Ẹyano 24

A Rhoma vwẹ Ogangan kẹ Ọphọ na

1Ọ da ta kẹ Mosis, Yanrhe obenu bru Ọrovwohwo rhe, wẹ kughe Erọn, Nadab, kugbe Abibu, kugbe ekpako ujorha gbẹ ihwe rẹ Izrẹl, rere we tephe wa ga vwẹ. 2Mosis ọvo ri che biẹkẹrẹ Ọrovwohwo; ẹkẹvuọvo iri chekọ che biẹkẹrẹ-ẹ, yẹ ihwo na ji che nene kpenu-u.

3Mosis da rhe ọ da rhe ta ota rẹ Ọrovwohwo na vwọ kẹ ihwo na kugbe ẹgha rọye ejobi; ihwo na ejobi de kuenu gbe ọvo, tanẹ, Eta rẹ Ọrovwohwo tare ejobi avwanre ru. 4Mosis de si eta rẹ Ọrovwohwo na ejobi. O de vrẹn vwẹ irhiọke ride, ọ da so agbada phihọ esiri rẹ ugbenu na, vẹ ichivwo ihwivẹ, kirobo rẹ orua ihwivẹ rẹ Izrẹl epha. 5O de ji imighele rẹ ihwo rẹ Izrẹl, ri ze izobo rẹ ẹtorhẹ vẹ izobo rẹ ufuoma rẹ irhuẹn kẹ Ọrovwohwo. 6Mosis da rọye abọvo rẹ ọbara na o de kuo phihọ ize, abọvo rẹ ọbara na o de miro ku agbada na. 7Etiyin ọ da rọye ọbe rẹ ọphọ na, o de se kẹ ihwo na nyo; ayen da ta, Obo rẹ Ọrovwohwo tare ejobi avwanre ru, avwanre ji nyo Ọwẹn. 8Mosis da rọye ọbara na ọ da fẹrẹ ku ihwo na, ọ da ta, Gbe ni ọbara rẹ ọphọ na rẹ Ọrovwohwo vẹ owẹ rere kirobo rẹ eta nana ejobi epha.

9Etiyin Mosis vẹ Erọn, Nadab vẹ Abihu, vẹ ekpako ujorha gbẹ ihwe rẹ Izrẹl de yeri kpenu; 10ayen da mrẹ Ọghẹnẹ rẹ Izrẹl; vwẹ obotọ rẹ awọ rọye umukpe ra teyere ro lo kerẹ oragha, rọ họhọ ekpuyovwi rẹ odjuvwu na fikiridie ofiotọ gangan. 11Ọ shabọ rọye phihọ ehọnvwọre rẹ Izrẹl na-a; ayen mrẹ Ọghẹnẹ, ayen da re ayen da da.

Mosis vwẹ Ugbenu ri Sinae

12Ọrovwohwo da ta kẹ Mosis, Bru vwe rhe obenu rẹ ugbenu na, wọ hẹrhẹ vwẹ etiyin; ke me kẹ wẹ ephapha rẹ oragha, vẹ urhi na vẹ iji na, ri mi siri fiki rẹ eyono rayen. 13Ọtiọye na Mosis de vrẹn vẹ odibo rọye Joshua, Mosis da yanran kpenu rẹ ugbenu rẹ Ọghẹnẹ. 14Ọ da ta kẹ ekpako na, Wa hẹrhẹ avwanre vwẹ etinẹ, bẹsiẹ rẹ avwanre vwo rhoma bru ovwan rhe; gbe nighe, Erọn vi Họ vẹ owẹ herọ, ohwo ro vwo ota, e jo bru ayen ra.

15Etiyin Mosis de kpo obenu rẹ ugbenu na, egho de rhurhu ugbenu na. 16Urinrin rẹ Ọrovwohwo da hẹ obenu rẹ Ugbenu ri Sinae, egho na de rhurho ẹdẹ esan; ẹdẹ righwrẹn o de se Mosis nẹ evun rẹ egho na rhe. 17Asakiephana urinrin rẹ Ọrovwohwo vwọ vwẹ oma phia na ọ da họhọ erhanre rọ tua vwẹ enu rẹ ugbenu na vwẹ irharo rẹ ihwo rẹ Izrẹl na. 18Mosis da ro evun rẹ egbo na, o de yeri kpenu rẹ ugbenu na. Etiyin Mosis da dia enu rẹ ugbenu na ẹdẹ ujuvẹ kugbe ason ujuvẹ.

Currently Selected:

Ẹyano 24: UBV77

Highlight

Copy

Compare