PAKI HEBERU MAGA 3
3
1Nalakena tea wanogoe, tai tautau maga, tea veani p̃otae nasosoana ni elagi, kuga midoaki usiusi Apostolo go Tea Viri Warua liu ni nanoasaiana anigida, Yesu; 2waina e pei lomau paki tea waina e mari a, dapala waina Moses ma e pei lomau doko nasum̃a aneana mamau. 3Nalakena nae e pei tea midoakiana naga e p̃ia ki nasamasamaana warua liu agi Moses, dapala waina tea waina e davagi nasum̃a e peani nadodomadaganiana warua liu agi nasum̃a. 4Nalakena sara nasum̃a e pei tea tavagiana pae te naata seara, ma tea waina e davagi naleo maga mamau puti e pei Sup̃e. 5Go lomau Moses e pei lomau doko nasum̃a aneana mamau dapala tea suasua sikai, naga ega vei nanoasokisokiana sikai ni tea maga waina euga wo edaku pei tea noaana; 6ma Kristo dapala natuna sikai, dap̃au nasum̃a aneana; go nigida tu pei nasum̃a aneana, tu pe tape soki naviviariana anigida go tea vakavakaeana ni naleogoroana anigida ega kasua pa pa paki namatap̃ago edaku. 7Nalakena tea wanogoe, dapala waina Naatana Tapu e noa e, e naga.
Masoso ku pe rogo nadaleona,
8Kuga ta mari nap̃op̃omu ega kasua mau, dapala waina eu mari a ragi waina eu marip̃auluulu.
Dapala waina eu mari a naaleatia ni namaridogoana masop̃alo,
9Tokora waina tamamu maga eu maridogo au asa, eu maridogoataep̃otae au,
Po punusi nawosiana aginau maga natau rualima pati.
10Nalakena tea wanogoe a mamarago ki tagona wanogoe,
Po naga, Eu do sasap̃o ki nap̃op̃oda sara ragi:
Ma eu da atae napua aginau maga mau;
11Dapala waina a pivisa namaetoana aginau,
Naga euga wo da umai sili paki namaromaroana aginau mau.
12Kuga vunusi, tai maga, naga p̃op̃o sa waina e da saralomau mau, go waina e do m̃elu dua ki Sup̃e mauri pano, ega ta doko te naata sikai kakamu mau: 13ma kuga tum̃amu pasa paratiki mu sara naaleatia, ragi waina e do pei tea sosoana ki Masoso; naga te naata sikai kakamu ega ta pei tea mariana ega kasua ki nasurueana ni namarinaleosaana mau: 14nalakena tu pei tea veani p̃otae Kristo, tu pe tape soki naatulakeana ni navavatuana anigida ega kasua pa pa paki namatap̃ago edaku. 15Ragi waina e pei tea noaana,
Masoso ku pe rogo nadaleona,
Kuga ta mari nap̃op̃omu ega kasua mau, dapala waina eu mari a ragi waina eu mari p̃auluulu.
16Nalakena sei, ragi waina eu dogo, eu mari p̃auluulu? Ma tea maga mamau puti waina eu m̃elu dua ki Ityipt umai pae Moses eu da mari a kite? 17Go e mamarago ki sei maga natau rualima pati? E da pei ki tea maga waina eu mari naleo sa, waina nap̃atokoda eu dowo masop̃alo kite? 18Go e pivisa paki sei maga naga euga wo da umai sili paki namaromaroana aneana mau, e pe ta pei e paki tea maga waina eu dogopiri? 19Go tu punusi naga eu mari sa umai sili paki asa nalakena eu da saralomau mau.
Currently Selected:
PAKI HEBERU MAGA 3: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
