I. Korinito 4
4
1E SO e he at ka ûnykûme kohmun, a ohmun je athnyabainy Keriso, me je athnyaba adre tuö omjeû wale ta je ûnyi ae iyong anyin Khong. 2Ke haba khaca, hamen tavat walang adre me tuö omjeû he ka ve hnathu. 3Ke ûnyi ae hâhâ hmonyin könya öbun ka he ka owisö nya bi, me hna owisa hnen at: eke, inya oge me ca ka owisö nya bi. 4Anyin ae ca khanö nya bi monu gak; ke so bi e ca hnân hai-wisö nya ûnyi e: ke Than bi at ame owisö nya. 5Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.
6Hnyat me lakeiny lö, oge hia but oûco ta je ûnyi e könya me Apolo hobi köbun; mʼ öbun e he ka nâ ûnyi gahmu he ka ca onua bi ta je ûnyi adre sihnalimen: me me ca he ka bi gan ke at gabun ka ke at hon ke at. 7Anyin a ia okebongoni u? ke ewa ke ûnyi gam adre ca ham köu? ke ödra ka hia but ham köu, ieû gam u me hobelöu helâke adre ca ham? 8E sekubun dut walang ang, öbun e tren omjeû walang ang, öbun e bi than ke hiʼ ohmun: e na hnathu ju bi than a öbun, möhmun e he minya ka hnyi than unyibun. 9Anyin a oge me ûnykûme, a biliny Khong ka otilʼ ohmun je aposetolo, helâke me hnân he ka mok: anyin adre wiʼ ohmun me hnân ûnyi mat a wânen hmeledrany, me ta je angela, me tavat. 10Ohmun tavat ae monu can Keriso, ke öbun e meta but unyi Keriso; ohmun e sēnyin dut, ke öbun e hwege bi öbun; e hu hnân ogânʼ öbun, ke ohmun tavat baû. 11Ke ne o but awa ang ohmun e mekihnânem, me beic, me he thu, me hna khaû, ke ba dok ohmun e laba hmâ hnyin; 12ke ohmun e labö huliwa, me ânyâ huliwa ge je hing hnyamöhmun: adre me û ohmun, ke ohmun e hahnahicâ; adre me sedʼ ohmun, ke ohmun e hokhnyok; 13adre me haikongu ohmun, ke ohmun e khöû: adre me oûcû ohmun me ta je ûnyi ae ikiki hnyi hmeledrany, me tiren ta je ûnyi hia ke ne o but hnyi bong ang.
14Oge me ca sit ta je ûnyi e he ka ohmehmʼ öbun, ke so bi he ka nʼ öbun helâ me lakuk a oûnykûmik. 15Anyin a eja ke ne a ne ten thauzan tavat adre me nʼ öbun unyi Keriso, me ca se hia lakamöbun: anyin a oge me hnöku öbun hnyi Iesu Keriso deny ûthumetu ae so. 16Anyin a wale, oge me sumat öbun he ka ûcûcubingi nya. 17Can e oge hia but kunö Timotheo köbun, wale nokuk, a oûnykûmik ke at ae hnathu ka Than, ke e ame he ka oûnykûmi öbun ge je hwakecik hnyi huliwa anyin Keriso, helâ me oge me nâ je ekalesia hnyi je dok hia. 18E bi gan dut keihen gabun helâke oge me ca he ka o köbun. 19Ke oge me he ka ie o köbun e ka weny Than; ke oge me ca he bi nya ka long ifucin tavat adre me bi gan, ke hake thibi man. 20Anyin a ca e bi dokhu dokhon Khong hnyi hofuc, ke so bi hnyi man. 21Ieû webun? hawa, oge me he ka o köbun me osö, hawa, hnyi ibetengiö me hnyok ae menyik î
Currently Selected:
I. Korinito 4: IAAI
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
I. Korinito 4
4
1E SO e he at ka ûnykûme kohmun, a ohmun je athnyabainy Keriso, me je athnyaba adre tuö omjeû wale ta je ûnyi ae iyong anyin Khong. 2Ke haba khaca, hamen tavat walang adre me tuö omjeû he ka ve hnathu. 3Ke ûnyi ae hâhâ hmonyin könya öbun ka he ka owisö nya bi, me hna owisa hnen at: eke, inya oge me ca ka owisö nya bi. 4Anyin ae ca khanö nya bi monu gak; ke so bi e ca hnân hai-wisö nya ûnyi e: ke Than bi at ame owisö nya. 5Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.
6Hnyat me lakeiny lö, oge hia but oûco ta je ûnyi e könya me Apolo hobi köbun; mʼ öbun e he ka nâ ûnyi gahmu he ka ca onua bi ta je ûnyi adre sihnalimen: me me ca he ka bi gan ke at gabun ka ke at hon ke at. 7Anyin a ia okebongoni u? ke ewa ke ûnyi gam adre ca ham köu? ke ödra ka hia but ham köu, ieû gam u me hobelöu helâke adre ca ham? 8E sekubun dut walang ang, öbun e tren omjeû walang ang, öbun e bi than ke hiʼ ohmun: e na hnathu ju bi than a öbun, möhmun e he minya ka hnyi than unyibun. 9Anyin a oge me ûnykûme, a biliny Khong ka otilʼ ohmun je aposetolo, helâke me hnân he ka mok: anyin adre wiʼ ohmun me hnân ûnyi mat a wânen hmeledrany, me ta je angela, me tavat. 10Ohmun tavat ae monu can Keriso, ke öbun e meta but unyi Keriso; ohmun e sēnyin dut, ke öbun e hwege bi öbun; e hu hnân ogânʼ öbun, ke ohmun tavat baû. 11Ke ne o but awa ang ohmun e mekihnânem, me beic, me he thu, me hna khaû, ke ba dok ohmun e laba hmâ hnyin; 12ke ohmun e labö huliwa, me ânyâ huliwa ge je hing hnyamöhmun: adre me û ohmun, ke ohmun e hahnahicâ; adre me sedʼ ohmun, ke ohmun e hokhnyok; 13adre me haikongu ohmun, ke ohmun e khöû: adre me oûcû ohmun me ta je ûnyi ae ikiki hnyi hmeledrany, me tiren ta je ûnyi hia ke ne o but hnyi bong ang.
14Oge me ca sit ta je ûnyi e he ka ohmehmʼ öbun, ke so bi he ka nʼ öbun helâ me lakuk a oûnykûmik. 15Anyin a eja ke ne a ne ten thauzan tavat adre me nʼ öbun unyi Keriso, me ca se hia lakamöbun: anyin a oge me hnöku öbun hnyi Iesu Keriso deny ûthumetu ae so. 16Anyin a wale, oge me sumat öbun he ka ûcûcubingi nya. 17Can e oge hia but kunö Timotheo köbun, wale nokuk, a oûnykûmik ke at ae hnathu ka Than, ke e ame he ka oûnykûmi öbun ge je hwakecik hnyi huliwa anyin Keriso, helâ me oge me nâ je ekalesia hnyi je dok hia. 18E bi gan dut keihen gabun helâke oge me ca he ka o köbun. 19Ke oge me he ka ie o köbun e ka weny Than; ke oge me ca he bi nya ka long ifucin tavat adre me bi gan, ke hake thibi man. 20Anyin a ca e bi dokhu dokhon Khong hnyi hofuc, ke so bi hnyi man. 21Ieû webun? hawa, oge me he ka o köbun me osö, hawa, hnyi ibetengiö me hnyok ae menyik î
Currently Selected:
:
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society