Ka Rome 16
16
Njiŋwe ŋkwa
1Wa nya 'ya kaghwene ŋayɛ Fɛbɛ, wəzha ta meyɛ ɓəmə nya kekemane ŋkwa mbe Jikə ta ka Kriste nya mbe Saŋkerɛ. 2Kemaneve mə ŋkɛ te sləa Nde sleke ŋkwa, kala nya mene mbelia Shala, kemane mə ŋkɛ mbe yayata və nya ɗe kamene ta ŋayɛ nde. Ghenta le ghəa nta nde se kakemane mbeli kwele kwele. Nahe nde kekemanakɛ ɗa perə.
3Njiŋwakɛ mə Prisile ba'a Akilas nyi menete slene ta Shala n'yɛ le hɛ. 4Mbasa mbasa hɛ kempə tewəmbəreke ya ɗa, deke 'ya nde tsa nda ŋ'wese ke hɛ we, ama pɛtɛa Jikə ta ka Kriste nyi hwa kweci hwelefefi katsa nda hana ke hɛ perə. 5Njiŋwakɛ mə mbeli nyi ketsene geva ki ghɛa nci kasəkwə ghə. Njiŋwakɛ ɗa mə Ɛpayinɛte, mcɛ ɗa ganyɛ. Gheŋkɛ nde ghate kayɛte Kriste hwa ka Azi. 6Njiŋwakɛ mə Mari nya kemenete slene kwele kwele kezha gheyɛ. 7Njiŋwakɛ mə yɛ Andronikəs ba'a Zhəniyas ka menəhɛ ɗa, kwa daŋgayɛ se hɛ le 'ya perə. Kwele kwele hwəma hɛ mbeli hwa ka ghwene ta Yɛsə Kriste, mpelɛa hɛ nza kaka Kriste ke 'ya.
8Njiŋwakɛ mə Ampliyatəs nya kamcɛ ɗa laka Nde sleke ŋkwa. 9Njiŋwakɛ mə Ərbɛŋe nya kekemanakɛ n'yɛ le slene ta Kriste kamene, tsagha Stashis mcɛ ɗa ganyɛ. 10Njiŋwakɛ mə Apɛle nya kencɛte yɛ ta ŋkɛ kezha Yɛsə. Njiŋwakɛ mə mbelia Aristobəle. 11Njiŋwakɛ mə menə ɗa Hɛrodiyon. Njiŋwakɛ mə mbelia Narsise nyi keyɛte Nde sleke ŋkwa. 12Njiŋwakɛ mə Trifɛne ba'a Trifoze nyi kehwepe ghə yitea slene ta Nde sleke ŋkwa. Njiŋwakɛ ɗa mə mcɛ ɗa Pɛrside, kwele kwele hwepete ghə nde yitea slene ta Nde sleke ŋkwa. 13Njiŋwakɛ mə Rəfəs, wəndə nya ntave Shala, tsagha meghekɛ nya kenza kame ɗa perə. 14Njiŋwakɛ mə Asinkrite, Flɛgon, Hɛrmɛs, Patrobas, Hɛrmas ba'a kweci ka kesaka ma nyi nza hɛ le hɛ. 15Njiŋwakɛ mə yɛ Filologe le Zhəli, yɛ Nɛrɛ le wəzha ta meghekɛ, yɛ Olimpas le mbelia Shala nyi nza hɛ le hɛ pɛtɛ.
16Njiŋwakɛ mə ghəa ŋayɛ le zlama kala ka mama. Pɛtɛa Jikə ta ka Kriste nyi teke kanjiŋwe ŋayɛ.
Ka keɗaŋe ta ncɛ ntsehwele ta Pol
17Ka kesaka ma, təhwə təhwə ŋayɛ 'ya, ya mə ghəa ŋayɛ va mbeli nyi keve nehe geva kwelɛ ba'a nyi keza ka Kriste laka ɗema ghena nya tekeve yɛ. Slə ŋayɛ mə yitea mbeli nyi kala nyighɛ. 18Kwa nza ŋkɛ ma mbeli nyi kemene kala nya ne, slene ta Nde sleke ɓəmə Yɛsə Kriste yamene hɛ we, ama deke hwəa nci yamene nda slene hɛ, kaghwete ka dewə ŋeli hɛ le ghena ta nci nyi zeɗe zeɗe ba'a keghwete ŋkwa. 19Pɛtɛ mbeli keɗepe yɛ fete ta ŋayɛ ke Nde sleke ŋkwa. Zlama yazlama 'ya te gheyɛ. Ama kaɗe 'ya kasepa ghena ganyɛ yɛ le ntsehwele, kaɗema kajikə geva le wəsə kwa ndiremi. 20Ma Shala nya keve nda kwelɛŋe ke mbeli ne, gheŋkɛ nde təhə Satan mbe seɗa ta ŋayɛ.
Pa zlaɓa ta Nde sleke ŋkwa Yɛsə nza le gheyɛ.
21Kanjiŋwe ŋayɛ Timotɛ nya kekemane ɗa va slene, tsagha ka menəhɛ ɗa, Ləsiyəs, Zhazon ba'a Sosipatɛr.
22'Ya Tɛrtiyəs nde rafete palepa nya, kanjiŋwe ŋayɛ 'ya te sləa Nde sleke ŋkwa.
23Kanjiŋwe ŋayɛ Gayəs nya nza 'ya ki ghɛa ŋkɛ. Ki tsene geva ka Kriste pɛtɛ. Kanjiŋwe ŋayɛ Ɛraste, wəndə nya ketsene cɛdɛ nya mbe meleme, tsagha wəza meyɛ n'yɛ Kartəs.
24Pa zlaɓa ta Nde sleke ɓəmə Yɛsə Kriste nza le gheyɛ pɛtɛ. Amɛn.
Tsahe mə Shala tehwə ghweme
25Tsahe ɓəmə Shala. Berete yave gare kezha ntsə ŋayɛ laka Ghena kwatenca nya ganyɛ nya zlape 'ya. Ghena ta Yɛsə Kriste yazlape 'ya yipə yipə le ɗepe wəsə nya kemave gheɓəmə mbe zəzə nya tewəfərə ta Shala. Nahe zəzəa shɛ kenza tewəfərə se vəashi, 26ama tsetsenya ne, nahe zeweve ta ŋkɛ kencɛte nda geva ke kweci hwelefefi laka palepa nyi rafete ka mɛ ŋkwa, kala nya gezete Shala nya kaghala ghala, kezha yɛ ŋkɛ hɛ ba'a kezha fa nda ghena hɛ.
27Ŋa Shala nya kentsehwele ntsehwele kwetɛŋenyɛ nza zləvə, laka Yɛsə Kriste kaghala ghala! Amɛn.
Currently Selected:
Ka Rome 16: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Ka Rome 16
16
Njiŋwe ŋkwa
1Wa nya 'ya kaghwene ŋayɛ Fɛbɛ, wəzha ta meyɛ ɓəmə nya kekemane ŋkwa mbe Jikə ta ka Kriste nya mbe Saŋkerɛ. 2Kemaneve mə ŋkɛ te sləa Nde sleke ŋkwa, kala nya mene mbelia Shala, kemane mə ŋkɛ mbe yayata və nya ɗe kamene ta ŋayɛ nde. Ghenta le ghəa nta nde se kakemane mbeli kwele kwele. Nahe nde kekemanakɛ ɗa perə.
3Njiŋwakɛ mə Prisile ba'a Akilas nyi menete slene ta Shala n'yɛ le hɛ. 4Mbasa mbasa hɛ kempə tewəmbəreke ya ɗa, deke 'ya nde tsa nda ŋ'wese ke hɛ we, ama pɛtɛa Jikə ta ka Kriste nyi hwa kweci hwelefefi katsa nda hana ke hɛ perə. 5Njiŋwakɛ mə mbeli nyi ketsene geva ki ghɛa nci kasəkwə ghə. Njiŋwakɛ ɗa mə Ɛpayinɛte, mcɛ ɗa ganyɛ. Gheŋkɛ nde ghate kayɛte Kriste hwa ka Azi. 6Njiŋwakɛ mə Mari nya kemenete slene kwele kwele kezha gheyɛ. 7Njiŋwakɛ mə yɛ Andronikəs ba'a Zhəniyas ka menəhɛ ɗa, kwa daŋgayɛ se hɛ le 'ya perə. Kwele kwele hwəma hɛ mbeli hwa ka ghwene ta Yɛsə Kriste, mpelɛa hɛ nza kaka Kriste ke 'ya.
8Njiŋwakɛ mə Ampliyatəs nya kamcɛ ɗa laka Nde sleke ŋkwa. 9Njiŋwakɛ mə Ərbɛŋe nya kekemanakɛ n'yɛ le slene ta Kriste kamene, tsagha Stashis mcɛ ɗa ganyɛ. 10Njiŋwakɛ mə Apɛle nya kencɛte yɛ ta ŋkɛ kezha Yɛsə. Njiŋwakɛ mə mbelia Aristobəle. 11Njiŋwakɛ mə menə ɗa Hɛrodiyon. Njiŋwakɛ mə mbelia Narsise nyi keyɛte Nde sleke ŋkwa. 12Njiŋwakɛ mə Trifɛne ba'a Trifoze nyi kehwepe ghə yitea slene ta Nde sleke ŋkwa. Njiŋwakɛ ɗa mə mcɛ ɗa Pɛrside, kwele kwele hwepete ghə nde yitea slene ta Nde sleke ŋkwa. 13Njiŋwakɛ mə Rəfəs, wəndə nya ntave Shala, tsagha meghekɛ nya kenza kame ɗa perə. 14Njiŋwakɛ mə Asinkrite, Flɛgon, Hɛrmɛs, Patrobas, Hɛrmas ba'a kweci ka kesaka ma nyi nza hɛ le hɛ. 15Njiŋwakɛ mə yɛ Filologe le Zhəli, yɛ Nɛrɛ le wəzha ta meghekɛ, yɛ Olimpas le mbelia Shala nyi nza hɛ le hɛ pɛtɛ.
16Njiŋwakɛ mə ghəa ŋayɛ le zlama kala ka mama. Pɛtɛa Jikə ta ka Kriste nyi teke kanjiŋwe ŋayɛ.
Ka keɗaŋe ta ncɛ ntsehwele ta Pol
17Ka kesaka ma, təhwə təhwə ŋayɛ 'ya, ya mə ghəa ŋayɛ va mbeli nyi keve nehe geva kwelɛ ba'a nyi keza ka Kriste laka ɗema ghena nya tekeve yɛ. Slə ŋayɛ mə yitea mbeli nyi kala nyighɛ. 18Kwa nza ŋkɛ ma mbeli nyi kemene kala nya ne, slene ta Nde sleke ɓəmə Yɛsə Kriste yamene hɛ we, ama deke hwəa nci yamene nda slene hɛ, kaghwete ka dewə ŋeli hɛ le ghena ta nci nyi zeɗe zeɗe ba'a keghwete ŋkwa. 19Pɛtɛ mbeli keɗepe yɛ fete ta ŋayɛ ke Nde sleke ŋkwa. Zlama yazlama 'ya te gheyɛ. Ama kaɗe 'ya kasepa ghena ganyɛ yɛ le ntsehwele, kaɗema kajikə geva le wəsə kwa ndiremi. 20Ma Shala nya keve nda kwelɛŋe ke mbeli ne, gheŋkɛ nde təhə Satan mbe seɗa ta ŋayɛ.
Pa zlaɓa ta Nde sleke ŋkwa Yɛsə nza le gheyɛ.
21Kanjiŋwe ŋayɛ Timotɛ nya kekemane ɗa va slene, tsagha ka menəhɛ ɗa, Ləsiyəs, Zhazon ba'a Sosipatɛr.
22'Ya Tɛrtiyəs nde rafete palepa nya, kanjiŋwe ŋayɛ 'ya te sləa Nde sleke ŋkwa.
23Kanjiŋwe ŋayɛ Gayəs nya nza 'ya ki ghɛa ŋkɛ. Ki tsene geva ka Kriste pɛtɛ. Kanjiŋwe ŋayɛ Ɛraste, wəndə nya ketsene cɛdɛ nya mbe meleme, tsagha wəza meyɛ n'yɛ Kartəs.
24Pa zlaɓa ta Nde sleke ɓəmə Yɛsə Kriste nza le gheyɛ pɛtɛ. Amɛn.
Tsahe mə Shala tehwə ghweme
25Tsahe ɓəmə Shala. Berete yave gare kezha ntsə ŋayɛ laka Ghena kwatenca nya ganyɛ nya zlape 'ya. Ghena ta Yɛsə Kriste yazlape 'ya yipə yipə le ɗepe wəsə nya kemave gheɓəmə mbe zəzə nya tewəfərə ta Shala. Nahe zəzəa shɛ kenza tewəfərə se vəashi, 26ama tsetsenya ne, nahe zeweve ta ŋkɛ kencɛte nda geva ke kweci hwelefefi laka palepa nyi rafete ka mɛ ŋkwa, kala nya gezete Shala nya kaghala ghala, kezha yɛ ŋkɛ hɛ ba'a kezha fa nda ghena hɛ.
27Ŋa Shala nya kentsehwele ntsehwele kwetɛŋenyɛ nza zləvə, laka Yɛsə Kriste kaghala ghala! Amɛn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.