Levítico 1
1
Rupatsina sacrificiupita tantiyatsishqan
1 Tayta Diosmi Tinkuna Toldupita qayaykur Moisésta kayno nirqan: 2<<Israel runakunata kayno niy: <Mayqanpis Tayta Diospaq uywata apamurqa wäkanpita karpis uyshanpita karpis cabranpita karpis apamunqa.
3<< <Rupatsina sacrificiuta rupatsinanpaq apamurqa sänu turituta Tinkuna Toldu patiuman apamunqa. Tsaymi Tayta Dios chaskinqa. 4Jutsankunapita perdonashqa kananpaqmi turitupa umanman makinta churaykur 5Tayta Diospa nawpancho pishtanqa. Yawarnintami Aarónpita miraq cürakuna Tinkuna Toldu patiucho kaykaq altar lädunkunata tsaqtsupanqa. 6Nirkurna rupatsina sacrificiupaq uywata apamuq runa uywapa qaranta jorqunqa y aytsantanami cuartutsanqa. 7Tsaypitanami Aarónpita miraq cürakuna altar jananman yantata shankarkur ninata ratatsinqa. 8Tsay jananmannami cuartutsashqan aytsata, umanta y pacha wirantapis churapäkunqa. 9Tsaypitana uywata apamuq runa maylanqa uywapa pachanta y atakshunkunata. Tsaytapis altar janaman churarkur cüra rupatsinqa. Tsay rupatsishqanqa rupatsina sacrificiumi kanqa. Ali asyayninta#1.9 Wakin runakunaqa mushkuyninta nipäkun. mayarmi Tayta Dios kushikunqa.
10<< <Uyshanpita o cabranpita rupatsina sacrificiupaq apamurqa sänu orqu kaqta apamunqa. 11Tayta Diospa nawpancho tsay uywata pishtarqa altarpa norti kaq läduncho pishtanqa. Aarónpita miraq cürakunanami tsay uywapa yawarninwan altarpa lädunkunata tsaqtsupanqa. 12Uywa apamuq runa aytsata cuartutsaptinmi aytsata, umanta y pacha wiranta altarcho rupaykaq yanta jananman churarkur cüra rupatsinqa. 13Tsaypitana uywata apamuq runa maylanqa uywapa pachanta y atakshunkunata. Tsaytapis altarman churarkur cüra rupatsinqa. Tsay rupatsishqanqa rupatsina sacrificiumi kanqa. Ali asyayninta mayarmi Tayta Dios kushikunqa.
14<< <Tayta Diosta adorananpaq päriqkunapita rupatsina sacrificiupaq apamurqa kulkushta karpis o pushapa palumata karpis apamunqa. 15Cüranami tsay kulkushpa o palumapa umanta jorqurir aytsanta altarcho rupatsinqa. Yawarnintanami altar nawpanman jututsinqa. 16Ukshintawan plümankunatami altar nawpancho kaykaq uchpaman jitarinqa. Tsay uchpa jitakunanqa kaykan inti jeqamunan kaq läduchömi. 17Nirkurnami älanpita aptarkur pulanpa qashanqa. Tsaypitana altarcho kaykaq yanta jananman churaykur rupatsinqa. Tsay rupatsishqanqa rupatsina sacrificiumi kanqa. Ali asyayninta mayarmi Tayta Dios kushikunqa.
Currently Selected:
Levítico 1: qvmB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
