Mateo 10
10
Akasɩpʋ Amʋ Ada
(Marko 3:13-19; Luka 6:12-16; 9:1-6)
1Yesu lɛtɩ mʋ akasɩpʋ duanyɔ amʋ, ɔlɛha amʋ́ tumi ánɩ́ bʋgyi ɔŋɛ lalahɛsʋ. Bʋgya amʋ́ lɛ ahatɔ, abʋtsa ɩlɔ mʋ́a ɩwɩɔsɩn kugyikʋ. 2Sumbi ayɔpʋ duanyɔ amʋ ada nɩ: Ogyankpapʋ gyi Simon ánɩ́ bʋtɛtɩ mʋ Petro mʋa mʋ pio Andrea. Yakobo mʋa mʋ pio Yohane ánɩ́ bʋgyi Sebedeo abi; 3Filipo, Bartolomeo, Toma, lampoo ɔhɔpʋ Mateo, Alfeo mʋ bi Yakobo, Tadeo, 4Simon ánɩ́ ogyi ɩwɩsʋtsia adunkapʋ ɔpasuatɔ ɔha pʋ́ Yuda Iskariot ánɩ́ ɔlɛlɛ Yesu ha.
Akasɩpʋ Duanyɔ Amʋ Sumbiwa
(Marko 6:7-13; Luka 9:1-6)
5Ɔlɔwa sumbi ayɔpʋ duanyɔ amʋ sɩsɩ, wa mbla ha amʋ́ ɔbɛɛ, “Mlɩmáyɔ aha ánɩ́ bʋmegyi Yudafɔ ɔsʋlʋ pʋ́ Samariafɔ awulu kʋkʋsʋ. 6Mboun mlɩyɔ Israelfɔ wa. Bʋgyi fɛ akufa ánɩ́ bafwɩ. 7Nɩ mlɔyɔ a, mlɩda asʋn amʋ ɔkan mlɩaa, ‘Bulu iwiegyi amʋ lawie woyi ta.> 8Mlɩtsa ɩlɔ, amlɩtsinki afuli. Mlɩtsa ɩlɔ pɛpɛ alɔpʋ, amlɩgya ɔŋɛ lalahɛ lɛ ahatɔ. Mlɩmáhɔ amʋ́ tɔtɔ. Mlɩbwɛ mʋ́ pʋkie amʋ́, fɛ alɩá napʋkie mlɩ. 9Mlɩmátsu sika kʋkʋʋkʋ wa mlɩ akɛntɛtɔ. 10Mlɩmátsu akpankogyo ánɩ́ mlɔ́pʋ atɔ wa mʋ́tɔ ha ɔkpa amʋ tu. Mlɩmátsu atadɩɛ nyɔsɩ, ntʋkʋta pʋ́ oyi yiahɛ. Tsufɛ agyʋma ɔyɔpʋ bʋtɛha atogyihɛ.
11“Nɩ mlɔyɔswɩɩ wulu kugyikʋsʋ a, mlɩdunka ɔha wanklaan, amlɩswɩɩ mʋ wa. Mlɩtsia ɩnʋ kpɛfʋn ɛkɛá mlɛ́natɩ. 12-13Nɩ mlowie-woyitɔ ɩnʋ a, mlɩha amʋ́ itsia mlɩaa, ‘Bulu ɔha mlɩ iwilwii.> Nɩ woyi amʋtɔfɔ bɔhɔ mlɩ a, mlɩ oyula amʋ isin amʋ́sʋ. Tamɛ nɩ bʋmɔhɔ mlɩ a, mʋmʋ mlɩ oyula amʋ ɩsanki ba mlɩsʋ. 14Nɩ bʋmɔhɔ mlɩ, ntɛ nu mlɩ asʋn a, mlɩdalɩ woyi ntɛ wulu amʋtɔ, amlɩkpakpa mlɩ ayabitɔ-ɩsɩ wʋlɩ ɩnʋ. 15Ɔnɔkwalɩ ndɛ mlɩ bla mbɛɛ, Bulu ɔbɛ́bɩtɩ amʋ́ ɩsʋ dʋn Sodom mʋ́a Gomorafɔ mʋ asʋn ogyikɛ amʋ.”
Ɩwɩɔsɩn Ánɩ́ Ɩbɛ́ba Sumbi Ayɔpʋ Amʋsʋ
(Marko 13:9-13; Luka 21:12-17)
16Ɔlɛtra bla amʋ́ ɔbɛɛ, “Mlɩbɩá ndɛ mlɩ wa fɛ akufa ánɩ́ bɔyɔ nkpatakutɔ. Mlɩfwifwi ansɩ fɛ awɔ, amlɩha mlɩ ɩwɩ ɩtɩn fɛ alɔpɔ. 17Mlɩkɩ mlɩ ɩwɩ wanklaan anyankpʋsasʋ. Tsufɛ bɛ́kɩta mlɩ yaa asʋn ogyikpa, nwɛn mlɩ atɔ amʋ́ ofiakpa. 18Mɩ sʋ bɛ́kpa mlɩ ya ɔmásʋ agyipʋ pʋ́ awie ansɩtɔ, mɛnɩ mlégyi mɩ ɩwɩ adansɩɛ suna amʋ́a ɔmátɔfɔ. 19Nɩ bɛkɩta mlɩ ya a, mlɩmágywɩɩn asʋn ánɩ́ mlɛ́blɩ pʋ́ alɩá mlɛ́lɛ mʋ́ ɔnɔ. Bɔ́pʋ asʋn ánɩ́ mlɛ́blɩ brɛ amʋtɔ wa mlɩ ɔnɔ. 20Tsufɛ megyi mlɩ ɔbɔ́tɔɩ. Mlɩ Sɩ Ɔŋɛ amʋ ɔbɔ́tɔɩ tsʋn mlɩsʋ.
21“Apio bɛ́lɛ amʋ́ apio ha lowu. Abi asɩ bɛ́lɛ amʋ́ abi ha. Abi ɛ bɔ́kʋsʋ lɩɩ amʋ́ akwɩɩpʋsʋ, ha bɔ́mɔ amʋ́. 22Mɩ sʋ aha fɛ́ɛ́ bólu mlɩ, tamɛ nɩ mlɛ́talɩ wa klʋn lɩɩ kinkiinkin yɔfʋn mʋ́ ɔnɔmɔ a, Bulu ɔbɔ́hɔ mlɩ nkpa. 23Nɩ bʋdɩn mlɩsʋ wulu kʋtɔ a, mlɩsrɩ yɔ wulu bambatɔ. Ɔnɔkwalɩ ndɛ mlɩ bla. Mlɩméeki Israel awulu amʋ fɛ́ɛ́sʋ ta asa mɩ, Nyankpʋsa-Mʋ-Bi anfɩ néyinki ba.
24“Ɔkasɩpʋ tamadʋn mʋ osunapʋ. Osumpʋ ɛ tamadʋn mʋ wie. 25Ɩbɔ́wa alɛ nɩ ɔkasɩpʋ ɔbɔ́bwɛ fɛ mʋ osunapʋ, osumpʋ ɛ ɔbɔ́bwɛ fɛ mʋ wie. Nɩ batalɩ bʋdɛ woyi mʋ wie amʋ tɩ bɛɛ, ‘Ɔbʋnsam> ntɛ ‘Beelsebul> a, mʋmʋ ɩda lalahɛ mɔmʋ bʋmɔ́ɔpʋtɩ mʋ woyitɔ atsiapʋ mʋ́?
Ɔha Ánɩ́ Abénya Ifu
(Luka 12:2-7)
26“Tamɛ mlɩmánya ifu. Tɔtɔ má ɩnʋá babun atɔ mʋ́sʋ ánɩ́ Bulu móobwii mʋ́sʋ. Togyitɔ ɛ ma ɩnʋá ileŋain ánɩ́ ɩmɛ́ɛlɩn ɔwan. 27Nɩ nɛlɛ atɔ suna mlɩ onye a, mlɩkplʋn blɩ mʋ́ ɔpa. Mlɩda asʋn ánɩ́ nɛbla mlɩ nklobitɔ ɛ ɔkan. 28Mlɩmánya nyankpʋsa ifu. Ɔbɛ́talɩ mɔ mlɩ ɔyʋlʋ, tamɛ ɔmɛ́ɛtalɩ mɔ mlɩ ɔkla. Mboun ɔha ánɩ́ mlɩnya ifu gyi Bulu. Mʋ ɔbɛ́talɩ yinta ɔyʋlʋ mʋ́a ɔkla amʋ fɛ́ɛ́ ɩsʋbɩtɩ ogya ánɩ́ ɩtamaduntɔ. 29Megyi kaplɛ bʋtɛfɛ akensire anyɔ kɛkɛ? Tamɛ amʋ́tɔ ɔkʋkʋ tamakpada ɔsʋlʋtɔ ánɩ́ mlɩ Sɩ amʋ meyin mʋ́ ɩwɩ. 30Tsufɛ Bulu yin mlɩ nwunsʋ-imi kʋraa klatɔ. 31Mʋ́ sʋ mlɩmánya ifu, tsufɛ mlɩbʋ ibia dʋn akensire tsɔtsɔɔtsɔ.”
Adansɩɛgyi Pʋ́ Asʋnkina
(Luka 12:8-9)
32“Nɩ ɔkʋ lɛtalɩ gyi mɩ ɩwɩ adansɩɛ ahatɔ a, mɩ ɛ négyi mʋ ɩwɩ adansɩɛ suna mɩ Sɩ ɔsʋsʋ. 33Tamɛ nɩ ɔkʋ lekina mɩ ahatɔ a, mɩ ɛ nékina mʋ mɩ Sɩ ansɩtɔ ɔsʋsʋ.
Ipian Yesu Lɔpʋba, Megyi Iwilwii
(Luka 12:51-53; 14:26-27)
34“Ɩmábwɛ mlɩ fɛ iwilwii nɔpʋba ɔsʋlʋ anfɩsʋ. Megyi iwilwii, mboun ɔdayi ɩya anyɔ nɔpʋba. 35Tsufɛ abi yinhɛ mʋ́a amʋ́ asɩ nsɩnɛ béyinta. Abi tsɩhɛ mʋ́a amʋ́ ayin ɛ nsɩnɛ béyinta. Osia tsɩhɛ mʋ́a mʋ sia tsɩhɛnyɔ ɛ nsɩnɛ béyinta. 36Ɔha alupʋ bótsu mʋ woyitɔ.
37“Ɔha ánɩ́ ɔtɔdwɛ mʋ sɩ ntɛ mʋ yin dʋn mɩ mɔfʋn ánɩ́ ɔbɔ́bwɛ mɩ ɔkasɩpʋ. Ɔha ánɩ́ ɔtɔdwɛ mʋ bi tsɩhɛ, ntɛ mʋ bi yinhɛ dʋn mɩ ɛ mɔfʋn ánɩ́ ɔbɔ́bwɛ mɩ ɔkasɩpʋ. 38Ɔha ánɩ́ omotsu mʋ oyikpalihɛ bobuo mɩ ɛ mɔfʋn ánɩ́ ɔbɔ́bwɛ mɩ ɔkasɩpʋ. 39Nɩ ɔkʋ lɛprɩ mʋ nkpa a, ɔbɔ́hʋlɩ mʋ́. Nɩ ɔkʋ ɛ lɔhʋlɩ mʋ nkpa mɩ sʋ a, obénya mʋ́.
Yilebwɛ Ɩwɩ Ɩkɔka
(Marko 9:41)
40“Ɔha ánɩ́ ɔlɔhɔ mlɩ lahɔ mɩ. Nɩ ɔkʋ lɔhɔ mɩ ɛ a, alahɔ mɩ Sɩ amʋʋ ɔlɔwa mɩ amʋ. 41Nɩ fɔhɔ Bulu ɔnɔsʋ ɔtɔɩpʋ ɔfɔɔ a, Bulu ɔnɔsʋ ɔtɔɩpʋ oyula fénya. Ɔha ánɩ́ ɔlɔhɔ yile ɔbwɛpʋ ɛ ɔfɔɔ obénya yile ɔbwɛpʋ oyula. 42Ɔnɔkwalɩ ndɛ mlɩ bla. Ɔhagyiɔha ánɩ́ ɔlɛha mɩ akasɩpʋtɔ ɔkʋsʋ kʋraa ntsu-owebi ɔbɔ olonun a, ɔmɔ́ɔhʋlɩ mʋ ɩpan.”
Currently Selected:
Mateo 10: nko
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
Mateo 10
10
Akasɩpʋ Amʋ Ada
(Marko 3:13-19; Luka 6:12-16; 9:1-6)
1Yesu lɛtɩ mʋ akasɩpʋ duanyɔ amʋ, ɔlɛha amʋ́ tumi ánɩ́ bʋgyi ɔŋɛ lalahɛsʋ. Bʋgya amʋ́ lɛ ahatɔ, abʋtsa ɩlɔ mʋ́a ɩwɩɔsɩn kugyikʋ. 2Sumbi ayɔpʋ duanyɔ amʋ ada nɩ: Ogyankpapʋ gyi Simon ánɩ́ bʋtɛtɩ mʋ Petro mʋa mʋ pio Andrea. Yakobo mʋa mʋ pio Yohane ánɩ́ bʋgyi Sebedeo abi; 3Filipo, Bartolomeo, Toma, lampoo ɔhɔpʋ Mateo, Alfeo mʋ bi Yakobo, Tadeo, 4Simon ánɩ́ ogyi ɩwɩsʋtsia adunkapʋ ɔpasuatɔ ɔha pʋ́ Yuda Iskariot ánɩ́ ɔlɛlɛ Yesu ha.
Akasɩpʋ Duanyɔ Amʋ Sumbiwa
(Marko 6:7-13; Luka 9:1-6)
5Ɔlɔwa sumbi ayɔpʋ duanyɔ amʋ sɩsɩ, wa mbla ha amʋ́ ɔbɛɛ, “Mlɩmáyɔ aha ánɩ́ bʋmegyi Yudafɔ ɔsʋlʋ pʋ́ Samariafɔ awulu kʋkʋsʋ. 6Mboun mlɩyɔ Israelfɔ wa. Bʋgyi fɛ akufa ánɩ́ bafwɩ. 7Nɩ mlɔyɔ a, mlɩda asʋn amʋ ɔkan mlɩaa, ‘Bulu iwiegyi amʋ lawie woyi ta.> 8Mlɩtsa ɩlɔ, amlɩtsinki afuli. Mlɩtsa ɩlɔ pɛpɛ alɔpʋ, amlɩgya ɔŋɛ lalahɛ lɛ ahatɔ. Mlɩmáhɔ amʋ́ tɔtɔ. Mlɩbwɛ mʋ́ pʋkie amʋ́, fɛ alɩá napʋkie mlɩ. 9Mlɩmátsu sika kʋkʋʋkʋ wa mlɩ akɛntɛtɔ. 10Mlɩmátsu akpankogyo ánɩ́ mlɔ́pʋ atɔ wa mʋ́tɔ ha ɔkpa amʋ tu. Mlɩmátsu atadɩɛ nyɔsɩ, ntʋkʋta pʋ́ oyi yiahɛ. Tsufɛ agyʋma ɔyɔpʋ bʋtɛha atogyihɛ.
11“Nɩ mlɔyɔswɩɩ wulu kugyikʋsʋ a, mlɩdunka ɔha wanklaan, amlɩswɩɩ mʋ wa. Mlɩtsia ɩnʋ kpɛfʋn ɛkɛá mlɛ́natɩ. 12-13Nɩ mlowie-woyitɔ ɩnʋ a, mlɩha amʋ́ itsia mlɩaa, ‘Bulu ɔha mlɩ iwilwii.> Nɩ woyi amʋtɔfɔ bɔhɔ mlɩ a, mlɩ oyula amʋ isin amʋ́sʋ. Tamɛ nɩ bʋmɔhɔ mlɩ a, mʋmʋ mlɩ oyula amʋ ɩsanki ba mlɩsʋ. 14Nɩ bʋmɔhɔ mlɩ, ntɛ nu mlɩ asʋn a, mlɩdalɩ woyi ntɛ wulu amʋtɔ, amlɩkpakpa mlɩ ayabitɔ-ɩsɩ wʋlɩ ɩnʋ. 15Ɔnɔkwalɩ ndɛ mlɩ bla mbɛɛ, Bulu ɔbɛ́bɩtɩ amʋ́ ɩsʋ dʋn Sodom mʋ́a Gomorafɔ mʋ asʋn ogyikɛ amʋ.”
Ɩwɩɔsɩn Ánɩ́ Ɩbɛ́ba Sumbi Ayɔpʋ Amʋsʋ
(Marko 13:9-13; Luka 21:12-17)
16Ɔlɛtra bla amʋ́ ɔbɛɛ, “Mlɩbɩá ndɛ mlɩ wa fɛ akufa ánɩ́ bɔyɔ nkpatakutɔ. Mlɩfwifwi ansɩ fɛ awɔ, amlɩha mlɩ ɩwɩ ɩtɩn fɛ alɔpɔ. 17Mlɩkɩ mlɩ ɩwɩ wanklaan anyankpʋsasʋ. Tsufɛ bɛ́kɩta mlɩ yaa asʋn ogyikpa, nwɛn mlɩ atɔ amʋ́ ofiakpa. 18Mɩ sʋ bɛ́kpa mlɩ ya ɔmásʋ agyipʋ pʋ́ awie ansɩtɔ, mɛnɩ mlégyi mɩ ɩwɩ adansɩɛ suna amʋ́a ɔmátɔfɔ. 19Nɩ bɛkɩta mlɩ ya a, mlɩmágywɩɩn asʋn ánɩ́ mlɛ́blɩ pʋ́ alɩá mlɛ́lɛ mʋ́ ɔnɔ. Bɔ́pʋ asʋn ánɩ́ mlɛ́blɩ brɛ amʋtɔ wa mlɩ ɔnɔ. 20Tsufɛ megyi mlɩ ɔbɔ́tɔɩ. Mlɩ Sɩ Ɔŋɛ amʋ ɔbɔ́tɔɩ tsʋn mlɩsʋ.
21“Apio bɛ́lɛ amʋ́ apio ha lowu. Abi asɩ bɛ́lɛ amʋ́ abi ha. Abi ɛ bɔ́kʋsʋ lɩɩ amʋ́ akwɩɩpʋsʋ, ha bɔ́mɔ amʋ́. 22Mɩ sʋ aha fɛ́ɛ́ bólu mlɩ, tamɛ nɩ mlɛ́talɩ wa klʋn lɩɩ kinkiinkin yɔfʋn mʋ́ ɔnɔmɔ a, Bulu ɔbɔ́hɔ mlɩ nkpa. 23Nɩ bʋdɩn mlɩsʋ wulu kʋtɔ a, mlɩsrɩ yɔ wulu bambatɔ. Ɔnɔkwalɩ ndɛ mlɩ bla. Mlɩméeki Israel awulu amʋ fɛ́ɛ́sʋ ta asa mɩ, Nyankpʋsa-Mʋ-Bi anfɩ néyinki ba.
24“Ɔkasɩpʋ tamadʋn mʋ osunapʋ. Osumpʋ ɛ tamadʋn mʋ wie. 25Ɩbɔ́wa alɛ nɩ ɔkasɩpʋ ɔbɔ́bwɛ fɛ mʋ osunapʋ, osumpʋ ɛ ɔbɔ́bwɛ fɛ mʋ wie. Nɩ batalɩ bʋdɛ woyi mʋ wie amʋ tɩ bɛɛ, ‘Ɔbʋnsam> ntɛ ‘Beelsebul> a, mʋmʋ ɩda lalahɛ mɔmʋ bʋmɔ́ɔpʋtɩ mʋ woyitɔ atsiapʋ mʋ́?
Ɔha Ánɩ́ Abénya Ifu
(Luka 12:2-7)
26“Tamɛ mlɩmánya ifu. Tɔtɔ má ɩnʋá babun atɔ mʋ́sʋ ánɩ́ Bulu móobwii mʋ́sʋ. Togyitɔ ɛ ma ɩnʋá ileŋain ánɩ́ ɩmɛ́ɛlɩn ɔwan. 27Nɩ nɛlɛ atɔ suna mlɩ onye a, mlɩkplʋn blɩ mʋ́ ɔpa. Mlɩda asʋn ánɩ́ nɛbla mlɩ nklobitɔ ɛ ɔkan. 28Mlɩmánya nyankpʋsa ifu. Ɔbɛ́talɩ mɔ mlɩ ɔyʋlʋ, tamɛ ɔmɛ́ɛtalɩ mɔ mlɩ ɔkla. Mboun ɔha ánɩ́ mlɩnya ifu gyi Bulu. Mʋ ɔbɛ́talɩ yinta ɔyʋlʋ mʋ́a ɔkla amʋ fɛ́ɛ́ ɩsʋbɩtɩ ogya ánɩ́ ɩtamaduntɔ. 29Megyi kaplɛ bʋtɛfɛ akensire anyɔ kɛkɛ? Tamɛ amʋ́tɔ ɔkʋkʋ tamakpada ɔsʋlʋtɔ ánɩ́ mlɩ Sɩ amʋ meyin mʋ́ ɩwɩ. 30Tsufɛ Bulu yin mlɩ nwunsʋ-imi kʋraa klatɔ. 31Mʋ́ sʋ mlɩmánya ifu, tsufɛ mlɩbʋ ibia dʋn akensire tsɔtsɔɔtsɔ.”
Adansɩɛgyi Pʋ́ Asʋnkina
(Luka 12:8-9)
32“Nɩ ɔkʋ lɛtalɩ gyi mɩ ɩwɩ adansɩɛ ahatɔ a, mɩ ɛ négyi mʋ ɩwɩ adansɩɛ suna mɩ Sɩ ɔsʋsʋ. 33Tamɛ nɩ ɔkʋ lekina mɩ ahatɔ a, mɩ ɛ nékina mʋ mɩ Sɩ ansɩtɔ ɔsʋsʋ.
Ipian Yesu Lɔpʋba, Megyi Iwilwii
(Luka 12:51-53; 14:26-27)
34“Ɩmábwɛ mlɩ fɛ iwilwii nɔpʋba ɔsʋlʋ anfɩsʋ. Megyi iwilwii, mboun ɔdayi ɩya anyɔ nɔpʋba. 35Tsufɛ abi yinhɛ mʋ́a amʋ́ asɩ nsɩnɛ béyinta. Abi tsɩhɛ mʋ́a amʋ́ ayin ɛ nsɩnɛ béyinta. Osia tsɩhɛ mʋ́a mʋ sia tsɩhɛnyɔ ɛ nsɩnɛ béyinta. 36Ɔha alupʋ bótsu mʋ woyitɔ.
37“Ɔha ánɩ́ ɔtɔdwɛ mʋ sɩ ntɛ mʋ yin dʋn mɩ mɔfʋn ánɩ́ ɔbɔ́bwɛ mɩ ɔkasɩpʋ. Ɔha ánɩ́ ɔtɔdwɛ mʋ bi tsɩhɛ, ntɛ mʋ bi yinhɛ dʋn mɩ ɛ mɔfʋn ánɩ́ ɔbɔ́bwɛ mɩ ɔkasɩpʋ. 38Ɔha ánɩ́ omotsu mʋ oyikpalihɛ bobuo mɩ ɛ mɔfʋn ánɩ́ ɔbɔ́bwɛ mɩ ɔkasɩpʋ. 39Nɩ ɔkʋ lɛprɩ mʋ nkpa a, ɔbɔ́hʋlɩ mʋ́. Nɩ ɔkʋ ɛ lɔhʋlɩ mʋ nkpa mɩ sʋ a, obénya mʋ́.
Yilebwɛ Ɩwɩ Ɩkɔka
(Marko 9:41)
40“Ɔha ánɩ́ ɔlɔhɔ mlɩ lahɔ mɩ. Nɩ ɔkʋ lɔhɔ mɩ ɛ a, alahɔ mɩ Sɩ amʋʋ ɔlɔwa mɩ amʋ. 41Nɩ fɔhɔ Bulu ɔnɔsʋ ɔtɔɩpʋ ɔfɔɔ a, Bulu ɔnɔsʋ ɔtɔɩpʋ oyula fénya. Ɔha ánɩ́ ɔlɔhɔ yile ɔbwɛpʋ ɛ ɔfɔɔ obénya yile ɔbwɛpʋ oyula. 42Ɔnɔkwalɩ ndɛ mlɩ bla. Ɔhagyiɔha ánɩ́ ɔlɛha mɩ akasɩpʋtɔ ɔkʋsʋ kʋraa ntsu-owebi ɔbɔ olonun a, ɔmɔ́ɔhʋlɩ mʋ ɩpan.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation