1 SIONE 1
1
A Leo na Ahiana
1A nomai leo hika kemo ulia lakwakamu huri na leo na ahiana, aia hi u toka vanamai evina kinia a varamana u tikei radu nga. Keu rongoa, vunu keu tagaia kina matamai. Kareaki keu tagaia vunu a kabamai mo kihia. #a Sione 1.1,2; 1 Sione 2.13,14; b Sione 1.1,4,14 2Hokinia kemo hago leo huria, kemo viti huria lakwakamu kwara a Ahiana hi vaki tuai u hugu mana Tamaki tomua, vae hika a Tamaki mori vosangia lakwakami kemo tagaia. #Sione 1.14 3A havakinau hi keu taga keu rongo, kemo viti lakwakamu vake, kwara vae i kamu vake tulu ne bulu maikami lo nomai bulubulu mana Tamaki mai Natuna i Jisas Kraes*. 4Keu uli na leo hikani lakwakamu kwara vae i kita vunu ne havutikita tigwaravu. #Sione 15.11; 16.24
I God aia a leleha
5A leo aia hika kemo rongoa ti Natuna kemo viti huria lakwakamu kwara, “I God aia a leleha, a dodoki tikei luna vohoki.” #1 Tim 6.16; Sem 1.17 6Vunu diko i kita tana viti tau bulubulu katukwale maia, vae lo taroki hini tau toka lolo dodoki radu nga, tau kura vunuhia lolo leoda, vake lo doridorida. #a 1 Sione 2.4; b Sione 3.21 7Vae diko tau toka lolo leleha, hokinia hi aia u toka lolo leleha, vae tau bulubulu katukwale, vunu a dai i Natuna i Jisas ne toko vaikita tana ngwasara tina noda vaivai hati doluaki.
8Vae diko tau viti kwehi kwara a noda vaivai hati tikei, tau kwaha saloia, a vitikareaki u tikei luda. 9Vae diko tau teteraki savi na noda vaivai hati lakwai God, tana hauhuri luna huri nona tulikileo toko he sovi tea, aia u vai kinau u bakoto tigwaravu, vae neri domidomi koro noda vaivai hati ne vaikita tana ngwasara tina noda vai vakasileana doluaki. 10Vae diko tau viti kwara tahe toko vai te doridori hati, vae hokinia hi tau viti kwara i God aia a tangaloi kurakura. Hika u vosangi kwara a nona leo he eno te luda vohoki.
Currently Selected:
1 SIONE 1: HWT
Highlight
Copy
Compare
Share
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
