ABALAWI 3
3
Emisango chiokhureera omulembe
1“Omundu naba nahana eshiayo okhuba eshihaanwa shiomusango kwokhureera omulembe, okhuula shibe shieing'ombe ihunwa noho itwasi eyibulakhwo obulema bwosi bwosi. 2Omundu oyo atiile omukhonokwe khumurwe kweshihanwashie eshio, mana ashisinzile habwinjililo bweliheema lianje litakatifu. Abesaaliisi bahanye amalasile ako khutsimbeka tsiosi etsieshimalilo shiemisango. 3Ne okhurula khumusango kwokhureera omulembe okuli eshihaanwa eshikholilwe nomulilo, omundu oyo okhuula yandereere amasinya koosi akali khumala, 4akali khutsifuko nende akali khushitakhaliira. 5Mana abesaaliisi babisambile khushimalilo shiemisango halala nomusango omusambe okuli khumulilo. Isakakha yomusango okwo yinjamisinjia isie OMWAMI Nyasaye.
6“Ne naba niyahaanila isolo okhurula mubiayobie khulwa omusango kwokhureera omulembe, okhuula yibe isaatsa noho ikhasi eyibulakhwo obulema bwosi. 7Ne eshihanwashie nishiba eshielimiiku alileere imbeli wanje, 8mana atile omukhonokwe khumurwe walio, ne alisinzile imbeli weliheema elo. Nabo abesaaliisi bahanye amalasile kalio khutsimbeka tsiosi tsieshimalilo shiemisango tsimbeka tsiosi. 9Ne okhurula khumusango okwo, okhuula yandeerere amasinya, lisinya lieisembe liosi, nalitetile khulukokongwe nende amasinya koosi akafwimbanga khumala, 10tsifiko tsiombi, namasinya katsio koosi nende akali khushitakhaliira. 11Ne Omwisaaliisi akusambile khushimalilo shiemisango okhuba eshiokhulia shisambiilwe isie khumulilo. 12Ne omundu naba nahaana imbusi khulwa omusango, 13alatiila omukhonokwe khumurwe kwayo nachisinza imbeli weliheema litakatifu. Nabo abesaaliisi okhuula bahanye amalasile kayo khutsimbeka tsiosi tsieshimalilo shiemisango. 14Mana okhurula khumusango okwo, yandereere shinga omusango kweshiokhulia, amasinya kafwimbanga khumala 15tsifuko tsiombi, namasinya akali khutsio, nende akali khushitakhaliira. 16Mana omwisaaliisi abisambile khushimalilo shiemisango shinga omusango okweshiokhulia shisambilwe nomulilo eshia isakakha indayi. Amasinya koosi nakanje. 17Omuisiraeli yesi yesi alaliakhwo amasinya kata amalasile mutsinzibulo tsienywe tsiosi buli habundu mubimenyo bienywe biosi tawe.”
Currently Selected:
ABALAWI 3: OLUPR
Highlight
Copy
Compare
Share
Want to have your highlights saved across all your devices? Sign up or sign in
