Rom Tɩŋŋaa 7
7
Wɩa Dɩŋ-zɔŋ-la pɩla doluŋ dɩ la ŋaa wɩalɩŋ sɩɩ tɔrɛ Wɩa tʋɔŋ
1Mɩ naambiiriŋ, ma ŋaa nɩalɩŋ sɩ jɩŋ wɩalɩŋ Mosis fa sɩ ŋmʋnsa bil dɩ nɩaa tuto nɛ. Ma jɩma arɩ nuhuobiine yie magɛ dɩ ʋ tuto wɩalɩŋ ba sɩ bile nɛ dɩ ʋ nɛ hɛ ʋ mɩɩsɩŋ lɛ. 2Dɩ haala nɛ kɛŋ bala, ʋ bala nɛ tɩɩʋ. Ʋ yie magɛ dɩ ʋ tuto ʋ bala niiŋ nɛ, bʋa-la lɛ ʋ bala sɩ hɛ ʋ mɩɩsɩŋ lɛ. Dɩ ʋ bala-la nɛ sʋba, haal-la laa ʋ tɩtɩa nɛ ʋ bala nɩsɩŋ lɛ. Ʋ bɩra bɩ ʋ bala niiŋ to. 3Dɩ ʋ bala nɛ ha hɛ ʋ mɩɩsɩŋ lɛ, ka ʋ vɩaʋ aŋ mʋ jaa baal dɔŋ, ʋ ŋaa hachɔrʋŋ nɛ. Ama dɩ ʋ bala nɛ sʋba, ʋ laa ʋ tɩtɩa nɛ ʋ bala-la sɩ sʋba nɩsɩŋ lɛ. Dɩ ʋ nɛ jaa baal dɔŋ ma, ʋ bɩra bɩ hachɔrʋŋ ŋaa.
4Mɩ naambiiriŋ, ŋɩɩ tɩtɩa nɛ ma ma nagɛ. Ma sʋʋ wɩalɩŋ ba sɩ bile dɩ nɩaa tuto tʋɔŋ nɛ, bɛɛ wɩaa Kirisito sɩ sʋʋ ŋɩɩ, ma dɩ ʋ kala nɛ sʋba. Lɛɛlɛ nʋʋ dɔŋ nɛ tɩɩma, nɩɩ-la sɩ sii sʋʋŋ lɛ. Ʋ ŋaa ŋɩɩ dɩ la wuo tɩŋ tɩntɩŋ-zɔŋŋɔɔ a pɩ Wɩa nɛ. 5Bʋa-la la sɩɩ to la tʋɔtɔrɛ wʋŋaalaa harɩŋ, wɩalɩŋ Mosis fa sɩ ŋmʋnsa bil dɩ nɩaa tuto nɛ fa ŋaa sɩma kɛnla la kɛŋ la yaraa ŋɩŋaa wʋbɔŋŋɔɔ, wɩalɩŋ sɩ jaŋ kɛnla mʋ hɛ sʋʋŋ bʋa lɛ. 6Ama lɛɛlɛ Wɩa lɩɩsɛla wɩalɩŋ Mosis fa sɩ bile lɛ dɩ nɩaa tuto lɛ nɛ. La tʋɔtɔrɛ wʋŋaalɩa-la fa kɛnla kaa ŋaa yosu nɛ. Ba lɛ nɛ la sʋʋ. Lɛɛlɛ la wuo tuto wombii dɔŋ nɛ, a tɩŋ tɩntɩŋŋaa aa pɩ Wɩa. Wɩa Dɩŋ-zɔŋ-la nɛ dagɛla ŋɩɩ, wɩalɩŋ Mosis fa sɩ ŋmʋnsa bil dɩ nɩaa tuto dee.
Wɩalɩŋ Mosis fa sɩ bile nɛ dagɛ wʋbɔŋŋɔɔ sɩ nagɛ ŋɩɩ
7Bɛɛ nɛ saa laa chɛ dɩ la bʋl? Wɩalɩŋ Mosis fa sɩ ŋmʋnsa bil dɩ nɩaa tuto ŋaa wʋbɔŋ wɩa nɛɛ? Aɩ, ŋɩɩ dee. Ama wɩalɩŋ Mosis fa sɩ bile nɛ leŋe mɩ jɩŋ wʋbɔmʋŋ sɩ nagɛ ŋɩɩ. Dɩ wɩalɩŋ Mosis sɩ bile nɛ fa bɩ daga arɩ la sɩ́ nɩaa kɩaa gɩrɩma laa, mɩ fa bɩ jaŋ jɩŋ arɩ ŋɩɩ ŋaa wʋbɔŋ nɛ. 8Ama wɩalɩŋ Mosis fa sɩ ŋmʋnsa bil dɩ nɩaa tuto sɩ hɛ nɩmɛ ŋɩɩ, wʋbɔŋŋɔɔ na wombiiŋ dɩ ʋ nyɩsɛmɛ hɛ dɩ mɩ gɩrɩma lɩlaa nɩaa kɩaa. Dɩ wɩalɩŋ Mosis fa sɩ bile wɩaa dee, wʋbɔmʋŋ-na fa ŋaa kʋsʋʋ nɛ. Ʋ bɩ dol kɛnɛ. 9Bʋa-la lɛ mɩ fa ha sɩ bɩ wɩalɩŋ Mosis fa sɩ bile jɩŋ, mɩ fa weye nɛ. Ŋɩɩ nɛ mɩ kʋ jɩŋ wɩalɩŋ Mosis sɩ bile dɩ nɩaa tuto. Mɩ sɩ kʋ jɩŋ wɩalɩŋ ŋɩɩ, wʋbɔmʋŋ fa sɩ nagɛ kʋsʋʋ mɩ teeŋ, ʋ mɩɩra kʋ kɛŋ doluŋ a ŋaa mɩ nagɛ nɩsʋʋ. 10Wɩalɩŋ Mosis fa sɩ bile fa maga dɩ ba leŋ dɩ mɩ kɛŋ mɩɩsɩŋ, ama ba mɩɩra ŋaa mɩ nagɛ nɩsʋʋ nɛ. 11Wɩalɩŋ Mosis fa sɩ ŋmʋnsa bil dɩ nɩaa tuto sɩ hɛ nɩmɛ ŋɩɩ, wʋbɔŋŋɔɔ na wombiiŋ dɩ ʋ nyɩsɛmɛ a hɛ sʋʋŋ bʋa lɛ. 12Wɩalɩŋ Mosis fa sɩ bile dɩ nɩaa tuto saa bɩ disiniŋ kɛnɛ, wɩɩ-la kala sɩ hɛ wɩalɩŋ tʋɔŋ ma bɩ disiniŋ kɛnɛ. Ba kala ŋaa tʋɔpʋl wɩaa nɛ a zɔŋ. 13Wɩɩ-la sɩ ŋaa wʋzɔŋ nɛ saa ŋaa mɩ sʋʋ koo? Aɩ, ŋɩɩ dee. Wʋbɔŋŋɔɔ nɛ ŋaa mɩ sʋʋ. Ʋ kɛŋ wɩalɩŋ sɩ zɔmɔ nɛ a kaa ŋaa mɩ sʋʋ. Ʋ ŋaa ŋɩɩ dɩ la wuo jɩŋ wʋbɔmʋŋ sɩ nagɛ ŋɩɩ nɛ. Wɩalɩŋ Mosis fa sɩ ŋmʋnsa dɩ nɩaa tuto ŋaa la jɩŋ arɩ wʋbɔmʋŋ chaasa bɩ zɔŋ.
Wɩa nɛ laala wʋbɔŋŋɔɔ nɩsɩŋ lɛ a tɩŋ Yesu wɩaa
14La jɩma arɩ wɩalɩŋ Mosis fa sɩ bile ŋaa Wɩa Dɩŋ-zɔŋ-la niiŋ wɩaa nɛ. Ama mɩ-na ŋaa nuhuobiiŋ nɛ, wʋbɔŋŋɔɔ kɛmmɛ nɛ mɩ ŋaa ba yoŋ. 15Mɩ bɩ jɩŋ wɩɩ-la kala sɩ kɛmmɛ, bɛɛ wɩaa mɩ bɩ wɩɩ-la mɩ sɩ cho dɩ mɩ ŋaa ka ŋaa, ama wɩɩ-la mɩ sɩ bɛrɛ nɛ mɩɩ ŋaa. 16Mɩ sɩɩ ŋaa wɩɩ-la mɩ sɩ bɩ cho dɩ mɩ ŋaa, ʋ daga arɩ mɩ sɛyɛ arɩ wɩalɩŋ Mosis fa sɩ bile zɔmɔ nɛ. 17Ŋɩɩ wɩaa mɩ tɩtɩa dee bɩ wɩɩ-la ka ŋaa. Wʋbɔŋŋɔɔ ŋaanɩŋ dɩma-la sɩ hɛ mɩ lɛ nɩɩ ŋaa. 18Mɩ sɩ kɛŋ nuhuobiine yaraa ŋɩɩ, mɩ jɩma arɩ wʋzɔŋŋɔɔ ŋaanɩŋ bɩ mɩ lɛ hɛ. Mɩ fa cho dɩ mɩɩ ŋaa wʋzɔŋŋɔɔ nɛ, a ŋaa lʋlɔl. 19Wʋzɔmɔ-la mɩ sɩ cho dɩ mɩɩ ŋaa, mɩ bɩbaa ŋaa, ama wʋbɔmɔ-la mɩ sɩ bɩ cho dɩ mɩɩ ŋaa, ba nɛ mɩɩ ŋaa. 20Mɩ sɩɩ ŋaa wɩɩ-la mɩ sɩ bɩ cho dɩ mɩɩ ŋaa, ʋ naga arɩ mɩ dee bɩ ŋaa, ama wʋbɔŋŋɔɔ dɩma-la sɩ hɛ mɩ lɛ nɩɩ ŋaa.
21Mɩ lɛɛlɛ na arɩ mɩ nagɩsɩŋ nɛ ŋɩɩ. Dɩ mɩ nɩɩ chɛ mɩ ŋaa wɩɩ-la sɩ zɔmɔ, wɩɩ-la sɩ bɩ zɔŋ yie hɛ mɩ nyuŋ lɛ nɛ. Ʋ nɛ saa mɩ yie ŋaa. 22Mɩ cho wɩalɩŋ Wɩa sɩ daga nɛ mɩ tʋɔŋ lɛ, a cho dɩ mɩɩ ŋaaba. 23Ama mɩ na arɩ wʋtanɩɩ nɛ mɩɩra hɛ mɩ lɛ aa tɩŋ, a kɛŋ mɩ tʋɔbɩɩŋ zɔmɔ-la baa yuo dɔŋɔ. Wɩɩŋ deeŋ leŋe mɩ ŋaa wʋbɔŋ-la sɩ hɛ mɩ lɛ yoŋ nɛ a tuto ʋ niiŋ wɩaa lɛ. 24Mɩ lɛlɛ nɛ. Wɩalɩŋ sɩ hɛ mɩ lɛ kɛmmɛ kaa mʋ sʋʋŋ bʋa nɛ. Kʋbɛɛ nɛ jaŋ laamɛ ta ba lɛ? 25Mɩɩ lɔllɛ Wɩa ʋ sɩ to La Tɩɩna Yesu Kirisito lɛ a ŋaa wɩɩŋ deeŋ pɩmɛ. Mɩ tɩtɩa doluŋ lɛ, mɩ jaŋ to Wɩa niiŋ wɩaa arɩ mɩ tʋɔbɩɩnaa, ka dɩ mɩ yaraa maa to wʋbɔŋŋɔɔ niiŋ.
Currently Selected:
Rom Tɩŋŋaa 7: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
Rom Tɩŋŋaa 7
7
Wɩa Dɩŋ-zɔŋ-la pɩla doluŋ dɩ la ŋaa wɩalɩŋ sɩɩ tɔrɛ Wɩa tʋɔŋ
1Mɩ naambiiriŋ, ma ŋaa nɩalɩŋ sɩ jɩŋ wɩalɩŋ Mosis fa sɩ ŋmʋnsa bil dɩ nɩaa tuto nɛ. Ma jɩma arɩ nuhuobiine yie magɛ dɩ ʋ tuto wɩalɩŋ ba sɩ bile nɛ dɩ ʋ nɛ hɛ ʋ mɩɩsɩŋ lɛ. 2Dɩ haala nɛ kɛŋ bala, ʋ bala nɛ tɩɩʋ. Ʋ yie magɛ dɩ ʋ tuto ʋ bala niiŋ nɛ, bʋa-la lɛ ʋ bala sɩ hɛ ʋ mɩɩsɩŋ lɛ. Dɩ ʋ bala-la nɛ sʋba, haal-la laa ʋ tɩtɩa nɛ ʋ bala nɩsɩŋ lɛ. Ʋ bɩra bɩ ʋ bala niiŋ to. 3Dɩ ʋ bala nɛ ha hɛ ʋ mɩɩsɩŋ lɛ, ka ʋ vɩaʋ aŋ mʋ jaa baal dɔŋ, ʋ ŋaa hachɔrʋŋ nɛ. Ama dɩ ʋ bala nɛ sʋba, ʋ laa ʋ tɩtɩa nɛ ʋ bala-la sɩ sʋba nɩsɩŋ lɛ. Dɩ ʋ nɛ jaa baal dɔŋ ma, ʋ bɩra bɩ hachɔrʋŋ ŋaa.
4Mɩ naambiiriŋ, ŋɩɩ tɩtɩa nɛ ma ma nagɛ. Ma sʋʋ wɩalɩŋ ba sɩ bile dɩ nɩaa tuto tʋɔŋ nɛ, bɛɛ wɩaa Kirisito sɩ sʋʋ ŋɩɩ, ma dɩ ʋ kala nɛ sʋba. Lɛɛlɛ nʋʋ dɔŋ nɛ tɩɩma, nɩɩ-la sɩ sii sʋʋŋ lɛ. Ʋ ŋaa ŋɩɩ dɩ la wuo tɩŋ tɩntɩŋ-zɔŋŋɔɔ a pɩ Wɩa nɛ. 5Bʋa-la la sɩɩ to la tʋɔtɔrɛ wʋŋaalaa harɩŋ, wɩalɩŋ Mosis fa sɩ ŋmʋnsa bil dɩ nɩaa tuto nɛ fa ŋaa sɩma kɛnla la kɛŋ la yaraa ŋɩŋaa wʋbɔŋŋɔɔ, wɩalɩŋ sɩ jaŋ kɛnla mʋ hɛ sʋʋŋ bʋa lɛ. 6Ama lɛɛlɛ Wɩa lɩɩsɛla wɩalɩŋ Mosis fa sɩ bile lɛ dɩ nɩaa tuto lɛ nɛ. La tʋɔtɔrɛ wʋŋaalɩa-la fa kɛnla kaa ŋaa yosu nɛ. Ba lɛ nɛ la sʋʋ. Lɛɛlɛ la wuo tuto wombii dɔŋ nɛ, a tɩŋ tɩntɩŋŋaa aa pɩ Wɩa. Wɩa Dɩŋ-zɔŋ-la nɛ dagɛla ŋɩɩ, wɩalɩŋ Mosis fa sɩ ŋmʋnsa bil dɩ nɩaa tuto dee.
Wɩalɩŋ Mosis fa sɩ bile nɛ dagɛ wʋbɔŋŋɔɔ sɩ nagɛ ŋɩɩ
7Bɛɛ nɛ saa laa chɛ dɩ la bʋl? Wɩalɩŋ Mosis fa sɩ ŋmʋnsa bil dɩ nɩaa tuto ŋaa wʋbɔŋ wɩa nɛɛ? Aɩ, ŋɩɩ dee. Ama wɩalɩŋ Mosis fa sɩ bile nɛ leŋe mɩ jɩŋ wʋbɔmʋŋ sɩ nagɛ ŋɩɩ. Dɩ wɩalɩŋ Mosis sɩ bile nɛ fa bɩ daga arɩ la sɩ́ nɩaa kɩaa gɩrɩma laa, mɩ fa bɩ jaŋ jɩŋ arɩ ŋɩɩ ŋaa wʋbɔŋ nɛ. 8Ama wɩalɩŋ Mosis fa sɩ ŋmʋnsa bil dɩ nɩaa tuto sɩ hɛ nɩmɛ ŋɩɩ, wʋbɔŋŋɔɔ na wombiiŋ dɩ ʋ nyɩsɛmɛ hɛ dɩ mɩ gɩrɩma lɩlaa nɩaa kɩaa. Dɩ wɩalɩŋ Mosis fa sɩ bile wɩaa dee, wʋbɔmʋŋ-na fa ŋaa kʋsʋʋ nɛ. Ʋ bɩ dol kɛnɛ. 9Bʋa-la lɛ mɩ fa ha sɩ bɩ wɩalɩŋ Mosis fa sɩ bile jɩŋ, mɩ fa weye nɛ. Ŋɩɩ nɛ mɩ kʋ jɩŋ wɩalɩŋ Mosis sɩ bile dɩ nɩaa tuto. Mɩ sɩ kʋ jɩŋ wɩalɩŋ ŋɩɩ, wʋbɔmʋŋ fa sɩ nagɛ kʋsʋʋ mɩ teeŋ, ʋ mɩɩra kʋ kɛŋ doluŋ a ŋaa mɩ nagɛ nɩsʋʋ. 10Wɩalɩŋ Mosis fa sɩ bile fa maga dɩ ba leŋ dɩ mɩ kɛŋ mɩɩsɩŋ, ama ba mɩɩra ŋaa mɩ nagɛ nɩsʋʋ nɛ. 11Wɩalɩŋ Mosis fa sɩ ŋmʋnsa bil dɩ nɩaa tuto sɩ hɛ nɩmɛ ŋɩɩ, wʋbɔŋŋɔɔ na wombiiŋ dɩ ʋ nyɩsɛmɛ a hɛ sʋʋŋ bʋa lɛ. 12Wɩalɩŋ Mosis fa sɩ bile dɩ nɩaa tuto saa bɩ disiniŋ kɛnɛ, wɩɩ-la kala sɩ hɛ wɩalɩŋ tʋɔŋ ma bɩ disiniŋ kɛnɛ. Ba kala ŋaa tʋɔpʋl wɩaa nɛ a zɔŋ. 13Wɩɩ-la sɩ ŋaa wʋzɔŋ nɛ saa ŋaa mɩ sʋʋ koo? Aɩ, ŋɩɩ dee. Wʋbɔŋŋɔɔ nɛ ŋaa mɩ sʋʋ. Ʋ kɛŋ wɩalɩŋ sɩ zɔmɔ nɛ a kaa ŋaa mɩ sʋʋ. Ʋ ŋaa ŋɩɩ dɩ la wuo jɩŋ wʋbɔmʋŋ sɩ nagɛ ŋɩɩ nɛ. Wɩalɩŋ Mosis fa sɩ ŋmʋnsa dɩ nɩaa tuto ŋaa la jɩŋ arɩ wʋbɔmʋŋ chaasa bɩ zɔŋ.
Wɩa nɛ laala wʋbɔŋŋɔɔ nɩsɩŋ lɛ a tɩŋ Yesu wɩaa
14La jɩma arɩ wɩalɩŋ Mosis fa sɩ bile ŋaa Wɩa Dɩŋ-zɔŋ-la niiŋ wɩaa nɛ. Ama mɩ-na ŋaa nuhuobiiŋ nɛ, wʋbɔŋŋɔɔ kɛmmɛ nɛ mɩ ŋaa ba yoŋ. 15Mɩ bɩ jɩŋ wɩɩ-la kala sɩ kɛmmɛ, bɛɛ wɩaa mɩ bɩ wɩɩ-la mɩ sɩ cho dɩ mɩ ŋaa ka ŋaa, ama wɩɩ-la mɩ sɩ bɛrɛ nɛ mɩɩ ŋaa. 16Mɩ sɩɩ ŋaa wɩɩ-la mɩ sɩ bɩ cho dɩ mɩ ŋaa, ʋ daga arɩ mɩ sɛyɛ arɩ wɩalɩŋ Mosis fa sɩ bile zɔmɔ nɛ. 17Ŋɩɩ wɩaa mɩ tɩtɩa dee bɩ wɩɩ-la ka ŋaa. Wʋbɔŋŋɔɔ ŋaanɩŋ dɩma-la sɩ hɛ mɩ lɛ nɩɩ ŋaa. 18Mɩ sɩ kɛŋ nuhuobiine yaraa ŋɩɩ, mɩ jɩma arɩ wʋzɔŋŋɔɔ ŋaanɩŋ bɩ mɩ lɛ hɛ. Mɩ fa cho dɩ mɩɩ ŋaa wʋzɔŋŋɔɔ nɛ, a ŋaa lʋlɔl. 19Wʋzɔmɔ-la mɩ sɩ cho dɩ mɩɩ ŋaa, mɩ bɩbaa ŋaa, ama wʋbɔmɔ-la mɩ sɩ bɩ cho dɩ mɩɩ ŋaa, ba nɛ mɩɩ ŋaa. 20Mɩ sɩɩ ŋaa wɩɩ-la mɩ sɩ bɩ cho dɩ mɩɩ ŋaa, ʋ naga arɩ mɩ dee bɩ ŋaa, ama wʋbɔŋŋɔɔ dɩma-la sɩ hɛ mɩ lɛ nɩɩ ŋaa.
21Mɩ lɛɛlɛ na arɩ mɩ nagɩsɩŋ nɛ ŋɩɩ. Dɩ mɩ nɩɩ chɛ mɩ ŋaa wɩɩ-la sɩ zɔmɔ, wɩɩ-la sɩ bɩ zɔŋ yie hɛ mɩ nyuŋ lɛ nɛ. Ʋ nɛ saa mɩ yie ŋaa. 22Mɩ cho wɩalɩŋ Wɩa sɩ daga nɛ mɩ tʋɔŋ lɛ, a cho dɩ mɩɩ ŋaaba. 23Ama mɩ na arɩ wʋtanɩɩ nɛ mɩɩra hɛ mɩ lɛ aa tɩŋ, a kɛŋ mɩ tʋɔbɩɩŋ zɔmɔ-la baa yuo dɔŋɔ. Wɩɩŋ deeŋ leŋe mɩ ŋaa wʋbɔŋ-la sɩ hɛ mɩ lɛ yoŋ nɛ a tuto ʋ niiŋ wɩaa lɛ. 24Mɩ lɛlɛ nɛ. Wɩalɩŋ sɩ hɛ mɩ lɛ kɛmmɛ kaa mʋ sʋʋŋ bʋa nɛ. Kʋbɛɛ nɛ jaŋ laamɛ ta ba lɛ? 25Mɩɩ lɔllɛ Wɩa ʋ sɩ to La Tɩɩna Yesu Kirisito lɛ a ŋaa wɩɩŋ deeŋ pɩmɛ. Mɩ tɩtɩa doluŋ lɛ, mɩ jaŋ to Wɩa niiŋ wɩaa arɩ mɩ tʋɔbɩɩnaa, ka dɩ mɩ yaraa maa to wʋbɔŋŋɔɔ niiŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014