1 Kɔrɩntɩ Nɩaa 2
2
Pɔɔl bʋl wɩaa a mʋ tɩgɛ Kirisito sɩ sʋʋ daagɛsɛ nyuŋ
1Mɩ naambiiriŋ, mɩ sɩ kɔ ma teeŋ dɩ mɩ bʋl Wɩa wʋzɔmɔ-la a pɩma, mɩ bɩ wʋduduosi bʋla a nagɛ mɩ kɛŋ wʋjɩmɩŋ. 2Mɩ sɩ kɔ ma teeŋ, mɩ joŋ mɩ tɩtɩa a nagɛ mɩ bɩ wɩɩkala jɩŋ nɛ, see Yesu Kirisito sɩ sʋʋ daagɛsɛ nyuŋ dʋndʋŋa wɩaa nɛ mɩ jɩŋ. 3Ŋɩɩ wɩaa, mɩ sɩ hɛ ma teeŋ, mɩ fa nagɛ nɩpʋgʋ nɛ. Fawʋllʋŋ fa kɛmmɛ, mɩ chichel. 4Nuhuobiine wʋjɩmɩŋ dee mɩ kaa bʋbʋl Wɩa wʋzɔmɔ-la, aŋ pɛ dɩdagɛ ma ma. Ama ŋɩɩ mɩ sɩɩ bʋl wɩaa daga arɩ Wɩa Dɩŋ-zɔmʋŋ doluŋ hɛ mɩ lɛ nɛ. 5Wɩa ŋaa ŋɩɩ mɩ lɛ dɩ ma na ʋ doluŋ a laa ʋ wɩaa dii, aŋ sɩ́ nuhuobiine wʋjɩmɩŋ lɛ to.
Wɩa wʋjɩmɩŋ kɩɩ nuhuobiine wʋjɩmɩŋ
6Ama nɩalɩŋ sɩ waa Wɩa wɩaa lɛ, la yie dɩdagɛba wʋjɩmɩŋ nɛ. Wʋjɩmɩŋ deeŋ la sɩɩ dagʋ tuo dʋnɩa deeŋ nɩaa wʋjɩmɩŋ, dʋnɩa deeŋ nɩduoruŋ wʋjɩmɩŋ ma dee. Nɩduoruŋ deemba wʋjɩmɩŋ jaŋ dɛrɛ. 7Wʋjɩmɩɩ-la wɩaa mɩ sɩɩ bʋl, ʋ lɩɩ Wɩa teeŋ nɛ a ŋaa wʋfaalɩɩ nɩaa teeŋ. Wʋjɩmɩɩ-la faa nɛ Wɩa teeŋ, ka dʋnɩa-na suomi. Wɩa lɩɩsɛla dɩ la kɛŋ wʋjɩmɩŋ deeŋ nɛ a wuo kɛŋ tʋla ʋ teeŋ. 8Nɩalɩŋ kala sɩɩ beŋ dʋnɩa deeŋ bɩ wɩaa deemba bʋbʋɔŋ jɩŋ. Dɩ ba nɛ fa jɩmba, ba fa bɩ jaŋ kpaasɛ La Tɩɩna sɩ kɛŋ tʋla a mɛrɛ daagɛsɛ nyuŋ. 9Ba ŋmʋnsɛ Wɩa teniŋ tʋɔŋ a bʋl,
“Kʋ-la nuhuobiine ha sɩ bɩ na,
kʋ-la wɩaa ʋ ha sɩ bɩ nɩa,
arɩ kʋ-la wɩaa ha sɩ bɩ nuhuobiine tʋɔbɩɩnaa jʋa,
kɩalɩŋ tɩtɩa nɛ Wɩa wasa bil nɩalɩŋ sɩ chou lɛ.”
10Ama Wɩa to ʋ Dɩŋ-zɔmʋŋ lɛ nɛ a kɛŋ wɩaa deemba fa sɩ faa kaa dagɛla. Wɩa Dɩŋ-zɔmʋŋ yie gbilli wɩɩkala nɛ, a paala jɩŋ Wɩa wɩɩ-wɩɩkala sɩ faa. 11Nuhuobiiŋ bɛɛ nɛ jaŋ wuo jɩŋ wɩɩ-la ʋ dɔŋɔ sɩɩ bɩɩnʋ? Nʋʋkala bɩ wuo jɩŋ, see ʋ tɩɩna tɩtɩa sɩɩ bɩɩnʋ wɩɩ-la. Ŋɩɩ tɩtɩa nɛ nʋʋkala bɩ jaŋ wuo jɩŋ wɩalɩŋ Wɩa sɩɩ bɩɩnʋ, see Wɩa Dɩŋ-zɔŋ-la dʋndʋŋa. 12La laa Wɩa Dɩŋ-zɔŋ-la nɛ. Ʋ tuo dʋnɩa deeŋ kʋŋ. Wɩa joŋ ʋ Dɩŋ-zɔŋ-la a pɩla nɛ dɩ la wuo jɩŋ kɩalɩŋ kala ʋ sɩ joŋo dii zile la lɛ. 13La yie bʋl kɩaa deemba wɩaa a pɩ nɩaa nɛ. Dʋnɩa deeŋ wʋjɩmɩŋ dee la kaa bʋbʋl wɩaa. Ama Wɩa Dɩŋ-zɔŋ-la nɛ dagɛla ŋɩɩ la sɩ jaŋ bʋl wɩalɩŋ. Ʋ yie dagɛ ʋ tɩtɩa wɩaa bʋbʋɔŋ a pɩ nɩalɩŋ lɛ ʋ sɩ hɛ, dɩ ba ma jɩŋ ba bʋbʋɔŋ.
14Nɩɩ-la kala sɩ bɩ Wɩa Dɩŋ-zɔmʋŋ kɛnɛ bɩ jaŋ laa kɩalɩŋ Wɩa sɩ joŋo pɩ nɩalɩŋ sɩ kɛŋ ʋ Dɩŋ-zɔŋ-la. Ʋ tɩɩna bɩ jaŋ wuo jɩmba. Ba yie ŋaa kʋpɛɩba nɛ ʋ teeŋ, bɛɛ wɩaa nʋʋ bɩ jaŋ wuo jɩmba, see dɩ ʋ kɛŋ Wɩa Dɩŋ-zɔŋ-la. 15Nɩɩ-la sɩ kɛŋ Wɩa Dɩŋ-zɔŋ-la nɛ jaŋ wuo chagɩlɛ nʋʋkala a mʋ tɩgɛ wɩɩkala lɛ. Ama nɩɩ-la sɩ bɩ Wɩa Dɩŋ-zɔŋ-la kɛnɛ bɩ jaŋ wuo chagɩlɛ nɩɩ-la sɩ kɛŋ Wɩa Dɩŋ-zɔŋ-la. 16Wɩa teniŋ tʋɔŋ ŋ-la nɛ ba ŋmʋnsɛ a pɩɛsɛ, “Kʋbɛɛ nɛ jɩŋ La Tɩɩna Wɩa tʋɔbɩɩnaa? Kʋbɛɛ nɛ jaŋ wuo bʋl wɩaa a chagɩlʋ?” Ama la-na jɩŋ Kirisito tʋɔbɩɩnaa nɛ.
Currently Selected:
1 Kɔrɩntɩ Nɩaa 2: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
1 Kɔrɩntɩ Nɩaa 2
2
Pɔɔl bʋl wɩaa a mʋ tɩgɛ Kirisito sɩ sʋʋ daagɛsɛ nyuŋ
1Mɩ naambiiriŋ, mɩ sɩ kɔ ma teeŋ dɩ mɩ bʋl Wɩa wʋzɔmɔ-la a pɩma, mɩ bɩ wʋduduosi bʋla a nagɛ mɩ kɛŋ wʋjɩmɩŋ. 2Mɩ sɩ kɔ ma teeŋ, mɩ joŋ mɩ tɩtɩa a nagɛ mɩ bɩ wɩɩkala jɩŋ nɛ, see Yesu Kirisito sɩ sʋʋ daagɛsɛ nyuŋ dʋndʋŋa wɩaa nɛ mɩ jɩŋ. 3Ŋɩɩ wɩaa, mɩ sɩ hɛ ma teeŋ, mɩ fa nagɛ nɩpʋgʋ nɛ. Fawʋllʋŋ fa kɛmmɛ, mɩ chichel. 4Nuhuobiine wʋjɩmɩŋ dee mɩ kaa bʋbʋl Wɩa wʋzɔmɔ-la, aŋ pɛ dɩdagɛ ma ma. Ama ŋɩɩ mɩ sɩɩ bʋl wɩaa daga arɩ Wɩa Dɩŋ-zɔmʋŋ doluŋ hɛ mɩ lɛ nɛ. 5Wɩa ŋaa ŋɩɩ mɩ lɛ dɩ ma na ʋ doluŋ a laa ʋ wɩaa dii, aŋ sɩ́ nuhuobiine wʋjɩmɩŋ lɛ to.
Wɩa wʋjɩmɩŋ kɩɩ nuhuobiine wʋjɩmɩŋ
6Ama nɩalɩŋ sɩ waa Wɩa wɩaa lɛ, la yie dɩdagɛba wʋjɩmɩŋ nɛ. Wʋjɩmɩŋ deeŋ la sɩɩ dagʋ tuo dʋnɩa deeŋ nɩaa wʋjɩmɩŋ, dʋnɩa deeŋ nɩduoruŋ wʋjɩmɩŋ ma dee. Nɩduoruŋ deemba wʋjɩmɩŋ jaŋ dɛrɛ. 7Wʋjɩmɩɩ-la wɩaa mɩ sɩɩ bʋl, ʋ lɩɩ Wɩa teeŋ nɛ a ŋaa wʋfaalɩɩ nɩaa teeŋ. Wʋjɩmɩɩ-la faa nɛ Wɩa teeŋ, ka dʋnɩa-na suomi. Wɩa lɩɩsɛla dɩ la kɛŋ wʋjɩmɩŋ deeŋ nɛ a wuo kɛŋ tʋla ʋ teeŋ. 8Nɩalɩŋ kala sɩɩ beŋ dʋnɩa deeŋ bɩ wɩaa deemba bʋbʋɔŋ jɩŋ. Dɩ ba nɛ fa jɩmba, ba fa bɩ jaŋ kpaasɛ La Tɩɩna sɩ kɛŋ tʋla a mɛrɛ daagɛsɛ nyuŋ. 9Ba ŋmʋnsɛ Wɩa teniŋ tʋɔŋ a bʋl,
“Kʋ-la nuhuobiine ha sɩ bɩ na,
kʋ-la wɩaa ʋ ha sɩ bɩ nɩa,
arɩ kʋ-la wɩaa ha sɩ bɩ nuhuobiine tʋɔbɩɩnaa jʋa,
kɩalɩŋ tɩtɩa nɛ Wɩa wasa bil nɩalɩŋ sɩ chou lɛ.”
10Ama Wɩa to ʋ Dɩŋ-zɔmʋŋ lɛ nɛ a kɛŋ wɩaa deemba fa sɩ faa kaa dagɛla. Wɩa Dɩŋ-zɔmʋŋ yie gbilli wɩɩkala nɛ, a paala jɩŋ Wɩa wɩɩ-wɩɩkala sɩ faa. 11Nuhuobiiŋ bɛɛ nɛ jaŋ wuo jɩŋ wɩɩ-la ʋ dɔŋɔ sɩɩ bɩɩnʋ? Nʋʋkala bɩ wuo jɩŋ, see ʋ tɩɩna tɩtɩa sɩɩ bɩɩnʋ wɩɩ-la. Ŋɩɩ tɩtɩa nɛ nʋʋkala bɩ jaŋ wuo jɩŋ wɩalɩŋ Wɩa sɩɩ bɩɩnʋ, see Wɩa Dɩŋ-zɔŋ-la dʋndʋŋa. 12La laa Wɩa Dɩŋ-zɔŋ-la nɛ. Ʋ tuo dʋnɩa deeŋ kʋŋ. Wɩa joŋ ʋ Dɩŋ-zɔŋ-la a pɩla nɛ dɩ la wuo jɩŋ kɩalɩŋ kala ʋ sɩ joŋo dii zile la lɛ. 13La yie bʋl kɩaa deemba wɩaa a pɩ nɩaa nɛ. Dʋnɩa deeŋ wʋjɩmɩŋ dee la kaa bʋbʋl wɩaa. Ama Wɩa Dɩŋ-zɔŋ-la nɛ dagɛla ŋɩɩ la sɩ jaŋ bʋl wɩalɩŋ. Ʋ yie dagɛ ʋ tɩtɩa wɩaa bʋbʋɔŋ a pɩ nɩalɩŋ lɛ ʋ sɩ hɛ, dɩ ba ma jɩŋ ba bʋbʋɔŋ.
14Nɩɩ-la kala sɩ bɩ Wɩa Dɩŋ-zɔmʋŋ kɛnɛ bɩ jaŋ laa kɩalɩŋ Wɩa sɩ joŋo pɩ nɩalɩŋ sɩ kɛŋ ʋ Dɩŋ-zɔŋ-la. Ʋ tɩɩna bɩ jaŋ wuo jɩmba. Ba yie ŋaa kʋpɛɩba nɛ ʋ teeŋ, bɛɛ wɩaa nʋʋ bɩ jaŋ wuo jɩmba, see dɩ ʋ kɛŋ Wɩa Dɩŋ-zɔŋ-la. 15Nɩɩ-la sɩ kɛŋ Wɩa Dɩŋ-zɔŋ-la nɛ jaŋ wuo chagɩlɛ nʋʋkala a mʋ tɩgɛ wɩɩkala lɛ. Ama nɩɩ-la sɩ bɩ Wɩa Dɩŋ-zɔŋ-la kɛnɛ bɩ jaŋ wuo chagɩlɛ nɩɩ-la sɩ kɛŋ Wɩa Dɩŋ-zɔŋ-la. 16Wɩa teniŋ tʋɔŋ ŋ-la nɛ ba ŋmʋnsɛ a pɩɛsɛ, “Kʋbɛɛ nɛ jɩŋ La Tɩɩna Wɩa tʋɔbɩɩnaa? Kʋbɛɛ nɛ jaŋ wuo bʋl wɩaa a chagɩlʋ?” Ama la-na jɩŋ Kirisito tʋɔbɩɩnaa nɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014