Rom Tɩŋŋaa 6
6
Wɩɩchʋɔlɛ lɩɩŋ fonuŋ bʋbʋɔŋ
1Bɛɛ nɛ saa la jaŋ bʋl? La ha ŋɩŋaa wʋbɔŋŋɔɔ dɩ Wɩa lahɔrɩmɔ-la faasa yʋgɛ la lɛ koo? 2Aɩ, wombii tuo. Dɩ wʋbɔŋŋɔɔ-na lɛ nɛ, la sʋba nɛ. Ɛɛ nɛ saa la ha jaŋ hɛ wʋbɔŋŋɔɔ lɛ a ŋɩŋaa? 3Ma kala jɩma arɩ ba sɩ fola Wɩɩchʋɔlɛ lɩɩŋ Yesu Kirisito doluŋ lɛ ŋɩɩ, ʋ sɩ sʋʋ ŋɩɩ, la ma sʋba nɛ. 4Ba sɩ fola Wɩɩchʋɔlɛ lɩɩŋ ŋɩɩ, ʋ naga la dɩ ʋ kala sʋba nɛ ba joŋo hugi, dɩ ŋɩɩ wuo leŋ dɩ la kɛŋ mɩɩ-falɩɩ a nagɛ Wɩa doluŋ lɛ ʋ sɩ chɩsɛ Kirisito sʋʋŋ lɛ ŋɩɩ ʋ kɛŋ mɩɩsɩŋ.
5La dɩ ʋ kala sɩ sʋba ŋɩɩ, la kala ma jaŋ bɩra sii sʋʋŋ lɛ. 6La jɩma arɩ ba sɩ kɛŋ Kirisito kpaasɛ daagɛsɛ nyuŋ ŋɩɩ ʋ sʋʋ, ba kpaasʋ arɩ la wʋbɔŋŋɔɔ kala nɛ. Ʋ ŋaa ŋɩɩ a wuo yuo dii dol-la la fa sɩ kɛnɛ a ŋɩŋaa wʋbɔŋŋɔɔ nɛ, dɩ la bɩra sɩ́ wʋbɔŋŋɔɔ yosu ŋaa. 7Dɩ nʋʋkala nɛ sʋba, Wɩa lɩɩsʋ ʋ wʋbɔmʋŋ lɛ nɛ. 8La laa dii arɩ la dɩ Kirisito kala sɩ sʋba ŋɩɩ, la ma jaŋ sii sʋʋŋ lɛ a hɛ ʋ teeŋ. 9La jɩma arɩ Wɩa sɩ chɩsɛ Kirisito sʋʋŋ lɛ ŋɩɩ, ʋ bɩra bɩ jaŋ sʋʋ, ŋɩɩ wɩaa sʋʋŋ bɩra bɩ ʋ wuo. 10Ʋ sɩ sʋʋ ŋɩɩ, bala dʋndʋŋ nɛ ʋ sʋʋ. Ʋ sʋba dɩ ʋ kɛŋ wʋbɔŋŋɔɔ doluŋ nɛ chei. Ʋ sɩ sii sʋʋŋ lɛ ŋɩɩ, ʋ mɩɩsɩŋ hɛ Wɩa teeŋ nɛ. 11Ŋɩɩ wɩaa ʋ maga dɩ ma joŋ ma tɩtɩa arɩ ma ma sʋʋ wʋbɔŋŋɔɔ wɩaa nɛ. Yesu Kirisito lɛ, ma mɩɩsɩŋ hɛ Wɩa teeŋ.
12Ma saa sɩ́ leŋe dɩ wʋbɔŋŋɔɔ tɩɩ ma yaraa deemba sɩɩ sʋʋ, dɩ ma to ʋ lɛ a ŋɩŋaa ʋ wʋchɛɛlɛɛ. 13Ʋ bɩ maga dɩ ma joŋ ma yaraa lee-kala pɩ Sɩtaanɩ a ŋɩŋaa wʋbɔŋŋɔɔ. Ama má joŋ ma tɩtɩa pɩ Wɩa. Ma-na nagɛ nɩalɩŋ ʋ sɩ chɩsa sʋʋŋ lɛ nɛ ma kɛŋ mɩɩsɩŋ. Má saa joŋ ma yaraa kala pʋ dɩ ʋ leŋ dɩ maa ŋaa tʋɔpʋl wɩaa. 14Wʋbɔŋŋɔɔ bɩra bɩ ma wuo, bɛɛ wɩaa Wɩa lahɔrɩmɔ lɛ nɛ ma kɛŋ mɩɩsɩŋ, wɩalɩŋ Mosis fa sɩ bile dɩ nɩaa tuto dee.
La ŋaa Wɩa yosuŋ nɛ lɛɛlɛ
15La sɩ kɛŋ mɩɩsɩŋ Wɩa lahɔrɩmɔ lɛ, wɩalɩŋ Mosis fa sɩ bile dɩ nɩaa tuto lɛ dee, ʋ ŋɩɩ wɩaa saa la ŋɩŋaa wʋbɔŋŋɔɔ koo? Aɩ, wombii tuo. 16Ma jɩma dɩ ma nɛ joŋ ma tɩtɩa a pɩ nʋʋ a tuto ʋ niiŋ lɛ, ma ŋaa nɩɩ-la ma sɩɩ to yosuŋ nɛ. Dɩ ma nɛ joŋ ma tɩtɩa a hɛ wʋbɔŋŋɔɔ nɩsɩŋ lɛ a nagɛ yosi, ma dɩdɛrɩŋ nɛ sʋʋŋ. Ama dɩ ma nɛ joŋ ma tɩtɩa pɩ Wɩa a tuto ʋ niiŋ a nagɛ yosi, ʋ jaŋ leŋ dɩ ma kɛŋ tʋɔpʋla ʋ sɩpaaŋ. 17Ama laa lɔllɛ Wɩa arɩ ma nɩalɩŋ fa sɩ ŋaa wʋbɔŋŋɔɔ yosuŋ, ma lɛɛlɛ joŋ ma tʋɔŋ kala aa to Wɩa wɩalɩŋ ba sɩ dagɛma dɩ maa to nɛ. 18Wɩa sɩ lɩɩsɛma wʋbɔŋŋɔɔ nɩsɩŋ lɛ ŋɩɩ, ma mɩɩra kʋ ŋaa tʋɔpʋla yosuŋ nɛ. 19Mɩ sɩ bʋl yosuŋ wɩaa ŋɩɩ, ʋ ŋaa wʋkaa-magɩsɩɩ nɛ mɩ magɩsɛ, dɩ ŋɩɩ dee ma bɩ ʋ bʋbʋɔŋ wuo jɩŋ. Ma fa sɩ joŋ ma tɩtɩa a hɛ disiniŋ arɩ wʋbɔŋŋɔɔ ŋaanɩŋ lɛ ŋɩɩ a ŋaa ba yosi, ŋɩɩ tɩtɩa nɛ ma maga dɩ ma lɛɛlɛ joŋ ma yaraa kala a hɛ tʋɔpʋl wʋŋaalaa lɛ, dɩ ma bɩra sɩ́ disiniŋ kɛŋ aŋ kɛŋ tʋɔpʋla.
20Bʋa-la lɛ ma fa sɩ joŋ ma tɩtɩa hɛ wʋbɔŋŋɔɔ nɩsɩŋ lɛ a ŋaa ʋ yosuŋ, ma fa laa ma tɩtɩa nɛ tʋɔpʋl wɩaa ŋaanɩŋ lɛ. 21Wɩaa deemba ma fa sɩɩ ŋaa, nyʋʋrʋ bɛɛ nɛ ma na? Wɩalɩŋ mɩɩra ŋaa hɩɩsɩŋ kɛmma nɛ lɛɛlɛ. Ba dɩdɛrɩŋ nɛ saa ŋaa sʋʋŋ. 22Ama lɛɛlɛ Wɩa laama ta nɛ wʋbɔŋŋɔɔ nɩsɩŋ lɛ. Ma ŋaa Wɩa yosuŋ nɛ. Ma nyʋʋrʋŋ nɛ, ma bɩra sɩ bɩ disiŋ kala kɛnɛ, ma saa jaŋ kɛŋ mɩɩsɩ-la sɩ bɩ dɛrɛ. 23Wʋbɔŋŋɔɔ time nɛ sʋʋŋ. Ama Wɩa zile kʋ-la ʋ sɩ joŋo pɩla nɛ ŋaa mɩɩsɩ-la sɩ bɩ dɛrɛ, a tɩŋ La Tɩɩna Yesu Kirisito wɩaa.
Currently Selected:
Rom Tɩŋŋaa 6: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
Rom Tɩŋŋaa 6
6
Wɩɩchʋɔlɛ lɩɩŋ fonuŋ bʋbʋɔŋ
1Bɛɛ nɛ saa la jaŋ bʋl? La ha ŋɩŋaa wʋbɔŋŋɔɔ dɩ Wɩa lahɔrɩmɔ-la faasa yʋgɛ la lɛ koo? 2Aɩ, wombii tuo. Dɩ wʋbɔŋŋɔɔ-na lɛ nɛ, la sʋba nɛ. Ɛɛ nɛ saa la ha jaŋ hɛ wʋbɔŋŋɔɔ lɛ a ŋɩŋaa? 3Ma kala jɩma arɩ ba sɩ fola Wɩɩchʋɔlɛ lɩɩŋ Yesu Kirisito doluŋ lɛ ŋɩɩ, ʋ sɩ sʋʋ ŋɩɩ, la ma sʋba nɛ. 4Ba sɩ fola Wɩɩchʋɔlɛ lɩɩŋ ŋɩɩ, ʋ naga la dɩ ʋ kala sʋba nɛ ba joŋo hugi, dɩ ŋɩɩ wuo leŋ dɩ la kɛŋ mɩɩ-falɩɩ a nagɛ Wɩa doluŋ lɛ ʋ sɩ chɩsɛ Kirisito sʋʋŋ lɛ ŋɩɩ ʋ kɛŋ mɩɩsɩŋ.
5La dɩ ʋ kala sɩ sʋba ŋɩɩ, la kala ma jaŋ bɩra sii sʋʋŋ lɛ. 6La jɩma arɩ ba sɩ kɛŋ Kirisito kpaasɛ daagɛsɛ nyuŋ ŋɩɩ ʋ sʋʋ, ba kpaasʋ arɩ la wʋbɔŋŋɔɔ kala nɛ. Ʋ ŋaa ŋɩɩ a wuo yuo dii dol-la la fa sɩ kɛnɛ a ŋɩŋaa wʋbɔŋŋɔɔ nɛ, dɩ la bɩra sɩ́ wʋbɔŋŋɔɔ yosu ŋaa. 7Dɩ nʋʋkala nɛ sʋba, Wɩa lɩɩsʋ ʋ wʋbɔmʋŋ lɛ nɛ. 8La laa dii arɩ la dɩ Kirisito kala sɩ sʋba ŋɩɩ, la ma jaŋ sii sʋʋŋ lɛ a hɛ ʋ teeŋ. 9La jɩma arɩ Wɩa sɩ chɩsɛ Kirisito sʋʋŋ lɛ ŋɩɩ, ʋ bɩra bɩ jaŋ sʋʋ, ŋɩɩ wɩaa sʋʋŋ bɩra bɩ ʋ wuo. 10Ʋ sɩ sʋʋ ŋɩɩ, bala dʋndʋŋ nɛ ʋ sʋʋ. Ʋ sʋba dɩ ʋ kɛŋ wʋbɔŋŋɔɔ doluŋ nɛ chei. Ʋ sɩ sii sʋʋŋ lɛ ŋɩɩ, ʋ mɩɩsɩŋ hɛ Wɩa teeŋ nɛ. 11Ŋɩɩ wɩaa ʋ maga dɩ ma joŋ ma tɩtɩa arɩ ma ma sʋʋ wʋbɔŋŋɔɔ wɩaa nɛ. Yesu Kirisito lɛ, ma mɩɩsɩŋ hɛ Wɩa teeŋ.
12Ma saa sɩ́ leŋe dɩ wʋbɔŋŋɔɔ tɩɩ ma yaraa deemba sɩɩ sʋʋ, dɩ ma to ʋ lɛ a ŋɩŋaa ʋ wʋchɛɛlɛɛ. 13Ʋ bɩ maga dɩ ma joŋ ma yaraa lee-kala pɩ Sɩtaanɩ a ŋɩŋaa wʋbɔŋŋɔɔ. Ama má joŋ ma tɩtɩa pɩ Wɩa. Ma-na nagɛ nɩalɩŋ ʋ sɩ chɩsa sʋʋŋ lɛ nɛ ma kɛŋ mɩɩsɩŋ. Má saa joŋ ma yaraa kala pʋ dɩ ʋ leŋ dɩ maa ŋaa tʋɔpʋl wɩaa. 14Wʋbɔŋŋɔɔ bɩra bɩ ma wuo, bɛɛ wɩaa Wɩa lahɔrɩmɔ lɛ nɛ ma kɛŋ mɩɩsɩŋ, wɩalɩŋ Mosis fa sɩ bile dɩ nɩaa tuto dee.
La ŋaa Wɩa yosuŋ nɛ lɛɛlɛ
15La sɩ kɛŋ mɩɩsɩŋ Wɩa lahɔrɩmɔ lɛ, wɩalɩŋ Mosis fa sɩ bile dɩ nɩaa tuto lɛ dee, ʋ ŋɩɩ wɩaa saa la ŋɩŋaa wʋbɔŋŋɔɔ koo? Aɩ, wombii tuo. 16Ma jɩma dɩ ma nɛ joŋ ma tɩtɩa a pɩ nʋʋ a tuto ʋ niiŋ lɛ, ma ŋaa nɩɩ-la ma sɩɩ to yosuŋ nɛ. Dɩ ma nɛ joŋ ma tɩtɩa a hɛ wʋbɔŋŋɔɔ nɩsɩŋ lɛ a nagɛ yosi, ma dɩdɛrɩŋ nɛ sʋʋŋ. Ama dɩ ma nɛ joŋ ma tɩtɩa pɩ Wɩa a tuto ʋ niiŋ a nagɛ yosi, ʋ jaŋ leŋ dɩ ma kɛŋ tʋɔpʋla ʋ sɩpaaŋ. 17Ama laa lɔllɛ Wɩa arɩ ma nɩalɩŋ fa sɩ ŋaa wʋbɔŋŋɔɔ yosuŋ, ma lɛɛlɛ joŋ ma tʋɔŋ kala aa to Wɩa wɩalɩŋ ba sɩ dagɛma dɩ maa to nɛ. 18Wɩa sɩ lɩɩsɛma wʋbɔŋŋɔɔ nɩsɩŋ lɛ ŋɩɩ, ma mɩɩra kʋ ŋaa tʋɔpʋla yosuŋ nɛ. 19Mɩ sɩ bʋl yosuŋ wɩaa ŋɩɩ, ʋ ŋaa wʋkaa-magɩsɩɩ nɛ mɩ magɩsɛ, dɩ ŋɩɩ dee ma bɩ ʋ bʋbʋɔŋ wuo jɩŋ. Ma fa sɩ joŋ ma tɩtɩa a hɛ disiniŋ arɩ wʋbɔŋŋɔɔ ŋaanɩŋ lɛ ŋɩɩ a ŋaa ba yosi, ŋɩɩ tɩtɩa nɛ ma maga dɩ ma lɛɛlɛ joŋ ma yaraa kala a hɛ tʋɔpʋl wʋŋaalaa lɛ, dɩ ma bɩra sɩ́ disiniŋ kɛŋ aŋ kɛŋ tʋɔpʋla.
20Bʋa-la lɛ ma fa sɩ joŋ ma tɩtɩa hɛ wʋbɔŋŋɔɔ nɩsɩŋ lɛ a ŋaa ʋ yosuŋ, ma fa laa ma tɩtɩa nɛ tʋɔpʋl wɩaa ŋaanɩŋ lɛ. 21Wɩaa deemba ma fa sɩɩ ŋaa, nyʋʋrʋ bɛɛ nɛ ma na? Wɩalɩŋ mɩɩra ŋaa hɩɩsɩŋ kɛmma nɛ lɛɛlɛ. Ba dɩdɛrɩŋ nɛ saa ŋaa sʋʋŋ. 22Ama lɛɛlɛ Wɩa laama ta nɛ wʋbɔŋŋɔɔ nɩsɩŋ lɛ. Ma ŋaa Wɩa yosuŋ nɛ. Ma nyʋʋrʋŋ nɛ, ma bɩra sɩ bɩ disiŋ kala kɛnɛ, ma saa jaŋ kɛŋ mɩɩsɩ-la sɩ bɩ dɛrɛ. 23Wʋbɔŋŋɔɔ time nɛ sʋʋŋ. Ama Wɩa zile kʋ-la ʋ sɩ joŋo pɩla nɛ ŋaa mɩɩsɩ-la sɩ bɩ dɛrɛ, a tɩŋ La Tɩɩna Yesu Kirisito wɩaa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014