1 Timoti 6
6
1Ẹkpe ni dị oomo ạbulo oḍighi rẹbene kolegheri mọ ạburude-otu phọ ạbuno ọkpe ni ọlogh eghuan, ọbo oye kakol ghan bọ ịkaraph ḍien phọ Ẹnaan rꞌịtughemi phọ ayira. 2Ạrebene lọ ạburude-otu phọ ạbidi momeeraam kụ́tuan mọ ạbuno rꞌạburude otu phọ ạbuno moḍighi bumor bịn ọḅitonaan bịdi. Bịdi ọkuami ghụn okumu ghan ọngo, ịdi eḍighi bọ bụphe rọsighe bọ sụo oḍighi phọ ạbidi, iiḅi asiya dị bịdi ọphomoghian!
Ịtughemi ọkpe rꞌegey ẹelha
Kạaph ghan ịphen phọ ạtughemiom. 3Tọrobo oye lọ rạtughemi ghan ịlo ẹgbatanaan igey ikpo ọnhu phọ ạJizos Kraist Ọmoogh-we phọ ayira, rꞌịtughemi phọ ẹḅophan bọ omeeraam mọ, 4maphughonu rꞌabagaam rꞌelologhi. Ọdi ạmoogh ekpooko ọgbaragbara rꞌọokonoghian ghan ikpo ọnhu lọ ẹkpe ọghaaphom, kụ ịphen phọ rẹkom ghan ologhi ẹḍim rꞌịruonu, rꞌitonyonaan, rꞌeepua iḅiligha keseere. 5Ḅịle kẹn awe dị iloghi ạbidi meeph, igey phọ kẹn bịdi ílhoonaan mun, rọ́gba ghan mem ọogbaghanaan rꞌọdi. Bụen phọ rọotughian ghan mọ oḍighi ghan oḍighi phọ Ẹnaan, pọ omuul aḍighi ạsuo.
6Oye rạmoogh ghan ni iboom sụo esi oḍighi Ẹnaan phọ, eḍighi ịyaar dị ịlo ọdi ạmoogh rẹgbaanyan ghan ni nyọdi. (Oseleman rꞌọgbaanyan eḍighi ni ogbogh ạsuo.) 7Yira ụpham eeghe kụ orumom bọ sịen aḅirini phọ? Ịyaar ụ́pam. Yira kọpam eeghe kụ okeelom kꞌạda-otu? Ịyaar kọ́pam. 8Loor ịphen phọ, eḍien rꞌarukpe lọ yira ọmoogh ịgbaanyan ghan ni iyira. 9Bụphe rọwa ghan bọ oḍighi ạraalha phọ romeel ghan koḍighanaan ọdegh ophogh, ḅịle kẹn komeel ḍiphil ịbadi ạruuphua elologhi rꞌịlo aḍuugh-aḍuugh, ịpe reegulemi ghan bọ oye kẹngoom muphe. 10Ekpooko ikpoki kụ azin ọdo kịrokiro ịkaraph. Buniin mọtuan ni osiphigha ikpoki bịn ope eten ọbile ịpe omeeraam mọ ạḅem bọ, kụ ọto maḍigh ragimi iloghi phọ ạbidi ịdipho iitoor.
Oroma dị mị raroma nyịna
11Kụ nạ phọ aḍighi bọ oye Ẹnaan, kel ghan oomo ạraraar phọ ịphen, wạ ghan ghụn ruukuan, rꞌolegheri Ẹnaan, rꞌomeeraam, rꞌẹphomoghian, rꞌọkparam, rꞌomiighe aloor. 12Kpạrami ḍịghaagh aghiil aani eghiil phọ bụphe momeeraam bọ rokiil bọ, pịdi ạmoogh ghuḍum kꞌagee-pọ ạngo loor phọ ạna. Ẹnaan ịtuan ghuḍum mọ ạkuen phọ kụ ẹmagh bọ nyịna, mem mọ nạ amighirom bọ ni ạmeera ghisigh ịbadi awe ạghaaph omeeraam mọ ạna amitiom. 13#Jọn 18.37Mị ạto rạḅeni nyịna ghisigh Ẹnaan phọ rẹngo ghan bọ oomo ạraraar ghuḍum rꞌaghisigh ạJizos Kraist phọ amighirom bọ ni ạmeera ghisigh ạPontios Pailet mọ 14kooko ni rꞌịyaar kị́biph ologh phọ, ạmaar aseleman, tụtu ẹteeny ḍio phọ ạJizos Kraist Ọmoogh-we phọ ayira kamite bọ egaan phọ. 15Kemunughan ni ọkaraghi amem mọ, kụ Ẹnaan Ạḍiseph phọ, Oogboom ịiruen phọ, Ọdaam aḅirini rꞌỌmoogh-we dị emuton nyọdi ọnon úlho ghan. 16Ọdi bịn kụ ọdi rámugh ghan, atugh sịphe ạḍiḅaal phọ oye ẹda kạ́daari bọ. Oye ekpeḍien nyọdi kọ̋miinom ghan, kụ oye ekpeḍien nyọdi kạ́miinom. Eegu phọ rꞌịikpo kꞌagee-pọ phọ ẹrolonaan nyọdi! Ẹrol li ịdipho!
17Ḅẹni ni ạkpaariom bụphe ọmoogh bọ ẹelha ịsien aḅirini phọ mọ bịdi kúbaga, ḅịle mọ bịdi kụ́sighe oḍuom ologhi ạbidi useere loor ẹelha phọ reten bọ oler phọ, oseere ghụn ni esi Ẹnaan phọ rịngo ghan bọ iyira oomo ạraraar lọ yira kọkelhom. 18Ḅẹni ni mọ bịdi oḍighi ghan igey, iiḅi iiḍighi kụ eḍighi ẹelha phọ ạbidi, onmo ghan inmo, ọḅile ọrol ghan wịriwiri. 19Ịduon phọ kụ ịdi bịdi koseerian ẹkuakua ẹelha okoriom mem dị edi ghisigh, kụ bịdi ogbi nụun ọmoogh ọkaraghi akugey aghuḍum mọ.
20Timoti, mạar aseere ịpe ọḅogh bọ ọlogh ḍịghaagh phọ ạna ọpham mọ, ụ́naghanan ghan eepua ọghaaph rꞌọogbaghanaan elologhi phọ buniin awe rokol ghan bọ mọ “olegheri ịyaar” phọ. 21Ịyaar phọ eḍighi bọ, buniin rọḅem ghan mọ bụno molegheri ịyaar, kụ mọtuan ịduon phọ ọḍua esi omeeraam mọ, ope eten.
Ooḅi ọghor phọ kꞌẸnaan ạrolonaan oomo phọ anyina!
Currently Selected:
1 Timoti 6: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
1 Timoti 6
6
1Ẹkpe ni dị oomo ạbulo oḍighi rẹbene kolegheri mọ ạburude-otu phọ ạbuno ọkpe ni ọlogh eghuan, ọbo oye kakol ghan bọ ịkaraph ḍien phọ Ẹnaan rꞌịtughemi phọ ayira. 2Ạrebene lọ ạburude-otu phọ ạbidi momeeraam kụ́tuan mọ ạbuno rꞌạburude otu phọ ạbuno moḍighi bumor bịn ọḅitonaan bịdi. Bịdi ọkuami ghụn okumu ghan ọngo, ịdi eḍighi bọ bụphe rọsighe bọ sụo oḍighi phọ ạbidi, iiḅi asiya dị bịdi ọphomoghian!
Ịtughemi ọkpe rꞌegey ẹelha
Kạaph ghan ịphen phọ ạtughemiom. 3Tọrobo oye lọ rạtughemi ghan ịlo ẹgbatanaan igey ikpo ọnhu phọ ạJizos Kraist Ọmoogh-we phọ ayira, rꞌịtughemi phọ ẹḅophan bọ omeeraam mọ, 4maphughonu rꞌabagaam rꞌelologhi. Ọdi ạmoogh ekpooko ọgbaragbara rꞌọokonoghian ghan ikpo ọnhu lọ ẹkpe ọghaaphom, kụ ịphen phọ rẹkom ghan ologhi ẹḍim rꞌịruonu, rꞌitonyonaan, rꞌeepua iḅiligha keseere. 5Ḅịle kẹn awe dị iloghi ạbidi meeph, igey phọ kẹn bịdi ílhoonaan mun, rọ́gba ghan mem ọogbaghanaan rꞌọdi. Bụen phọ rọotughian ghan mọ oḍighi ghan oḍighi phọ Ẹnaan, pọ omuul aḍighi ạsuo.
6Oye rạmoogh ghan ni iboom sụo esi oḍighi Ẹnaan phọ, eḍighi ịyaar dị ịlo ọdi ạmoogh rẹgbaanyan ghan ni nyọdi. (Oseleman rꞌọgbaanyan eḍighi ni ogbogh ạsuo.) 7Yira ụpham eeghe kụ orumom bọ sịen aḅirini phọ? Ịyaar ụ́pam. Yira kọpam eeghe kụ okeelom kꞌạda-otu? Ịyaar kọ́pam. 8Loor ịphen phọ, eḍien rꞌarukpe lọ yira ọmoogh ịgbaanyan ghan ni iyira. 9Bụphe rọwa ghan bọ oḍighi ạraalha phọ romeel ghan koḍighanaan ọdegh ophogh, ḅịle kẹn komeel ḍiphil ịbadi ạruuphua elologhi rꞌịlo aḍuugh-aḍuugh, ịpe reegulemi ghan bọ oye kẹngoom muphe. 10Ekpooko ikpoki kụ azin ọdo kịrokiro ịkaraph. Buniin mọtuan ni osiphigha ikpoki bịn ope eten ọbile ịpe omeeraam mọ ạḅem bọ, kụ ọto maḍigh ragimi iloghi phọ ạbidi ịdipho iitoor.
Oroma dị mị raroma nyịna
11Kụ nạ phọ aḍighi bọ oye Ẹnaan, kel ghan oomo ạraraar phọ ịphen, wạ ghan ghụn ruukuan, rꞌolegheri Ẹnaan, rꞌomeeraam, rꞌẹphomoghian, rꞌọkparam, rꞌomiighe aloor. 12Kpạrami ḍịghaagh aghiil aani eghiil phọ bụphe momeeraam bọ rokiil bọ, pịdi ạmoogh ghuḍum kꞌagee-pọ ạngo loor phọ ạna. Ẹnaan ịtuan ghuḍum mọ ạkuen phọ kụ ẹmagh bọ nyịna, mem mọ nạ amighirom bọ ni ạmeera ghisigh ịbadi awe ạghaaph omeeraam mọ ạna amitiom. 13#Jọn 18.37Mị ạto rạḅeni nyịna ghisigh Ẹnaan phọ rẹngo ghan bọ oomo ạraraar ghuḍum rꞌaghisigh ạJizos Kraist phọ amighirom bọ ni ạmeera ghisigh ạPontios Pailet mọ 14kooko ni rꞌịyaar kị́biph ologh phọ, ạmaar aseleman, tụtu ẹteeny ḍio phọ ạJizos Kraist Ọmoogh-we phọ ayira kamite bọ egaan phọ. 15Kemunughan ni ọkaraghi amem mọ, kụ Ẹnaan Ạḍiseph phọ, Oogboom ịiruen phọ, Ọdaam aḅirini rꞌỌmoogh-we dị emuton nyọdi ọnon úlho ghan. 16Ọdi bịn kụ ọdi rámugh ghan, atugh sịphe ạḍiḅaal phọ oye ẹda kạ́daari bọ. Oye ekpeḍien nyọdi kọ̋miinom ghan, kụ oye ekpeḍien nyọdi kạ́miinom. Eegu phọ rꞌịikpo kꞌagee-pọ phọ ẹrolonaan nyọdi! Ẹrol li ịdipho!
17Ḅẹni ni ạkpaariom bụphe ọmoogh bọ ẹelha ịsien aḅirini phọ mọ bịdi kúbaga, ḅịle mọ bịdi kụ́sighe oḍuom ologhi ạbidi useere loor ẹelha phọ reten bọ oler phọ, oseere ghụn ni esi Ẹnaan phọ rịngo ghan bọ iyira oomo ạraraar lọ yira kọkelhom. 18Ḅẹni ni mọ bịdi oḍighi ghan igey, iiḅi iiḍighi kụ eḍighi ẹelha phọ ạbidi, onmo ghan inmo, ọḅile ọrol ghan wịriwiri. 19Ịduon phọ kụ ịdi bịdi koseerian ẹkuakua ẹelha okoriom mem dị edi ghisigh, kụ bịdi ogbi nụun ọmoogh ọkaraghi akugey aghuḍum mọ.
20Timoti, mạar aseere ịpe ọḅogh bọ ọlogh ḍịghaagh phọ ạna ọpham mọ, ụ́naghanan ghan eepua ọghaaph rꞌọogbaghanaan elologhi phọ buniin awe rokol ghan bọ mọ “olegheri ịyaar” phọ. 21Ịyaar phọ eḍighi bọ, buniin rọḅem ghan mọ bụno molegheri ịyaar, kụ mọtuan ịduon phọ ọḍua esi omeeraam mọ, ope eten.
Ooḅi ọghor phọ kꞌẸnaan ạrolonaan oomo phọ anyina!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS