Pakaso 23
23
Karakara Ḅẹrẹkọn Na Mịẹgbẹịn Aye Na
1“Iruo iriaḅa ḍukoma, pịkị ḅarachụa ḅẹrẹḅarasiḅọ ḅe pịrị ma anị iruo onyechịẹ ḅụ. 2Tomoni kpo mị ḍuko siye mịẹma ini siye mịẹarị sịkị ḅụ, anịkanịka ini karakara ḅẹrẹkọn mị pịkị iḅo sịkị sọnị. 3Nweni-a ḅụsọ igweinḅọ ḅe pụnụma ma ini oria ḅẹrẹkọn àrị sịkị ḅụ.
4“Nemikase ị́rị́ na tarakaḅọ nambulo anịkanịka yepụra asụn iri fa àrị ọkụ ị́ nwọ ọrịmẹ ḅẹḅẹ, ọkịmun se ọ̀ pịrị. 5Oria yepụra asụn ḅe nemikase ọ̀ pụraye mị na ḅịkịmẹ ḅẹḅẹ, ḅarachụa ọ̀ pịrị, yepụra asụn ḅe deki chịẹma; papa ò koroma so ma.
6“Igweinḅọ ḅe, ḅẹrẹkọn warị mị ḅie, oria ḅẹrẹkarakara mị anị pịkị iḅo ma. 7Iruo-a ḅẹrẹ se nweniḅọ ọgọnọ gbana ma, pịkị ḅẹrẹnemikaḅọ ḅe, se mun fị ḅie chu ma, anịatịḅị ọkọ sime siye mịẹḅọ goyegoye à ḅẹrẹḅarasi kọn nụḅọ pịrịḅịa. 8Ọḅụ fịma, anịatịḅị ọḅụ fị mị mịẹse tomoni-a tọrụmgbọlụ pụn-pụnmẹ karakaraye mị ḅụ, se ini yemịẹka apụma ḅẹrẹ ma simasimamẹ.
9“Ó siye se igoniḅọ mịẹma; ye igoniḅọ ḅe na simesime ọkụ ó nemisa sịkị, anịatịḅị ómine sọnị ómine igoniapụ sọ ḅọrọsam Ijipt mị ḅie.
Sọnọmẹ Karama Kụra Mị Na Sọnọma Ḍin Karama Ene Mị Na
10“Sonio-a kụra anị ó se ọ́mịna ozuma ḍipi pịkị arịa ḅie pakaḅo chịnmgbọlụma nwọ tan koḅiriḅịaye-ẹ. 11Ọkụma sọnọmẹ karama kụra mị anị wẹrịso anị ịnyọsara, pịkị anịa ḅie sopakaye layelaye sokuma. Igwein apụma anịa ḅie sopakaye ma nwọ fịḅịa, piri ḅie owoi namama pịkị kọn ayema nwọ fịḅịa, ọ́mịna irumịẹ chịnmgbọlụ ozuma na. Pịkị ọ́mịna oliv chịnma ḅụ sọnị ómine ọkọmịẹ.
12“Fẹnị enema ḅie sonio-a ḍin ọ́ nwọse fịrịnwẹngị, ọkụma sọnọma ḍin karama ene mị ḅie ómine ịnyọsara, mịẹse ị́ya omoni ma na pịkị fịrịnwẹngị ị́ pịrịpịrị igoniapụma na pịkị ị́ya namama na sọnị ịnyọsaraḅịa ọkụ.
13“Ị̀rị̀, Nyanaḅọ Ḅe ḍuko ọ́ pịrịye goyegoye ọ́ nwọ poki. Ọ́ jịn-a oru tẹkẹma, arịa ẹrẹ ma sọnị ngịsị ó go ma.
Tẹrẹ-a Opu Alalị Ma
(Pak 34.18-26; Maịn 16.1-17)
14“Kụra mị ḅie tẹrẹ-a alalị ọ́ nwọ fị se osi seni ị̀ pịrị. 15Abib akalụ mị ḅie, anị ómine Ijipt mị koromaso sịkị mị, Suka Fịturu Alalị mị ọ́ nwọ fị à tọn ọ́ pịrị ḅara ḅụ. Mị alalị mị ḅie sọnọma ḍin ma ḅụ fịturu sumaye seni mịẹ fịturu ọ́ fị ma. Ó seni agbamịẹḅịaye ofori-ẹ ḅẹḅẹ ó ḅo ị̀ tẹkẹma.
16“Ọ́mịna fịayema ọ́ sakị nwọ sokuḅịa sịkị ḅụ Sokusịkị-Alalị ọ́ nwọ fị.
“Kụra kuluma sịkị mị ḅụ ọ́ chịnmgbọlụma koḅiri warị chusa ḅẹḅẹ, ọ́mịna irumịẹ chịnmgbọlụ ozuma na pịkị fịaye ozuma ḅie na, Koḅiri Warị Chu Alalị mị ọ́ nwọ fị. 17Kụra goyegoye ma tẹrẹ-a alalị ma ḅụ ọ́mịna owuapụma ini ḅo ị̀ tẹkẹtẹkẹḅịa, Ị̀rị̀ ọ́ Nyana Tamụnọ Ḅe-ẹ.
18“Ọ́ nama seni agbamịẹ ị̀ pịrịḅịa sịkị goyegoye, fịturu sumaye se mịẹ fịturu ó seni agbamịẹ ị̀ pịrị ma. Ó seni ma alalị ma ḅie agbamịẹ ị̀ pịrị namama ḅụ ḅẹlẹkị mị anị sime mun eneḅa dede la ma.
19“Kụra goyegoye ọ́ tatarị pẹlẹ ịpịamgba ma ó se ọ́ Nyana Tamụnọ Ḅe warị ḅo.
“Nyengiwu kuḅie ndondoarị anana tọkụ anịkanịka oḅori tọkụ ọ́ chụọ ma.
Yeḅereniaye Na Ḍieaye Na
20“Ó mun-arị sịkị ó ḍikiḍikiḅịa enjẹlḅọ à nwọse ọ́ tọrọkọ fịrịmaḅịa se ómine ọkịḅo à tẹlịma koroma nyọ mị laḅịa. 21Ómine ọ̀ tọrụ ḍiki se pịkị ọ̀ ḅịpịpoki. Ómine ininachịn ọ̀ pịrịma, anịatịḅị ị̀rị̀ ọ̀ fịrịmamẹ, ò si wẹrịso ininachịnḅọ pịrị-ẹkẹ. 22Ó nemikase ọ̀ ḅịpịpoki se à tọn aye mamgba nwọ mịẹmẹ ḅẹḅẹ, àrị owu seni ómine na tarakapụ mamgba pakaḅịa. 23Ị̀ya enjẹlḅọ ḅe ori ọ́mịna tọrọkọ da se ómine ọkịmun Amọraị apụma na, Hitaị apụma na, Hivaị apụma na, Pẹrizaị apụma na, Kenan apụma na, pịkị Jebus apụma na ama mị ḅie chuḅịa, se àrị ini ḅaafamaḅịa. 24Inia oru ma ngịsị ọ́ tịḅịtu àrị pịrịma ọ́ pịkị àrị tẹkẹma, inia oru-a mịẹmịẹaye ma sọnị ọ́ ḍama. Inia oru ma ọ́ kan kọsịma pịkị ini pike chịẹma tọnḅụ sime ḍụparị mamgba ọ́ ḅaa kọsịma. 25Ó nemikase Ị̀rị̀ ọ́ Nyana Tamụnọ Ḅe tẹkẹtẹkẹmẹ ḅẹḅẹ à fịye na mengi na se ọ́ ḅẹlẹma ḅịa, à pịkị ọ́mịna obi mamgba deki sinḅịa. 26Ọ́mịna ama mị ḅie fura-ḅụ-soḅịa-gbọrị eremeniḅọ anịkanịka tọkụ yi-ẹkaḅọ oforiḅịa. À nangwọ ḍumo seni ọ́ pịrịḅịa.
27“À mịẹḅịa ómine na tụḅụrụ apụma ị̀ ḍikiḅalafaḅịa. À ḅịpịogbosọka seni ómine na owusọ àrị apụma ḅie chuḅịa. À pịkị mịẹse ómine na tarakapụma vinpịkị se ó ḍiki mangị ḅịa. 28Àrị ómine-na-tarakapụma seni ḅụḅalaḅala ḅie chuḅịa; Hivaị apụma na, Kenan apụma na, pịkị Hitaị apụma na; àrị ini desinḅịa ómine ini na ọmụ gbin tọrọkọ mun-arị sịkị. 29Gbọrị kụra ḅụ àrị ini desin ẹkẹ; à nemikase ọkọ mịẹ ọkụma, ama mị anị ḅo nweni oforika nyọ sọḅịa, owoi namama pịkị ḅakatẹịn ọ́ nẹngịḅịa. 30Anịnakaraka à kelekelema ini depakụmaḅịa ọkịmun ọ́ ḅakaḅo nyọ mị mgba nwọ ọkịḅịa sịkị nwọ laḅịa. 31Ọ́mịna ama mị ḅie eke ma à ye se arịa ḅụ chụaḅịa. Akaba Ọpọ mị ḅụ sakị mun Mẹditirenia Tọrụ mị la pịkị onwun ele mị ḅụ sakị mun Yufretis Tọrụ mị la. Ó se ama mị ḅie anga apụma nẹngịmaḅịa kụrọ à nwọse ọ́ pịrịḅịa, ọ́ pịkị ini desinḅịa ómine ọmụ mị gbinma-muarị sịkị. 32Ómine ini na ḅịpịogbosọ nyana ma pịkị inia oru ma sọnị. 33Ó ḅereni ma iniapụ ma ọ́mịna sẹ mị ḅie anga; ó nemikase ḅereni ini pịrị ọkụma, ini ọ́ mịẹse ó si seni ị̀ mịẹḅịa, ó nemikase inia oru ma tẹkẹtẹkẹ ọkụma, anị opu ḍẹịn sọ ọ́ pịrịḅịa.
Currently Selected:
Pakaso 23: OBTP
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Pakaso 23
23
Karakara Ḅẹrẹkọn Na Mịẹgbẹịn Aye Na
1“Iruo iriaḅa ḍukoma, pịkị ḅarachụa ḅẹrẹḅarasiḅọ ḅe pịrị ma anị iruo onyechịẹ ḅụ. 2Tomoni kpo mị ḍuko siye mịẹma ini siye mịẹarị sịkị ḅụ, anịkanịka ini karakara ḅẹrẹkọn mị pịkị iḅo sịkị sọnị. 3Nweni-a ḅụsọ igweinḅọ ḅe pụnụma ma ini oria ḅẹrẹkọn àrị sịkị ḅụ.
4“Nemikase ị́rị́ na tarakaḅọ nambulo anịkanịka yepụra asụn iri fa àrị ọkụ ị́ nwọ ọrịmẹ ḅẹḅẹ, ọkịmun se ọ̀ pịrị. 5Oria yepụra asụn ḅe nemikase ọ̀ pụraye mị na ḅịkịmẹ ḅẹḅẹ, ḅarachụa ọ̀ pịrị, yepụra asụn ḅe deki chịẹma; papa ò koroma so ma.
6“Igweinḅọ ḅe, ḅẹrẹkọn warị mị ḅie, oria ḅẹrẹkarakara mị anị pịkị iḅo ma. 7Iruo-a ḅẹrẹ se nweniḅọ ọgọnọ gbana ma, pịkị ḅẹrẹnemikaḅọ ḅe, se mun fị ḅie chu ma, anịatịḅị ọkọ sime siye mịẹḅọ goyegoye à ḅẹrẹḅarasi kọn nụḅọ pịrịḅịa. 8Ọḅụ fịma, anịatịḅị ọḅụ fị mị mịẹse tomoni-a tọrụmgbọlụ pụn-pụnmẹ karakaraye mị ḅụ, se ini yemịẹka apụma ḅẹrẹ ma simasimamẹ.
9“Ó siye se igoniḅọ mịẹma; ye igoniḅọ ḅe na simesime ọkụ ó nemisa sịkị, anịatịḅị ómine sọnị ómine igoniapụ sọ ḅọrọsam Ijipt mị ḅie.
Sọnọmẹ Karama Kụra Mị Na Sọnọma Ḍin Karama Ene Mị Na
10“Sonio-a kụra anị ó se ọ́mịna ozuma ḍipi pịkị arịa ḅie pakaḅo chịnmgbọlụma nwọ tan koḅiriḅịaye-ẹ. 11Ọkụma sọnọmẹ karama kụra mị anị wẹrịso anị ịnyọsara, pịkị anịa ḅie sopakaye layelaye sokuma. Igwein apụma anịa ḅie sopakaye ma nwọ fịḅịa, piri ḅie owoi namama pịkị kọn ayema nwọ fịḅịa, ọ́mịna irumịẹ chịnmgbọlụ ozuma na. Pịkị ọ́mịna oliv chịnma ḅụ sọnị ómine ọkọmịẹ.
12“Fẹnị enema ḅie sonio-a ḍin ọ́ nwọse fịrịnwẹngị, ọkụma sọnọma ḍin karama ene mị ḅie ómine ịnyọsara, mịẹse ị́ya omoni ma na pịkị fịrịnwẹngị ị́ pịrịpịrị igoniapụma na pịkị ị́ya namama na sọnị ịnyọsaraḅịa ọkụ.
13“Ị̀rị̀, Nyanaḅọ Ḅe ḍuko ọ́ pịrịye goyegoye ọ́ nwọ poki. Ọ́ jịn-a oru tẹkẹma, arịa ẹrẹ ma sọnị ngịsị ó go ma.
Tẹrẹ-a Opu Alalị Ma
(Pak 34.18-26; Maịn 16.1-17)
14“Kụra mị ḅie tẹrẹ-a alalị ọ́ nwọ fị se osi seni ị̀ pịrị. 15Abib akalụ mị ḅie, anị ómine Ijipt mị koromaso sịkị mị, Suka Fịturu Alalị mị ọ́ nwọ fị à tọn ọ́ pịrị ḅara ḅụ. Mị alalị mị ḅie sọnọma ḍin ma ḅụ fịturu sumaye seni mịẹ fịturu ọ́ fị ma. Ó seni agbamịẹḅịaye ofori-ẹ ḅẹḅẹ ó ḅo ị̀ tẹkẹma.
16“Ọ́mịna fịayema ọ́ sakị nwọ sokuḅịa sịkị ḅụ Sokusịkị-Alalị ọ́ nwọ fị.
“Kụra kuluma sịkị mị ḅụ ọ́ chịnmgbọlụma koḅiri warị chusa ḅẹḅẹ, ọ́mịna irumịẹ chịnmgbọlụ ozuma na pịkị fịaye ozuma ḅie na, Koḅiri Warị Chu Alalị mị ọ́ nwọ fị. 17Kụra goyegoye ma tẹrẹ-a alalị ma ḅụ ọ́mịna owuapụma ini ḅo ị̀ tẹkẹtẹkẹḅịa, Ị̀rị̀ ọ́ Nyana Tamụnọ Ḅe-ẹ.
18“Ọ́ nama seni agbamịẹ ị̀ pịrịḅịa sịkị goyegoye, fịturu sumaye se mịẹ fịturu ó seni agbamịẹ ị̀ pịrị ma. Ó seni ma alalị ma ḅie agbamịẹ ị̀ pịrị namama ḅụ ḅẹlẹkị mị anị sime mun eneḅa dede la ma.
19“Kụra goyegoye ọ́ tatarị pẹlẹ ịpịamgba ma ó se ọ́ Nyana Tamụnọ Ḅe warị ḅo.
“Nyengiwu kuḅie ndondoarị anana tọkụ anịkanịka oḅori tọkụ ọ́ chụọ ma.
Yeḅereniaye Na Ḍieaye Na
20“Ó mun-arị sịkị ó ḍikiḍikiḅịa enjẹlḅọ à nwọse ọ́ tọrọkọ fịrịmaḅịa se ómine ọkịḅo à tẹlịma koroma nyọ mị laḅịa. 21Ómine ọ̀ tọrụ ḍiki se pịkị ọ̀ ḅịpịpoki. Ómine ininachịn ọ̀ pịrịma, anịatịḅị ị̀rị̀ ọ̀ fịrịmamẹ, ò si wẹrịso ininachịnḅọ pịrị-ẹkẹ. 22Ó nemikase ọ̀ ḅịpịpoki se à tọn aye mamgba nwọ mịẹmẹ ḅẹḅẹ, àrị owu seni ómine na tarakapụ mamgba pakaḅịa. 23Ị̀ya enjẹlḅọ ḅe ori ọ́mịna tọrọkọ da se ómine ọkịmun Amọraị apụma na, Hitaị apụma na, Hivaị apụma na, Pẹrizaị apụma na, Kenan apụma na, pịkị Jebus apụma na ama mị ḅie chuḅịa, se àrị ini ḅaafamaḅịa. 24Inia oru ma ngịsị ọ́ tịḅịtu àrị pịrịma ọ́ pịkị àrị tẹkẹma, inia oru-a mịẹmịẹaye ma sọnị ọ́ ḍama. Inia oru ma ọ́ kan kọsịma pịkị ini pike chịẹma tọnḅụ sime ḍụparị mamgba ọ́ ḅaa kọsịma. 25Ó nemikase Ị̀rị̀ ọ́ Nyana Tamụnọ Ḅe tẹkẹtẹkẹmẹ ḅẹḅẹ à fịye na mengi na se ọ́ ḅẹlẹma ḅịa, à pịkị ọ́mịna obi mamgba deki sinḅịa. 26Ọ́mịna ama mị ḅie fura-ḅụ-soḅịa-gbọrị eremeniḅọ anịkanịka tọkụ yi-ẹkaḅọ oforiḅịa. À nangwọ ḍumo seni ọ́ pịrịḅịa.
27“À mịẹḅịa ómine na tụḅụrụ apụma ị̀ ḍikiḅalafaḅịa. À ḅịpịogbosọka seni ómine na owusọ àrị apụma ḅie chuḅịa. À pịkị mịẹse ómine na tarakapụma vinpịkị se ó ḍiki mangị ḅịa. 28Àrị ómine-na-tarakapụma seni ḅụḅalaḅala ḅie chuḅịa; Hivaị apụma na, Kenan apụma na, pịkị Hitaị apụma na; àrị ini desinḅịa ómine ini na ọmụ gbin tọrọkọ mun-arị sịkị. 29Gbọrị kụra ḅụ àrị ini desin ẹkẹ; à nemikase ọkọ mịẹ ọkụma, ama mị anị ḅo nweni oforika nyọ sọḅịa, owoi namama pịkị ḅakatẹịn ọ́ nẹngịḅịa. 30Anịnakaraka à kelekelema ini depakụmaḅịa ọkịmun ọ́ ḅakaḅo nyọ mị mgba nwọ ọkịḅịa sịkị nwọ laḅịa. 31Ọ́mịna ama mị ḅie eke ma à ye se arịa ḅụ chụaḅịa. Akaba Ọpọ mị ḅụ sakị mun Mẹditirenia Tọrụ mị la pịkị onwun ele mị ḅụ sakị mun Yufretis Tọrụ mị la. Ó se ama mị ḅie anga apụma nẹngịmaḅịa kụrọ à nwọse ọ́ pịrịḅịa, ọ́ pịkị ini desinḅịa ómine ọmụ mị gbinma-muarị sịkị. 32Ómine ini na ḅịpịogbosọ nyana ma pịkị inia oru ma sọnị. 33Ó ḅereni ma iniapụ ma ọ́mịna sẹ mị ḅie anga; ó nemikase ḅereni ini pịrị ọkụma, ini ọ́ mịẹse ó si seni ị̀ mịẹḅịa, ó nemikase inia oru ma tẹkẹtẹkẹ ọkụma, anị opu ḍẹịn sọ ọ́ pịrịḅịa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria