LEVITIKO 25
25
1Go Yehovah e pasa paki Moses doko tava Sinai, 2po naga, P̃a vasa paki Israel natuna maga, po noa ki da naga, Ragi waina kuga wo umai paki navanua waina a dua mu asa, ragi wanogoe navanua ega vavaigoro sabbath sikai paki Yehovah. 3Natau latesa p̃a lalawo vanua anigo, go natau latesa p̃a kotovi roara ni vaine anigo, po piragi saisai ki nawana maga; 4Ma natau kelarua ega vei sabbath sikai ni namaromaroana tapu ni navanua, sabbath sikai ki Yehovah: p̃a ta lawo vanua anigo, kite kotovi roara ni vaine anigo asa mau. 5Tea waina e pei ora doko vanua anigo, p̃a ta dagaukotovi a mau, go nawa ni vaine anigo waina ku da dagaukotovi a, p̃a ta piragi saisai ki da mau: ega vei natau ni namaromaroana tapu usuraki navanua. 6Go sabbath ni navanua ega vitua ki navinaga animu; anigo, go agi tea suasua anigo, go agi tea suasua nagoroi anigo, go agi tea suasua vasadapuiana anigo, go agi nam̃enaki waina e m̃enaki atatoko sikoti ko; 7Go agi katel anigo, go agi nalo tuavati maga waina eu doko navanua anigo, sara naleo waina ega vitua, ega vei navinaga.
8Go p̃a manigo peve parati ki sabbath larua ni natau maga, natau larua paka larua; go naaleatia maga ni sabbath larua ni natau maga euga manigo pei natau rualima pati tamate loveti. 9Ragi wanogoe p̃a sui paiga nakup̃a kerualima ni atelagi kelarua; naaleatia ni natap̃augoroana, p̃a sui paiga usuraki navanua mamau animu. 10Go kuga tapugoro natau kerualima lima, po dogorogo ki naveresi‐luaana usuraki navanua mamau paki naatam̃oli maga mamau puti: ega manimu pei yubele sikai; go kuga liliu sara naatam̃oli euga sikasikai paki naveaniana adeada, go kuga liliu sara naatam̃oli euga sikasikai paki tea ni nasum̃a adeada. 11Natau kerualima lima wanogoe ega manimu pei yubele sikai: kuga ta sapura ki, kite dagaukotovi ora kakana mau, kite pila daua ki nawa maga ni vaine waina ku da dagaukotovi a. 12Nalakena e pei yubele sikai; ega vei tea tapu animu: kuga kani tea waina vanua ega vitua ki nia. 13Doko natau ni yubele wanogoe, kuga liliu sara naatam̃oli euga sikasikai paki naveaniana adeada. 14Go waina ku pe sori te navatuna paki tea ni m̃aladigi ki‐go, kite pakotovi te navatuna ki nam̃elearu ni tea ni m̃aladigi ki‐go, kuga ta mari dagele dum̃amu paki mu mau: 15P̃a vakotovi paki tea ni m̃aladigi ki‐go ega tapala naveveana ni natau maga edaku ki yubele, go nae ega sosori paki‐go nawa maga ega tapala naveveana ni natau maga. 16Natau maga eu pe laapa, naulu ega vakilagi, go natau maga eu pe visa maau, naulu ega vakitano; nalakena ega veve natau maga pataka ni nawa maga waina ega sori ra paki‐go. 17Go kuga ta mari dagele dum̃amu paki mu mau; ma p̃a matau ki Sup̃e anigo: nalakena kinau a pei Yehovah Sup̃e animu. 18Nalakena tea wanogoe kuga mari pataka ni natawonakiana aginau maga po pavaigoro parati ki navasap̃otaeana aginau maga, po do mari pataka da; go kuga wo doko p̃ia doko navanua. 19Go navanua ega wo pitua ki nawana, go kuga wo ganikani po puka, po doko p̃ia asa doko. 20Go waina ku pe naga, Tuga kani nasava natau kelarua? Kuga leo, tuga ta sapura ki, kite pai nawa anigida maga mau: 21Ragi wanogoe aga wo dip̃aki navasap̃iakiana aginau ega toko mu natau kelatesa, go ega wo pitua ki nawa pataka ni natau dolu. 22Go natau kelatolu kuga sapura ki, ma kuga ko do gani nawa tuai; pa pa paki natau keloveti, pa pa nawana maga euga vakilina, kuga kani tea tuai. 23Go navanua ega ta pei tea sori‐kotovi‐ana mau; nalakena navanua e pei tea aginau: nalakena nimu ku pei nam̃enaki maga, go nam̃enaki‐atatoko maga sikoti au. 24Go doko navanua mamau ni naveaniana animu, kuga vitua ki natauluaana ni navanua.
25Waina taim̃a e pe vei tea tika, go e pe sori matele sikai ni naveaniana aneana, ragi wanogoe tea ni namatarau wia aneana ega umai go ega taulua tea waina taina e sori a. 26Go waina e pe ta peani te naata naga ega taulua e mau, go nae e pe tum̃ana disu p̃ia po pap̃ai tea waina e pataka ni natauluaana kakana; 27Ragi wanogoe ega veve parati ki pae natau waina e sori a asa, po moro liliua ki nia ki nasokariana paki naata waina e sori a paki nia; go nae ega moro liliu paki naveaniana aneana. 28Ma waina e pe ta peani pataka naga ega tum̃ana daulua e mau, ragi wanogoe tea waina e sori a ega toropusi a ega toko nam̃elearu ni tea waina e pakotovi a, pa pa paki natau ni yubele: go natau ni yubele, ega vei tea veresiana, go nae ega moro liliu paki naveaniana aneana.
29Go waina naata sikai e pe sori nasum̃a tokoana sikai doko natokoana ni p̃aaka, ragi wanogoe e mariatae daulua e pea ki nanopuana ni natau, edaku ki nasoriana kakana; nalakena natau mamau sikai e leana ki natauluaana. 30Go waina e pe ta pei tea tauluaana natau mamau sikai mau, ragi wanogoe nasum̃a tokoana wanogoe waina e doko natokoana ni p̃aaka, ega vei tea lawo‐soki‐ana paki tea waina e pakotovi a, usuraki tagona aneana maga: ega ta pei tea veresiana mau natau ni yubele. 31Ma nasum̃a tokoana maga ni natokoana maga waina eu da peani p̃aaka dalivirigoro ra mau, euga vei tea midoakiana naga eu dapala vanua maga ni navanua: euga vei tea tauluaana, go euga vei tea veresiana natau ni yubele. 32Ma natokoana maga ki naworawora ni Levi, nasum̃a tokoana maga ni natokoana maga ni naveaniana adeada, naworawora ni Levi eu mariatae daulua ra sara natau. 33Go waina naata sikai ni naworawora ni Levi e pe ta daulua e mau, ragi wanogoe nasum̃a waina e pei tea soriana doko natokoana ni naveaniana aneana, ega vei tea veresiana natau ni yubele: nalakena nasum̃a tokoana maga ni natokoana maga ki naworawora ni Levi, eu pei naveaniana adeada maga doko m̃aleoputo ni Israel natuna maga. 34Ma napega maga ni natano waina eu doko m̃aladigi ki natokoana adeada maga, euga ta pei tea soriana mau; nalakena e pei naveaniana adeada waina e doko mau doko. 35Go waina taim̃a e pe vei tea tika, go nam̃elearuna e pe manainai; ragi wanogoe p̃a viragi soki a: dakiusi tea ni nalauna p̃ota kite nam̃enaki, ega toko sikoti ko doko. 36P̃a ta dape te narogoviana kite te nataluaana kiana mau; ma p̃a matau ki Sup̃e anigo: naga taim̃a ega toko sikoti ko doko. 37P̃a ta dua e m̃ane anigo raki narogoviana, go p̃a ta dua e navinaga anigo raki nataluaana. 38Kinau a pei Yehovah Sup̃e animu, waina a piragi lua mu m̃elu dua ki navanua ni Ityipt umai, naga aga tua mu navanua ni Kanaan, naga aga vei Sup̃e animu.
39Go taim̃a waina e doko sikoti ko e pe vei tea tika, po dum̃ana sori a paki‐go; p̃a ta mari a ega suasua dapala naviti sikai: 40Ma ega tapala tea suasua vasadapuiana sikai, go ega tapala nam̃enaki‐atatoko, ega sikoti ko doko; ega vei tea suasua sikoti ko pa pa paki natau ni yubele: 41Ragi wanogoe ega m̃elu dua ki‐go pano, nara ma natuna maga euga mamau, po liliu paki namatarau aneana, go paki naveaniana ki tamana maga. 42Nalakena nara eu pei tea suasua aginau maga, waina a piragi lua ra m̃elu dua ki navanua ni Ityipt umai: euga ta pei tea soriana naga euga vei naviti maga mau. 43P̃a ta maramara dap̃au sa pilake namariana kasua mau; ma p̃a matau ki Sup̃e anigo. 44Go naviti naanoai anigo maga, go naviti nagoroi anigo maga, waina p̃a veani ra; kuga vakotovi ra ki nalauna maga dalivirigoro mu. 45Dapala nogoe kuga vakotovi ra m̃elu m̃aleoputo kakamu, ki nam̃enaki natuna maga waina eu m̃enakiatatoko sikoti mu, go namatarau adeada maga waina eu pakilina navanua animu go nara euga vei naveaniana animu. 46Go kuga mari ra euga vei naveani‐pioli‐kiana sikai agi natumu maga edaku ki mu, naga euga vei naveaniana sikai; kuga vakotovi naviti animu ara sara ragi: ma taimu maga, Israel natuna maga, sikai ega ta maramara dap̃au tea p̃ota ki namariana kasua mau.
47Go waina tea ni nalauna p̃ota sikai kite nam̃enaki waina e doko sikoti ko e pe vei sogolapa sikai, go taim̃a waina e sikoti a doko e pe vei tea tika, go e pe tum̃ana sori a paki tea ni nalauna p̃ota kite nam̃enaki waina e sikoti ko doko, kite paki namatarau sikai ni tea ni nalauna p̃ota: 48Edaku ki nasoriana, e mariatae pei tea tauluaana; taina sikai e mariatae daulua e: 49Kite aloana, kite natu ni aloana e mariatae daulua e, kite te namatarau sikai ni m̃aladigi ki nia, e mariatae daulua e; kite waina nae e pe vei sogolapa, ma e pe mariatae dum̃ana daulua e. 50Go ega taki parati ki sikoti tea waina e pakotovi a, pae natau waina e dum̃ana sori a dua e asa, pa pa paki natau ni yubele: go naulu ni nasoriana kakana ega vataka sikai ma nalaapaana ni natau maga; ega vataka sikai paki tea suasua vasadapuiana sikai waina ega sikoti a. 51Waina natau laapa eu ko puoli, ega moro liliua ki namagovai ni naulu ni natauluaana aneana, ega vataka ni natau maga waina eu ko puoli, m̃elu naulu waina e pei tea vakotoviana asa. 52Go waina natau eu pe visa maau waina eu ko puoli paki natau ni yubele, ega taki parati ki sikoti a; go ega vataka ni natau aneana maga, ega moro liliua ki naulu ni natauluaana aneana. 53Ega tapala tea suasua vasadapuiana ni sara natau, ega sikoti a doko: ega ta maramara dap̃au sa ki namariana kasua doko naraem̃a mau. 54Go waina e pe ta pei tea tauluaana natau maga wanogoe mau, ragi wanogoe ega vei tea veresiana natau ni yubele, nara ma natuna maga euga mamau. 55Nalakena Israel natuna maga eu pei tea suasua aginau maga; nara eu pei tea suasua aginau maga waina a piragi lua ra m̃elu dua ki navanua ni Ityipt umai: kinau a pei Yehovah Sup̃e animu.
Currently Selected:
LEVITIKO 25: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
LEVITIKO 25
25
1Go Yehovah e pasa paki Moses doko tava Sinai, 2po naga, P̃a vasa paki Israel natuna maga, po noa ki da naga, Ragi waina kuga wo umai paki navanua waina a dua mu asa, ragi wanogoe navanua ega vavaigoro sabbath sikai paki Yehovah. 3Natau latesa p̃a lalawo vanua anigo, go natau latesa p̃a kotovi roara ni vaine anigo, po piragi saisai ki nawana maga; 4Ma natau kelarua ega vei sabbath sikai ni namaromaroana tapu ni navanua, sabbath sikai ki Yehovah: p̃a ta lawo vanua anigo, kite kotovi roara ni vaine anigo asa mau. 5Tea waina e pei ora doko vanua anigo, p̃a ta dagaukotovi a mau, go nawa ni vaine anigo waina ku da dagaukotovi a, p̃a ta piragi saisai ki da mau: ega vei natau ni namaromaroana tapu usuraki navanua. 6Go sabbath ni navanua ega vitua ki navinaga animu; anigo, go agi tea suasua anigo, go agi tea suasua nagoroi anigo, go agi tea suasua vasadapuiana anigo, go agi nam̃enaki waina e m̃enaki atatoko sikoti ko; 7Go agi katel anigo, go agi nalo tuavati maga waina eu doko navanua anigo, sara naleo waina ega vitua, ega vei navinaga.
8Go p̃a manigo peve parati ki sabbath larua ni natau maga, natau larua paka larua; go naaleatia maga ni sabbath larua ni natau maga euga manigo pei natau rualima pati tamate loveti. 9Ragi wanogoe p̃a sui paiga nakup̃a kerualima ni atelagi kelarua; naaleatia ni natap̃augoroana, p̃a sui paiga usuraki navanua mamau animu. 10Go kuga tapugoro natau kerualima lima, po dogorogo ki naveresi‐luaana usuraki navanua mamau paki naatam̃oli maga mamau puti: ega manimu pei yubele sikai; go kuga liliu sara naatam̃oli euga sikasikai paki naveaniana adeada, go kuga liliu sara naatam̃oli euga sikasikai paki tea ni nasum̃a adeada. 11Natau kerualima lima wanogoe ega manimu pei yubele sikai: kuga ta sapura ki, kite dagaukotovi ora kakana mau, kite pila daua ki nawa maga ni vaine waina ku da dagaukotovi a. 12Nalakena e pei yubele sikai; ega vei tea tapu animu: kuga kani tea waina vanua ega vitua ki nia. 13Doko natau ni yubele wanogoe, kuga liliu sara naatam̃oli euga sikasikai paki naveaniana adeada. 14Go waina ku pe sori te navatuna paki tea ni m̃aladigi ki‐go, kite pakotovi te navatuna ki nam̃elearu ni tea ni m̃aladigi ki‐go, kuga ta mari dagele dum̃amu paki mu mau: 15P̃a vakotovi paki tea ni m̃aladigi ki‐go ega tapala naveveana ni natau maga edaku ki yubele, go nae ega sosori paki‐go nawa maga ega tapala naveveana ni natau maga. 16Natau maga eu pe laapa, naulu ega vakilagi, go natau maga eu pe visa maau, naulu ega vakitano; nalakena ega veve natau maga pataka ni nawa maga waina ega sori ra paki‐go. 17Go kuga ta mari dagele dum̃amu paki mu mau; ma p̃a matau ki Sup̃e anigo: nalakena kinau a pei Yehovah Sup̃e animu. 18Nalakena tea wanogoe kuga mari pataka ni natawonakiana aginau maga po pavaigoro parati ki navasap̃otaeana aginau maga, po do mari pataka da; go kuga wo doko p̃ia doko navanua. 19Go navanua ega wo pitua ki nawana, go kuga wo ganikani po puka, po doko p̃ia asa doko. 20Go waina ku pe naga, Tuga kani nasava natau kelarua? Kuga leo, tuga ta sapura ki, kite pai nawa anigida maga mau: 21Ragi wanogoe aga wo dip̃aki navasap̃iakiana aginau ega toko mu natau kelatesa, go ega wo pitua ki nawa pataka ni natau dolu. 22Go natau kelatolu kuga sapura ki, ma kuga ko do gani nawa tuai; pa pa paki natau keloveti, pa pa nawana maga euga vakilina, kuga kani tea tuai. 23Go navanua ega ta pei tea sori‐kotovi‐ana mau; nalakena navanua e pei tea aginau: nalakena nimu ku pei nam̃enaki maga, go nam̃enaki‐atatoko maga sikoti au. 24Go doko navanua mamau ni naveaniana animu, kuga vitua ki natauluaana ni navanua.
25Waina taim̃a e pe vei tea tika, go e pe sori matele sikai ni naveaniana aneana, ragi wanogoe tea ni namatarau wia aneana ega umai go ega taulua tea waina taina e sori a. 26Go waina e pe ta peani te naata naga ega taulua e mau, go nae e pe tum̃ana disu p̃ia po pap̃ai tea waina e pataka ni natauluaana kakana; 27Ragi wanogoe ega veve parati ki pae natau waina e sori a asa, po moro liliua ki nia ki nasokariana paki naata waina e sori a paki nia; go nae ega moro liliu paki naveaniana aneana. 28Ma waina e pe ta peani pataka naga ega tum̃ana daulua e mau, ragi wanogoe tea waina e sori a ega toropusi a ega toko nam̃elearu ni tea waina e pakotovi a, pa pa paki natau ni yubele: go natau ni yubele, ega vei tea veresiana, go nae ega moro liliu paki naveaniana aneana.
29Go waina naata sikai e pe sori nasum̃a tokoana sikai doko natokoana ni p̃aaka, ragi wanogoe e mariatae daulua e pea ki nanopuana ni natau, edaku ki nasoriana kakana; nalakena natau mamau sikai e leana ki natauluaana. 30Go waina e pe ta pei tea tauluaana natau mamau sikai mau, ragi wanogoe nasum̃a tokoana wanogoe waina e doko natokoana ni p̃aaka, ega vei tea lawo‐soki‐ana paki tea waina e pakotovi a, usuraki tagona aneana maga: ega ta pei tea veresiana mau natau ni yubele. 31Ma nasum̃a tokoana maga ni natokoana maga waina eu da peani p̃aaka dalivirigoro ra mau, euga vei tea midoakiana naga eu dapala vanua maga ni navanua: euga vei tea tauluaana, go euga vei tea veresiana natau ni yubele. 32Ma natokoana maga ki naworawora ni Levi, nasum̃a tokoana maga ni natokoana maga ni naveaniana adeada, naworawora ni Levi eu mariatae daulua ra sara natau. 33Go waina naata sikai ni naworawora ni Levi e pe ta daulua e mau, ragi wanogoe nasum̃a waina e pei tea soriana doko natokoana ni naveaniana aneana, ega vei tea veresiana natau ni yubele: nalakena nasum̃a tokoana maga ni natokoana maga ki naworawora ni Levi, eu pei naveaniana adeada maga doko m̃aleoputo ni Israel natuna maga. 34Ma napega maga ni natano waina eu doko m̃aladigi ki natokoana adeada maga, euga ta pei tea soriana mau; nalakena e pei naveaniana adeada waina e doko mau doko. 35Go waina taim̃a e pe vei tea tika, go nam̃elearuna e pe manainai; ragi wanogoe p̃a viragi soki a: dakiusi tea ni nalauna p̃ota kite nam̃enaki, ega toko sikoti ko doko. 36P̃a ta dape te narogoviana kite te nataluaana kiana mau; ma p̃a matau ki Sup̃e anigo: naga taim̃a ega toko sikoti ko doko. 37P̃a ta dua e m̃ane anigo raki narogoviana, go p̃a ta dua e navinaga anigo raki nataluaana. 38Kinau a pei Yehovah Sup̃e animu, waina a piragi lua mu m̃elu dua ki navanua ni Ityipt umai, naga aga tua mu navanua ni Kanaan, naga aga vei Sup̃e animu.
39Go taim̃a waina e doko sikoti ko e pe vei tea tika, po dum̃ana sori a paki‐go; p̃a ta mari a ega suasua dapala naviti sikai: 40Ma ega tapala tea suasua vasadapuiana sikai, go ega tapala nam̃enaki‐atatoko, ega sikoti ko doko; ega vei tea suasua sikoti ko pa pa paki natau ni yubele: 41Ragi wanogoe ega m̃elu dua ki‐go pano, nara ma natuna maga euga mamau, po liliu paki namatarau aneana, go paki naveaniana ki tamana maga. 42Nalakena nara eu pei tea suasua aginau maga, waina a piragi lua ra m̃elu dua ki navanua ni Ityipt umai: euga ta pei tea soriana naga euga vei naviti maga mau. 43P̃a ta maramara dap̃au sa pilake namariana kasua mau; ma p̃a matau ki Sup̃e anigo. 44Go naviti naanoai anigo maga, go naviti nagoroi anigo maga, waina p̃a veani ra; kuga vakotovi ra ki nalauna maga dalivirigoro mu. 45Dapala nogoe kuga vakotovi ra m̃elu m̃aleoputo kakamu, ki nam̃enaki natuna maga waina eu m̃enakiatatoko sikoti mu, go namatarau adeada maga waina eu pakilina navanua animu go nara euga vei naveaniana animu. 46Go kuga mari ra euga vei naveani‐pioli‐kiana sikai agi natumu maga edaku ki mu, naga euga vei naveaniana sikai; kuga vakotovi naviti animu ara sara ragi: ma taimu maga, Israel natuna maga, sikai ega ta maramara dap̃au tea p̃ota ki namariana kasua mau.
47Go waina tea ni nalauna p̃ota sikai kite nam̃enaki waina e doko sikoti ko e pe vei sogolapa sikai, go taim̃a waina e sikoti a doko e pe vei tea tika, go e pe tum̃ana sori a paki tea ni nalauna p̃ota kite nam̃enaki waina e sikoti ko doko, kite paki namatarau sikai ni tea ni nalauna p̃ota: 48Edaku ki nasoriana, e mariatae pei tea tauluaana; taina sikai e mariatae daulua e: 49Kite aloana, kite natu ni aloana e mariatae daulua e, kite te namatarau sikai ni m̃aladigi ki nia, e mariatae daulua e; kite waina nae e pe vei sogolapa, ma e pe mariatae dum̃ana daulua e. 50Go ega taki parati ki sikoti tea waina e pakotovi a, pae natau waina e dum̃ana sori a dua e asa, pa pa paki natau ni yubele: go naulu ni nasoriana kakana ega vataka sikai ma nalaapaana ni natau maga; ega vataka sikai paki tea suasua vasadapuiana sikai waina ega sikoti a. 51Waina natau laapa eu ko puoli, ega moro liliua ki namagovai ni naulu ni natauluaana aneana, ega vataka ni natau maga waina eu ko puoli, m̃elu naulu waina e pei tea vakotoviana asa. 52Go waina natau eu pe visa maau waina eu ko puoli paki natau ni yubele, ega taki parati ki sikoti a; go ega vataka ni natau aneana maga, ega moro liliua ki naulu ni natauluaana aneana. 53Ega tapala tea suasua vasadapuiana ni sara natau, ega sikoti a doko: ega ta maramara dap̃au sa ki namariana kasua doko naraem̃a mau. 54Go waina e pe ta pei tea tauluaana natau maga wanogoe mau, ragi wanogoe ega vei tea veresiana natau ni yubele, nara ma natuna maga euga mamau. 55Nalakena Israel natuna maga eu pei tea suasua aginau maga; nara eu pei tea suasua aginau maga waina a piragi lua ra m̃elu dua ki navanua ni Ityipt umai: kinau a pei Yehovah Sup̃e animu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific