itwaan niichi Anapolou a Akuj. Nakaneni itwaan cha daang ni irichakini etal kitatam luche atamar tosuba kongina, enyarao ngesi niapolon Anapolou a Akuj. 20Kalimokinit esi atamar ani pekidwang ngakiro kus na a ateneanut nguna a ngiketatamak a etal ka Ngiparisayo, nyipedorete esi alomar Napolou a Akuj.
Akitatam ngakiro a akingo
(Luka 1:57-59)
21 #
Apud 20:13; Etal 5:17 “Iirasi esi ebeyo alimokinitae kolong ngitunga atamar, ‘Nyiiar. Itwaan daang ni eari niche irirao’. 22Nakaneni kalimokinit tokona atamar, itwaan cha daang ni engoikini lokaatokeng irirao. Itwaan cha daang ni emori lokaatokeng erikunio nitubet ngakiro. Itwaan cha daang ni elimokini lokaatokeng atamar erai ekabangabangat, ejoikinit echakakinio nakim ngina nyedunge. 23Nakaneni ani kiyaa iyong ainakinet kon nia Akuj kiwaak lokeno lo ipeyonokinere Akuj, sodi kitam iyong atamar kingoikinit iyong lokaatokon kotere ichebore, 24kimiek ainakinet kon alongaren ekeno lo ipeyonokinere Akuj. Tolot atipei kisila ka lokaatokon ani erumor tobong tolemik Akuj ainakinet kon.
25“Ani esaki itwaan akititakin iyong kiteriko nitubet ngakiro, topupokinos ka ngesi alorot eringa nyenanga nitubet ngakiro. Ani kinanga esi nitubet ngakiro, kimiekinea ngesi iyong ekatubon ngakiro lo elimokini ngasigerea atamar kitoinikis iyong lojela. 26Kalimokinit ayong iyong atamar, nyipuduni iyong kaneni jik, mati kitach amicha kon kisunyak daang pil.
Akitatam ngakiro a elomit
27 #
Apud 20:14; Etal 5:18 “Iirasi atamar abeyo, ‘Nyiilom’. 28Nakaneni kalimokinit esi tokona atamar, itwaan daang ni ingolikini aberu tasak akiper ka ngesi, aliwor ngesi ekaloman alotau keng. 29#Mat 18:9; Mar 9:47 Ani kitosech iyong akongu kon na aloteten, tout tochaka. Ejoikinit ekinier kon epei engwali, akidwang akwaan kon daang echakakinio nanam na a akim. 30#Mat 18:8; Mar 9:43 Ani kitosech iyong akan kon na aloteten, totub tochaka. Ejoikinit ekinier kon epei engwali akidwang akwaan kon daang echakakinio nanam na a akim.
Akitatam ngakiro a elakit
(Matayo 19:9; Mariko 10:11-12; Luka 16:18)
31 #
Etal 24:1-4; Mat 19:7; Mar 10:4 “Alimunitoe nabo atamar, ‘Itwaan daang ni elaki aberu keng ejoikinit einakini ngesi abarua a elakit.’ 32#Mat 19:9; Mar 10:11-12; Luk 16:18; 1 Kor 7:10-11 Nakaneni kalimokinit tokona atamar, ani kelak itwaan aberu keng, peelomit aberu, asech ngesi ani etiliworea aberu ngina akaloman erai kiuut ekile eche. Ekile lo iuusi aberu ngina, dang eliwor ekaloman.
Akitatam ngakiro a akikong
33 #
Lawi 19:12; Ekim 30:2; Etal 23:21 “Iirasi esi atamar alimokinitae kolong ngitunga atamar ebeyo, ‘Nyiikong pas, nakaneni tosubak nguna ikong iyong ani a Ekapolon Akuj atamar isubakini’. 34#Yak 5:12; Isa 66:1; Mat 23:22 Nakaneni kalimokinit esi tokona atamar, nyiikongo jik. Nyiikongo tani adis, kainyo erai ekicholong lo Apolou a Akuj. 35#Isa 66:1; Eosio 48:2 Nyiikongo tani ngalup, kainyo erai neni ichiekit Akuj. Nyiikongo tani Yerusalem, kainyo erai ere a Ekapolon a loapolon. 36Nyiikongo tani akou kon, kainyo nyipedori iyong akitokwang kori akisirion etimat tani epei. 37Tolim atamar: ‘Kongina’ kori ‘Meere kongina’. Ngakiro ngache na iatakini iyong eponito ani a Ekipe.
Akitatam ngakiro a atachanakin
(Luka 6:29-30)
38 #
Apud 21:24; Lawi 24:20; Etal 19:21 “Iirasi atamar abeyo: ‘Etachakin akongu nakongu nache, sodi totachakin ekelae lokelae loche’. 39Nakaneni kalimokinit tokona esi atamar, nyiitachak ngakiro naaronok na kisubakinea iyong itwaan. Ani kibap iyong itwaan namatengen na aloteten, toreik na alokedieny dang kibap. 40Ani kititak iyong itwaan kitoriko nitubet ngakiro kotere eworu kon lo alotooma, nak ngesi tani lo alokidiama. 41Ani kitingak iyong itwaan akiwok eegos keng a akilomitait a apei, kiwok a ngakilomitae a ngaarei. 42Ani kilip iyong itwaan ibore, nak ngesi. Ani kesaki itwaan akiar amicha anikon, nyiimik ibore ni esaki.
Amina ngimoe
43 #
Lawi 19:18 “Iirasi esi atamar abeyo, ‘Tominakisi ngipaalon kus toremokinos ngimoe kus’. 44Kalimokinit esi tokona atamar: tominakisi ngimoe kus kilipakisi Akuj ngulu kiboliatar esi. 45Sodi toliworotor esi ngide ka Apakus alo eyei nadis. Kainyo itachai ngesi akolong kotere ngitunga daang, luajokak ka luaronok. Itetepi ngesi akiru kotere lu esubete naajokak ka lu esubete naaronok. 46Ikokini Akuj kiinakini esi ebachit kiminasi esi ngitunga lukiminasi esi make ai? Esubete tani ngiketubukok echur kongina. 47Ani kimalaate esi ngipaalon kus make, anijokis idwangitotor esi luche? Esubete tani ngulu nyerai Ngiyaudi nguna. 48#Lawi 19:2; Etal 18:13 Ejoikinit esi ikiuna loger lo ikiunakar Apakus anadis!
Currently Selected:
Matayo 5: ABIBILIA
Highlight
Share
Copy
Want to have your highlights saved across all your devices? Sign up or sign in
BIBLE SOCIETY OF KENYA (c) 1999