1 SIONE 5
5
Tana gui lavi na hatiana na varamana
1Ihe te hinea u hauhuri kwara i Jisas aia i Vurae*, u kwareki i natu i God, vunu ihe te hinea u lagwa mana tama, ne lagwa mai raranatuna vake. #a 1 Sione 4.15; b 1 Pita 1.22-23 2Diko tau lagwa mai God vunu vake tau rongohuri na nona tulikileo, lo hala hi tau kikilai kwara hi tau lagwa mana raranatu i God. 3A leo hi u viti kwara tau lagwa mai God, a domianaki kwara tau rongohuri na nona tulikileo. Vake a nona tulikileo rahe madi te haburu kwara tana huri luga, #a Sione 14.15,23,24; 2 Sione 6; b Dut 30.11; Mat 11.30 4huri i raranatu i God savia rau gui lavi na hatiana na varamana. A noda hauhuriana, aia hi tana gui na hatiana na varamana kinia. 5?Ihe hi u vai lai kwara ne gui na hatiana na varamana? A tangaloi aia hi kehekeheki hinea u hauhuri kwara i Jisas aia i Natu i God. #Rom 8.37; 1 Sione 4.4
A hagoleo huri Jisas Kraes
6I Jisas Kraes* aia hi mo vanamai. A kwai hini mo lai bavtaes luna mana daina hinea mo huki lolona mo mate raru matangwasarakinia. Hete kwai kehekeheki u matangwasarakinia, vae a kwai mana daina i rarua vunu raru matangwasarakinia. Vae a Tanungwe Kokona vake u hago leo kwara u kareaki huri a Tanungwe Kokona aia a gwataki na vitikareaki. #Sione 19.34 7A hagoleo huri Jisas aira kaitolu. #Sione 15.26 8A Tanungwe, a kwai, mana dai, vae aira hi kaitolu rau hago leo katukwale. 9Tau hauhuri lo hagoleo hinea a tangaloi ramo vitia, vae a hagoleo noi God u huira sileti na hagoleo nona tangaloi. A hagoleo hi aia hini i God sibona mo vitia huri i Natuna. #a Sione 5.32-34; b Sione 5.37; 8.18 10Aira hini rau hauhuri lui Natu i God rau hagobibi na hagoleo hi lolo domiga. Vae aira hini rahe hauhuri te lo hagoleo hi noi God, rau viti kwara i God aia a tangaloi kurakura, huri u hago leo huri i Natuna vae rahe hauhuri te luna. #Rom 8.16; Gal 4.6 11A hagoleo hi aia hika. I God u betekita kina nona ahiana vaki tuai, a ahiana hi aia lui Natuna. 12Ihe hinea i Natu i God u toka lo mamaurianana u lavi na ahiana hi. Vae ihe hinea i Natu i God he toka tea lo mamaurianana, he lavi na ahiana hi tea. #Sione 3.36
A ahiana noi God vaki tuai
13I kamu hinea tulu hauhuri lo hina i Natu i God, nu uli na leo aira vano hi lakwakamu kwara vae tulu ne kikilai ne karea kwara tulu lavi na ahiana noi God ba vaki tuai. #Sione 20.31 14I kita tahe mataku te lo nako i God lo noda tiutangaroa, vae tau domi tiluna huri tau kikilai kareaki kwara diko tana uduhuri te kinau kinia hinea u taritarisa lo nona domidomi, ne rongohurikita. #Mat 7.7; Sione 14.13; 15.7,16; 16.23; 1 Sione 3.21-22 15Tau kikilai kwara tigwaravu tau uduhuri te kinau kinia u rongohurikita. Vae huri hi tau kikilai vake kwara a havakinau te hinea tau uduhuri kinia, vae aira a noda vunu ba.
16Diko te katukwale u tagai tuana u vai na vaivai hati hinea hete vaivai hati na mateana, ne tiutangaroa lakwai God huri i tuana, vae i God ne bete na ahiana lakwa na tangaloi hi mo vai na vaivai hati. I God ne bete na ahiana lakwara hinea a noga vaivai hati hete vaivai hati na mateana. Vae a vaivai hati eia hinea a gweregwereki a mateana, vae nahe viti tea kwara tulu ne tiutangaroa lakwai God hurira. #Mat 12.31; Hib 6.4-6 17Vunuhi na vai vakasileana, aira a vaivai hati, vae hete vaivai hati savira kwara a gweregwereki a mateana.
18I kita tau kikilai kwara hete raranatu i God kwara te katukwale ne toko seaki na vaivai hati, huri i Natu i God u tagahurira, vae i Setano* nehe magaraki lavira tea. #a 1 Sione 3.9; b Sione 17.15
19Tau kikilai kwara i kita a noi God, vae a tangaloi doluaki hinea rau huri lo doridori na varamana aira tavuti na huirana noi Setano.
20Tau kikilai kwara i Natu i God u vanamai, mo bete na kikikila lakwakita, kwara vae tana kikilai God aia hi u kareaki. I kita tau hariki lui God hinea u kareaki, huri tau hariki lui Natuna i Jisas Kraes*. Aia i God kareaki, vae aia a gwataki na ahiana vaki tuai. #Sione 17.3
21Raranatugu. Tulu tagahurikamu ne karea tina takaro vuroki maira. #1 Kor 10.14
Currently Selected:
1 SIONE 5: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
