ABALAWI 2
2
Ebihanwa bieimele
1“Olwa omundu yesi yandeerera isie OMWAMI Nyasaye eshihaanwa shieimele, okhuula shibe nishisielwe obuusie obunyushe. Okhuula ashitsushililekhwo amafura nende okhushirakhwo obubaane. 2Mana ashireere khubesaaliisi. Naye omwisaaliisi afumbare khubusie obunyushe obwo nende amafura ako nende obubane bwashio bwosi; mana ashisambe shinga eshitonye shieshitsulilo shiashio khushimalilo shiemisango. Isakakha yeshihaanwa eshio yinjamisinjia isie OMWAMI Nyasaye. 3Ne eshitong'a khushihanwa shieimele eshio, shilahesibwa Haroni nabasianibe; nishio eshitonye eshitakatifu muno shiebihanwa ebia baasambiile isie OMWAMI Nyasaye.
4“Ne eshihaanwa eshio nishiba shiemikaate chisambilwe mumayika, okhuula chibe emikaate echibulamwo limela, echiobusie obunyushe obutsokasiibwe namafura, noho eshiomukaate okufumbukhwe okubulamwo limela, nikubashilwekho amafura.
5“Ne omusangokwo nikuba okweimele eyisambilwe khuluchio, okhuula kube okwobusie obunyushe obubulamwo limela, obutsokasiibwe namafura. 6Okusonyelemwo mubitonye mana okhutsushekhwo amafura, okwo nomusango kweimele.
7“Ne omusangokwo nikuba okweimele eyiteshelwe mushifulia, okhuula kuukasibwe khubusie obunyushe namafura. 8Mana undereere omusango okuukasibwe khubindu ebio, okureere khumwisaaliisi, naye alakureere khushimalilo shiemisango. 9Naye omwisaaliisi alabukula eshitonye shieshitsulilo shiomusango okweimele okwo, mana ashisambile khushimalilo shimusango. Isakakha yomusango okwo yinjamisinjia isie OMWAMI Nyasaye. 10Ne eshitonye shitong'a khumusango kweimele okwo, okhuula shihebwe Haroni nende abasianibe. Nishio eshitonye eshitakatifu muno eshiomusango kusambiilwe isie OMWAMI Nyasaye.
11“Omusango kwosi kwosi kweimele okwa mundereera isie OMWAMI Nyasaye, kulabakhwo okutsokasibwemwo limela tawe. Shimulasambilakhwo limela noho obuushi mumusango okwa mundeerera tawe. 12Buli khumuyika mulandereranga isie OMWAMI Nyasaye ebichese biambeli, nebutswa shimulabisamba khushimalilo shiomusango kho mbu bibe isakakha eyokhunjamisia isie tawe. 13Muretsenje omunyu khu buli omusango kweimele, shichila omunyu neshimanyisio eshia indakano eyili hakari wanje ninenywe. Okhuula mure omunyu mumisango chienywe chiosi. 14Olwa mundereera isie ebichese biambeli bieimele, okhuula yibe eyebitere ebibisi nibitsiyiilwe khumulilo khandi nibiswachilwe. 15Mana mutsushekhwo amafura, ne murakhwo obubane; okwo nikwo omusango kweimele. 16Mana omwisaaliisi asaambe eshitonye eshieshitsulilo shieimele eyiswachilwe namafura halala nobubane bwashio bwosi; nikwo omusango okusambilwe mumulilo okuhaanilwa isie OMWAMI Nyasaye.”
Currently Selected:
ABALAWI 2: OLUPR
Highlight
Copy
Compare
Share
Want to have your highlights saved across all your devices? Sign up or sign in
ABALAWI 2
2
Ebihanwa bieimele
1“Olwa omundu yesi yandeerera isie OMWAMI Nyasaye eshihaanwa shieimele, okhuula shibe nishisielwe obuusie obunyushe. Okhuula ashitsushililekhwo amafura nende okhushirakhwo obubaane. 2Mana ashireere khubesaaliisi. Naye omwisaaliisi afumbare khubusie obunyushe obwo nende amafura ako nende obubane bwashio bwosi; mana ashisambe shinga eshitonye shieshitsulilo shiashio khushimalilo shiemisango. Isakakha yeshihaanwa eshio yinjamisinjia isie OMWAMI Nyasaye. 3Ne eshitong'a khushihanwa shieimele eshio, shilahesibwa Haroni nabasianibe; nishio eshitonye eshitakatifu muno shiebihanwa ebia baasambiile isie OMWAMI Nyasaye.
4“Ne eshihaanwa eshio nishiba shiemikaate chisambilwe mumayika, okhuula chibe emikaate echibulamwo limela, echiobusie obunyushe obutsokasiibwe namafura, noho eshiomukaate okufumbukhwe okubulamwo limela, nikubashilwekho amafura.
5“Ne omusangokwo nikuba okweimele eyisambilwe khuluchio, okhuula kube okwobusie obunyushe obubulamwo limela, obutsokasiibwe namafura. 6Okusonyelemwo mubitonye mana okhutsushekhwo amafura, okwo nomusango kweimele.
7“Ne omusangokwo nikuba okweimele eyiteshelwe mushifulia, okhuula kuukasibwe khubusie obunyushe namafura. 8Mana undereere omusango okuukasibwe khubindu ebio, okureere khumwisaaliisi, naye alakureere khushimalilo shiemisango. 9Naye omwisaaliisi alabukula eshitonye shieshitsulilo shiomusango okweimele okwo, mana ashisambile khushimalilo shimusango. Isakakha yomusango okwo yinjamisinjia isie OMWAMI Nyasaye. 10Ne eshitonye shitong'a khumusango kweimele okwo, okhuula shihebwe Haroni nende abasianibe. Nishio eshitonye eshitakatifu muno eshiomusango kusambiilwe isie OMWAMI Nyasaye.
11“Omusango kwosi kwosi kweimele okwa mundereera isie OMWAMI Nyasaye, kulabakhwo okutsokasibwemwo limela tawe. Shimulasambilakhwo limela noho obuushi mumusango okwa mundeerera tawe. 12Buli khumuyika mulandereranga isie OMWAMI Nyasaye ebichese biambeli, nebutswa shimulabisamba khushimalilo shiomusango kho mbu bibe isakakha eyokhunjamisia isie tawe. 13Muretsenje omunyu khu buli omusango kweimele, shichila omunyu neshimanyisio eshia indakano eyili hakari wanje ninenywe. Okhuula mure omunyu mumisango chienywe chiosi. 14Olwa mundereera isie ebichese biambeli bieimele, okhuula yibe eyebitere ebibisi nibitsiyiilwe khumulilo khandi nibiswachilwe. 15Mana mutsushekhwo amafura, ne murakhwo obubane; okwo nikwo omusango kweimele. 16Mana omwisaaliisi asaambe eshitonye eshieshitsulilo shieimele eyiswachilwe namafura halala nobubane bwashio bwosi; nikwo omusango okusambilwe mumulilo okuhaanilwa isie OMWAMI Nyasaye.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in