Dô‑ꞌhăn 14

Chảu ꞌGiê‑ꞌsu pên ꞌtáng khửn ꞌmứa ha Chảu Pua ꞌPhạ

1Chảu ꞌGiê‑ꞌsu ꞌvạu máư ꞌva: “ꞌPứng ꞌnọng ꞌnhá ꞌnọi mốc ꞌtộc#chaư. Hảư pông chaư ꞌchưa Chảu Pua ꞌPhạ cắp ꞌchưa ꞌháu#ꞌnớ. 2ꞌHướn Chảu Pua ꞌPhạ phủ pên ꞌPo ꞌháu ꞌmí lai bón#dú, ꞌva báu#ꞌmí ꞌtẹ ꞌháu ꞌchí bók ꞌpứng ꞌnọng ꞌhụ#ꞌvạy. ꞌHáu ꞌchí ꞌmứa téng bón ꞌvạy hảư ꞌpứng#ꞌnọng. 3ꞌChớ ꞌháu téng bón#ꞌlẹo, ꞌháu ꞌchí ꞌcứn ꞌmá tỏn au ꞌpứng ꞌnọng khửn ꞌmứa dú#ꞌtoi, ꞌháu dú bón đaư ꞌpứng ꞌnọng ꞌcọ ꞌchí dú bón#ꞌnặn. 4ꞌPứng ꞌnọng ꞌhụ ꞌtáng khửn ꞌmứa ꞌhọt bón ꞌháu ꞌchí ꞌmứa#ꞌnặn.”

5ꞌTan ꞌThô‑ꞌma ꞌvạu#ꞌva, “ꞌChiếng#ꞌTan, ꞌpứng ꞌnọng báu#ꞌhụ ꞌTan chảu ꞌchí ꞌmứa cá#đaư, ꞌdệt ꞌsứ đaư chắng ꞌchí ꞌhụ ꞌtáng ꞌnặn#đảy?”

6Chảu ꞌGiê‑ꞌsu tóp#ꞌva, “ꞌHáu ꞌnị lo pên ꞌtáng#ꞌmứa, pên ꞌluống ꞌtáng ꞌmen#ꞌtẹ, pên phủ hảư ꞌmí ꞌchua#ꞌlới. ꞌVa báu ꞌtoi ꞌtáng#ꞌháu, báu#ꞌmí phaư ꞌchí khửn ꞌmứa ꞌhọt Chảu ꞌPo#đảy. 7ꞌVa ꞌpứng ꞌnọng ꞌhụ chắc#ꞌháu, ꞌcọ ꞌchí ꞌhụ chắc Chảu ꞌPo#ꞌháu. Té ꞌnị pay nả ꞌpứng ꞌnọng đảy ꞌhụ chắc Chảu#ꞌPo, đảy hên Chảu ꞌPo#ꞌlẹo.”

8ꞌTan ꞌPhi‑ꞌlịp ꞌvạu#ꞌva, “ꞌChiếng#ꞌTan, so hảư ꞌpứng ꞌnọng đảy hên Chảu#ꞌPo, ꞌcọ ꞌpó#ꞌlẹo.”

9Chảu ꞌGiê‑ꞌsu tóp, “ꞌPhi‑ꞌlịp ꞌhới, ꞌháu đảy dú cắp ꞌpứng ꞌnọng ꞌmá hơng#ꞌlẹo, ꞌnọng ꞌnhắng báu#ꞌhụ ꞌháu#a. Phủ đaư hên ꞌháu ꞌcọ pên ꞌva hên Chảu#ꞌPo. ꞌNọng chắng tham#ꞌháu, é hảư hên Chảu ꞌPo ꞌsịn#ꞌlế. 10Chảu ꞌPo cắp ꞌháu lỏ#dú ꞌhuôm#căn, ꞌnọng ꞌnhắng báu#ꞌchưa#a? ꞌPứng ꞌquám ꞌháu bók ꞌpứng ꞌnọng#ꞌnặn, báu#ꞌmen ꞌháu hák ꞌvạu cá#đaư. ꞌMen Chảu ꞌPo dú ꞌhuôm ꞌháu ꞌnặn đang ꞌdệt ꞌviạk diêng ꞌTan chảu#ꞌló. 11ꞌChớ ꞌháu#ꞌvạu, Chảu ꞌPo cắp ꞌháu dú ꞌhuôm#căn, hảư ꞌpứng ꞌnọng#ꞌchưa. ꞌVa báu#ꞌchưa ꞌcọ hảư ꞌchưa ꞌdọn ꞌpứng ꞌviạk lák ꞌháu ꞌdệt#ꞌnặn.

12ꞌHáu ꞌvạu ꞌsư hảư ꞌpứng ꞌnọng ꞌhụ, phủ đaư pông chaư ꞌchưa#ꞌháu, phủ ꞌnặn ꞌcọ ꞌchí ꞌdệt ꞌviạk ꞌsướng ꞌháu#ꞌdệt, ꞌlẹo ꞌnhắng ꞌchí ꞌdệt ꞌviạk nháư ꞌsứa ꞌnặn#máư, ꞌpưa#ꞌva ꞌháu ꞌmứa ha Chảu#ꞌPo. 13ꞌLẹo ꞌpứng ꞌnọng au ꞌchư siêng ꞌháu so#săng, ꞌháu ꞌcọ ꞌchí ꞌdệt#hảư, ꞌvạy hảư ꞌchư siêng Chảu ꞌPo đảy ꞌhung ꞌhướng nẳng ꞌháu phủ pên#ꞌLụk. 14ꞌVa ꞌpứng ꞌnọng au ꞌchư siêng ꞌháu so#săng, ꞌháu ꞌcọ ꞌchí ꞌdệt#hảư.”

ꞌViạk Chảu Khuôn Saư

15Chảu ꞌGiê‑ꞌsu ꞌvạu máư ꞌva: “ꞌVa ꞌpứng ꞌnọng ꞌhặc ꞌháu ꞌtẹ, hảư ꞌdệt ꞌtoi ꞌquám ꞌháu#bók. 16ꞌHáu ꞌchí đé so Chảu#ꞌPo, ꞌlẹo Chảu ꞌPo ꞌchí sống phủ tủm ꞌpúa#ꞌnưng máư ꞌmá#ꞌchoi, ꞌTan phủ ꞌnặn ꞌchí dú cắp ꞌpứng ꞌnọng ꞌlớng#ꞌlớng. 17ꞌTan ꞌmen Chảu Khuôn Saư phủ uôn ꞌpá ꞌluống ꞌtáng ꞌmen#ꞌtẹ. ꞌCốn phái ꞌmướng ꞌlum báu#nhẳn ꞌTan#đảy, ꞌpưa#ꞌva sau báu#ꞌhụ báu#hên#ꞌTan. Hák#ꞌva ꞌpứng ꞌnọng lo ꞌhụ chắc ꞌTan#chảu, ꞌTan chảu dú cắp ꞌpứng ꞌnọng ꞌlẹo ꞌcọ ꞌchí dú cuông chaư ꞌpứng#ꞌnọng. 18ꞌHáu ꞌchí báu#ꞌváng ꞌpứng ꞌnọng hảư pên ꞌlụk#khỏ, ꞌháu ꞌcọ ꞌchí ꞌcứn ꞌmá ha ꞌpứng#ꞌnọng. 19ꞌNhắng báu#hơng, ꞌcốn phái ꞌmướng ꞌlum ꞌchí báu#hên#ꞌháu, hák#ꞌva ꞌpứng ꞌnọng lỏ#hên. ꞌHáu ꞌmí ꞌchua ꞌlới#dú, ꞌpứng ꞌnọng ꞌcọ ꞌchí ꞌmí ꞌchua ꞌlới dú ꞌsướng#điêu. 20ꞌChớ ꞌnặn ꞌpứng ꞌnọng ꞌchí ꞌhụ chắc ꞌháu dú ꞌhuôm Chảu ꞌPo#ꞌháu, ꞌpứng ꞌnọng ꞌcọ dú ꞌhuôm#ꞌháu, ꞌháu ꞌcọ dú ꞌhuôm ꞌpứng#ꞌnọng. 21Phủ đaư ꞌhụ ꞌpứng ꞌquám ꞌháu đảy bók ꞌvạy ꞌlẹo ꞌdệt#ꞌtoi, phủ ꞌnặn lo pên phủ ꞌhặc#ꞌháu. Phủ đaư ꞌhặc#ꞌháu, Chảu ꞌPo ꞌháu ꞌchí ꞌhặc phủ#ꞌnặn, ꞌháu ꞌcọ ꞌchí ꞌhặc phủ ꞌnặn ꞌlẹo ꞌchí hảư ꞌhụ hên#ꞌháu.”

22ꞌTan Du‑đa (báu#ꞌmen Du‑đa ꞌI‑ꞌsa‑ca‑ꞌli‑ốt) chắng tham Chảu ꞌGiê‑ꞌsu ꞌva, “ꞌChiếng#ꞌTan, pên ꞌsướng đaư ꞌTan chảu ꞌmí ꞌto hảư ꞌpứng ꞌnọng ꞌhụ hên#ꞌTan, hák báu#hảư ꞌcốn ꞌtếng#cá ꞌhụ#hên?”

23Chảu ꞌGiê‑ꞌsu tóp, “ꞌVa phủ đaư ꞌhặc#ꞌháu, hảư ꞌphắng ꞌquám ꞌháu bók#son. Chảu ꞌPo ꞌháu ꞌcọ ꞌchí ꞌhặc phủ#ꞌnặn, ꞌlẹo Chảu ꞌPo cắp ꞌháu ꞌchí ꞌmá dú cắp ꞌnặp pheng phủ#ꞌnặn. 24Phủ đaư hák báu#ꞌhặc#ꞌháu báu#ꞌphắng ꞌquám#ꞌháu. ꞌQuám ꞌpứng ꞌnọng đảy ꞌnghín ꞌnặn báu#ꞌmen ꞌháu hák#ꞌvạu, ꞌmen ꞌquám Chảu ꞌPo phủ sống ꞌháu ꞌmá ꞌnặn#ꞌló.”

25Chảu ꞌGiê‑ꞌsu ꞌvạu máư ꞌva: “ꞌPứng ꞌquám ꞌnặn ꞌháu ꞌcọ đảy ꞌvạu cuông ꞌchớ ꞌnhắng dú ꞌtoi ꞌpứng#ꞌnọng. 26ꞌLẹo ꞌTan phủ tủm ꞌpúa#ꞌnặn, ꞌmen Khuôn Saư Chảu ꞌPo ꞌchí sống ꞌmá tang nả#ꞌháu, Chảu Khuôn Saư hák ꞌchí bók ꞌchu ꞌnéo hảư ꞌpứng ꞌnọng#ꞌhụ, ꞌchí tơn ꞌpứng ꞌnọng hảư ngắm ꞌhọt ꞌchu khót ꞌchu ꞌquám ꞌháu đảy ꞌvạu cắp ꞌpứng ꞌnọng ꞌlẹo#ꞌnặn. 27ꞌHáu dao chaư ꞌtiêng an hảư ꞌpứng#ꞌnọng, hảư đảy súc sáng bang chaư ꞌsướng chaư#ꞌháu, ꞌnéo ꞌháu dao hảư ꞌpứng ꞌnọng báu#pék ꞌsướng phủ ꞌcốn#hảư. ꞌPứng ꞌnọng ꞌnhá ꞌnọi mốc ꞌtộc chaư dản lo#săng. 28ꞌPứng ꞌnọng đảy ꞌnghín ꞌháu ꞌvạu ꞌlẹo#ꞌva, ꞌháu ꞌchí páy ꞌlá pay ꞌlẹo ꞌchí ꞌcứn ꞌmá ha ꞌpứng ꞌnọng#máư. ꞌVa ꞌpứng ꞌnọng ꞌhặc ꞌháu ꞌcọ ꞌchí ꞌmuôn ꞌmớng nẳng nả ꞌviạk ꞌháu ꞌmứa ha Chảu#ꞌPo, ꞌpưa#ꞌva Chảu ꞌPo pên nháư ꞌsứa#ꞌháu. 29ꞌKhạy ꞌháu bók ꞌpứng ꞌnọng ꞌvạy#cón, ꞌmưa ꞌchớ hên pên ók ꞌpứng ꞌnọng ꞌcọ ꞌchí đảy#ꞌchưa. 30ꞌHáu ꞌchí báu#ꞌvạu tứm săng lai cắp ꞌpứng#ꞌnọng, ꞌpưa#ꞌva tô phi phủ ꞌnăng ꞌmướng ꞌlum pang ꞌnị ꞌchí#ꞌmá. Phi ꞌcọ báu#ꞌmí ꞌquiến săng ꞌlưn ꞌháu cá#đaư. 31Hák#ꞌva ꞌháu ꞌdệt ꞌtoi ꞌquám Chảu ꞌPo bók#ꞌtẹ, ꞌpưa hảư ꞌcốn ꞌmướng ꞌlum ꞌhụ chắc ꞌháu ꞌhặc Chảu#ꞌPo.

Pay lo, ꞌháu au căn ók pay sia bón ꞌnị#ꞌnớ.”

Currently Selected:

Dô‑ꞌhăn 14: bltTDM

Highlight

Copy

Want to have your highlights saved across all your devices? Sign up or sign in

Learn More About Tai Dam

Dô‑ꞌhăn 14

Popular Bible Verses from
Dô‑ꞌhăn 14

Listen to Dô‑ꞌhăn 14

Bible:

Tai Dam

Version: Tai Dam - bltTDM

Dô‑ꞌhăn 14

Dô‑ꞌhăn 14

Popular Bible Verses from Dô‑ꞌhăn 14

Listen to Dô‑ꞌhăn 14

Bible:

Tai Dam

Version: Tai Dam - bltTDM

Dô‑ꞌhăn 14

Popular Bible Verses from
Dô‑ꞌhăn 14