PAKI HEBERU MAGA 1
1
1Sup̃e, waina e pasa ki tamagida maga tuai doko profeta maga matele ni navasaana laapa go dapala vatuna laapa, 2ragi edaku ni naaleatia maga waia e pasa ki gida doko Natuna, waina e dawona ki nia naga ega vei tea veani naleo maga mamau puti, go waina e mari maramana maga pae asa. 3Waina e pei namaramalagaana ni nasamasamaana aneana, go namaridawonakiana ni naveinateaana kakana, go waina e do silae naleo maga mamau puti ki navasaana ni nakasuaana aneana, ragi waina e mari sua namaridautauana ni namarinaleosaana maga, e dasake pisari nam̃elearu ni matua ni Natatap̃auana elagi; 4e pei tea mariana e pia liu agelo maga, dapala waina e peani nagisa sikai waina e p̃ia liu adeada. 5Nalakena e noa ki seve tea ni agelo maga te ragi,
Nigo ku pei Natugu,
Kinau a pesi ko masoso?
Go e moro naga,
Kinau aga wo maneana pei Tamana,
Go nae ega wo maginau pei Natugu?
6Go ragi waina e moro piragi takalapa umai paki maramana e naga, Go agelo maga mamau puti ki Sup̃e euga lotu ki nia. 7Go nalo ni agelo maga e naga,
Waina e do mari agelo aneana maga eu pei nalagi maga,
Go tea suasua aneana maga eu pei soro ni nakapu:
8Ma nalo ni Natuna e naga.
Malo tasake anigo, Sup̃e O, e du du po du mau du;
Go tiko ni naleanaana e pei tiko ni namarakiana anigo.
9Ku dodomi namarinaleoleanaana, po pilosi nasigisigileoana.
Nalakena tea wanogoe Sup̃e, Sup̃e anigo, e puvurai ki‐go ki naroro ni nalaelaeaana p̃arua liu tam̃a ri maga.
10Go,
Nigo, Nawota, ragi ni naatulakeana ku lawo ki laketano ni maramana,
Go nakoroatelagi maga eu pei nawosiana ni nam̃elearum̃a maga:
11Nara euga wo puoli; ma nigo ku doko mau doko:
Go euga wo mamau puti disu duai dapala sugoro sikai:
12Go dapala sugoro kovagoro sikai p̃a wo lulu ki da,
Dapala sugoro sikai, go euga wo panop̃ota:
Ma nigo ku pei tea sikai maau doko,
Go natau anigo maga euga wo da nopu mau.
13Ma nalo ni agelo maga sei kakada te ragi e naga.
P̃a toko pisari nam̃elearugu ni matua,
Pa pa aga wo mari tea kokona ki‐go maga euga vei malo vasiana ni nam̃elem̃a maga?
14Eu da mamau puti pei naatana suasua maga, tea tip̃akiluaana raki nasuasuaana nalakena tea maga waina euga wo peani namautipauriana kite?
Currently Selected:
PAKI HEBERU MAGA 1: NTB
Highlight
Copy
Compare
Share
Want to have your highlights saved across all your devices? Sign up or sign in
Bible Society of the South Pacific
