Israelfɔ Ɩlʋ 78
78
Bulu, Aha Nwɛ Owunpʋ Mʋ́a Lakpan Osikiepʋ
Asaf atosuna ɩlʋ.
1Oo mɩ ɔmá, mlɩyaa asʋ amlɩnu mɩ atosunahɛ.
Mlɩnu mɩ ɔnɔtɔ asʋn!
2Nɔ́tɔɩ ayebisʋ,
pʋlɛ bɩmbɩ asʋn ŋaɩnhɛ ɔwan.
3Asʋn ánɩ́ anɩ anain bɛbla anɩ,
anɩlanu, anɩlabɩ.
4Anɩméesi ŋain amʋ́ abi-aná.
Abɛ́bla abi-aná ánɩ́ bɛ́ba bɛlɩn Nana Bulu tumi,
mʋ ofula akpɔnkpɔntɩ pʋ́ mʋ bwɛhɛ.
5Bulu lɛlɛ ɔnɔ suna Yakob abi-aná.
Ɔlɔpʋ mʋ atosunahɛ ha Israelfɔ,
ɔlɛbla anɩ anain ɔbɛɛ, bʋpʋsuna amʋ́ abi.
6Mɛnɩ otuntufla pɔpwɛ abi ɛ bɛ́bɩ mʋ́,
pʋsuna amʋ́ abi,
7abʋpʋ ansɩ dɩnka Bulusʋ.
Bʋmátan mʋ atɔ bwɛhɛsʋ,
bʋgyi mʋ mblasʋ.
8Mɛnɩ bʋmɔ́ɔbwɛ fɛ amʋ́ anain
ánɩ́ bɔwa asʋtɔ-ɔnlɩn, kʋsʋ lɩɩ Bulusʋ.
Bʋmɔpʋ amʋ́ ɩklʋn dɩnka mʋsʋ,
bʋmɔwa ɔnɔkwalɩ ɛ ha mʋ.
9Efraim mbɩn atswɩpʋ bɛdɩda atɔ,
tamɛ bɔkɔ srɩ ɩsa ɔkɔkɛ.
10Bʋmegyi amʋ́a Bulu nsɩnɛ ntamsʋ,
bekina mʋ atosunahɛsʋ gyi.
11Bɛtan mʋ bwɛhɛ
pʋ́ ofula akpɔnkpɔntɩá ɔlɔbwɛ suna amʋ́sʋ.
12Bɛtan mʋ́á ɔlɔbwɛ ha amʋ́ anain Soan ɔsʋlʋsʋ,
Egyipte ɔmátɔ kʋraasʋ.
13Oleye ɔpʋtɔ anyɔ ha amʋ́ bɔtsʋn,
ɔlɛha ɔpʋ ntsu lɔkʋsʋ lɩɩ fɛ bunti.
14Ɔlɛha agyinde legya amʋ́ nkpa,
kpa amʋ́ ɔyɩkɛhɛtɔ,
ogya plɛnplɛn lɛkpa amʋ́ onye fɛ́ɛ́.
15Ɔlɛmaɩn abʋta ɔsʋlʋkpan amʋtɔ,
ntsu kpɔnkpɔntɩ lɛdalɩ, bonun.
16Ɔlɛha ntsu kpɔnkpɔntɩ lɛdalɩ tsu bʋta amʋtɔ,
bʋla, ɩdɛtsʋn.
17Mʋ́ ɔma oo, bɛtra tsia bwɛ lakpan
pʋkʋsʋ lɩɩ Ɔsʋsʋʋsʋ Mʋ Wiesʋ ɔsʋlʋkpan amʋsʋ.
18Bɔsɔ Bulu kɩ amʋ́ ɩklʋntɔ bɛɛ,
ɔha amʋ́ atogyihɛá amʋ́ onuto bʋdekle.
19Bɔtɔɩ Bulusʋ bɛɛ,
“Bulu ɔbɛ́talɩ tswɩ ɔpʋnʋ ha anɩ ɔsʋlʋkpansʋ nfɩ?
20Ɔlɔpʋ oyi pɩtɩ bʋta, ntsu lɛfɛn dalɩ,
bʋla, ɩhɩɛ dɛtsʋn.
Ɔbɛ́talɩ nya iye mʋ́a atogyihɛ ɛ ha mʋ aha?”
21Brɛá Nana Bulu lonu asʋn anfɩ a,
ɔblɔ lɛhɩɛ kɩta mʋ.
Ɔlɛha ogya letsii wa Yakob abi-anátɔ.
Olenya ɔblɔ kɩtakɩta Israelfɔsʋ,
22tsufɛ bʋmɔhɔ mʋ gyi,
bʋmɔpʋ ansɩ dɩnka mʋ nkpahɔ tumisʋ.
23Tamɛ mʋ́ o a, ɔlɛlɛ ɔnɔ wa nwʋlʋta,
ɔsʋsʋ lefinki.
24Ɔlɛha mana lotswie bun amʋ́ begyi,
ɔlɛha amʋ́ ɔsʋsʋ atogyihɛ.
25Anyankpʋsa begyi Bulu-abɔpʋ atogyihɛ.
Ɔlɛha amʋ́ atogyihɛ, begyi alɩá bɛ́talɩ.
26Ɔlɛha owi ɔdalɩkpa afu lɔtsʋn ɔsʋsʋ,
ɔlɔpʋ mʋ tumi bɩtɩa ɔsasɩ afu ba.
27Ɔlɛkpakpa mbubwi bun amʋ́,
benya aye tsɔtsɔɔtsɔ fɛ ɔpʋ ɔnɔ ɩsɩ.
28Ɔlɛha bɛkpakpa bun amʋ́ ɔswɩɩkpa,
bomli amʋ́ otsiakpa.
29Ɔlɛha amʋ́ tɔá bʋdekle.
Mʋ́ sʋ amʋ́tɔ okugyiɔkʋ legyi mwɛ.
30Tamɛ botsutsua abʋgyi amʋ́ awɔlɩtɔ amʋ ta,
atogyihɛ amʋ mɛta amʋ́ ɔnɔtɔ,
31Bulu lenya ɔblɔ amʋ́sʋ,
mɔ amʋ́tɔ nyasubi awʋnlɩnpʋ,
ba Israel asɩ.
32Tamɛ ɩnɩ fɛ́ɛ́ ɔma a, bʋmesi lakpan bwɛ.
Bowun ofula ánɩ́ ɔdɛbwɛ, tamɛ bʋmɔhɔ mʋ gyi.
33Mʋ́ sʋ ɔlɛha amʋ́ nkɛ lɛta fɛ ɔŋɛ fʋhɛ.
Betsia tɩn wu amʋ́ nkpatɔ.
34Brɛá ɔdɛ amʋ́ mɔ a, bodunka mʋ ɔkpa.
Bɛdamli ɩklʋntɔ, dunka mʋ ɔkpa kinkiinkin.
35Bɛkaɩn ánɩ́ Bulu gyi amʋ́ ɩbʋta.
Ɔsʋsʋʋsʋ Mʋ Wie Bulu gyi amʋ́ Ɔkalɛpʋ.
36Tamɛ mlɛ bɛmlɛ mʋ,
wa afunu suna mʋ.
37Bʋmɛhɩɛ pʋ amʋ́ ɩklʋn dɩnka mʋsʋ.
Bʋmegyi mʋa amʋ́nyɔ nsɩnɛ ntamsʋ.
38Tamɛ ɔbʋ nwewun.
Mʋ́ sʋ olesi amʋ́ lakpan kie,
ɔmɔmɔ amʋ́.
Oletsia kɩta ɩwɩ,
ɔmɛlɛ mʋ ɔblɔ fɛ́ɛ́ ɔwan.
39Ɔlɛkaɩn ánɩ́ ɔyʋlʋ bʋgyi.
Bʋtɔkɔsɩ wu, fɛ afuá ɩtsʋn ɩtamayinki ba.
40Betsia kʋsʋ lɩɩ mʋsʋ ɔsʋlʋkpansʋ ɩnʋ,
ahʋmɩtɩ lɛkɩta Bulu!
41Bɔsɔ mʋ kɩ, lasɔ mʋ kɩ,
pʋwa Israel Ɔha Wankɩhɛ amʋ ɔblɔ.
42Bʋmɛkaɩn mʋ tumi,
ntɛ ɛkɛá ɔlɛlɛ amʋ́ tsu adʋn ɩbɩsʋ.
43Nkɛá ɔlɛlɛ mʋ osuna ɔwan Egyipte
pʋ́ ofula ánɩ́ ɔlɔbwɛ Soan ɔsʋlʋsʋ.
44Ɔlɛha amʋ́ ntsu abʋnkpa lɛdamli obugya,
bʋmɛtalɩ tra nun ntsu.
45Ɔlɛlɛ awʋlʋ wa amʋ́tɔ, bodundun amʋ́,
lɛ nkle bʋla amʋ́ ɔsʋlʋsʋ, beyinta atɔ.
46Ɔlɛha adumpu bɔwɩ amʋ́ ndɔtɔ-atɔ,
atsantsankʋ beyinta amʋ́ atɔ-abi fɛ́ɛ́.
47Ɔlɛha atsufolibi lɛkpa tɩntɩn amʋ́ waɩn-afla.
Ɔlɛha ɔsʋlʋtɔ lolwii tsʋn, amʋ́ apɔntɔ lowu.
48Ɔlɛha atsufolibi lɛda amʋ́ mbwɩ yaɩhɛ mɔ,
ɔprada lɔtswɩ mɔmɔ amʋ́ nnantswie.
49Ɔlɛha mʋ ɔblɔ kpitii lɛba amʋ́sʋ,
mʋ ansɩpɛpɛ, mʋ ɩyɩn pʋ́ mʋ asʋn wunhɛ,
bʋgyi atoyinta-abɔpʋ ɔdɔm bɛba.
50Ɔlɛlɛ mʋ ɔblɔ ɔkpa.
Ometin amʋ́ lowu ɔkpa.
Ɔlɛha ɩlɔ lalahɛ lɛda amʋ́sʋ.
51Ɔlɔmɔ Egyiptefɔ woyigyiwoyitɔ bitɩ.
Amʋ́ yasʋtɔ abi gyankpapʋ, igyi Ham#Gyen. 10:6 abi-aná ɔsʋlʋsʋ.
52Ɔlɛkpa mʋ aha dalɩ fɛ akufa.
Ologyo amʋ́ ɩwɩ, kpa amʋ́ ɔsʋlʋkpan amʋtɔ.
53Ɔlɛkpa amʋ́ kɔnkɔn, bʋmenya ifu,
tamɛ ɔpʋ lɛkɩta amʋ́ alupʋ mʋ́.
54Ɔlɛkpa amʋ́ bowie mʋ onuto ɔsʋlʋ ɔnɔ.
Abʋ ɔsʋlʋá ɔlɔpʋ mʋ tumi nyasʋ.
55Brɛá mʋ aha bɛba a,
olegya ɔsʋlʋ amʋsʋ atsiapʋ.
Oleye ɔsʋlʋ amʋ pʋbwɛ ogyikpa ha Israel abusuan-abusuan amʋ.
Ɔlɔhɔ amʋ́ yaɩ, ɩnʋ lɔbwɛ amʋ́ otsiakpa.
56Tamɛ mʋ́ oo bɔsɔ Ɔsʋsʋʋsʋ Mʋ Wie Bulu kɩ,
kʋsʋ lɩɩ mʋsʋ,
bʋmegyi mʋ ɔnɔá ɔlɛlɛsʋ.
57Bɛdamli ɔma ha mʋ,
kina ɔnɔkwalɩwa ha mʋ fɛ amʋ́ anain.
Amʋ́ ɔkpa lɔnɔ fɛ ɩta wɔɩhɛá
bʋtamapʋ ansɩ dɩnka mʋ́sʋ.
58Bɔpʋ amʋ́ ɩkpɩ ɔtswɛkpa wa mʋ ɔblɔ.
Ɩlɛha ɔlɔwa nunklun amʋ́ atunkusʋ.
59Brɛá Bulu lowun mʋ́ alɩ a, ɔlɛhɩɛ nya ɔblɔ,
wuna kina Israelfɔ plɩplɩplɩ.
60Ɩnʋ olesi mʋ otsiakpa ánɩ́ ɩbʋ Silo tswɩ.
Mʋ ɔtɩnɛá oletsia anyankpʋsatɔ.
61Ɔlɛha bɛkɩta mʋ Ntam-daka ndoun.
Alupʋ bɔhɔ mʋ numnyam anfɩ lɛ amʋ́ ɩbɩ.
62Ɔlɛha mʋ ɔmá lesin ɔdayi ɔnɔ,
ɔlɛhɩɛ nya ɔblɔ mʋ ogyikpa anfɩsʋ.
63Ogya lɔhɔ amʋ́ nyasubi fɛ́ɛ́,
amʋ́ mbitebi bʋmenya aklu tsia.
64Amʋ́ igyi ahapʋ besin ɔdayi ɔnɔ,
amʋ́ aka bʋmɛtalɩ su.
65Anɩ Wie lɔkʋsʋ fɛ ɔha ánɩ́ alawan tsinki,
fɛ ɔwʋnlɩnpʋ labʋ, ɔdɛkplʋn.
66Ɔlɛda mʋ alupʋ saɩn,
sʋpa amʋ́ fɛ́ɛ́.
67Olekina Yosef abi-aná,
ɔmɛlɛ mʋ bi Efraim abusuan ɛ.
68Yuda abusuan mboun ɔlɛlɛ,
tsu ɩnʋ ɔlɛlɛ Sionbʋá ɔtɔdwɛ.
69Ɔlɔpwɛ mʋ otsiakpa fʋa fɛ ɔsʋsʋ.
Ɩlɩɩ kinkin fɛ ɔsʋlʋ, ibétsia brɛ fɛ́ɛ́.
70Ɔlɛlɛ mʋ osumbi Dawid,
ɔlɛkpa mʋ tsu akufa ɩbantɔ.
71Akufa mʋ́a amʋ́ abi ɔkpakpa ɔlɛlɛ mʋ tsu ɔbɛɛ,
ɔbɛkpa mʋ aha Yakob abi-aná Israelfɔ, bʋgyi mʋ ogyikpa.
72Dawid lɔpʋ ɩklʋn wanklaan kpa amʋ́,
damli ɩbɩ amʋ́sʋ.
Currently Selected:
Israelfɔ Ɩlʋ 78: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
Israelfɔ Ɩlʋ 78
78
Bulu, Aha Nwɛ Owunpʋ Mʋ́a Lakpan Osikiepʋ
Asaf atosuna ɩlʋ.
1Oo mɩ ɔmá, mlɩyaa asʋ amlɩnu mɩ atosunahɛ.
Mlɩnu mɩ ɔnɔtɔ asʋn!
2Nɔ́tɔɩ ayebisʋ,
pʋlɛ bɩmbɩ asʋn ŋaɩnhɛ ɔwan.
3Asʋn ánɩ́ anɩ anain bɛbla anɩ,
anɩlanu, anɩlabɩ.
4Anɩméesi ŋain amʋ́ abi-aná.
Abɛ́bla abi-aná ánɩ́ bɛ́ba bɛlɩn Nana Bulu tumi,
mʋ ofula akpɔnkpɔntɩ pʋ́ mʋ bwɛhɛ.
5Bulu lɛlɛ ɔnɔ suna Yakob abi-aná.
Ɔlɔpʋ mʋ atosunahɛ ha Israelfɔ,
ɔlɛbla anɩ anain ɔbɛɛ, bʋpʋsuna amʋ́ abi.
6Mɛnɩ otuntufla pɔpwɛ abi ɛ bɛ́bɩ mʋ́,
pʋsuna amʋ́ abi,
7abʋpʋ ansɩ dɩnka Bulusʋ.
Bʋmátan mʋ atɔ bwɛhɛsʋ,
bʋgyi mʋ mblasʋ.
8Mɛnɩ bʋmɔ́ɔbwɛ fɛ amʋ́ anain
ánɩ́ bɔwa asʋtɔ-ɔnlɩn, kʋsʋ lɩɩ Bulusʋ.
Bʋmɔpʋ amʋ́ ɩklʋn dɩnka mʋsʋ,
bʋmɔwa ɔnɔkwalɩ ɛ ha mʋ.
9Efraim mbɩn atswɩpʋ bɛdɩda atɔ,
tamɛ bɔkɔ srɩ ɩsa ɔkɔkɛ.
10Bʋmegyi amʋ́a Bulu nsɩnɛ ntamsʋ,
bekina mʋ atosunahɛsʋ gyi.
11Bɛtan mʋ bwɛhɛ
pʋ́ ofula akpɔnkpɔntɩá ɔlɔbwɛ suna amʋ́sʋ.
12Bɛtan mʋ́á ɔlɔbwɛ ha amʋ́ anain Soan ɔsʋlʋsʋ,
Egyipte ɔmátɔ kʋraasʋ.
13Oleye ɔpʋtɔ anyɔ ha amʋ́ bɔtsʋn,
ɔlɛha ɔpʋ ntsu lɔkʋsʋ lɩɩ fɛ bunti.
14Ɔlɛha agyinde legya amʋ́ nkpa,
kpa amʋ́ ɔyɩkɛhɛtɔ,
ogya plɛnplɛn lɛkpa amʋ́ onye fɛ́ɛ́.
15Ɔlɛmaɩn abʋta ɔsʋlʋkpan amʋtɔ,
ntsu kpɔnkpɔntɩ lɛdalɩ, bonun.
16Ɔlɛha ntsu kpɔnkpɔntɩ lɛdalɩ tsu bʋta amʋtɔ,
bʋla, ɩdɛtsʋn.
17Mʋ́ ɔma oo, bɛtra tsia bwɛ lakpan
pʋkʋsʋ lɩɩ Ɔsʋsʋʋsʋ Mʋ Wiesʋ ɔsʋlʋkpan amʋsʋ.
18Bɔsɔ Bulu kɩ amʋ́ ɩklʋntɔ bɛɛ,
ɔha amʋ́ atogyihɛá amʋ́ onuto bʋdekle.
19Bɔtɔɩ Bulusʋ bɛɛ,
“Bulu ɔbɛ́talɩ tswɩ ɔpʋnʋ ha anɩ ɔsʋlʋkpansʋ nfɩ?
20Ɔlɔpʋ oyi pɩtɩ bʋta, ntsu lɛfɛn dalɩ,
bʋla, ɩhɩɛ dɛtsʋn.
Ɔbɛ́talɩ nya iye mʋ́a atogyihɛ ɛ ha mʋ aha?”
21Brɛá Nana Bulu lonu asʋn anfɩ a,
ɔblɔ lɛhɩɛ kɩta mʋ.
Ɔlɛha ogya letsii wa Yakob abi-anátɔ.
Olenya ɔblɔ kɩtakɩta Israelfɔsʋ,
22tsufɛ bʋmɔhɔ mʋ gyi,
bʋmɔpʋ ansɩ dɩnka mʋ nkpahɔ tumisʋ.
23Tamɛ mʋ́ o a, ɔlɛlɛ ɔnɔ wa nwʋlʋta,
ɔsʋsʋ lefinki.
24Ɔlɛha mana lotswie bun amʋ́ begyi,
ɔlɛha amʋ́ ɔsʋsʋ atogyihɛ.
25Anyankpʋsa begyi Bulu-abɔpʋ atogyihɛ.
Ɔlɛha amʋ́ atogyihɛ, begyi alɩá bɛ́talɩ.
26Ɔlɛha owi ɔdalɩkpa afu lɔtsʋn ɔsʋsʋ,
ɔlɔpʋ mʋ tumi bɩtɩa ɔsasɩ afu ba.
27Ɔlɛkpakpa mbubwi bun amʋ́,
benya aye tsɔtsɔɔtsɔ fɛ ɔpʋ ɔnɔ ɩsɩ.
28Ɔlɛha bɛkpakpa bun amʋ́ ɔswɩɩkpa,
bomli amʋ́ otsiakpa.
29Ɔlɛha amʋ́ tɔá bʋdekle.
Mʋ́ sʋ amʋ́tɔ okugyiɔkʋ legyi mwɛ.
30Tamɛ botsutsua abʋgyi amʋ́ awɔlɩtɔ amʋ ta,
atogyihɛ amʋ mɛta amʋ́ ɔnɔtɔ,
31Bulu lenya ɔblɔ amʋ́sʋ,
mɔ amʋ́tɔ nyasubi awʋnlɩnpʋ,
ba Israel asɩ.
32Tamɛ ɩnɩ fɛ́ɛ́ ɔma a, bʋmesi lakpan bwɛ.
Bowun ofula ánɩ́ ɔdɛbwɛ, tamɛ bʋmɔhɔ mʋ gyi.
33Mʋ́ sʋ ɔlɛha amʋ́ nkɛ lɛta fɛ ɔŋɛ fʋhɛ.
Betsia tɩn wu amʋ́ nkpatɔ.
34Brɛá ɔdɛ amʋ́ mɔ a, bodunka mʋ ɔkpa.
Bɛdamli ɩklʋntɔ, dunka mʋ ɔkpa kinkiinkin.
35Bɛkaɩn ánɩ́ Bulu gyi amʋ́ ɩbʋta.
Ɔsʋsʋʋsʋ Mʋ Wie Bulu gyi amʋ́ Ɔkalɛpʋ.
36Tamɛ mlɛ bɛmlɛ mʋ,
wa afunu suna mʋ.
37Bʋmɛhɩɛ pʋ amʋ́ ɩklʋn dɩnka mʋsʋ.
Bʋmegyi mʋa amʋ́nyɔ nsɩnɛ ntamsʋ.
38Tamɛ ɔbʋ nwewun.
Mʋ́ sʋ olesi amʋ́ lakpan kie,
ɔmɔmɔ amʋ́.
Oletsia kɩta ɩwɩ,
ɔmɛlɛ mʋ ɔblɔ fɛ́ɛ́ ɔwan.
39Ɔlɛkaɩn ánɩ́ ɔyʋlʋ bʋgyi.
Bʋtɔkɔsɩ wu, fɛ afuá ɩtsʋn ɩtamayinki ba.
40Betsia kʋsʋ lɩɩ mʋsʋ ɔsʋlʋkpansʋ ɩnʋ,
ahʋmɩtɩ lɛkɩta Bulu!
41Bɔsɔ mʋ kɩ, lasɔ mʋ kɩ,
pʋwa Israel Ɔha Wankɩhɛ amʋ ɔblɔ.
42Bʋmɛkaɩn mʋ tumi,
ntɛ ɛkɛá ɔlɛlɛ amʋ́ tsu adʋn ɩbɩsʋ.
43Nkɛá ɔlɛlɛ mʋ osuna ɔwan Egyipte
pʋ́ ofula ánɩ́ ɔlɔbwɛ Soan ɔsʋlʋsʋ.
44Ɔlɛha amʋ́ ntsu abʋnkpa lɛdamli obugya,
bʋmɛtalɩ tra nun ntsu.
45Ɔlɛlɛ awʋlʋ wa amʋ́tɔ, bodundun amʋ́,
lɛ nkle bʋla amʋ́ ɔsʋlʋsʋ, beyinta atɔ.
46Ɔlɛha adumpu bɔwɩ amʋ́ ndɔtɔ-atɔ,
atsantsankʋ beyinta amʋ́ atɔ-abi fɛ́ɛ́.
47Ɔlɛha atsufolibi lɛkpa tɩntɩn amʋ́ waɩn-afla.
Ɔlɛha ɔsʋlʋtɔ lolwii tsʋn, amʋ́ apɔntɔ lowu.
48Ɔlɛha atsufolibi lɛda amʋ́ mbwɩ yaɩhɛ mɔ,
ɔprada lɔtswɩ mɔmɔ amʋ́ nnantswie.
49Ɔlɛha mʋ ɔblɔ kpitii lɛba amʋ́sʋ,
mʋ ansɩpɛpɛ, mʋ ɩyɩn pʋ́ mʋ asʋn wunhɛ,
bʋgyi atoyinta-abɔpʋ ɔdɔm bɛba.
50Ɔlɛlɛ mʋ ɔblɔ ɔkpa.
Ometin amʋ́ lowu ɔkpa.
Ɔlɛha ɩlɔ lalahɛ lɛda amʋ́sʋ.
51Ɔlɔmɔ Egyiptefɔ woyigyiwoyitɔ bitɩ.
Amʋ́ yasʋtɔ abi gyankpapʋ, igyi Ham#Gyen. 10:6 abi-aná ɔsʋlʋsʋ.
52Ɔlɛkpa mʋ aha dalɩ fɛ akufa.
Ologyo amʋ́ ɩwɩ, kpa amʋ́ ɔsʋlʋkpan amʋtɔ.
53Ɔlɛkpa amʋ́ kɔnkɔn, bʋmenya ifu,
tamɛ ɔpʋ lɛkɩta amʋ́ alupʋ mʋ́.
54Ɔlɛkpa amʋ́ bowie mʋ onuto ɔsʋlʋ ɔnɔ.
Abʋ ɔsʋlʋá ɔlɔpʋ mʋ tumi nyasʋ.
55Brɛá mʋ aha bɛba a,
olegya ɔsʋlʋ amʋsʋ atsiapʋ.
Oleye ɔsʋlʋ amʋ pʋbwɛ ogyikpa ha Israel abusuan-abusuan amʋ.
Ɔlɔhɔ amʋ́ yaɩ, ɩnʋ lɔbwɛ amʋ́ otsiakpa.
56Tamɛ mʋ́ oo bɔsɔ Ɔsʋsʋʋsʋ Mʋ Wie Bulu kɩ,
kʋsʋ lɩɩ mʋsʋ,
bʋmegyi mʋ ɔnɔá ɔlɛlɛsʋ.
57Bɛdamli ɔma ha mʋ,
kina ɔnɔkwalɩwa ha mʋ fɛ amʋ́ anain.
Amʋ́ ɔkpa lɔnɔ fɛ ɩta wɔɩhɛá
bʋtamapʋ ansɩ dɩnka mʋ́sʋ.
58Bɔpʋ amʋ́ ɩkpɩ ɔtswɛkpa wa mʋ ɔblɔ.
Ɩlɛha ɔlɔwa nunklun amʋ́ atunkusʋ.
59Brɛá Bulu lowun mʋ́ alɩ a, ɔlɛhɩɛ nya ɔblɔ,
wuna kina Israelfɔ plɩplɩplɩ.
60Ɩnʋ olesi mʋ otsiakpa ánɩ́ ɩbʋ Silo tswɩ.
Mʋ ɔtɩnɛá oletsia anyankpʋsatɔ.
61Ɔlɛha bɛkɩta mʋ Ntam-daka ndoun.
Alupʋ bɔhɔ mʋ numnyam anfɩ lɛ amʋ́ ɩbɩ.
62Ɔlɛha mʋ ɔmá lesin ɔdayi ɔnɔ,
ɔlɛhɩɛ nya ɔblɔ mʋ ogyikpa anfɩsʋ.
63Ogya lɔhɔ amʋ́ nyasubi fɛ́ɛ́,
amʋ́ mbitebi bʋmenya aklu tsia.
64Amʋ́ igyi ahapʋ besin ɔdayi ɔnɔ,
amʋ́ aka bʋmɛtalɩ su.
65Anɩ Wie lɔkʋsʋ fɛ ɔha ánɩ́ alawan tsinki,
fɛ ɔwʋnlɩnpʋ labʋ, ɔdɛkplʋn.
66Ɔlɛda mʋ alupʋ saɩn,
sʋpa amʋ́ fɛ́ɛ́.
67Olekina Yosef abi-aná,
ɔmɛlɛ mʋ bi Efraim abusuan ɛ.
68Yuda abusuan mboun ɔlɛlɛ,
tsu ɩnʋ ɔlɛlɛ Sionbʋá ɔtɔdwɛ.
69Ɔlɔpwɛ mʋ otsiakpa fʋa fɛ ɔsʋsʋ.
Ɩlɩɩ kinkin fɛ ɔsʋlʋ, ibétsia brɛ fɛ́ɛ́.
70Ɔlɛlɛ mʋ osumbi Dawid,
ɔlɛkpa mʋ tsu akufa ɩbantɔ.
71Akufa mʋ́a amʋ́ abi ɔkpakpa ɔlɛlɛ mʋ tsu ɔbɛɛ,
ɔbɛkpa mʋ aha Yakob abi-aná Israelfɔ, bʋgyi mʋ ogyikpa.
72Dawid lɔpʋ ɩklʋn wanklaan kpa amʋ́,
damli ɩbɩ amʋ́sʋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation