3 SIONE 1
1
A leo tomuaki
1Tuagu karea Gaeas.
I nau a ngwarasea* lo kwarelua* noi Jisas, nu uli na leo hika lakwako. Nu lagwa haburu maiko huri taru hariki katukwale lo vitikareaki. #2 Sione 1
2Tuagu karea. Nu lengaia haburu kwara savi na kinau ne karea maiko, vake kona rongo karea lo tarabehimu, hokinia nu kikilai kwara ku rongo karea lo tanungwemu. 3U havutiau haburu lolona a ratua ratuaki ramo maravuti ramo viti huri kwara ku karohuri u madi lo vitikareaki, hokinia hinea i nigo komo toka tigwaravu lo vitikareaki. #2 Sione 4 4Hete kinau vake kwara ne vaiau ne havutiau siletia hika, nomo rongo kwara i raranatugu rau toka lo vitikareaki.
A ngwarasea hi u kaluki Gaeas
5Tuagu karea. I nigo ku karohuri u madi kareaki lo boloki komo toko vai lakwa na rabela, vae vake lakwa na rabela aira hi a vanamaiana. 6Aira rau viti huri na nomu lagwaana lakwa na tangaloi na kwarelua noi Jisas hike. Lo taro hinea rana tinakaki hala taliku u karea kwara kona hago maira. Lo halaki hokinia hi u taritarisa kwara tana hago maira hinea rau vai a boloki noi God. #Taet 3.13 7Rau tiraki tataga huri na bolokiana noi Kraes*, vae rahe lai te kaihago tina tangaloi hinea rahe hauhuri tea. #1 Kor 9.12,15 8Vae i kita hi a tangaloi noi Kraes, tana hago mana tangaloi aira hi, huri vae tana bulu haragoki maira lolo noga bolokiana huri na vitikareaki.
I Diotreves mai Demetrius
9Nu uli na leo gwanugwanu ba lakwa na tangaloi na kwarelua* noi Jisas. Vae i Diotreves u lengaia haburu kwara ne kwareki noga kaitomuaki, vae he rongohuri te kinau hinea nomo viti. 10Vae u karea, nana vanamai nari tau savi na kinau vano hi tivarea mo toko vaira, a doridori hati vano hi mo toko vitiviti hurikami luna, vake a kurakura hinea mo toko vitira. Vae hete aia hika kehekeheki, huri lolona a rabela ramo vanamai, he lai tabetabekinira tea, vunu vake u tu korora hinea rau lengaia kwara rana lai tabetabekinira, mo taura tivarea tina kwarelua.
11Tuagu karea. Ko hatu huri na tanoigaru na tangaloi hinea rau vai kinau rau hati, vae ko huri na tanoigaru na tangaloi hinea rau vai kinau rau karea. A tangaloi hinea u vai kinau u karea, aia u kwareki i natu i God, vae a tangaloi hinea u vai kinau u hati, he tagai God te vohoki. #a 1 Sione 2.29; 3.6,9; b 1 Sione 3.6,10
12Savi na tangaloi rau kaluki i Demetrius. A bohianana u bakoto, aia u vosangi tivarea kwara aia a tangaloi karea. Vunu i kami vake keu hariki na nomai hagoleo, vae tulu kikilai kwara a nomai hagoleo rau bakoto. #Sione 19.35; 21.24
A leo ki rovonaki
13A leogu u rusa radu nga kwara na viti lakwako, vae nahe lengaia tea kwara na ulia kina igi. #2 Sione 12 14Nu domi kwara nehe tuai tea nana tagaiko, vunu taru neri kwahakwaha ki nakodaru. #Nam 12.8; 2 Sione 12
15A magemuana ne eno maiko.
Doluaki na noda buluana rau bete noga lagwaana lakwako. Ko bete nomai lagwaana lakwa na noda buluana hinea maiko vunuhira katukwale kehe.
Currently Selected:
3 SIONE 1: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.