ABALAWI 4
4
Omusango khulwa okhukhola obwonooni mukhukorwa
1Mana OMWAMI Nyasaye nalachilisia Musa mbu 2abolele abandu ba Isiraeli ari, “Omundu yesi yesi niyetsukhana niyonoona nakorirwe, nakhola eshindu shiosi shiosi eshia isie OMWAMI Nyasaye ndakaana mbu shilakholwa ta, okhuula akhole amalachilisio kalondakhwo kano.”
3“Naba nali Omwisaaliisi omukhongo owonoona nareerera abandu eshikha, okhuula yandeerere isie OMWAMI Nyasaye ihunwa eyilakhikhwo nobulema bwosi bwosi ta, mana achihaane khulwa obwonoonibwe. 4Omwisaaliisi oyo okhuula yetse nende ihunwa eyo imbeli wanje, habwinjililo weliheema litakatifu, mana atiile omukhonokwe khumurwe kwayo, nachisinza imbeli wanje. 5Mana Omwisaaliisi omukhulundu oyo abukulekhwo amalasile matutu akeihunwa eyo akareere mwiheema. 6Mana yeene olwalalwe mumalasile ako ahanyekhwo matiiti khuko okhuula musafu imbeli weingubo ishinga ya habundu hatakatifu imbeli wanje. 7Mana omwisaaliisi oyo arekhwo kandi khumalasile ako khutsinzika tsieshimalilo shiemisango eshiobubanane eshili mwiheema litakatifu. Mana asundule amalasile katong'a hasi weshimalilo shiemisango emisambe eshili habwinjililo weliheema litakatifu elo. 8Ne okhurula khu ihunwa yomusango kwobwonooni eyo, abukule amasinya koosi, amasinya akafwimbanga amala, 9nende tsifuko tsiosi, namasinye akali khutsio nende akali khushitakhaliira, akayiniekhwo. 10Shinga olwa karusubungwa khuihunwa eyomusango kwokhureera omulembe. Omwisaaliisi abisambile khushimalilo shiemisango emisambe. 11Nebutswa liseelo lieihunwa eyo, inyama yayo yosi, omurwe kwayo, ebilenje biayo, amala kayo, halala nobuse, 12achibukule yoosi achiyinie elwanyi weikambi, nachiyila habundu haulwa khulwa omulukha okwo, aha likoshe litsukhungwa, mana achisambileho khumulilo.
13“Ne omukanda kwosi kwabandu ba Isiraeli nibaba nibonoona nibalamanyile ta, mana nibaba neshikha eshiokhufunaka elala khumalako aka isie OMWAMI Nyasaye ndakaana mbu kalafunakwa ta, 14ne bwangu bwene olwa eshionoono eshio shibamanyishila, abomukhung'ano okhuula bahaane ihunwa khulwa omusango kwobwonooni. Okhuula bachireere imbeli weliheema litakatifu. 15Mana abakhulundu bomukhung'ano, bare amakhono kabwe khumurwe kweihunwa eyo, mana ihunwa eyo yisinzilweho imbeli wanje. 16Mana omwisaaliisi mukhulundu, abukulekhwo khumalasile keihunwa eyo akareere mwiheema litakatifu. 17Mana yeene olwalalwe mumalasile ako, ne akahaanye okhuula musafu imbeli weingubo ishinga. 18Khandi abukulekhwo khumalasile ako akare khutsinzika tsieshimalilo shiemisango eshili mwiheema litakatifu. Ne akatong'a akatsushe hasi weshimalilo shiemisango emisambe, eshili habwinjililo weliheema. 19Mana abukule amasinya kayo koosi akasambila khushimalilo shiemisango. 20Ne shinga olwa akholanga ihunwa yomusango kwobwonooni, khandi nolwa alakhola ario ihunwa eyo. Nolwa omwisaaliisi alabatisa ario nabo nibaleshelwa obwonooni bwabwe. 21Mana omwisaaliisi oyo alayila ihunwa eyo elwanyi weikambi nachisamba, shinga olwasambile ihunwa yobwonoonibwe omwene, nikwo omusango kwobwonooni khulwa abomukhung'ano.
Omusango kwomuruchi owonoona mukhukorwa
22“Omuruchi yesi naba niyonoona mukhukorwa, nafunaka elala khumalako aka isie OMWAMI Nyasaye ndakaana mbu kalafunakwa ta, mana naba neshikha; 23kho mubwangu lwobwonooni bwakholile obwo bumumanyishila okhuula areere imbusi ikhole eyilalikhwo nobulema bwosi bwosi ta khulwa omusangokwe kwobwonooni. 24Omuruchi oyo are omukhonokwe khumurwe kweimbusi eyo, nachisinzila habundu ahabasinzilanga omusango omusambe imbeli wanje. Okwo nikwo omusango kwokhurusiaho obwonoonibwe. 25Mana omwisaaliisi abukule nolwalalwe khumalasile komusango kwobwonooni, mana akabashe khutsinzika tsiokhushimalilo shiomusango omusambe. Ne amalasile katong'a akatsushe hasi weshimalilo shiomusango omusambe. 26Omwisaaliisi asambile amasinya kayo koosi khushimalilo shiemisango shinga olwa akemisango chiokhureera omulembe chisambungwa. Munjila eyo nolwa omwisaaliisi alatisa omuruchi khulwa obwonoonibwe mana aleshelwe.
Omusango kwomundu owonoona mukhukorwa
27 #
Obub. 15:27,28 “Ne omundu undi yesi niyonoona mukhukorwa, nafunaka elala khumalako aka isie OMWAMI Nyasaye ndakana mbu kalafunakwa ta, aba neshikha. 28Olwa eshionoono shiakholile eshio shimumanyishila okhuula areere imbusi ikhasi eyibulakhwo obulema bwosi bwosi khulwa omusangokwe kwobwonooni. 29Mana omundu oyo atiile omukhonokwe khumurwe okwa imbusi eyo nachisinzila habundu aha basinzilanga omusango omusambe. 30Ne omwisaaliisi abukule nolwalalwe khumalasile ako mana akabashe khutsinzika tsieshimalilo shiomusango omusambe, ne amalasile katong'a akatsushe hasi weshimalilo shiemisango eshio. 31Mana ayinie amasinya kayo koosi shinga olwa amasinya komusango kwokhureera omulembe kayinibungwa, ne omwisaaliisi oyo akasambile khushimalilo shiemisango, okhuba isakakha indayi eyinjamisinjia isie OMWAMI Nyasaye. Kho munjila eyo nolwa omwisaaliisi alatisa omundu oyo khulwa obwonooni obwa akholile mana aleshelwe.
32“Ne omundu oyo naba nahaana likondi okhuba omusangokwe kwobwonooni, okhuula libe likhasi elibulakhwo obulema bwosi bwosi. 33Mana atiile khumurwe kwalio nalisinzila habundu ahabasinzilanga omusango omusambe. 34Mana omwisaaliisi abukulekhwo nolwalalwe khumalasile, akokhumusango kwobwonooni okwo, akabashe khutsinzika tsieshimalilo shiomusango omusambe. Nako akatong'a akatsushe hasi weshimalilo shiemisango eshio. 35Mana ayinie amasinya kalio koosi shinga olwa amasinya kelikondi liemisango khumisango echiokhureera omulembe karusibungwa, mana akasambile khushimalilo shiemisango halala nebihaanwa ebisambiilwe isie OMWAMI Nysaye. Ne munjila eyo nolwa omwisaaliisi alatisa ario omundu oyo khulwa obwonooni bwakholile obwo, mana omundu oyo aleshelwe.”
Currently Selected:
ABALAWI 4: OLUPR
Highlight
Copy
Compare
Share
Want to have your highlights saved across all your devices? Sign up or sign in
ABALAWI 4
4
Omusango khulwa okhukhola obwonooni mukhukorwa
1Mana OMWAMI Nyasaye nalachilisia Musa mbu 2abolele abandu ba Isiraeli ari, “Omundu yesi yesi niyetsukhana niyonoona nakorirwe, nakhola eshindu shiosi shiosi eshia isie OMWAMI Nyasaye ndakaana mbu shilakholwa ta, okhuula akhole amalachilisio kalondakhwo kano.”
3“Naba nali Omwisaaliisi omukhongo owonoona nareerera abandu eshikha, okhuula yandeerere isie OMWAMI Nyasaye ihunwa eyilakhikhwo nobulema bwosi bwosi ta, mana achihaane khulwa obwonoonibwe. 4Omwisaaliisi oyo okhuula yetse nende ihunwa eyo imbeli wanje, habwinjililo weliheema litakatifu, mana atiile omukhonokwe khumurwe kwayo, nachisinza imbeli wanje. 5Mana Omwisaaliisi omukhulundu oyo abukulekhwo amalasile matutu akeihunwa eyo akareere mwiheema. 6Mana yeene olwalalwe mumalasile ako ahanyekhwo matiiti khuko okhuula musafu imbeli weingubo ishinga ya habundu hatakatifu imbeli wanje. 7Mana omwisaaliisi oyo arekhwo kandi khumalasile ako khutsinzika tsieshimalilo shiemisango eshiobubanane eshili mwiheema litakatifu. Mana asundule amalasile katong'a hasi weshimalilo shiemisango emisambe eshili habwinjililo weliheema litakatifu elo. 8Ne okhurula khu ihunwa yomusango kwobwonooni eyo, abukule amasinya koosi, amasinya akafwimbanga amala, 9nende tsifuko tsiosi, namasinye akali khutsio nende akali khushitakhaliira, akayiniekhwo. 10Shinga olwa karusubungwa khuihunwa eyomusango kwokhureera omulembe. Omwisaaliisi abisambile khushimalilo shiemisango emisambe. 11Nebutswa liseelo lieihunwa eyo, inyama yayo yosi, omurwe kwayo, ebilenje biayo, amala kayo, halala nobuse, 12achibukule yoosi achiyinie elwanyi weikambi, nachiyila habundu haulwa khulwa omulukha okwo, aha likoshe litsukhungwa, mana achisambileho khumulilo.
13“Ne omukanda kwosi kwabandu ba Isiraeli nibaba nibonoona nibalamanyile ta, mana nibaba neshikha eshiokhufunaka elala khumalako aka isie OMWAMI Nyasaye ndakaana mbu kalafunakwa ta, 14ne bwangu bwene olwa eshionoono eshio shibamanyishila, abomukhung'ano okhuula bahaane ihunwa khulwa omusango kwobwonooni. Okhuula bachireere imbeli weliheema litakatifu. 15Mana abakhulundu bomukhung'ano, bare amakhono kabwe khumurwe kweihunwa eyo, mana ihunwa eyo yisinzilweho imbeli wanje. 16Mana omwisaaliisi mukhulundu, abukulekhwo khumalasile keihunwa eyo akareere mwiheema litakatifu. 17Mana yeene olwalalwe mumalasile ako, ne akahaanye okhuula musafu imbeli weingubo ishinga. 18Khandi abukulekhwo khumalasile ako akare khutsinzika tsieshimalilo shiemisango eshili mwiheema litakatifu. Ne akatong'a akatsushe hasi weshimalilo shiemisango emisambe, eshili habwinjililo weliheema. 19Mana abukule amasinya kayo koosi akasambila khushimalilo shiemisango. 20Ne shinga olwa akholanga ihunwa yomusango kwobwonooni, khandi nolwa alakhola ario ihunwa eyo. Nolwa omwisaaliisi alabatisa ario nabo nibaleshelwa obwonooni bwabwe. 21Mana omwisaaliisi oyo alayila ihunwa eyo elwanyi weikambi nachisamba, shinga olwasambile ihunwa yobwonoonibwe omwene, nikwo omusango kwobwonooni khulwa abomukhung'ano.
Omusango kwomuruchi owonoona mukhukorwa
22“Omuruchi yesi naba niyonoona mukhukorwa, nafunaka elala khumalako aka isie OMWAMI Nyasaye ndakaana mbu kalafunakwa ta, mana naba neshikha; 23kho mubwangu lwobwonooni bwakholile obwo bumumanyishila okhuula areere imbusi ikhole eyilalikhwo nobulema bwosi bwosi ta khulwa omusangokwe kwobwonooni. 24Omuruchi oyo are omukhonokwe khumurwe kweimbusi eyo, nachisinzila habundu ahabasinzilanga omusango omusambe imbeli wanje. Okwo nikwo omusango kwokhurusiaho obwonoonibwe. 25Mana omwisaaliisi abukule nolwalalwe khumalasile komusango kwobwonooni, mana akabashe khutsinzika tsiokhushimalilo shiomusango omusambe. Ne amalasile katong'a akatsushe hasi weshimalilo shiomusango omusambe. 26Omwisaaliisi asambile amasinya kayo koosi khushimalilo shiemisango shinga olwa akemisango chiokhureera omulembe chisambungwa. Munjila eyo nolwa omwisaaliisi alatisa omuruchi khulwa obwonoonibwe mana aleshelwe.
Omusango kwomundu owonoona mukhukorwa
27 #
Obub. 15:27,28 “Ne omundu undi yesi niyonoona mukhukorwa, nafunaka elala khumalako aka isie OMWAMI Nyasaye ndakana mbu kalafunakwa ta, aba neshikha. 28Olwa eshionoono shiakholile eshio shimumanyishila okhuula areere imbusi ikhasi eyibulakhwo obulema bwosi bwosi khulwa omusangokwe kwobwonooni. 29Mana omundu oyo atiile omukhonokwe khumurwe okwa imbusi eyo nachisinzila habundu aha basinzilanga omusango omusambe. 30Ne omwisaaliisi abukule nolwalalwe khumalasile ako mana akabashe khutsinzika tsieshimalilo shiomusango omusambe, ne amalasile katong'a akatsushe hasi weshimalilo shiemisango eshio. 31Mana ayinie amasinya kayo koosi shinga olwa amasinya komusango kwokhureera omulembe kayinibungwa, ne omwisaaliisi oyo akasambile khushimalilo shiemisango, okhuba isakakha indayi eyinjamisinjia isie OMWAMI Nyasaye. Kho munjila eyo nolwa omwisaaliisi alatisa omundu oyo khulwa obwonooni obwa akholile mana aleshelwe.
32“Ne omundu oyo naba nahaana likondi okhuba omusangokwe kwobwonooni, okhuula libe likhasi elibulakhwo obulema bwosi bwosi. 33Mana atiile khumurwe kwalio nalisinzila habundu ahabasinzilanga omusango omusambe. 34Mana omwisaaliisi abukulekhwo nolwalalwe khumalasile, akokhumusango kwobwonooni okwo, akabashe khutsinzika tsieshimalilo shiomusango omusambe. Nako akatong'a akatsushe hasi weshimalilo shiemisango eshio. 35Mana ayinie amasinya kalio koosi shinga olwa amasinya kelikondi liemisango khumisango echiokhureera omulembe karusibungwa, mana akasambile khushimalilo shiemisango halala nebihaanwa ebisambiilwe isie OMWAMI Nysaye. Ne munjila eyo nolwa omwisaaliisi alatisa ario omundu oyo khulwa obwonooni bwakholile obwo, mana omundu oyo aleshelwe.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in