Daniẹl 1
1
Eyono ri Daniẹl Kugbe Igbeyan Rọye
1Vwẹ ukpe rerha ri Jehoiakim vwọ hẹ ovie ri Juda, etiyin Nebukadreza, ovie ri Babilọn da ghwẹ unuofovwi rọye rhe vwọ gba riariẹ Jerusalẹm phihọ. 2Eriyin Ọrovwohwo de phi Jehoiakim, ovie ri Juda phihọ obọ rọye, vẹ ekuakua evo rẹ uwevwi rẹ Ọghẹnẹ, ọ da ghwẹ ayen kpo otọ ri Shina, vwọ kpo uwevwi rẹ ẹdjọ rọye, ọ da ghwẹ ekuakua na phihọ uwevwi rẹ efe rẹ ẹdjọ rọye. 3Etiyin ovie na da vuẹ Ashpenaz, olori rẹ eghwanran rọye, nẹ ọ reyọ ihwo rẹ Izrẹl evo rhe, ekru rẹ ovie vẹ isun. 4Ighene ri vwo eka-an, ri vwo erhuvwu vẹ ona, vẹ ẹghwanre ra kẹ erianriẹn, ri vwo ẹruọ rẹ uyono, re je sa ga vwẹ ighẹn rẹ ovie, re rhe yono ayen ibi rẹ ẹbe kugbe epherẹ rẹ ihwo ri Kaldia na. 5Emu esiri rẹ ovie na ria kọye ọ je ghare kẹ ayen kẹdẹ kẹdẹ, te udi rẹ okpuyovwi rọye je da. Ẹgbukpe erha ọye e vwo yono ayen, ọke rẹ ẹdẹ na de tere kẹ ayen che mudia phihọ obaro rẹ ovie na. 6Vwẹ ohri rẹ ihwo na a da mrẹ Daniẹl, Hananaya, Mishẹl, vẹ Azaraya rẹ orua ri Juda. 7Etiyin re olori rẹ eghwanran na de mu odẹ kẹ ayen, o de se Daniẹl, Bẹltshaza, Hananaya, o de rhe se Shadrack, Mishẹl koye e rhe se nẹ Meshak, Azaraya kọye o rhe se nẹ Abẹdnigo.
8Ẹkẹvuọvo Daniẹl de roro nẹ ọye sa vwẹ ifiki rẹ avwerhe rẹ emu esiri rẹ ovie na eyẹ udi rẹ ọ dare vwo gbe oma rọye ẹgua-a. Fiki rẹ ọtiọye ọ da ta kẹ olori rẹ eghwanran na nẹ o rhe jẹn ọye gbe oma rọye ẹgua-a. 9Etiyin Ọghẹnẹ da vwẹ ẹroesiri vẹ arodọvwẹ kẹ Daniẹl vwẹ obaro rẹ olori rẹ eghwanran na, 10olori rẹ eghwanran na da ta kẹ Daniẹl. Oshọ mu vwẹ, ọrovwovwe ovie na, rọ tare nẹ a vwẹ emu vẹ udi vwọ kẹ ovwan na, da rhe mrẹ nẹ ovwan dọn nẹ ighene ri chekọ. Ọtiọye na ku wọ vwẹ uyovwi mẹ vẹ ọ rẹ ovie na kanre. 11Etiyin Daniẹl da ta kẹ olori rẹ eghwanran na ra tanẹ ọ vwẹ ẹro te Daniel, Rananaya, Mishẹl vẹ Azaraya 12Gba davwe idibo wẹn ni vwẹ ẹdẹ ihwe, wọ vwẹ ifọ kẹ avwanre re, wọ rha vwẹ ame kẹ avwanre da. 13Wo rhi ni oma rẹ avwanre vẹ imighene ri chekọ re ria emu rẹ ovie na, re obo wọ mrẹ idibo wẹn phihọ wo ru nene ọtiọye.
14Etiyin ọ da ghene rhọvwe phihọ ota na kẹ ayen ọ da davwe ayen ni ẹdẹ ihwe. 15Oba rẹ ẹdẹ ihwe na vwọ gbare, a da rhe mrẹ nẹ oma rayen ri me yovwi, ayen je ma rho etoma nọ imighene ejobi re ria emu rẹ ovie na. 16Ọtiọye na odibo ma de si emu ọvwevwerhe na vẹ udi na nu kẹ ayen, ọ da vwẹ ifọ kẹ ayen. 17Ọghẹnẹ da rhe vwẹ erianriẹn vẹ ona rẹ ẹbiẹriẹn vẹ ọhọ vwọ kẹ imighene ẹne na; etiyin Daniel de rhi vwo erianriẹn vwẹ oma rẹ emramrẹ vẹ evwerhẹ. 18Oke re ọke na rhe vwọ gba re rẹ ovie na vwọ tanẹ a gba vwẹ ayen rhe, ọlọri rẹ eghwanran na da ghwẹ ayen rhe obaro rẹ Nebukadreza. 19Etiyin ovie na vẹ ayen da ta ota vwẹ usun rẹ ihwo na ejobi na a gbe rha mrẹ ohwo ọvuọvo rọ họhọ Daniẹl, Hananaya, Mishẹl, vẹ Azraya-a, vwẹ ọtiọye na ayen de mudia phihọ obaro re ovie na. 20Etiyin kemu kemu rẹ ovie na nọ vwẹ obọ rayen vwẹ oma rẹ ọhọ vẹ iroro ejobi, ọ da rhe mrẹ nẹ ayen riẹn nọ ighene rọye ejobi, re hẹ evun rẹ uvie rọye. 21Etiyin Daniẹl da herọ rhiri re te ukpe rẹsọsuọ rẹ ovie re se Sairọs.
Currently Selected:
Daniẹl 1: UBV77
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Daniẹl 1
1
Eyono ri Daniẹl Kugbe Igbeyan Rọye
1Vwẹ ukpe rerha ri Jehoiakim vwọ hẹ ovie ri Juda, etiyin Nebukadreza, ovie ri Babilọn da ghwẹ unuofovwi rọye rhe vwọ gba riariẹ Jerusalẹm phihọ. 2Eriyin Ọrovwohwo de phi Jehoiakim, ovie ri Juda phihọ obọ rọye, vẹ ekuakua evo rẹ uwevwi rẹ Ọghẹnẹ, ọ da ghwẹ ayen kpo otọ ri Shina, vwọ kpo uwevwi rẹ ẹdjọ rọye, ọ da ghwẹ ekuakua na phihọ uwevwi rẹ efe rẹ ẹdjọ rọye. 3Etiyin ovie na da vuẹ Ashpenaz, olori rẹ eghwanran rọye, nẹ ọ reyọ ihwo rẹ Izrẹl evo rhe, ekru rẹ ovie vẹ isun. 4Ighene ri vwo eka-an, ri vwo erhuvwu vẹ ona, vẹ ẹghwanre ra kẹ erianriẹn, ri vwo ẹruọ rẹ uyono, re je sa ga vwẹ ighẹn rẹ ovie, re rhe yono ayen ibi rẹ ẹbe kugbe epherẹ rẹ ihwo ri Kaldia na. 5Emu esiri rẹ ovie na ria kọye ọ je ghare kẹ ayen kẹdẹ kẹdẹ, te udi rẹ okpuyovwi rọye je da. Ẹgbukpe erha ọye e vwo yono ayen, ọke rẹ ẹdẹ na de tere kẹ ayen che mudia phihọ obaro rẹ ovie na. 6Vwẹ ohri rẹ ihwo na a da mrẹ Daniẹl, Hananaya, Mishẹl, vẹ Azaraya rẹ orua ri Juda. 7Etiyin re olori rẹ eghwanran na de mu odẹ kẹ ayen, o de se Daniẹl, Bẹltshaza, Hananaya, o de rhe se Shadrack, Mishẹl koye e rhe se nẹ Meshak, Azaraya kọye o rhe se nẹ Abẹdnigo.
8Ẹkẹvuọvo Daniẹl de roro nẹ ọye sa vwẹ ifiki rẹ avwerhe rẹ emu esiri rẹ ovie na eyẹ udi rẹ ọ dare vwo gbe oma rọye ẹgua-a. Fiki rẹ ọtiọye ọ da ta kẹ olori rẹ eghwanran na nẹ o rhe jẹn ọye gbe oma rọye ẹgua-a. 9Etiyin Ọghẹnẹ da vwẹ ẹroesiri vẹ arodọvwẹ kẹ Daniẹl vwẹ obaro rẹ olori rẹ eghwanran na, 10olori rẹ eghwanran na da ta kẹ Daniẹl. Oshọ mu vwẹ, ọrovwovwe ovie na, rọ tare nẹ a vwẹ emu vẹ udi vwọ kẹ ovwan na, da rhe mrẹ nẹ ovwan dọn nẹ ighene ri chekọ. Ọtiọye na ku wọ vwẹ uyovwi mẹ vẹ ọ rẹ ovie na kanre. 11Etiyin Daniẹl da ta kẹ olori rẹ eghwanran na ra tanẹ ọ vwẹ ẹro te Daniel, Rananaya, Mishẹl vẹ Azaraya 12Gba davwe idibo wẹn ni vwẹ ẹdẹ ihwe, wọ vwẹ ifọ kẹ avwanre re, wọ rha vwẹ ame kẹ avwanre da. 13Wo rhi ni oma rẹ avwanre vẹ imighene ri chekọ re ria emu rẹ ovie na, re obo wọ mrẹ idibo wẹn phihọ wo ru nene ọtiọye.
14Etiyin ọ da ghene rhọvwe phihọ ota na kẹ ayen ọ da davwe ayen ni ẹdẹ ihwe. 15Oba rẹ ẹdẹ ihwe na vwọ gbare, a da rhe mrẹ nẹ oma rayen ri me yovwi, ayen je ma rho etoma nọ imighene ejobi re ria emu rẹ ovie na. 16Ọtiọye na odibo ma de si emu ọvwevwerhe na vẹ udi na nu kẹ ayen, ọ da vwẹ ifọ kẹ ayen. 17Ọghẹnẹ da rhe vwẹ erianriẹn vẹ ona rẹ ẹbiẹriẹn vẹ ọhọ vwọ kẹ imighene ẹne na; etiyin Daniel de rhi vwo erianriẹn vwẹ oma rẹ emramrẹ vẹ evwerhẹ. 18Oke re ọke na rhe vwọ gba re rẹ ovie na vwọ tanẹ a gba vwẹ ayen rhe, ọlọri rẹ eghwanran na da ghwẹ ayen rhe obaro rẹ Nebukadreza. 19Etiyin ovie na vẹ ayen da ta ota vwẹ usun rẹ ihwo na ejobi na a gbe rha mrẹ ohwo ọvuọvo rọ họhọ Daniẹl, Hananaya, Mishẹl, vẹ Azraya-a, vwẹ ọtiọye na ayen de mudia phihọ obaro re ovie na. 20Etiyin kemu kemu rẹ ovie na nọ vwẹ obọ rayen vwẹ oma rẹ ọhọ vẹ iroro ejobi, ọ da rhe mrẹ nẹ ayen riẹn nọ ighene rọye ejobi, re hẹ evun rẹ uvie rọye. 21Etiyin Daniẹl da herọ rhiri re te ukpe rẹsọsuọ rẹ ovie re se Sairọs.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.