Jo-Galatia Weche Motelo
Weche Motelo
Paulo noseyalo ne Jo-Galatia e wuodhe mar tero Injili mokwongo (Joo 13:14-23). Bangʼ kane osewuok kae to nenore ni jo-Yahudi moko moyie nobiro ka chuno joma ok jo-Yahudi moyie ni nyaka gimak chik Musa eka inyalo wargi. Paulo ondiko ka siemogi kuom puonj marachni konyisogi ni Ibrahim mane odak higni 400 kane pok ondik chike Musa nowar nikech noyie kuom Injili. Kuom mano ere kaka inyalo wachi ni mako chik nyalo waro ngʼato kata nyalo miyo ngʼama oyie kuom Kristo bedo ngʼat makare moloyo? Paulo siro maa motegno kowuoyo kuome owuon kaka jaote kendo ojiwogi mondo giwuothi kaka jo-Kristo.
Thoro
Paulo siro Injili gi tekone duto konyisogi ni dhano yudo warruok mana kuom ngʼwono mar Nyasaye kokadho e yie kuom Kristo, kendo onge yo moro machielo. Puonj moro mopogore en ketho adiera mar Nyasaye. Oketwa kare e wangʼ Nyasaye kuom yie (2:16), kendo wabedo jo-Nyasaye (yawuot Ibrahim) mana e yo achielno, kuom yie (3:17). Nikech wan thuolo kuom Kristo, kik koro wawe ngʼato angʼata wuondwa ni nyaka wati matek eka wayud warruok, to nyaka wadag kuom Injili. Ma puonjowa mondo waluor Roho mar Nyasaye (5:16), kendo mondo waher owetewa moloyo kaka waherore wan wawegi (5:14).
Jandiko
Jaote Paulo
Kar Ndiko
Ok ongʼere
Kinde Mag Ndiko
Higa mar 48–49 bangʼ nywol Kristo
Weche Manie Kitabuni
Paulo osiro kare kod Injili bende (1:1–2:21)
Thuolo kuom kwongʼ mar chik (3:1-24)
Injili nigi teko maloyo chik (3:25–4:31)
Thuolo mar ja-Kristo (5:1-26)
Puonj kuom wuodh ja-Kristo (6:1-18)
Currently Selected:
Jo-Galatia Weche Motelo: MLM
Highlight
Copy
Compare
Share
Want to have your highlights saved across all your devices? Sign up or sign in
Muma Maler Mar Nyasaye, Motingʼo Loko Manyien™
Weg Loko © 1980, 2002, 2003, 2020 otim gi Biblica, Inc.
MItiyo kode gi thuolo moa kuom Biblica, Inc. Biblica, Inc. nigi ratiro duto e piny mangima.
Holy Bible, New Luo Translation™
Copyright © 1980, 2002, 2003, 2020 by Biblica, Inc.
Used with permission. All rights reserved worldwide.