Israelfɔ Ɩlʋ 77
77
Bulu Ɔkpa Lɔwankɩ
Asaf kanfʋ-ɩlʋ ha ɩlʋ osunapʋ Yedutun.
1Ntosu kpoli Bulu kʋklʋkʋʋ.
Ntɔkplʋn kʋklʋkʋʋ mbɛɛ, ɔsɔ mɩ ɔnɔ.
2Ntodunka mɩ Wie mɩ ɔkplankɛ.
Ntotsu ɩbɩ fʋa onye fɛ́ɛ́, ndɛ mpaɩ bɔ ha mʋ,
tamɛ ɩklʋn mɛdɩ mɩ ɩwɩtɔ.
3Ntɛkaɩn Bulusʋ, ahʋmɩtɩ tɛkɩta mɩ.
Ntɔgywɩɩn mʋ ɩwɩ, ɔkla tɛsrɩ mɩ. Ɩya.
4Fʋmɛha mmɛdɩdɩ onye fɛ́ɛ́.
Asʋn ladʋn mɩ, mmɛtalɩ tɔɩ.
5Nosusu nkɛá ɩlatsʋn ɩwɩ.
Nɛkaɩn bɩmbɩ ɔpá nfiá ɩlatsʋnsʋ.
6Nɛkaɩn onye ɩlʋá ntɔwasʋ.
Nɔgywɩɩn mʋ́ ɩwɩ, fɩtɛ ɩwɩ mbɛɛ,
7“Mɩ Wie obékina ɔha fɛ́ɛ́,
ɔmɛ́ɛtra wun mʋ nwɛ ɛkɛkɛɛkɛ?
8Mʋ ɔdwɛá ɩma ɔka laka itin fɛ́ɛ́?
Ɔmɛ́ɛtra bwɛ tɔá ɔlɛhɩɛ brɛ fɛ́ɛ́?
9Alatan mʋ nwewunsʋ?
Ntɛ ɔblɔ lahɔ mʋ awɩtɔlɛ otsiakpa?” Ɩya.
10Ɩnʋ nɛblɩ mbɛɛ, “Mʋ́á ɩdɛ mɩ han gyi,
Ɔsʋsʋʋsʋ Mʋ Wie amʋ tumi latsɛ.”
11Oo Nana Bulu, nɛ́kaɩn fʋ atɔ bwɛhɛsʋ.
Ee, nɛ́kaɩn fʋ ofula ánɩ́ fɔbwɛ bɩmbɩsʋ.
12Nɔ́gywɩɩn fʋ atɔ bwɛhɛ fɛ́ɛ́ ɩwɩ,
gywɩɩn atɔ akpɔnkpɔntɩá fabwɛ ɩwɩ.
13Oo Bulu, fʋ ɔkpa lɔwankɩ.
Ɔkpɩ ɔmɔmʋ lomoni fɛ anɩ Bulu?
14Fʋgyi Buluá fʋtɔbwɛ ofula.
Falɛ fʋ tumi suna ɔmá-ɔmátɔ.
15Fʋlɔpʋ fʋ tumi ka lɛ fʋ aha,
Yakob mʋa Yosef abi-aná. Ɩya.
16Ɔpʋ lowun fʋ.
Oo Bulu, brɛá ɔpʋ lowun fʋ a, olekikini.
Ee, mʋ́ okluklukpa lɛkpɩnkɩ.
17Agyinde lotswie ntsu,
ɔprada lɔpʋtɩ nwʋlʋtasʋ.
Ɩlɛkpa ogya yɔ ɔtɩnɛgyiɔtɩnɛ.
18Fʋ ɔprada lotsula wa kpankpantrudutɔ.
Ɔyɩtɔ fɛ́ɛ́ lɛkpa ogya,
ɔsʋlʋ lɛkpɩnkɩ kpakpakpa.
19Fʋ ɔkpa ɩna ɔpʋtɔ.
Fɛnatɩ tsʋn ntsu akpɔnkpɔntɩtɔ,
tamɛ bʋmowun fʋ ɔtsakpa.
20Fɔtsʋn Mose mʋa Aaronsʋ
kpa fʋ aha fɛ akufa.
Currently Selected:
Israelfɔ Ɩlʋ 77: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
Israelfɔ Ɩlʋ 77
77
Bulu Ɔkpa Lɔwankɩ
Asaf kanfʋ-ɩlʋ ha ɩlʋ osunapʋ Yedutun.
1Ntosu kpoli Bulu kʋklʋkʋʋ.
Ntɔkplʋn kʋklʋkʋʋ mbɛɛ, ɔsɔ mɩ ɔnɔ.
2Ntodunka mɩ Wie mɩ ɔkplankɛ.
Ntotsu ɩbɩ fʋa onye fɛ́ɛ́, ndɛ mpaɩ bɔ ha mʋ,
tamɛ ɩklʋn mɛdɩ mɩ ɩwɩtɔ.
3Ntɛkaɩn Bulusʋ, ahʋmɩtɩ tɛkɩta mɩ.
Ntɔgywɩɩn mʋ ɩwɩ, ɔkla tɛsrɩ mɩ. Ɩya.
4Fʋmɛha mmɛdɩdɩ onye fɛ́ɛ́.
Asʋn ladʋn mɩ, mmɛtalɩ tɔɩ.
5Nosusu nkɛá ɩlatsʋn ɩwɩ.
Nɛkaɩn bɩmbɩ ɔpá nfiá ɩlatsʋnsʋ.
6Nɛkaɩn onye ɩlʋá ntɔwasʋ.
Nɔgywɩɩn mʋ́ ɩwɩ, fɩtɛ ɩwɩ mbɛɛ,
7“Mɩ Wie obékina ɔha fɛ́ɛ́,
ɔmɛ́ɛtra wun mʋ nwɛ ɛkɛkɛɛkɛ?
8Mʋ ɔdwɛá ɩma ɔka laka itin fɛ́ɛ́?
Ɔmɛ́ɛtra bwɛ tɔá ɔlɛhɩɛ brɛ fɛ́ɛ́?
9Alatan mʋ nwewunsʋ?
Ntɛ ɔblɔ lahɔ mʋ awɩtɔlɛ otsiakpa?” Ɩya.
10Ɩnʋ nɛblɩ mbɛɛ, “Mʋ́á ɩdɛ mɩ han gyi,
Ɔsʋsʋʋsʋ Mʋ Wie amʋ tumi latsɛ.”
11Oo Nana Bulu, nɛ́kaɩn fʋ atɔ bwɛhɛsʋ.
Ee, nɛ́kaɩn fʋ ofula ánɩ́ fɔbwɛ bɩmbɩsʋ.
12Nɔ́gywɩɩn fʋ atɔ bwɛhɛ fɛ́ɛ́ ɩwɩ,
gywɩɩn atɔ akpɔnkpɔntɩá fabwɛ ɩwɩ.
13Oo Bulu, fʋ ɔkpa lɔwankɩ.
Ɔkpɩ ɔmɔmʋ lomoni fɛ anɩ Bulu?
14Fʋgyi Buluá fʋtɔbwɛ ofula.
Falɛ fʋ tumi suna ɔmá-ɔmátɔ.
15Fʋlɔpʋ fʋ tumi ka lɛ fʋ aha,
Yakob mʋa Yosef abi-aná. Ɩya.
16Ɔpʋ lowun fʋ.
Oo Bulu, brɛá ɔpʋ lowun fʋ a, olekikini.
Ee, mʋ́ okluklukpa lɛkpɩnkɩ.
17Agyinde lotswie ntsu,
ɔprada lɔpʋtɩ nwʋlʋtasʋ.
Ɩlɛkpa ogya yɔ ɔtɩnɛgyiɔtɩnɛ.
18Fʋ ɔprada lotsula wa kpankpantrudutɔ.
Ɔyɩtɔ fɛ́ɛ́ lɛkpa ogya,
ɔsʋlʋ lɛkpɩnkɩ kpakpakpa.
19Fʋ ɔkpa ɩna ɔpʋtɔ.
Fɛnatɩ tsʋn ntsu akpɔnkpɔntɩtɔ,
tamɛ bʋmowun fʋ ɔtsakpa.
20Fɔtsʋn Mose mʋa Aaronsʋ
kpa fʋ aha fɛ akufa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation