OBUCHACHILO 1
OLUPR

OBUCHACHILO 1

1
Okhulongwa Khweshialo
1Mukhuchaaka, Nyasaye yalonga likulu nende eshialo. 2Nashio eshialo shishialikhwo nobulonje bwosi bwosi tawe. Shiali butswa eshikhaya. Ne eshiilima shiafuunikha khulusiba lweinyanza. Naye Roho wa Nyasaye yali nabembanga khumaatsi ikulu. 3#2 Mak. 7:28; 2 Abakor. 4:6Nyasaye nalaka ari, “Obulafu bubeho,” ne obulafu nibubaho. 4Nyasaye nalola mbu, obulafu nobulayi. Mana Nyasaye niyahukhasia obulafu obwo okhurula khushiilima. 5Nyasaye nakulikha obulafu mbu, “Eshiteere,” nashio eshiilima mbu, “Eshilo.” Nibwila, nibushia, eyo niyiba inyanga yambeli.
6 # 2 Pet. 3:5 Mana Nyasaye nalaka ari, “Lekha likulu libeho hakari wamaatsi, mana liahukhasie amaatsi okhurula khukandi.” 7Nyasaye nalonga likulu okhwahukhasia amaatsi, akali khushialo okhurula khukali mwikulu, ne nikaba kario. 8Khandi Nyasaye nakulikha mumaleesi mbu, “Likulu.” Nibwila, nibushia, eyo niyiba inyanga yakhabili.
9Nyasaye nalaka ari, “Lekha amaatsi, akali hasi welikulu kekhung'asie habundu halala, mana eshibala eshiangalafu shibeho.” Kho nikaba kario. 10Nyasaye nakulikha eshibala eshiangalafu eshio mbu, “Eshialo,” ne habundu aha amaatsi kekhung'asia aho, nahakulikha mbu, “Inyanza.” Mana Nyasaye nalola mbu, nobulayi. 11Khandi Nyasaye nalaka ari, “Lekha liloba limelekhwo emimela, emisaala echiamangakhwo obufwa, nende echiebiamo biachio bilimwo obufwa. Buli mulala okhulondokhana nende imbia yakwo khushialo.” Kho nikaba kario. 12Liloba nilimelakhwo emimela, chietsimbia tsiosi. Mana Nyasaye nalola mbu, nobulayi. 13Nibwila, nibushia, eyo niyiba inyanga yakhataru.
14Nyasaye nalaka ari, “Lekha obulafu bube mwikulu, okhwahukhasia eshiteere okhurula khushilo, khandi okhumanyia shinga olwa tsinyanga, emiyika nende amasabo kokhukholela Nyasaye kachaaka. 15Khandi yakaasia obulafu obwo mbu, bubeho mwikulu, okhukhosia mushialo.” Kho nikaba kario. 16Mana Nyasaye nalonga ebindu bibili ebikhongo ebiobulafu. Eliuba liokhwakha eshiteere, nakwo omwesi okhwokhwakha mushilo. Khandi nalonga tsing'ining'ini. 17Kho nabira mwikulu okhwakha khushialo, 18mbu, biashe eshiteere nende eshilo, nende okhwahukhasia obulafu okhurula khushiilima. Mana Nyasaye nalola mbu, nobulayi. 19Nibwila, nibushia, eyo niyiba inyanga yakhane. 20Mana Nyasaye nalaka ari, “Lekha amaatsi akomunyanza ketsulemwo ebilonje ebili mwoyo, ebia tsimbia tsinyinji. Khandi nalonga amanyonyi aketsimbia tsiosi mbu, kapulushenje mwikulu.” 21Kho Nyasaye nalonga eminyeni emikhongo nende tsimbia tsiosi tsiebindu ebimenyanga mumaatsi, nende tsimbia tsiosi tsiamanyonyi. Mana Nyasaye nalola mbu, nobulayi. 22Nyasaye nabilaamila ikhabi, ne naboola ari, “Mwibulane nimumeetekha mana mwitsule mumaatsi komunyanza, nako amanyonyi kameeteshe khushialo.” 23Nibwila, nibushia, eyo niyiba inyanga yakharano.
24Nyasaye nalaka ari, “Lekha eshialo shibemwo tsisolo tsietsimbia tsiosi, etsiokhurukwa nende tsisolo nabulimo, tsikhoongo nende tsindiiti.” Kho nikaba kario. 25Khulweshio Nyasaye yabilonga biosi, ne nalola mbu, biosi nebilayi.
26 # Obuch. 2:23; Sira 17:3,4; 1 Abakor. 11:7 Mana Nyasaye naboola ari, “Lekha khulonje omundu khwikondo liefwe, okhulondana nende okhufwana khwefwe. Mana babe nobunyali khutsinyeni nende khumanyonyi, nende khutsisolo, nende khubuli shindu eshimoolanga khusialo.” 27#Obucha. 5:1,2#Mat. 19:4; Mrk. 10:6Kho Nyasaye nalonga omundu mwikondolie, ne mukhufwanakhwe nabalonga omusaatsa nende omukhasi. 28Mana Nyasaye nabahelesia ikhabi, ne nababoolela ari, “Mwibulane nimumeetekha mana mwitsule khushialo nimushiruka. Mube nobunyali khutsinyeni, nende khumanyonyi, nende khubuli shindu eshichendanga khushialo.” 29Khandi Nyasaye nababoolela ari, “Emuhelesiye inywe buli eshiraache, eshiamanga obufwa, eshili khushialo shiosi nende buli omusaala, okuli nobufwa mushiamo shiakwo. Emuhelesiye mbu, bibe ebienywe khulwa ebiokhulia. 30Natsio tsisolo tsiosi etsiokhushialo, nende khubuli linyonyi nende khubuli shindu eshimoolanga khwiloba nende khubuli shindu shiemiuya chiobulamu, ebihelesiye obunyasi nende emimela chiamasaafu chiosi mbu, bibe eshiokhulia shiabio.” Mana nikaba kario. 31Mana Nyasaye nalola mbu, buli shindu eshia yali nalonjile neshilayi muno. Nibwila, nibushia, eyo niyiba inyanga yakhasasaba.

Encouraging and challenging you to seek intimacy with God every day.


YouVersion uses cookies to personalize your experience. By using our website, you accept our use of cookies as described in our Privacy Policy.