Olóma 4
4
Ábalaháma a mba ágá odɛ́má yɛ́hɛ́ naá Asaŋa
1Godɔ́ɔdɔ yɛ́ɛyɛ háalá, ŋgáa dɛ ɛ́na boóma bɔ́ɔbɔ bó mbaá bolɛ́ná Isée kɔ́nɔ́ɔ bɛcɔ́ Ábalaháma. A mbaá dáŋábá ɛkádɛ́ naá boɔtɔ bɛ́hɛ́ o? 2Gobɛ́ɛmba gɔ́ɔgɔ Ábalaháma a lɔ́mɔ́ bɛ́ɛ́mbáalú gɛtɛ́nɛ́ɛ, aáŋa bó mbaá lɛ go meŋiigíe mɛ́hɛ́ má moatɛ́, a mba lɛ́ ba go béségi, kanɛ́ caá naá busío bá Asaŋa. 3Kanɛ́, naá Ŋgɔ́ŋɛ́, dɛ bana hɔ́ɔ dɛ amɔ́: «Ábalaháma a mba ágá odɛ́má yɛ́hɛ́ naá Asaŋa, gɔ́ɔ Asaŋa a mbaá mo ɛ́ná gɛtɛ́nɛ́ɛ gá mɔtɔ go busío moánɛ#4.3 Mabayɛga 15.6..» 4Gɔ́ɔgɔ mɔtɔ a ŋamɔ́ buelí, bá báá mo soɛná, bɛsoɛná bɛ́ɛbɛ bɛ́ dɛ bósó pááná, bɛ́ lɔ́mɔ́ bɔ́ɔbɔ a háananamɔ́ na bɔ́ go giukú gɛ́hɛ́. 5Kanɛ́ mɔtɔ mɔ́ɔnyɔ a lɔ́mɔ́ a dɛ ŋanánáa boóma go bogaaga bɛ́hɛ́ bá moatɛ́, a báá ágá odɛ́má yɛ́hɛ́ naá Asaŋa mɔ́ɔnyɔ i íyenyemú ulogílógí gɛtɛ́nɛ́ɛ gá mɔtɔ, Asaŋa a mo ɛ́nana gɛtɛ́nɛ́ɛ go busío moánɛ. 6Nɔ́ɔnɔ gɔ́ɔ Défidi a áganamɔ́ osagɔ yá gɛfona, gɛfona gá mɔ́ɔnyɔ Asaŋa a mo ɛ́nanamɔ́ gɛtɛ́nɛ́ɛ gá mɔtɔ kanɛ go núune meŋiigíe mɛ́hɛ́: 7«Besé makɔ́nɔ́ na báaba Asaŋa a bó héehinenyemú bɛoba bábɔ́ a gunde u úlenye bɛlɔgɔ bábɔ́. 8Besé makɔ́nɔ́ na mɔtɔ mɔ́ɔnyɔ Daadáa a lɔ́mɔ́ a dɛ mo banɛ́ná bɛoba bɛ́hɛ́#4.8 Ɛsagɔ 32.1-2..»
9Kɔ́ɔ ŋgoyáamɔ́ ya besé makɔ́nɔ́ yɛ́ɛyɛ ɛ lɔ́mɔ́ go báaba bá lɔ́mɔ́ ancábáalú, tɔ́nɔ go báaba bá lɔ́mɔ́ kanɛ go ancaba. Dɛ oya kanɛ́ dɛ amɔ́: «Gioliminyo gá Ábalaháma gɛ mba ŋaáa goŋaá Asaŋa a mo ɛ́na gɛtɛ́nɛ́ɛ gá mɔtɔ!» 10Kanɛ́, gɛcamɛna gɛ́hanɛ́ Asaŋa a mbɛɛ́ ɛ́ná Ábalaháma gɛtɛ́nɛ́ɛ gá mɔtɔ o? Bó do mbáa lɛ naá nnyimé yɛhɛ́ ya go ancaba, kanɛ́ bó mbaá lɛ otóotoɛ yá goŋaá a ancaba. 11Otóotoɛ yá goŋaá Ábalaháma a ancaba, a mba lɛ́ gɛtɛ́nɛ́ɛ gá mɔtɔ, goakɛ́ a mba lɛ́ a ágana odɛ́má yɛ́hɛ́ naá Asaŋa. Goana naá nnyimé yɛ́ɛyɔ, gɔ́ɔ a mbaá bɛáa gieninye gá buencí#4.11 Go ɛ́na naá Mabayɛga 17.9-14. gɛ́ɛgɛ gɛ́ mbaá lɛ gɛ́ dúfenye go goŋaá Asaŋa a á mo ɛ́ná gɛtɛ́nɛ́ɛ go gioliminyo gɛ́hɛ́. Caŋa mmue gɔ́ɔ Ábalaháma a mbɛɛ́ ɛ́yá Isée ba biimée báaba bá áganamɔ́ odɛ́má yabɔ́ naá Asaŋa akɛ́ bá lɛ́ kanɛ go ancaba, Asaŋa a bó ɛ́nana bɛtɛ́nɛ́ɛ bá batɔ. 12Ábalaháma, a mbɛ ɛ́yá tɔ́nɔ Isée ba báaba bá lɔ́mɔ́ ancábáalú, kanɛ́ caá goana go buencí bábɔ́ bá nnyɔ́dɔ, kanɛ́ go go bienene gioliminyo gá Isée bɛcɔ́ Ábalaháma gɛ́ɛgɛ a mbaá dúfíe gɛcamɛna gɛ́ɛgɛ a mbaá lɔmɔ́ a gá lɛ́ kanɛ go ancaba.
13Mammana, gɔ́ɔgɔ Asaŋa a mbaá dánɛ́ná Ábalaháma go go bɛa cí na ɛnana yɛhɛ́#4.13 Go ɛ́na naáa Mabayɛga 12.2-3; 17.4-6; 22.15-18., bó do mbáa lɛ go goŋaá a mba beŋé Gicele. Kanɛ́ gó mbaá lɛ goŋaá Asaŋa a mba mó ɛ́ná gɛtɛ́nɛ́ɛ go gioliminyo gɛ́hɛ́. 14Aáŋa bó lɛ́ go goŋaá báaba bá beŋemú Gicele bɔ́ɔ bá háananamɔ́ go bɛa bodáŋɔ naá tánɔ, gásɛ́ gioliminyo gɛ́ lɛ́ kanɛ ndénégé, tánɔ ya Asaŋa kanɛ mbɔ́gɔ́. 15Mammana, Gicele gɛ́ gɛ́ úlenemú na mpímí ya Asaŋa, goakɛ́ bá dɛ gɛ́ bienénée. Kanɛ́ anáa Gicele gɛ́ lɔ́mɔ́ gɛ́ dɛ bɛ́ɛ́mbá, gocaŋabɛna Gicele gó dó báá. 16Go nɔ́ɔ gɔ́ɔ tánɔ ya Asaŋa ɛ lɔ́mɔ́ go báaba bá mo olimonyomú. Tánɔ ya ndiemi ɛ bɛ́ɛmba pááná ya Asaŋa yɛ́ɛyɛ ɛ lɔ́mɔ́ go ɛnana ya Ábalaháma iŋkimée, caá akɛ́ goana yɛ́ɛyɛ ɛ beŋemú Gicele, kanɛ́ go báaba bó olimonyomú aŋa Ábalaháma, goakɛ́ a lɛ́ Isée bɛcɔ́ ba biimée. 17Aŋa bó lɔ́mɔ́ ɔ́ŋɔ́ɔlú go goŋaá: «Ndɛ́ go dílímínyéelú go goŋaá o bɛ́ɛmba Isée ba bitúu bitúu bá mɛɛ́nɔ#4.17 Mabayɛga 17.5..» A lɛ́ Isée bɛcɔ́ naá oŋgíso yá Asaŋa. A ágana toodo odɛ́máa yɛhɛ́ naá mɔ́ɔnyɔ a fáananamɔ́ begúe gɛɔyɔ, mɔ́ɔnyɔ a besenyemú moóma mɔ́ɔmɔ mó lɔ́mɔ́ mó do ɔyɔ́ɔ. 18Kanɛ́ akɛ́ aŋa Ábalaháma a mbaá lɛ gɔnɔ́ kanɛ boóma bá go ágana toodo odɛ́máa go bɔ́ɔ, a mbɛ ɛ́dánáa naá busío a ágana odɛ́má yɛ́hɛ́ naá Asaŋa go tánɔ yɛhɛ́. Gɔ́ɔ a lɔ́mɔ́ ɛ́yáalú Isée ba gɛcɛcá gá mɛɛ́nɔ gɔgɔ́ aŋa Asaŋa a mbaá mó oyáná a amɔ́: Ɛnana yahɔ ɛ ŋga bɛ́ɛ́mbá gɛcɛcá#4.18 Mabayɛga 15.5.. 19A mba lɛ́ a ná lɛ́ go bɛ́ɛ́nana kanɛ bogaaga, goakɛ́, a mba lɛ́ na boóma bá nnyómá ntɛdɛ, tɔ́nɔ okɔ́dɔ bɛhɛ́ Sáála a dɛ gɔnɔ́ bɛ́ɛmba na bogaaga bá go súge ibume, a bíene. Akɛ́ nɔ́ɔnɔ, gioliminyo gɛ́hɛ́ gɛ́ lɛ́ kanɛ go oba go cí#4.19 Go ɛ́na naá Mabayɛga 17.1,15-22.. 20Kanɛ́, gá goŋaá a ága tánɔ ya Asaŋa go cuŋí, i inye go olimonyo, a báá bɛáa bogaaga bɛ́hɛ́ naá gioliminyo, a lɛncana bogɔ́nɔ́ɔ bá Asaŋa. 21A mba lɛ́ gɔnɔ́ na mbémineminie ya goŋaá Asaŋa a bɛanana bogaaga ba go hóogio tánɔ yɛhɛ́. 22Go gioliminyo gɛ́hɛ́ moánɛ gɔ́ɔ Asaŋa a mbaá mo gɔ́lɔ́ gɛtɛ́nɛ́ɛ gá mɔtɔ naá busío bɛ́hɛ́.
23Kanɛ́ nogálɔ nɔ́ɔnɔ bá mbɔɔ́ ɔ́ŋɔ́ bá amɔ́: «Asaŋa a mba mo gɔ́lɔ́ gɛtɛ́nɛ́ɛ gá mɔtɔ naá busío bɛ́hɛ́», nó do mbáa lɛ gɛ́hɛ́ mokáa. 24No lɛ́ tɔ́nɔ gɛ́cɔ́. Asaŋa a ná gɔ́lɔ́ bɛtɛ́nɛ́ɛ bá batɔ naá busío bɛ́hɛ́, bɛɛcɔ́ɔ báaba dɛ áganamɔ́ toodo odɛ́máa yɛcɔ́ naá mɔ́ɔnyɔ a mbaá fúfúné naá olɔŋɔ ya begúe, a lɔ́mɔ́ Yésusu, Daadáa bɛcɔ́. 25Bá mba mo óná go bɛoba bɛ́cɔ́#4.25 Go ɛ́na naá Iseyíi 53.4-6., Asaŋa a báá mo fúfúné go go có íyie bɛtɛ́nɛ́ɛ bá batɔ naá busío bɛ́hɛ́.
Currently Selected:
Olóma 4: YAS
Highlight
Copy
Compare
Share
Want to have your highlights saved across all your devices? Sign up or sign in
Olóma 4
4
Ábalaháma a mba ágá odɛ́má yɛ́hɛ́ naá Asaŋa
1Godɔ́ɔdɔ yɛ́ɛyɛ háalá, ŋgáa dɛ ɛ́na boóma bɔ́ɔbɔ bó mbaá bolɛ́ná Isée kɔ́nɔ́ɔ bɛcɔ́ Ábalaháma. A mbaá dáŋábá ɛkádɛ́ naá boɔtɔ bɛ́hɛ́ o? 2Gobɛ́ɛmba gɔ́ɔgɔ Ábalaháma a lɔ́mɔ́ bɛ́ɛ́mbáalú gɛtɛ́nɛ́ɛ, aáŋa bó mbaá lɛ go meŋiigíe mɛ́hɛ́ má moatɛ́, a mba lɛ́ ba go béségi, kanɛ́ caá naá busío bá Asaŋa. 3Kanɛ́, naá Ŋgɔ́ŋɛ́, dɛ bana hɔ́ɔ dɛ amɔ́: «Ábalaháma a mba ágá odɛ́má yɛ́hɛ́ naá Asaŋa, gɔ́ɔ Asaŋa a mbaá mo ɛ́ná gɛtɛ́nɛ́ɛ gá mɔtɔ go busío moánɛ#4.3 Mabayɛga 15.6..» 4Gɔ́ɔgɔ mɔtɔ a ŋamɔ́ buelí, bá báá mo soɛná, bɛsoɛná bɛ́ɛbɛ bɛ́ dɛ bósó pááná, bɛ́ lɔ́mɔ́ bɔ́ɔbɔ a háananamɔ́ na bɔ́ go giukú gɛ́hɛ́. 5Kanɛ́ mɔtɔ mɔ́ɔnyɔ a lɔ́mɔ́ a dɛ ŋanánáa boóma go bogaaga bɛ́hɛ́ bá moatɛ́, a báá ágá odɛ́má yɛ́hɛ́ naá Asaŋa mɔ́ɔnyɔ i íyenyemú ulogílógí gɛtɛ́nɛ́ɛ gá mɔtɔ, Asaŋa a mo ɛ́nana gɛtɛ́nɛ́ɛ go busío moánɛ. 6Nɔ́ɔnɔ gɔ́ɔ Défidi a áganamɔ́ osagɔ yá gɛfona, gɛfona gá mɔ́ɔnyɔ Asaŋa a mo ɛ́nanamɔ́ gɛtɛ́nɛ́ɛ gá mɔtɔ kanɛ go núune meŋiigíe mɛ́hɛ́: 7«Besé makɔ́nɔ́ na báaba Asaŋa a bó héehinenyemú bɛoba bábɔ́ a gunde u úlenye bɛlɔgɔ bábɔ́. 8Besé makɔ́nɔ́ na mɔtɔ mɔ́ɔnyɔ Daadáa a lɔ́mɔ́ a dɛ mo banɛ́ná bɛoba bɛ́hɛ́#4.8 Ɛsagɔ 32.1-2..»
9Kɔ́ɔ ŋgoyáamɔ́ ya besé makɔ́nɔ́ yɛ́ɛyɛ ɛ lɔ́mɔ́ go báaba bá lɔ́mɔ́ ancábáalú, tɔ́nɔ go báaba bá lɔ́mɔ́ kanɛ go ancaba. Dɛ oya kanɛ́ dɛ amɔ́: «Gioliminyo gá Ábalaháma gɛ mba ŋaáa goŋaá Asaŋa a mo ɛ́na gɛtɛ́nɛ́ɛ gá mɔtɔ!» 10Kanɛ́, gɛcamɛna gɛ́hanɛ́ Asaŋa a mbɛɛ́ ɛ́ná Ábalaháma gɛtɛ́nɛ́ɛ gá mɔtɔ o? Bó do mbáa lɛ naá nnyimé yɛhɛ́ ya go ancaba, kanɛ́ bó mbaá lɛ otóotoɛ yá goŋaá a ancaba. 11Otóotoɛ yá goŋaá Ábalaháma a ancaba, a mba lɛ́ gɛtɛ́nɛ́ɛ gá mɔtɔ, goakɛ́ a mba lɛ́ a ágana odɛ́má yɛ́hɛ́ naá Asaŋa. Goana naá nnyimé yɛ́ɛyɔ, gɔ́ɔ a mbaá bɛáa gieninye gá buencí#4.11 Go ɛ́na naá Mabayɛga 17.9-14. gɛ́ɛgɛ gɛ́ mbaá lɛ gɛ́ dúfenye go goŋaá Asaŋa a á mo ɛ́ná gɛtɛ́nɛ́ɛ go gioliminyo gɛ́hɛ́. Caŋa mmue gɔ́ɔ Ábalaháma a mbɛɛ́ ɛ́yá Isée ba biimée báaba bá áganamɔ́ odɛ́má yabɔ́ naá Asaŋa akɛ́ bá lɛ́ kanɛ go ancaba, Asaŋa a bó ɛ́nana bɛtɛ́nɛ́ɛ bá batɔ. 12Ábalaháma, a mbɛ ɛ́yá tɔ́nɔ Isée ba báaba bá lɔ́mɔ́ ancábáalú, kanɛ́ caá goana go buencí bábɔ́ bá nnyɔ́dɔ, kanɛ́ go go bienene gioliminyo gá Isée bɛcɔ́ Ábalaháma gɛ́ɛgɛ a mbaá dúfíe gɛcamɛna gɛ́ɛgɛ a mbaá lɔmɔ́ a gá lɛ́ kanɛ go ancaba.
13Mammana, gɔ́ɔgɔ Asaŋa a mbaá dánɛ́ná Ábalaháma go go bɛa cí na ɛnana yɛhɛ́#4.13 Go ɛ́na naáa Mabayɛga 12.2-3; 17.4-6; 22.15-18., bó do mbáa lɛ go goŋaá a mba beŋé Gicele. Kanɛ́ gó mbaá lɛ goŋaá Asaŋa a mba mó ɛ́ná gɛtɛ́nɛ́ɛ go gioliminyo gɛ́hɛ́. 14Aáŋa bó lɛ́ go goŋaá báaba bá beŋemú Gicele bɔ́ɔ bá háananamɔ́ go bɛa bodáŋɔ naá tánɔ, gásɛ́ gioliminyo gɛ́ lɛ́ kanɛ ndénégé, tánɔ ya Asaŋa kanɛ mbɔ́gɔ́. 15Mammana, Gicele gɛ́ gɛ́ úlenemú na mpímí ya Asaŋa, goakɛ́ bá dɛ gɛ́ bienénée. Kanɛ́ anáa Gicele gɛ́ lɔ́mɔ́ gɛ́ dɛ bɛ́ɛ́mbá, gocaŋabɛna Gicele gó dó báá. 16Go nɔ́ɔ gɔ́ɔ tánɔ ya Asaŋa ɛ lɔ́mɔ́ go báaba bá mo olimonyomú. Tánɔ ya ndiemi ɛ bɛ́ɛmba pááná ya Asaŋa yɛ́ɛyɛ ɛ lɔ́mɔ́ go ɛnana ya Ábalaháma iŋkimée, caá akɛ́ goana yɛ́ɛyɛ ɛ beŋemú Gicele, kanɛ́ go báaba bó olimonyomú aŋa Ábalaháma, goakɛ́ a lɛ́ Isée bɛcɔ́ ba biimée. 17Aŋa bó lɔ́mɔ́ ɔ́ŋɔ́ɔlú go goŋaá: «Ndɛ́ go dílímínyéelú go goŋaá o bɛ́ɛmba Isée ba bitúu bitúu bá mɛɛ́nɔ#4.17 Mabayɛga 17.5..» A lɛ́ Isée bɛcɔ́ naá oŋgíso yá Asaŋa. A ágana toodo odɛ́máa yɛhɛ́ naá mɔ́ɔnyɔ a fáananamɔ́ begúe gɛɔyɔ, mɔ́ɔnyɔ a besenyemú moóma mɔ́ɔmɔ mó lɔ́mɔ́ mó do ɔyɔ́ɔ. 18Kanɛ́ akɛ́ aŋa Ábalaháma a mbaá lɛ gɔnɔ́ kanɛ boóma bá go ágana toodo odɛ́máa go bɔ́ɔ, a mbɛ ɛ́dánáa naá busío a ágana odɛ́má yɛ́hɛ́ naá Asaŋa go tánɔ yɛhɛ́. Gɔ́ɔ a lɔ́mɔ́ ɛ́yáalú Isée ba gɛcɛcá gá mɛɛ́nɔ gɔgɔ́ aŋa Asaŋa a mbaá mó oyáná a amɔ́: Ɛnana yahɔ ɛ ŋga bɛ́ɛ́mbá gɛcɛcá#4.18 Mabayɛga 15.5.. 19A mba lɛ́ a ná lɛ́ go bɛ́ɛ́nana kanɛ bogaaga, goakɛ́, a mba lɛ́ na boóma bá nnyómá ntɛdɛ, tɔ́nɔ okɔ́dɔ bɛhɛ́ Sáála a dɛ gɔnɔ́ bɛ́ɛmba na bogaaga bá go súge ibume, a bíene. Akɛ́ nɔ́ɔnɔ, gioliminyo gɛ́hɛ́ gɛ́ lɛ́ kanɛ go oba go cí#4.19 Go ɛ́na naá Mabayɛga 17.1,15-22.. 20Kanɛ́, gá goŋaá a ága tánɔ ya Asaŋa go cuŋí, i inye go olimonyo, a báá bɛáa bogaaga bɛ́hɛ́ naá gioliminyo, a lɛncana bogɔ́nɔ́ɔ bá Asaŋa. 21A mba lɛ́ gɔnɔ́ na mbémineminie ya goŋaá Asaŋa a bɛanana bogaaga ba go hóogio tánɔ yɛhɛ́. 22Go gioliminyo gɛ́hɛ́ moánɛ gɔ́ɔ Asaŋa a mbaá mo gɔ́lɔ́ gɛtɛ́nɛ́ɛ gá mɔtɔ naá busío bɛ́hɛ́.
23Kanɛ́ nogálɔ nɔ́ɔnɔ bá mbɔɔ́ ɔ́ŋɔ́ bá amɔ́: «Asaŋa a mba mo gɔ́lɔ́ gɛtɛ́nɛ́ɛ gá mɔtɔ naá busío bɛ́hɛ́», nó do mbáa lɛ gɛ́hɛ́ mokáa. 24No lɛ́ tɔ́nɔ gɛ́cɔ́. Asaŋa a ná gɔ́lɔ́ bɛtɛ́nɛ́ɛ bá batɔ naá busío bɛ́hɛ́, bɛɛcɔ́ɔ báaba dɛ áganamɔ́ toodo odɛ́máa yɛcɔ́ naá mɔ́ɔnyɔ a mbaá fúfúné naá olɔŋɔ ya begúe, a lɔ́mɔ́ Yésusu, Daadáa bɛcɔ́. 25Bá mba mo óná go bɛoba bɛ́cɔ́#4.25 Go ɛ́na naá Iseyíi 53.4-6., Asaŋa a báá mo fúfúné go go có íyie bɛtɛ́nɛ́ɛ bá batɔ naá busío bɛ́hɛ́.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in