1 SIONE 4
4
A Tanungwe na vitikareaki mana tanungwe na kurakura
1Rabelagu. A tangaloi* duruduruki rusa hinea aira a tangaloi kurakura rau vano laliki lo varamana ba. Vae huri hi tulu hatu hauhuri lo tangaloi savira hinea rau viti kwara, “A Tanungwe noi God aia lugu.” Vae tulu ne kahi haro luga tulu ne kikilai kwara a tanungwe hi u vanamai ti God diko hetea. #a 1 Tes 5.21; b Mat 7.15; 1 Sione 2.18; 2 Sione 7 2Tulu ne kikilai hokinia hika kwara a tanungwe hi u vanamai ti God diko hetea. Ihe tangaloi te hinea ne viti kwara i Jisas Kraes* u lai a tarabehi na tangaloi mo vora vanamai tilo varamana, aia hi u lavi na Tanungwe hinea u vanamai ti God. #1 Kor 12.3 3Vae ihe te hinea u tuku viti kwara a tarabehi i Jisas u dolua tina tangaloi, a tanungwe hi luna he vanamai te ti God. A tanungwe hi u vanamai tina Tavaluivuro noi Kraes, aia hi tulu rongo ba kwara vae ne vanamai, vae hika aia lolo varamana ba. #2 Sione 7; 1 Sione 2.18
4Raranatugu. I kamu a tangaloi noi God, vae tulu gui na tangaloi duruduruki kurakura vano hi ba, huri a Tanungwe hini lumiu u huira sileti na tanungwe hi lo tangaloi rau huri na doridori na varamana. #Mat 12.29 5A tangaloi vano hi rau viti huri na doridori na varamana, vae a tangaloi rau huri na doridori na varamana rau rongohurira, huri aira a nona varamana. #Sione 15.19 6Vae i kita a tangaloi noi God. Aia hinea u kikilai God u rongohurikita, vae aia hinea hete noi God, he rongohurikita tea. Luna hi tana kikilai kwahekwaheki lavi na Tanungwe na vitikareaki mana tanungwe na kurakura. #Sione 8.47
I God aia a lagwaana
7Rabelagu. Tana lagwalagwa maikita, huri a lagwaana u vanamai ti God. Ihe hinea u lagwa mai God vake u lagwa mana tangaloi, aia i natu i God, u kikilai God. 8Ihe hinea he lagwa tea mai God vake he lagwa tea mana tangaloi, he kikilai God tea, huri i God aia a gwataki na lagwaana. #1 Sione 4.16 9I God u vosangi na nona lagwaana lakwakita luna hika, mo hora i Natuna a natu kwakehe tilo varamana kwara tana hagwe na ahiana luna. #Sione 3.16 10A lagwaana hi aia hokinia hika, hete kwara i kita tau lagwa mai God, vae aia u lagwa maikita haburu mo hora i Natuna mo mate, mo vai na hala lakwakita kwara a noda vaivai hati rusa ne domidomi koroana. #a Rom 5.8,10; b 1 Sione 2.2
11Rabelagu. Diko i God u lagwa maikita hokinia hi, u karea kwara i kita vake tana lagwalagwa maikita. #Mat 18.33 12Hete katukwale kwara u tagai God te lo taroki. Vae diko tau lagwalagwa maikita, i God u toka luda, u vakakukwere na domida kina nona lagwaana. #a Sione 1.18; b 1 Sione 2.5; 4.17
13Hikani tau kikilai kwara i kita tau toka lui God vake aia u toka luda, huri u betekita kina nona Tanungwe. #Rom 8.9; 1 Sione 3.24 14Vunu i kita tau taga ba kwara i Tamada u hora i Natuna kwara ne kwareki a Kaivakahi nona tangaloi na varamana, vae hika tau viti matangwasarakinia tivarea. #Sione 3.17 15Ihe te hinea u matangwasaraki Jisas kwara aia i Natu i God, i God u toka luna, vake aia u toka lui God. #1 Sione 5.5 16I kita tau kikilai na lagwaana noi God ba hurikita, vae tau hauhuri kwara u lagwa haburu maikita.
I God aia a gwataki na lagwaana. Ihe te hinea u toka lo lagwaana u toka lui God, vake i God u toka luna. #1 Sione 4.8 17A lagwaana hi u kukwere lolo domida kwara tanahe mataku tea lo Rani Lakua hi #4.17: Lo Rani Lakua hi. Kona taga A RANI NONA HUGWE lo Deksenare lo buku hika takuni. hinea i God ne kwaheki na doridori na tangaloi savia luna. Tanahe mataku tea huri i kita tau loliloli lo varamana hoki i Kraes* mo loliloli lo varamana. #1 Sione 2.5; 4.12 18A tangaloi hinea i God u lagwa maia he mataku te kinia. Diko tau kikilai kareaki kwara i God u lagwa maikita hokinia hi, vae tanahe mataku te taliku. A tangaloi ne mataku huri u domi kwara ne kwali na kakadiki lo Rani na Arekiana, vae a tangaloi hinea u mataku hokinia hi he kikilai kareaki te radu kwara i God u lagwa maia.
19Ta lagwa mai God, vake ta lagwa mana tangaloi, huri i God u lagwa maikita tomua. 20Diko te katukwale ne viti “Nu lagwa mai God,” vae u vai tarataraki tuana, aia a tangaloi kurakura, huri diko he lagwa te mai tuana hinea u tagaia, vae nehe lagwa lai te mai God hini he tagaia tea. 21A tulikileo hika aia hi i Kraes mo betea lakwakita, u viti kwara aia hi u lagwa mai God ne lagwa mai tuana vake. #Mat 5.44-45; Mak 12.29-31
Currently Selected:
1 SIONE 4: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
