Israelfɔ Ɩlʋ 76
76
Ma Ɔbɛ́talɩ Lɩɩ Bulu Ɔblɔ Ɔnɔ?
Asaf kanfʋ-ɩlʋá bɔ́pʋha ɩlʋ osunapʋ. Bɔ́pʋ ɔsankuo da mʋ́.
1Bʋyin Bulu Yuda ɔmátɔ,
bʋtobu mʋ ɩda Israel ɔmátɔ fɛ́ɛ́.
2Mʋ woyi bʋ Salem,
Sionbʋsʋ.
3Ɩnʋ olebiabia mʋ alupʋ mbɩn pɩɔnpɩɔn,
amʋ́ akʋtʋ, ndayi pʋ́ amʋ́ akɔtɔ nɩ. Ɩya.
4Oo Bulu, fɛhɩɛ wankɩ.
Fʋbʋ numnyam dʋn ɩbʋá mbwɩ bʋbʋ mʋsʋ bregyibrɛ.
5Faswɩɩ amʋ́ ɩsa akɔpʋ akinkin atɔ,
bawu yɔɩ.
Amʋ́tɔ ɔkʋkʋ mɛ́talɩ tsu ɩbɩ.
6Oo Yakob Bulu, fʋ ɩyɩn sʋ
mpɔnkɔ mʋ́a amʋ́sʋ adɩnkapʋ bawu si bʋda.
7Tamɛ fʋ mʋ́ a, fʋ ɩwɩ bʋ ifu!
Ma ɔbɛ́talɩ lɩɩ fʋ ɔblɔ ɔnɔ?
8Fobua amʋ́ asʋn tsu ɔsʋsʋ.
Ɔyɩtɔ aha fɛ́ɛ́ benya ifu, kpa ɔnɔ bun mwɩ.
9Brɛá fɔkʋsʋ fóbua amʋ́ asʋn a,
fɔhɔ ɔsʋlʋsʋ ahianfɔ fɛ́ɛ́ nkpa. Ɩya.
10Lɛlɛ, nyankpʋsa ɔblɔ tɔwa fʋ numnyam,
fʋtɔpʋ ɔblɔ amʋ trahɛ dɩda.
11Mlɩtsula ɩkɔ Nana Bulu, mlɩ Bulu ansɩtɔ, amlɩgyi mʋ́sʋ.
Mlɩha nsɩnɛ ɩnʋ ɔmá fɛ́ɛ́
abʋpʋ atokiehɛ ba ɔha anfɩ mʋ ɩwɩ bʋ ifu anfɩ.
12Ɔtɛha ɔmásʋ agyipʋ ɔkla tɛsrɩ amʋ́,
ɔtɔpʋ ifu wa ɔyɩtɔ awietɔ.
Currently Selected:
Israelfɔ Ɩlʋ 76: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
