Matiye 9
9
Yɛsə kambe nde mte mtea geva
(MRK 2.1-12; LWK 5.17-26)
1Pa Yɛsə dzawa kwambelə, pa zhɛneke geva kadzembe meleme ta ŋkɛ. 2Pa kweci mbeli keleke nda kwete nde mte mtea geva meɓelahe te gezle ta ŋkɛ. Ma kwa nakɛ yɛ ta mbelia shɛhɛ Yɛsə ne, ma ke sha nde mte mtea geva: «Ghazlənəma na ma, wəzege ta ɗa. Nahe jaɗafa ta ŋa kekelemte geva te wənə.» 3Ma ke kweci ka rafe wəsə mahalegə mbe ghəa nci: «Shala yaŋele wəndə nya.» 4Nahe Yɛsə keɗepe wəsə nya zəzə hɛ, ma ke sha hɛ: «Va wa zəzə wəsə kwa ndiremi yɛ kala nya wa? 5Wa ya dekwede ma wa? Geze: Nahe jaɗafa ta ŋa kekelemte geva te wənə na, na geze: Sate te ŋkwa ba'a dzeghwa na? 6Ama kaɗe 'ya kaɗepe yɛ berete ya va Wəzege ta za kezha kelemte jaɗafa ta mbeli te wənə kwake te hɛɗi. Ma ke sha nde mte mtea geva: Sate ŋa, kelete gezle ta ŋa, kwiɗi sha ghɛa ŋa.» 7Pelɛhetɛme wəndəa shɛ sate, cape ŋkɛ kalə sha ghɛa ŋkɛ. 8Ma kwa nakɛ ŋkɛ mbeli kala nya ne, benake hɛ va ghazlənə, ntake hɛ kave zləvə te Shala nya kendeke nda berete ke mbeli kala nya.
Yɛsə kaheka Matiye
(MRK 2.13-17; LWK 5.27-32)
9Cape Yɛsə yitea dzeghwa ta ŋkɛ. Ma dzeyi ŋkɛ tagha ne, dəkwə ŋkɛ te kwete wəndə nya nza sləa ŋkɛ kaMatiye, mentishɛ ŋkɛ te ŋkwa ketsehe jaɓeregwale. Ma ke Yɛsə shɛ: «Təkwə təkwə ɗa.» Pelɛhetɛme Matiye sate, pa təkwə təkwəte ŋkɛ.
10Ma kwa zeme ɗafa Yɛsə ki ghɛa Matiye, kwele kwele kweci ka tsehe jaɓeregwale ba'a ka jaɗafa se kazeme ɗafa le Yɛsə ba'a mbeli nyi ketəkwə təkwə ŋkɛ. 11Ma kwa nakɛ wəsəa shɛ ka Fariziyɛn ne, ma ke hɛ sha mbeli nyi ketəkwə təkwə: «Wa raberə nda zeme ɗafa Nde sleke ŋayɛ le ka tsehe jaɓeregwale ba'a ka jaɗafa wa?» 12Nahe Yɛsə kefate. Ma ke sha hɛ: «Wa tsewe va mbeli nyi lɛŋe lɛŋe le dakwəterə wa? Nda mbeli nyi shewə nde ɗe dakwəterə. 13Kwiɗi mə kazəzə te Ghena ta Shala: Zhɛ heli yaɗe 'ya, mba melɛ nyi dzeghe ɗa mbeli le wəshi keseɗa. Kese 'ya kaheka mbeli nyi tiɗiɗi we, ama nyi kaka jaɗafa.»
'Yɛwe te ghəa səwəmayɛ
(MRK 2.18-22; LWK 5.33-39)
14Pa mbeli nyi ketəkwə təkwə Zhaŋe Batiste se sha Yɛsə. Ma ke hɛ 'yɛwete ve: «Ma vəa nya mene səwəmayɛ ghen'yɛ ba'a ka Fariziyɛn ne, yitea wa ɗema ŋa ŋa mbeli kamene wa?» 15Ma ke Yɛsə sha hɛ: «Ma zəzə yɛ ne, wərə mbeli nyi hekakɛ mbeli yitea makwa kanehwene za makwa tagha ŋkɛ hwa hɛ na? Ama katese kwete və nya tekelehwe za makwa mbeli va hɛ, te vecia shɛ temene səwəmayɛ hɛ.
16Wəndə shɛ kentsəzlə zlave mɛnɛfɛ te meha lekwesa we. Pɛtɛ tefiwəke meha lekwesa nyagha ŋkɛ, mbake nza ŋkwahe ta ŋkɛ va zlave mɛnɛfɛ nyagha. 17Wəndə shɛ kasheke tɛ kwa ghɛni mɛnɛfɛ kwa slibə hweta nya kameha we. Ma kemenete mbeli tsagha ne, katewətətsə slibəa shɛ. Kasheke tɛa shɛ ba'a kabeze slibəa shɛ. Slibə mɛnɛfɛ yasheke tɛ kwa ghɛni mbeli kadzawa, nda nza hɛ megela.»
Wəzha ta wəndəa kwelea ka Zhəwif ba'a male nya kekwaɗakɛ lekwesa ta Yɛsə
(MRK 5.21-43; LWK 8.40-56)
18Ma vəa ŋkwa nya geze nda ghena Yɛsə ke hɛ ne, pɛkwe kwete wəndə kwelea ka Zhəwif. Pa gwəɗəŋənyɛ mbe kema ta ŋkɛ kahawe ve. Ma ke shɛ: Nahe wəzha ta ɗa kemtenyɛ tsetsenya, nde dapakɛ le dzeve ta ŋa yitea mbele nda nde. 19Pelɛhetɛme Yɛsə, cape ŋkɛ kwa sebe ta ŋkɛ le mbeli nyi ketəkwə təkwə ŋkɛ.
20Tagha kwete male nya hwɛ mimi yite ghala va meŋe bakeghəmbe. Pa nde hendeke geva kwetere wəmbəa Yɛsə, pa nde kwaɗakɛ mɛa lekwesa ta ŋkɛ. 21Ma ke mbe ghəa nta: «Ma ya wərə 'ya kakwaɗakɛ lekwesa ta ŋkɛ ne, pələsə tenza 'ya.» 22Tewətelɛwe Yɛsə zhɛrete geva kanewe ŋkɛ. Ma ke shɛ: «Hwepete ghə wəzha ta ɗa. Yɛ ta ŋa nde mbete ŋa.» Te ŋkwa shɛnyɛ, pələsə malea shɛ.
23Hwa'a Yɛsə ki ghɛa wəndə kwelea shɛ. Pa ŋkɛ nakɛ ka tsa wəshi ɗeke ɗeke kezha la ŋkɛ ba'a mbeli kwele kwele nyi kenehwene ghwərəmə təmə. 24Ma ke sha hɛ: «Jive ŋayɛ mə, kwa nza ŋkɛ kemte wəzha shɛ we, yitea hɛ nde.» Ntake hɛ kaŋ'wəshi Yɛsə. 25Ma kwa ŋkamte hɛ mbeli kashave te ŋwela, pa Yɛsə dzembe cɛa shɛ. Pa ŋkɛ keseve wəzha shɛ te dzeve. Pa wəzha shɛ feɗeghe nda. 26Pɛtɛ ghena shɛ pesleyi geva mbe hɛɗia shɛ.
Yɛsə kapele nda ntsə ke ka ghwələa kɛfi bake
27Ntəŋə Yɛsə slə tagha. Ma dzeyi ŋkɛ te kwete ŋkwa, cape kweci ka ghwələa kɛfi bake kwetere wəmbəa ŋkɛ, ma ke hɛ sha lewela: «Zhɛ heli yitea ghen'yɛ, Wəzege ta David.» 28Ma kwa ntsehe Yɛsə ki ghɛ ne, pa ka ghwələa kɛfi hendave nda geva. Ma ke Yɛsə sha hɛ: «Nahe yɛ keyɛte wərə 'ya kamenete wəsəa shɛ na?» Ma ke hɛ shɛ: «E'e, Nde sleke ŋkwa.» 29Pa Yɛsə kwaɗakɛ ntsə ta nci. Ma ke sha hɛ: Yipəyi ŋayɛ geva ŋkɛ kwa kala yɛ ta ŋayɛ. 30Pa ntsə ta nci pelenji. Ma ke Yɛsə gezete nda ghena ke hɛ le berete: Fa mə ndeɗekə, yagha kwete wəndə teɗepe wəsə nya gɛ shi. 31Ama shavema ta nci ne, ntake hɛ kageze wəsə nya menete Yɛsə dzeyi mbe pɛtɛa hɛɗia shɛ.
Yɛsə kambe mədəŋə
32Ma kwa dzeghwanji mbeli nyi bakea shɛhɛ ne, pa mbeli keleke nda kwete wəndə nya keshɛma geze ghena, va nya nza 'yi'yɛghwə yitea ghə ve. 33Ma kwa ŋkamte 'yi'yɛghwə Yɛsə yite, ntake ŋkɛ kageze ghena. Nahe mbeli kenza hehake. Ma ke hɛ: Kegha mbeli nakɛ wəsə nya kala nya ghalanza hwa ka Israyɛl we. 34Ma ke ka Fariziyɛn kwalɛ ŋa nci: «Meghea 'yi'yɛghwə nde ve nda berete keŋka 'yi'yɛghwə nyi shave mbe mbeli.»
Yɛsə kazhɛ heli yitea mbeli
35Cape Yɛsə yitea dzeghwa dzeyi mbe meleme nyi jama jama ba'a nyi ɓɛhwɛ ɓɛhwɛ. Kateke nda wəshi ŋkɛ ke mbeli mbe cɛ kesəkwə ghə, kancɛ nda Ghena kwatenca nya ganyɛ ta Meghea Shala ŋkɛ ke hɛ, pɛtɛ ŋkɛ mbete mbeli va pɛtɛa zereghwe ba'a pɛtɛa gweleba. 36Ma kwa nakɛ mbeli kwele kwele ŋkɛ, ntake heli kazhɛ nda yitea hɛ, va nya nza ŋkɛ leɓakwe hɛ, tsekwe tseɗekwe helia nci, dewə ŋelia nci kala timɛti nyi ɗema wəndə kaya hɛ shɛ. 37Ma ke Yɛsə sha mbeli nyi ketəkwə təkwə: Kwele kwele wəshi te wəve, ama dewə ka mene slene kezha mene hɛ kasheke. 38Səkwə mə wəndə ke wəve kezha ghwene ka mene slene ŋkɛ kezha mene wəshia shɛhɛ kasheke.
Currently Selected:
Matiye 9: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Matiye 9
9
Yɛsə kambe nde mte mtea geva
(MRK 2.1-12; LWK 5.17-26)
1Pa Yɛsə dzawa kwambelə, pa zhɛneke geva kadzembe meleme ta ŋkɛ. 2Pa kweci mbeli keleke nda kwete nde mte mtea geva meɓelahe te gezle ta ŋkɛ. Ma kwa nakɛ yɛ ta mbelia shɛhɛ Yɛsə ne, ma ke sha nde mte mtea geva: «Ghazlənəma na ma, wəzege ta ɗa. Nahe jaɗafa ta ŋa kekelemte geva te wənə.» 3Ma ke kweci ka rafe wəsə mahalegə mbe ghəa nci: «Shala yaŋele wəndə nya.» 4Nahe Yɛsə keɗepe wəsə nya zəzə hɛ, ma ke sha hɛ: «Va wa zəzə wəsə kwa ndiremi yɛ kala nya wa? 5Wa ya dekwede ma wa? Geze: Nahe jaɗafa ta ŋa kekelemte geva te wənə na, na geze: Sate te ŋkwa ba'a dzeghwa na? 6Ama kaɗe 'ya kaɗepe yɛ berete ya va Wəzege ta za kezha kelemte jaɗafa ta mbeli te wənə kwake te hɛɗi. Ma ke sha nde mte mtea geva: Sate ŋa, kelete gezle ta ŋa, kwiɗi sha ghɛa ŋa.» 7Pelɛhetɛme wəndəa shɛ sate, cape ŋkɛ kalə sha ghɛa ŋkɛ. 8Ma kwa nakɛ ŋkɛ mbeli kala nya ne, benake hɛ va ghazlənə, ntake hɛ kave zləvə te Shala nya kendeke nda berete ke mbeli kala nya.
Yɛsə kaheka Matiye
(MRK 2.13-17; LWK 5.27-32)
9Cape Yɛsə yitea dzeghwa ta ŋkɛ. Ma dzeyi ŋkɛ tagha ne, dəkwə ŋkɛ te kwete wəndə nya nza sləa ŋkɛ kaMatiye, mentishɛ ŋkɛ te ŋkwa ketsehe jaɓeregwale. Ma ke Yɛsə shɛ: «Təkwə təkwə ɗa.» Pelɛhetɛme Matiye sate, pa təkwə təkwəte ŋkɛ.
10Ma kwa zeme ɗafa Yɛsə ki ghɛa Matiye, kwele kwele kweci ka tsehe jaɓeregwale ba'a ka jaɗafa se kazeme ɗafa le Yɛsə ba'a mbeli nyi ketəkwə təkwə ŋkɛ. 11Ma kwa nakɛ wəsəa shɛ ka Fariziyɛn ne, ma ke hɛ sha mbeli nyi ketəkwə təkwə: «Wa raberə nda zeme ɗafa Nde sleke ŋayɛ le ka tsehe jaɓeregwale ba'a ka jaɗafa wa?» 12Nahe Yɛsə kefate. Ma ke sha hɛ: «Wa tsewe va mbeli nyi lɛŋe lɛŋe le dakwəterə wa? Nda mbeli nyi shewə nde ɗe dakwəterə. 13Kwiɗi mə kazəzə te Ghena ta Shala: Zhɛ heli yaɗe 'ya, mba melɛ nyi dzeghe ɗa mbeli le wəshi keseɗa. Kese 'ya kaheka mbeli nyi tiɗiɗi we, ama nyi kaka jaɗafa.»
'Yɛwe te ghəa səwəmayɛ
(MRK 2.18-22; LWK 5.33-39)
14Pa mbeli nyi ketəkwə təkwə Zhaŋe Batiste se sha Yɛsə. Ma ke hɛ 'yɛwete ve: «Ma vəa nya mene səwəmayɛ ghen'yɛ ba'a ka Fariziyɛn ne, yitea wa ɗema ŋa ŋa mbeli kamene wa?» 15Ma ke Yɛsə sha hɛ: «Ma zəzə yɛ ne, wərə mbeli nyi hekakɛ mbeli yitea makwa kanehwene za makwa tagha ŋkɛ hwa hɛ na? Ama katese kwete və nya tekelehwe za makwa mbeli va hɛ, te vecia shɛ temene səwəmayɛ hɛ.
16Wəndə shɛ kentsəzlə zlave mɛnɛfɛ te meha lekwesa we. Pɛtɛ tefiwəke meha lekwesa nyagha ŋkɛ, mbake nza ŋkwahe ta ŋkɛ va zlave mɛnɛfɛ nyagha. 17Wəndə shɛ kasheke tɛ kwa ghɛni mɛnɛfɛ kwa slibə hweta nya kameha we. Ma kemenete mbeli tsagha ne, katewətətsə slibəa shɛ. Kasheke tɛa shɛ ba'a kabeze slibəa shɛ. Slibə mɛnɛfɛ yasheke tɛ kwa ghɛni mbeli kadzawa, nda nza hɛ megela.»
Wəzha ta wəndəa kwelea ka Zhəwif ba'a male nya kekwaɗakɛ lekwesa ta Yɛsə
(MRK 5.21-43; LWK 8.40-56)
18Ma vəa ŋkwa nya geze nda ghena Yɛsə ke hɛ ne, pɛkwe kwete wəndə kwelea ka Zhəwif. Pa gwəɗəŋənyɛ mbe kema ta ŋkɛ kahawe ve. Ma ke shɛ: Nahe wəzha ta ɗa kemtenyɛ tsetsenya, nde dapakɛ le dzeve ta ŋa yitea mbele nda nde. 19Pelɛhetɛme Yɛsə, cape ŋkɛ kwa sebe ta ŋkɛ le mbeli nyi ketəkwə təkwə ŋkɛ.
20Tagha kwete male nya hwɛ mimi yite ghala va meŋe bakeghəmbe. Pa nde hendeke geva kwetere wəmbəa Yɛsə, pa nde kwaɗakɛ mɛa lekwesa ta ŋkɛ. 21Ma ke mbe ghəa nta: «Ma ya wərə 'ya kakwaɗakɛ lekwesa ta ŋkɛ ne, pələsə tenza 'ya.» 22Tewətelɛwe Yɛsə zhɛrete geva kanewe ŋkɛ. Ma ke shɛ: «Hwepete ghə wəzha ta ɗa. Yɛ ta ŋa nde mbete ŋa.» Te ŋkwa shɛnyɛ, pələsə malea shɛ.
23Hwa'a Yɛsə ki ghɛa wəndə kwelea shɛ. Pa ŋkɛ nakɛ ka tsa wəshi ɗeke ɗeke kezha la ŋkɛ ba'a mbeli kwele kwele nyi kenehwene ghwərəmə təmə. 24Ma ke sha hɛ: «Jive ŋayɛ mə, kwa nza ŋkɛ kemte wəzha shɛ we, yitea hɛ nde.» Ntake hɛ kaŋ'wəshi Yɛsə. 25Ma kwa ŋkamte hɛ mbeli kashave te ŋwela, pa Yɛsə dzembe cɛa shɛ. Pa ŋkɛ keseve wəzha shɛ te dzeve. Pa wəzha shɛ feɗeghe nda. 26Pɛtɛ ghena shɛ pesleyi geva mbe hɛɗia shɛ.
Yɛsə kapele nda ntsə ke ka ghwələa kɛfi bake
27Ntəŋə Yɛsə slə tagha. Ma dzeyi ŋkɛ te kwete ŋkwa, cape kweci ka ghwələa kɛfi bake kwetere wəmbəa ŋkɛ, ma ke hɛ sha lewela: «Zhɛ heli yitea ghen'yɛ, Wəzege ta David.» 28Ma kwa ntsehe Yɛsə ki ghɛ ne, pa ka ghwələa kɛfi hendave nda geva. Ma ke Yɛsə sha hɛ: «Nahe yɛ keyɛte wərə 'ya kamenete wəsəa shɛ na?» Ma ke hɛ shɛ: «E'e, Nde sleke ŋkwa.» 29Pa Yɛsə kwaɗakɛ ntsə ta nci. Ma ke sha hɛ: Yipəyi ŋayɛ geva ŋkɛ kwa kala yɛ ta ŋayɛ. 30Pa ntsə ta nci pelenji. Ma ke Yɛsə gezete nda ghena ke hɛ le berete: Fa mə ndeɗekə, yagha kwete wəndə teɗepe wəsə nya gɛ shi. 31Ama shavema ta nci ne, ntake hɛ kageze wəsə nya menete Yɛsə dzeyi mbe pɛtɛa hɛɗia shɛ.
Yɛsə kambe mədəŋə
32Ma kwa dzeghwanji mbeli nyi bakea shɛhɛ ne, pa mbeli keleke nda kwete wəndə nya keshɛma geze ghena, va nya nza 'yi'yɛghwə yitea ghə ve. 33Ma kwa ŋkamte 'yi'yɛghwə Yɛsə yite, ntake ŋkɛ kageze ghena. Nahe mbeli kenza hehake. Ma ke hɛ: Kegha mbeli nakɛ wəsə nya kala nya ghalanza hwa ka Israyɛl we. 34Ma ke ka Fariziyɛn kwalɛ ŋa nci: «Meghea 'yi'yɛghwə nde ve nda berete keŋka 'yi'yɛghwə nyi shave mbe mbeli.»
Yɛsə kazhɛ heli yitea mbeli
35Cape Yɛsə yitea dzeghwa dzeyi mbe meleme nyi jama jama ba'a nyi ɓɛhwɛ ɓɛhwɛ. Kateke nda wəshi ŋkɛ ke mbeli mbe cɛ kesəkwə ghə, kancɛ nda Ghena kwatenca nya ganyɛ ta Meghea Shala ŋkɛ ke hɛ, pɛtɛ ŋkɛ mbete mbeli va pɛtɛa zereghwe ba'a pɛtɛa gweleba. 36Ma kwa nakɛ mbeli kwele kwele ŋkɛ, ntake heli kazhɛ nda yitea hɛ, va nya nza ŋkɛ leɓakwe hɛ, tsekwe tseɗekwe helia nci, dewə ŋelia nci kala timɛti nyi ɗema wəndə kaya hɛ shɛ. 37Ma ke Yɛsə sha mbeli nyi ketəkwə təkwə: Kwele kwele wəshi te wəve, ama dewə ka mene slene kezha mene hɛ kasheke. 38Səkwə mə wəndə ke wəve kezha ghwene ka mene slene ŋkɛ kezha mene wəshia shɛhɛ kasheke.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.