LEVITIKO 23
23
1Go Yehovah e pasa paki Moses, po naga, 2P̃a vasa paki Israel natuna maga, po noa ki da naga, Tea maga waia eu pei nasaisaiana tatutakiana aginau maga waina kuga rogorogo ki da, euga vei nasoso‐saisai‐kiana tapu maga, nasaisaiana tatutakiana maga ki Yehovah. 3Naaleatia latesa kuga wosiwosi ara: ma naaleatia kelarua e pei sabbath sikai ni namaromaroana, e pei nasoso‐saisai‐kiana tapu sikai; kuga ta mari te nawosiana asa mau: e pei sabbath sikai ki Yehovah usuraki tokora tokoana animu maga mamau puti.
4Tea maga waia eu pei nasaisaiana tatutakiana maga ki Yehovah, eu pei nasoso‐saisai‐kiana tapu maga, waina kuga rogorogo ki da doko ragi kakada maga. 5Doko atelagi vea, nakup̃a kerualima sikai tamate pati ni atelagi, ragi melu kakana, e pei navakalauana ki Yehovah. 6Go nakup̃a kerualima sikai tamate lima ni atelagi sikai maau wanogoe, e pei nasaisaiana ni bred waina leven e dika asa, nasaisaiana ki Yehovah: naaleatia larua kuga kani bred waina leven e dika asa. 7Naaleatia vea kuga veani nasoso‐saisai‐kiana tapu sikai: kuga ta mari te nawosiana kasua asa mau. 8Ma kuga vitua ki navituaana tap̃arakiana paki Yehovah naaleatia larua: nakup̃a kelarua e pei nasoso‐saisai‐kiana tapu sikai; kuga ta mari te nawosiana kasua asa mau.
9Go Yehovah e pasa paki Moses, po naga, 10P̃a vasa paki Israel natuna maga, po noa ki da naga, Ragi waina kuga wo umai doko navanua waina kinau a dua mu asa, go kuga wo dagaukotovi nalolovaeana kakana, ragi wanogoe kuga viragi napu ni takavea maga ni nalolovaeana animu umai punusi tea viri: 11Go nae ega salesalea ki napu wanogoe narae ni Yehovah, naga ega manimu pei tea midoaki‐m̃ata‐kiana: matamai ki nia, edaku ki naaleatia ni sabbath, tea viri ega salesalea ki nia. 12Go naaleatia waina kuga salesalea ki napu asa, kuga vitua ki shiip natuna anoai sikai, tea mamaau p̃ia, tea ni natau sikai, ega vei navituaana tap̃arakiana sikai paki Yehovah. 13Go navituaana ni flaur kakana ega vei kekerualima dua ni efah ni flaur wia, tea sarisariana pilake naroro, naga ega vei navituaana tap̃arakiana sikai, tea ni nap̃o lolo, paki Yehovah: navituaana takiana kakana ega vei waine, namagovai kevati ni hin sikai. 14Go kuga ta gani bred, kite korn veniana, kite tea mata, pa pa paki naaleatia sikai maau wanogoe, pa pa kuga viragi naviriana ni navinaga ki Sup̃e animu umai: e pei natawonakiana sikai waina ega toko mau doko usuraki tagona animu maga, doko tokora tokoana animu maga mamau puti.
15Go pae matamai ki nia, edaku ki sabbath, pae naaleatia waina ku dape napu ni navituaana salesaleakiana umai, kuga tum̃amu manimu peve parati ki sabbath euga larua, pa pa ega nopu. 16Go pa pa paki matamai ki nia, edaku ki sabbath kelarua, kuga veve parati ki naaleatia rualima lima; go ragi wanogoe kuga vitua ki navituaana vau ni flaur p̃ota paki Yehovah. 17Kuga tape m̃elu tokora tokoana animu maga, m̃olim̃oli dua ni bred salesaleakiana ni kekerualima dua ni efah ni flaur wia: euga vei tea ni flaur wia, euga vei tea taoniana leven ega toko ara, euga vei takavea maga paki Yehovah. 18Go kuga vitua ki bred wanogoe pilake shiip natuna larua, tea mamaau p̃ia ni natau sikai, go kau anoai vusavusa sikai, go shiip anoai dua: euga vei navituaana tap̃arakiana sikai paki Yehovah, nara ma navituaana adeada maga ni flaur, go navituaana takiana adeada maga, euga vei navituaana taparakiana sikai, tea ni nap̃o lolo, paki Yehovah. 19Go kuga vitua ki naninani anoai sikai ega vei navituaana sikai ni namarinaleosaana, go shiip natuna anoai dua ni natau sikai, eroga vei naviriana sikai ni navituaana maga ni natam̃ateana. 20Go tea viri ega salesalea ki da pilake bred ni tea takavea maga, ega vei navituaana salesaleakiana sikai narae ni Yehovah, pilake shiip natuna dua: ega vei tea tapu paki Yehovah, ega vei agi tea viri. 21Go kuga vioso dogorogo naaleatia sikai maau wanogoe; kuga veani nasoso‐saisai‐kiana tapu sikai: kuga ta mari te nawosiana kasua asa mau: e pei natawonakiana sikai waina ega toko mau doko, sara tokora tokoana animu usuraki tagona animu maga.
22Go ragi waina kuga tagaukotovi vanua animu, p̃a ta dagaukotovi puti naweluki maga ni vanua anigo mau, go p̃a ta pila daua ki puti tea vevera ni nalolovaeana anigo mau: p̃a toropusi ra euga toko raki tea tika, go nam̃enaki maga: kinau a pei Yehovah Sup̃e animu.
23Go Yehovah e pasa paki Moses, po naga, 24P̃a vasa paki Israel natuna maga, po naga, Atelagi kelarua, nakup̃a vea ni atelagi, ega manimu pei naaleatia ni namaromaroana tapu sikai ni namidoaki‐lagati‐ana ni nasuipaiga‐ana, nasoso‐saisai‐kiana tapu sikai. 25Kuga ta mari te nawosiana kasua asa mau: go kuga vitua ki navituaana taparakiana sikai paki Yehovah.
26Go Yehovah e pasa paki Moses, po naga, 27Nakup̃a kerualima ni atelagi kelarua e pei naaleatia ni natap̃augoroana: ega manimu pei nasososaisai‐kiana tapu sikai, go kuga vali; go kuga vitua ki navituaana tap̃arakiana sikai paki Yehovah. 28Go kuga ta mari te nawosiana naaleatia wanogoe mau: nalakena e pei naaleatia ni natap̃augoroana, naga ega manimu mari natap̃augoroana narae ni Yehovah Sup̃e animu. 29Nalakena te naata sikai e pe ta pali naaleatia wanogoe mau, naata wanogoe ega vei tea taeluaana m̃elu dua ki narei aneana. 30Go naata waina e pe mari te nawosiana sikai naaleatia wanogoe, naata wanogoe aga wo mari puoli ki nia padua ki narei aneana. 31Kuga ta mari te nawosiana asa mau: e pei natawonakiana sikai waina ega toko mau doko usuraki tagona animu maga doko tokora tokoana animu maga mamau puti. 32Ega manimu pei sabbath sikai ni namaromaroana tapu, go kuga vali: nakup̃a keloveti ni atelagi, doko ragi melu, pae ragi melu pa pa paki ragi melu ni matamai ki nia, kuga vavaigoro parati ki sabbath animu.
33Go Yehovah e pasa paki Moses, po naga, 34P̃a vasa paki Israel natuna maga, po naga, Nakup̃a kerualima sikai tamate lima ni atelagi kelarua wanogoe, e pei nasaisaiana ni natokotap̃aup̃au‐ana maga raki naaleatia larua, paki Yehovah. 35Nakup̃a vea ega vei nasoso‐saisai‐kiana tapu sikai: kuga ta mari te nawosiana kasua asa mau. 36Naaleatia larua kuga vitua ki navituaana tap̃arakiana sikai paki Yehovah: nakup̃a kelatolu ega vei nasoso‐saisai‐kiana tapu animu sikai; go kuga vitua ki navituaana tap̃arakiana sikai paki Yehovah: e pei nasaisaiana tapu sikai; kuga ta mari te nawosiana kasua asa mau.
37Tea maga waia eu pei nasaisaiana tatutakiana maga ki Yehovah, waina kuga vioso dogorogo ki da naga euga vei nasoso‐saisai‐kiana tapu maga, naga kuga vitua ki navituaana tap̃arakiana sikai paki Yehovah, navituaana tap̃arakiana sikai, go navituaana sikai ni flaur, naviriana sikai, go navituaana takiana sikai, euga sikasikai doko naaleatia kakada: 38Nara ma sabbath maga ki Yehovah, go navituaana animu maga, go nasaiana animu maga mamau puti, go navituaana suasuakiana animu maga, waina kuga vitua ki da paki Yehovah.
39Go nakup̃a kerualima sikai tamate lima ni atelagi kelarua, ragi waina kuga viragi saisai ki sua nawa maga ni navanua, kuga vavaigoro parati ki nasaisaiana ki Yehovah naaleatia euga larua: nakup̃a vea ega vei namaromaroana tapu sikai, go nakup̃a kelatolu ega moro pei namaromaroana tapu sikai. 40Go nakup̃a vea kuga tape nawa ni nakau wia maga, go naulu ni paama maga, go ara maga ni nakau matolu maga, go nakau willo maga pae nadigi ni noaisara; go kuga laelaea narae ni Yehovah Sup̃e animu naaleatia euga larua. 41Go kuga vavaigoro parati ki nia ega vei nasaisaiana sikai paki Yehovah naaleatia euga larua doko sara natau: e pei natawonakiana sikai waina ega toko mau doko usuraki tagona animu maga: kuga vavaigoro parati ki nia doko atelagi kelarua. 42Kuga m̃enaki doko tap̃aup̃au maga naaleatia euga larua; naatatoko maga mamau puti ni Israel euga m̃enaki doko tap̃aup̃au maga: 43Naga tagona animu maga euga atae naga kinau a mari Israel natuna maga eu m̃enaki doko tap̃aup̃au maga, ragi waina a piragi lua ra m̃elu dua ki navanua ni Ityipt umai: kinau a pei Yehovah Sup̃e animu. 44Go Moses e dogorogo paki Israel natuna maga nasaisaiana tatutakiana maga ki Yehovah.
Currently Selected:
LEVITIKO 23: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
LEVITIKO 23
23
1Go Yehovah e pasa paki Moses, po naga, 2P̃a vasa paki Israel natuna maga, po noa ki da naga, Tea maga waia eu pei nasaisaiana tatutakiana aginau maga waina kuga rogorogo ki da, euga vei nasoso‐saisai‐kiana tapu maga, nasaisaiana tatutakiana maga ki Yehovah. 3Naaleatia latesa kuga wosiwosi ara: ma naaleatia kelarua e pei sabbath sikai ni namaromaroana, e pei nasoso‐saisai‐kiana tapu sikai; kuga ta mari te nawosiana asa mau: e pei sabbath sikai ki Yehovah usuraki tokora tokoana animu maga mamau puti.
4Tea maga waia eu pei nasaisaiana tatutakiana maga ki Yehovah, eu pei nasoso‐saisai‐kiana tapu maga, waina kuga rogorogo ki da doko ragi kakada maga. 5Doko atelagi vea, nakup̃a kerualima sikai tamate pati ni atelagi, ragi melu kakana, e pei navakalauana ki Yehovah. 6Go nakup̃a kerualima sikai tamate lima ni atelagi sikai maau wanogoe, e pei nasaisaiana ni bred waina leven e dika asa, nasaisaiana ki Yehovah: naaleatia larua kuga kani bred waina leven e dika asa. 7Naaleatia vea kuga veani nasoso‐saisai‐kiana tapu sikai: kuga ta mari te nawosiana kasua asa mau. 8Ma kuga vitua ki navituaana tap̃arakiana paki Yehovah naaleatia larua: nakup̃a kelarua e pei nasoso‐saisai‐kiana tapu sikai; kuga ta mari te nawosiana kasua asa mau.
9Go Yehovah e pasa paki Moses, po naga, 10P̃a vasa paki Israel natuna maga, po noa ki da naga, Ragi waina kuga wo umai doko navanua waina kinau a dua mu asa, go kuga wo dagaukotovi nalolovaeana kakana, ragi wanogoe kuga viragi napu ni takavea maga ni nalolovaeana animu umai punusi tea viri: 11Go nae ega salesalea ki napu wanogoe narae ni Yehovah, naga ega manimu pei tea midoaki‐m̃ata‐kiana: matamai ki nia, edaku ki naaleatia ni sabbath, tea viri ega salesalea ki nia. 12Go naaleatia waina kuga salesalea ki napu asa, kuga vitua ki shiip natuna anoai sikai, tea mamaau p̃ia, tea ni natau sikai, ega vei navituaana tap̃arakiana sikai paki Yehovah. 13Go navituaana ni flaur kakana ega vei kekerualima dua ni efah ni flaur wia, tea sarisariana pilake naroro, naga ega vei navituaana tap̃arakiana sikai, tea ni nap̃o lolo, paki Yehovah: navituaana takiana kakana ega vei waine, namagovai kevati ni hin sikai. 14Go kuga ta gani bred, kite korn veniana, kite tea mata, pa pa paki naaleatia sikai maau wanogoe, pa pa kuga viragi naviriana ni navinaga ki Sup̃e animu umai: e pei natawonakiana sikai waina ega toko mau doko usuraki tagona animu maga, doko tokora tokoana animu maga mamau puti.
15Go pae matamai ki nia, edaku ki sabbath, pae naaleatia waina ku dape napu ni navituaana salesaleakiana umai, kuga tum̃amu manimu peve parati ki sabbath euga larua, pa pa ega nopu. 16Go pa pa paki matamai ki nia, edaku ki sabbath kelarua, kuga veve parati ki naaleatia rualima lima; go ragi wanogoe kuga vitua ki navituaana vau ni flaur p̃ota paki Yehovah. 17Kuga tape m̃elu tokora tokoana animu maga, m̃olim̃oli dua ni bred salesaleakiana ni kekerualima dua ni efah ni flaur wia: euga vei tea ni flaur wia, euga vei tea taoniana leven ega toko ara, euga vei takavea maga paki Yehovah. 18Go kuga vitua ki bred wanogoe pilake shiip natuna larua, tea mamaau p̃ia ni natau sikai, go kau anoai vusavusa sikai, go shiip anoai dua: euga vei navituaana tap̃arakiana sikai paki Yehovah, nara ma navituaana adeada maga ni flaur, go navituaana takiana adeada maga, euga vei navituaana taparakiana sikai, tea ni nap̃o lolo, paki Yehovah. 19Go kuga vitua ki naninani anoai sikai ega vei navituaana sikai ni namarinaleosaana, go shiip natuna anoai dua ni natau sikai, eroga vei naviriana sikai ni navituaana maga ni natam̃ateana. 20Go tea viri ega salesalea ki da pilake bred ni tea takavea maga, ega vei navituaana salesaleakiana sikai narae ni Yehovah, pilake shiip natuna dua: ega vei tea tapu paki Yehovah, ega vei agi tea viri. 21Go kuga vioso dogorogo naaleatia sikai maau wanogoe; kuga veani nasoso‐saisai‐kiana tapu sikai: kuga ta mari te nawosiana kasua asa mau: e pei natawonakiana sikai waina ega toko mau doko, sara tokora tokoana animu usuraki tagona animu maga.
22Go ragi waina kuga tagaukotovi vanua animu, p̃a ta dagaukotovi puti naweluki maga ni vanua anigo mau, go p̃a ta pila daua ki puti tea vevera ni nalolovaeana anigo mau: p̃a toropusi ra euga toko raki tea tika, go nam̃enaki maga: kinau a pei Yehovah Sup̃e animu.
23Go Yehovah e pasa paki Moses, po naga, 24P̃a vasa paki Israel natuna maga, po naga, Atelagi kelarua, nakup̃a vea ni atelagi, ega manimu pei naaleatia ni namaromaroana tapu sikai ni namidoaki‐lagati‐ana ni nasuipaiga‐ana, nasoso‐saisai‐kiana tapu sikai. 25Kuga ta mari te nawosiana kasua asa mau: go kuga vitua ki navituaana taparakiana sikai paki Yehovah.
26Go Yehovah e pasa paki Moses, po naga, 27Nakup̃a kerualima ni atelagi kelarua e pei naaleatia ni natap̃augoroana: ega manimu pei nasososaisai‐kiana tapu sikai, go kuga vali; go kuga vitua ki navituaana tap̃arakiana sikai paki Yehovah. 28Go kuga ta mari te nawosiana naaleatia wanogoe mau: nalakena e pei naaleatia ni natap̃augoroana, naga ega manimu mari natap̃augoroana narae ni Yehovah Sup̃e animu. 29Nalakena te naata sikai e pe ta pali naaleatia wanogoe mau, naata wanogoe ega vei tea taeluaana m̃elu dua ki narei aneana. 30Go naata waina e pe mari te nawosiana sikai naaleatia wanogoe, naata wanogoe aga wo mari puoli ki nia padua ki narei aneana. 31Kuga ta mari te nawosiana asa mau: e pei natawonakiana sikai waina ega toko mau doko usuraki tagona animu maga doko tokora tokoana animu maga mamau puti. 32Ega manimu pei sabbath sikai ni namaromaroana tapu, go kuga vali: nakup̃a keloveti ni atelagi, doko ragi melu, pae ragi melu pa pa paki ragi melu ni matamai ki nia, kuga vavaigoro parati ki sabbath animu.
33Go Yehovah e pasa paki Moses, po naga, 34P̃a vasa paki Israel natuna maga, po naga, Nakup̃a kerualima sikai tamate lima ni atelagi kelarua wanogoe, e pei nasaisaiana ni natokotap̃aup̃au‐ana maga raki naaleatia larua, paki Yehovah. 35Nakup̃a vea ega vei nasoso‐saisai‐kiana tapu sikai: kuga ta mari te nawosiana kasua asa mau. 36Naaleatia larua kuga vitua ki navituaana tap̃arakiana sikai paki Yehovah: nakup̃a kelatolu ega vei nasoso‐saisai‐kiana tapu animu sikai; go kuga vitua ki navituaana tap̃arakiana sikai paki Yehovah: e pei nasaisaiana tapu sikai; kuga ta mari te nawosiana kasua asa mau.
37Tea maga waia eu pei nasaisaiana tatutakiana maga ki Yehovah, waina kuga vioso dogorogo ki da naga euga vei nasoso‐saisai‐kiana tapu maga, naga kuga vitua ki navituaana tap̃arakiana sikai paki Yehovah, navituaana tap̃arakiana sikai, go navituaana sikai ni flaur, naviriana sikai, go navituaana takiana sikai, euga sikasikai doko naaleatia kakada: 38Nara ma sabbath maga ki Yehovah, go navituaana animu maga, go nasaiana animu maga mamau puti, go navituaana suasuakiana animu maga, waina kuga vitua ki da paki Yehovah.
39Go nakup̃a kerualima sikai tamate lima ni atelagi kelarua, ragi waina kuga viragi saisai ki sua nawa maga ni navanua, kuga vavaigoro parati ki nasaisaiana ki Yehovah naaleatia euga larua: nakup̃a vea ega vei namaromaroana tapu sikai, go nakup̃a kelatolu ega moro pei namaromaroana tapu sikai. 40Go nakup̃a vea kuga tape nawa ni nakau wia maga, go naulu ni paama maga, go ara maga ni nakau matolu maga, go nakau willo maga pae nadigi ni noaisara; go kuga laelaea narae ni Yehovah Sup̃e animu naaleatia euga larua. 41Go kuga vavaigoro parati ki nia ega vei nasaisaiana sikai paki Yehovah naaleatia euga larua doko sara natau: e pei natawonakiana sikai waina ega toko mau doko usuraki tagona animu maga: kuga vavaigoro parati ki nia doko atelagi kelarua. 42Kuga m̃enaki doko tap̃aup̃au maga naaleatia euga larua; naatatoko maga mamau puti ni Israel euga m̃enaki doko tap̃aup̃au maga: 43Naga tagona animu maga euga atae naga kinau a mari Israel natuna maga eu m̃enaki doko tap̃aup̃au maga, ragi waina a piragi lua ra m̃elu dua ki navanua ni Ityipt umai: kinau a pei Yehovah Sup̃e animu. 44Go Moses e dogorogo paki Israel natuna maga nasaisaiana tatutakiana maga ki Yehovah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific