Israelfɔ Ɩlʋ 79
79
Nkpa Ɔhɔpʋ Bulu, Gyi Anɩ Bʋalɛ
Asaf kanfʋ-ɩlʋ.
1Oo Bulu, ɔmá-ɔmá babitiwie fʋ siadɩɛtɔ.
Bapʋ ifin da fʋ ɔtswɛkpa,
bwiebwie Yerusalem.
2Bapʋ fʋ asumbi afuli ha mbubwi,
pʋ aha ánɩ́ bʋtamakpa fʋ ɔma aye ha pututɔ-mbwɩ.
3Batsɛɩ amʋ́ obugya wʋlɩ fɛ ntsu bomli Yerusalem,
opulapʋ má ɩnʋ.
4Faha anɩlasʋpa apio aba ansɩtɔ.
Aha ánɩ́ bʋtsie bomli anɩ betsia mɔsɩ anɩ,
bwɛ anɩ ɔblɔla.
5Oo Nana Bulu, yɛfʋn ɔmɛnkɛ?
Fénya ɔblɔ si tsia kɩ brɛ fɛ́ɛ́?
Ɔmɛnkɛ fési ɔkabagya wa?
6Pʋ fʋ ɔblɔ gya ɔmá anfɩ bʋmeyin fʋ,
pʋ́ iwie ogyikpa anfɩ bʋtamatɩ fʋ ɩda anfɩ,
7tsufɛ bamɔ Yakob asɩfɔ,
bwie anɩ ɔmá.
8Mápʋ anɩ anain lakpan ka anɩ ɩkɔ.
Kɔsɩ wun anɩ nwɛ,
tsufɛ bayia anɩ manta ɔsʋlʋtɔ tantaantan!
9Anɩ nkpa ɔhɔpʋ Bulu, gyi anɩ bʋalɛ,
fʋ ɩda numnyam sʋ!
Lɛ anɩ, afʋsi anɩ lalahɛ kie anɩ,
fʋ ɩda amʋ sʋ.
10Ntogyi sʋ ɔmá-ɔmá bɛ́fɩtɛ bɛɛ,
“Nkɩ amʋ́ Bulu amʋ mɛ?”
Anɩ obugya amʋʋ ɔmá-ɔmá batsitsa amʋ sʋ,
ka amʋ́ ɩkɔ anɩ ansɩtɔ.
11Nu obu adɩpʋ isu!
Suna fʋ tumi kpɔnkpɔntɩ,
afʋlɛ aha ánɩ́ baha amʋ́ lowu ɩpɔn.
12Oo anɩ Wie, sʋpa ɔmá-ɔmá amʋʋ basʋpa fʋ amʋ,
ka amʋ́ ɩkɔ tse sienɔ.
13Mʋmʋ anɩá anɩgyi fʋ ɔmá pʋ́ fʋ ɩbantɔ akufa abɛ́da fʋ ɩpan,
anɩa anɩ abi-aná ánɩ́ bɛ́ba bɛlɩn fɛ́ɛ́ abétsia kanfʋ fʋ.
Currently Selected:
Israelfɔ Ɩlʋ 79: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
