Israelfɔ Ɩlʋ 100
100
Mlɩpʋ Ɩpan Ba Bulu Woyi Ɔnɔ
Ɩpanda-afɔdɩɛasɩ ɩlʋ.
1Ɔyɩtɔ aha fɛ́ɛ́,
mlɩtswɩ ope ha Nana Bulu!
2Mlɩpʋ ansigyi sum mʋ,
amlɩpʋ ɩlʋ ba mʋ wa.
3Mlɩbɩá Nana Bulu gyi Bulu!
Mʋlɔbwɛ anɩ, mʋbʋ anɩ.
Mʋ ɔmá pʋ́ mʋ ɩbantɔ akufa anɩgyi.
4Mlɩpʋ ɩpan ba mʋ woyi ɔnɔ,
amlɩpʋ ɩkanfʋ bitiwie mʋ wunsɩnɛ.
Mlɩda mʋ ɩpan, amlɩkanfʋ mʋ ɩda,
5tsufɛ Nana Bulu bʋ alɛ.
Mʋ ɔdwɛá ɩma ɔka bʋ ɩnʋ brɛ fɛ́ɛ́.
Mʋ ɔnɔkwalɩ ɩbʋ ɩnʋ ha aha ánɩ́ bɛ́ba bɛlɩn fɛ́ɛ́.
Currently Selected:
Israelfɔ Ɩlʋ 100: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
