I. Korinito 7
7
1KE haba ji ge ta je hofuc öbun e sihnalimen könya: me, E so ka at he ka ca kâlâ momo. 2Ke so ka obaga he ka ûsa khaca laöiödra, ke so minya ka omomo he ka ûsa khaca laöiödra, wâ adre nye bi ûnyi monu. 3Hamen baga he ka ham ûnyi ae ûcû ka âiân: ke helâ minya momo ka baga. 4Ca hamen momo ka muso unyin bi, ke so bi âiân: ke ca hamen minya baga he ka muso unyin bi, ke so bi âiân. 5Ca behânâ ke at hnen ke at, ke so bi e tha hnyekubu hnyi ke ûen, möbu me he ka hnʼ öbu but ka hic, me öbu me he ka tha laba hmetu bi, wâ e nye cubic öbu Satana anyin ae ca khanʼ öbu hokhnyok. 6Ke oge me ka ha e ûnyi gak, ke ca ûnyi ge hna hûna bi. 7Ke e wek e me tha ûcû mönya tavat hia. Ke so bi e ve hu ge tavat bwihlany ûnyi ge Khong, ke at ame helâng, ke ke at ame helâe.
8Ke inya oge me ha ka tavat ae ba laöiödra, me ta je safac, ka habe, E so kodra adre me ne laba bala helâ me mak ang. 9Ke a ne ca khanʼ ödra hokhnyok, e so adre me faipoipo: anyin ae so he ka faipoipo hon he ka kahwa. 10Ke oge me hûna ka tavat ae hu laöiödra, ke so bi ca inya, ke Than bi, ka habe, Ca he bi momo ka hna degecâ âiân, 11(ke e ka he ka hna degecâ, me so e ame hake laba ju, ame ne ca më ûsoköu hmetu me âiân a baga): ke ca he baga ka hna degecâ âiân. 12Ke inya oge me ha ke keihen, ke ca ûnyi bi ge Than, ka habe, A ne hu liamekeiny ae hu âiân ame ca labageju, ke weny bi momo ke ka tha laba më, ca he bi ka hna degecâ momo. 13He haba momo ae hu âiân ame ca labageju, ke e weny bi âiân a baga he ka tha laba më, ca he bi momo he ka hna degecâ e. 14Anyin adre okabâ baga ame ca labageju ûnyi ge âiân a momo, ke adre okabâ minya momo ame ca labageju ûnyi ge âiân a baga: ame ne ca helâe me kong je lakubun; ke walang ang ödrin kap but. 15Ke a ne hna degecâ hnen at ame ca labageju, hna but e ka he but: anyin ame ca laba hwenbâ ke liamekeiny ame ne ke haniny hnyi ûnyi a helâe: ke haba Khong ame hawʼ öta ka hnyi ûsoköu. 16Anyin a ke momo lö, ama hawa ka khanö u, ame ne he bi âiâm ka möt ûnyi gam? ke baga lö, ama hawa ka khanö u, ame ne he ka möt âiâm ûnyi gam? 17Ke so ame ve he tavat helâ me Than ame ve khenâ oûco, ke helâ me Khong ame ve hawʼ ödra. Ke oge me owisa helâe hnyi je ekalesia hia thithö. 18Adre me ne hawâ at a gʼ adre ca peritomonâ? awe, ca be ka wia e bi me me at adre ca peritomonâ. Adre me ne hawâ at a gʼ adre ca peritomonâ? awe, ca he ka peritomonâ bi? 19E ca ûnyi hnathu peritom, ke ca ûnyi hnathu bi ca peritom: ke so bi he ka vheno je hnanyibu anyin Khong. 20E so he ka ve laba bala tavat hia hnyi hna hawʼ ödra hnyin. 21Hawa, adre hawo u, ke u athnyaba? ca ûnykûme ka hnyin: ke e ka khanö u ka he baû, oûnyihnatho thö e. 22Anyin a haba at adre me hawa hnyi Than, ke tiga athnyaba, me adre me wia e me at he baû anyin Than: helâe minya haba at adre hawâ, ke at he baû, me adre me wia e me athnyabainy Keriso. 23Adre me ûcû öbun ge hwaban; ca he öbun ka athnyaba ka at. 24Hnyat me lakeiny lö, ve laba bala bi unyin Khong hnyi hna ve hawʼ öbun ka hnyin.
25E ba hnanyibu anyin Than könya ge wahlu: ke oge me omanenâ ûnykûmenök, helâ me at ame hnathu ûnyi ge ibetengiö anyin Than. 26Oge me ûnykûme a e so ka at he ka hnathu hnyi ûen ang a ûen vec. 27Hawa, adre mo cö u ka momo? ca elâm he ka thang ut. Hawa, adre hia but thang öbu? ca elâm ke momo bi. 28Ke u je ne faipoipo, me ca kong ut; ke ame ne he hlu ka faipoipo, me ca kong ut. Ke ame he ka hu vecin unyin tavat eling: ke oge me ca beohmakʼ öbun. 29Ke walang, hnyat me lakeiny lö, oge me ha, ka habe, e okhulit biju ûen, waleling me me so ka hnyat ae hu laöiödra ka helâ me hnyat ae ba laöiödra; 30ke haba tavat adre me tenge, me he ka helâ me tavat adre me ca tenge: ke haba tavat adre me senyin, me he ka helâ me tavat adre me ca senyin; ke haba tavat adre me ûcû, me helâ me tavat ae theduoc; 31ke haba tavat adre me huliwan ta je ûnyi eang hmeledrany, me ca he ka huliwa monu bi: anyin ame he ka hia bongon hmeledrany. 32Oge me wek a gʼ ame ca he öbun ka ûnykûme loloâ. Haba at ae ba âiân, me ame ûnykûme loloâ ta je ûnyi anyin Than, ka habe, ama hawa ka osenyinâ Than: 33ke haba at ae hu âiân ame ûnykûme loloâ ge ta je ûnyi anyin hmeledrany, ka habe, ama hawa ka osenyinâ âiân. 34E ve bongon bi minya momo ae hu âiân, me hlu. Haba at ae hu âiân ame ûnykûme loloâ ge ta je ûnyi anyin Than, me me he ka kap hnyi unyin me hanu: ke haba at ae hu âiân baga, ame ûnykûme loloâ ge ta je ûnyi anyin hmeledrany, ka habe, ama hawa ka osenyinâ âiân a baga. 35Ke inya oge me ha e, mʼ öbun e so; oge me ca benuc öbun, ke so bi möbun e laba so, me me ba vhet öbun ka he ka bi athnyabainy Than. 36Ke a ne ke at ame ûnykûme, ka habe, e ca so hwakecin bi ka; nokon hlu, a he hia but hlu hanyâûâ ûen he ka faipoipo, ke ûcû he ka helâe, e so e ame he ka ânyâ weny bi; e ca monu bi; e so ödru me he ka faipoipo. 37Ke haba at ame tot hwege hnyi hnyekon, ke ba vheliny, ke e khana he ka muso weny bi, ke a hia but thamuâ hnyi hnyekon he ka behânâ nokon hlu, e so hnen hna ânyâ. 38Anyin a wale, haba at ame ham nokon hlu he ka faipoipo, e so hnen hna ânyâ; ke haba at ame ca ham bi, e beönua hnen hna ânyâ. 39Adre ca momo hnen hnanyibu, e ka tiga möt âiân; ke e ka mokcu baga, me e khana he ka faipoipo me hnen hna weny kâu; ke ûnyi ge Than thibi. 40Ke beönua hnahic anyin momo e, e ka laba safac bala, wale hnok hna ûnykûme: ke inya oge me ûnykûme ae hu but gak Hanon Khong.
Currently Selected:
I. Korinito 7: IAAI
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
I. Korinito 7
7
1KE haba ji ge ta je hofuc öbun e sihnalimen könya: me, E so ka at he ka ca kâlâ momo. 2Ke so ka obaga he ka ûsa khaca laöiödra, ke so minya ka omomo he ka ûsa khaca laöiödra, wâ adre nye bi ûnyi monu. 3Hamen baga he ka ham ûnyi ae ûcû ka âiân: ke helâ minya momo ka baga. 4Ca hamen momo ka muso unyin bi, ke so bi âiân: ke ca hamen minya baga he ka muso unyin bi, ke so bi âiân. 5Ca behânâ ke at hnen ke at, ke so bi e tha hnyekubu hnyi ke ûen, möbu me he ka hnʼ öbu but ka hic, me öbu me he ka tha laba hmetu bi, wâ e nye cubic öbu Satana anyin ae ca khanʼ öbu hokhnyok. 6Ke oge me ka ha e ûnyi gak, ke ca ûnyi ge hna hûna bi. 7Ke e wek e me tha ûcû mönya tavat hia. Ke so bi e ve hu ge tavat bwihlany ûnyi ge Khong, ke at ame helâng, ke ke at ame helâe.
8Ke inya oge me ha ka tavat ae ba laöiödra, me ta je safac, ka habe, E so kodra adre me ne laba bala helâ me mak ang. 9Ke a ne ca khanʼ ödra hokhnyok, e so adre me faipoipo: anyin ae so he ka faipoipo hon he ka kahwa. 10Ke oge me hûna ka tavat ae hu laöiödra, ke so bi ca inya, ke Than bi, ka habe, Ca he bi momo ka hna degecâ âiân, 11(ke e ka he ka hna degecâ, me so e ame hake laba ju, ame ne ca më ûsoköu hmetu me âiân a baga): ke ca he baga ka hna degecâ âiân. 12Ke inya oge me ha ke keihen, ke ca ûnyi bi ge Than, ka habe, A ne hu liamekeiny ae hu âiân ame ca labageju, ke weny bi momo ke ka tha laba më, ca he bi ka hna degecâ momo. 13He haba momo ae hu âiân ame ca labageju, ke e weny bi âiân a baga he ka tha laba më, ca he bi momo he ka hna degecâ e. 14Anyin adre okabâ baga ame ca labageju ûnyi ge âiân a momo, ke adre okabâ minya momo ame ca labageju ûnyi ge âiân a baga: ame ne ca helâe me kong je lakubun; ke walang ang ödrin kap but. 15Ke a ne hna degecâ hnen at ame ca labageju, hna but e ka he but: anyin ame ca laba hwenbâ ke liamekeiny ame ne ke haniny hnyi ûnyi a helâe: ke haba Khong ame hawʼ öta ka hnyi ûsoköu. 16Anyin a ke momo lö, ama hawa ka khanö u, ame ne he bi âiâm ka möt ûnyi gam? ke baga lö, ama hawa ka khanö u, ame ne he ka möt âiâm ûnyi gam? 17Ke so ame ve he tavat helâ me Than ame ve khenâ oûco, ke helâ me Khong ame ve hawʼ ödra. Ke oge me owisa helâe hnyi je ekalesia hia thithö. 18Adre me ne hawâ at a gʼ adre ca peritomonâ? awe, ca be ka wia e bi me me at adre ca peritomonâ. Adre me ne hawâ at a gʼ adre ca peritomonâ? awe, ca he ka peritomonâ bi? 19E ca ûnyi hnathu peritom, ke ca ûnyi hnathu bi ca peritom: ke so bi he ka vheno je hnanyibu anyin Khong. 20E so he ka ve laba bala tavat hia hnyi hna hawʼ ödra hnyin. 21Hawa, adre hawo u, ke u athnyaba? ca ûnykûme ka hnyin: ke e ka khanö u ka he baû, oûnyihnatho thö e. 22Anyin a haba at adre me hawa hnyi Than, ke tiga athnyaba, me adre me wia e me at he baû anyin Than: helâe minya haba at adre hawâ, ke at he baû, me adre me wia e me athnyabainy Keriso. 23Adre me ûcû öbun ge hwaban; ca he öbun ka athnyaba ka at. 24Hnyat me lakeiny lö, ve laba bala bi unyin Khong hnyi hna ve hawʼ öbun ka hnyin.
25E ba hnanyibu anyin Than könya ge wahlu: ke oge me omanenâ ûnykûmenök, helâ me at ame hnathu ûnyi ge ibetengiö anyin Than. 26Oge me ûnykûme a e so ka at he ka hnathu hnyi ûen ang a ûen vec. 27Hawa, adre mo cö u ka momo? ca elâm he ka thang ut. Hawa, adre hia but thang öbu? ca elâm ke momo bi. 28Ke u je ne faipoipo, me ca kong ut; ke ame ne he hlu ka faipoipo, me ca kong ut. Ke ame he ka hu vecin unyin tavat eling: ke oge me ca beohmakʼ öbun. 29Ke walang, hnyat me lakeiny lö, oge me ha, ka habe, e okhulit biju ûen, waleling me me so ka hnyat ae hu laöiödra ka helâ me hnyat ae ba laöiödra; 30ke haba tavat adre me tenge, me he ka helâ me tavat adre me ca tenge: ke haba tavat adre me senyin, me he ka helâ me tavat adre me ca senyin; ke haba tavat adre me ûcû, me helâ me tavat ae theduoc; 31ke haba tavat adre me huliwan ta je ûnyi eang hmeledrany, me ca he ka huliwa monu bi: anyin ame he ka hia bongon hmeledrany. 32Oge me wek a gʼ ame ca he öbun ka ûnykûme loloâ. Haba at ae ba âiân, me ame ûnykûme loloâ ta je ûnyi anyin Than, ka habe, ama hawa ka osenyinâ Than: 33ke haba at ae hu âiân ame ûnykûme loloâ ge ta je ûnyi anyin hmeledrany, ka habe, ama hawa ka osenyinâ âiân. 34E ve bongon bi minya momo ae hu âiân, me hlu. Haba at ae hu âiân ame ûnykûme loloâ ge ta je ûnyi anyin Than, me me he ka kap hnyi unyin me hanu: ke haba at ae hu âiân baga, ame ûnykûme loloâ ge ta je ûnyi anyin hmeledrany, ka habe, ama hawa ka osenyinâ âiân a baga. 35Ke inya oge me ha e, mʼ öbun e so; oge me ca benuc öbun, ke so bi möbun e laba so, me me ba vhet öbun ka he ka bi athnyabainy Than. 36Ke a ne ke at ame ûnykûme, ka habe, e ca so hwakecin bi ka; nokon hlu, a he hia but hlu hanyâûâ ûen he ka faipoipo, ke ûcû he ka helâe, e so e ame he ka ânyâ weny bi; e ca monu bi; e so ödru me he ka faipoipo. 37Ke haba at ame tot hwege hnyi hnyekon, ke ba vheliny, ke e khana he ka muso weny bi, ke a hia but thamuâ hnyi hnyekon he ka behânâ nokon hlu, e so hnen hna ânyâ. 38Anyin a wale, haba at ame ham nokon hlu he ka faipoipo, e so hnen hna ânyâ; ke haba at ame ca ham bi, e beönua hnen hna ânyâ. 39Adre ca momo hnen hnanyibu, e ka tiga möt âiân; ke e ka mokcu baga, me e khana he ka faipoipo me hnen hna weny kâu; ke ûnyi ge Than thibi. 40Ke beönua hnahic anyin momo e, e ka laba safac bala, wale hnok hna ûnykûme: ke inya oge me ûnykûme ae hu but gak Hanon Khong.
Currently Selected:
:
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society