PAKI HEBERU MAGA 2
2
1Nalakena tea wanogoe e one gida one naga tuga rogo paratiki p̃arua liu ki tea maga waina eu pei tea rogoana, naga tuga ta sale m̃elu dua ki da pano mau. 2Nalakena navasaana waina e pei tea vasaana pae agelo maga e pe vei tea mariana e kasua, go sara natapiriana go sara narogopiriana eu pe tape namoriana ni navituadip̃aana leana sikai; 3nigida tu pe wo sava m̃elu pano dapale sava, tu pe sarateap̃alo namautipauriana warua tapala nogoe? Waina e pea pei tea vasaana pae Nawota, po pei tea lawosokiana paki gida pae tea maga waina eu dogo; 4Sup̃e ma e do noa sokisoki a sikoti ra, ki navaivaiana maga go ki tea ni namagaana maga go ki namariana kasua visarasara maga go ki navituap̃otawotaeana maga ni Naatana Tapu, pae namasauna aneana.
5Nalakena e da mari maramana waina ega wo umai, waina au do pasa nalo kakana, e doko etano paki agelo maga mau. 6Ma naata sikai e noa sokisoki tokora sikai, e naga,
Naatam̃oli e pei navasa, naga p̃a midoaki nia?
Kite naatam̃oli natuna, naga p̃a umai punusi a?
7Ku mari a e pakitano kiki ki agelo maga;
Ku pauvau ki nia ki nasamasamaana go ki nadodomadaganiana,
Go ku lawo ki nia dap̃au nawosiana maga ni nam̃elearum̃a maga;
8Ku doropusi naleo maga mamau puti eu doko etano ki nam̃elena maga.
Nalakena nalo ni waina e doropusi naleo maga mamau puti eu doko etano paki nia, e da doro te navatuna mau waina e do doko etano paki nia mau. Ma ragi waia tu ko da punusi naleo maga mamau puti eu pei tea mariana eu doko etano paki nia mau. 9Ma tu leopunusi tea waina e pei tea mariana e pakitano kiki ki agelo maga, Yesu nalakena nasua‐navitinumate‐ana e pei tea vauvaukiana ki nasamasamaana go ki nadodomadaganiana, naga pae nasaup̃iaana ki Sup̃e, ega magi sara naatam̃oli katidogo namateana. 10Nalakena e pataka ni nae, waina naleo maga mamau puti eu doko nalakena nae, go waina naleo maga mamau puti eu pae asa doko, waina e piragi natuna laapa paki nasamasamaana, naga ega mari Nawota ni namautipauri‐ra‐ana ega wia lua pae narogokitesaana maga. 11Nalakena tea waina e do maridautau go tea maga waina eu do pei tea maridautaukiana eu mamau puti pei tea ni tea sikai maau: nalakena tea wanogoe e da maliere mau naga ega soso ra ki taina maga, 12e naga,
Aga wo dogorogo ki nagisam̃a paki taigu maga,
Aga wo lega samasamani ko m̃aleoputo ni nasaisaiana.
13Go e moro naga, Kinau aga wo pavatu asa. Go e moro naga, Kuga leo, kinau go piakiki maga waina Sup̃e e dua au ara. 14Nalakena tea wanogoe nalakena piakiki maga eu saisai peani nap̃okasi go nada, dapala nogoe nae ma e peani p̃otae tea sikai maau maga wanogoe; naga ega maripuoli ki pae namateana tea waina e peani namarakiana ni namateana, tea wanogoe e pei diabolo; 15go naga ega vua lua tea maga waina eu pei tea ni naveinavitiana ki namatauki‐namateanaana pae ragi ni namauriana mamau adeada. 16Nalakena lomau e da puati agelo maga mau, ma e puati nawora ni Abraham. 17Nalakena tea wanogoe e one asa one naga ega takiusi taina maga nalo ni naleo maga mamau puti, naga ega vei tea viri warua liu dodomi go lomau sikai nalo ni naleo maga waina eu pei tea ki Sup̃e, naga ega mari naviriana nalakena namarinaleosaana maga ki narei. 18Nalakena nalo ni tea waina nae e sua navitinuana asa ragi waina e pei tea maridogoana, e mari atae silae tea maga waina eu do pei tea maridogoana.
Currently Selected:
PAKI HEBERU MAGA 2: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
