Pakaso 22
22
Gbẹịn-fịye Gboloma Oloko Ma
1“Tomoniḅọ nemikase nambulo anịkanịka anana furu ḅaa anịkanịka dẹrịmẹ ḅẹḅẹ, sọnọ-a nambulo ọ̀ nwọse gbọrịwu ḅe gbẹịnḅịa, se inein-a anana se gbọrịwu ḅe gbẹịnḅịa. 2-4Gbarịmaka ḅaraḅụ ò furuye mị ọ̀ gbẹịnḅịa. Nemikase gbọrịye sọnị ọ̀ nyanakẹ ḅẹḅẹ ini omoniḅọ ḅara nwọse ọ̀ dẹrịḅịa seni ò furuye mị nwọ gbẹịnḅịa. Nemikase ò furu nama ḅe fịka ḅaraḅụ ọ̀ ḅara ini nwọ ọrịmẹ ḅẹḅẹ, maịn ọ̀ nwọse gbọrịwu gbọrịwu gbẹịnḅịa, anị ḅọrọ nambulo, anịkanịka yepụra asụn, anịkanịka anana sọnị.
“Nemikase ḍin ḅụ furuḅọ warị po sọmun arịogbo ini ò kun se ọ̀ ḅaamẹ ḅẹḅẹ, ọ̀ ḅaaḅọ ḅe nweni-ḅaa-ḅẹrẹ-ḅarasi ọ̀ nwọ nyana-ẹkẹ. Ọkụma nemikase enekaka-ẹ nwọ ḅẹḅẹ, nweni-ḅaa-ḅẹrẹ-ḅarasi ọ̀ nwọ nyanamẹ.
5“Nweniḅọ nemikase nụḅọ nama seni ozu anịkanịka irumịẹ chịnmgbọlụ ozu ḅie mun fịye se àrị pịrị-ẹmunmẹ se namama iri mun jụmḅọ ozu ḅie sọ se sẹnịarị chịnmgbọlụ fịmẹ ḅẹḅẹ, oria ozuma anịkanịka irumịẹ chịnmgbọlụ ozuma ḅie ọ̀ chịnmgbọlụ ọkị se namama fịayema gbẹịnḅịa.
6“Nweniḅọ nemikase nụḅọ ozu ḅie fịnị chụa, se fịnị mị kọrị mun jụmḅọ ozu ḅie sọ seni pakarị ịpịamgba anịkanịka ini pẹlẹ koroma ịpịamgba dọkịmamẹ ḅẹḅẹ, fịnị mị chụaḅọ ḅe siye mị ori anị gbẹịnḅịa.
7“Nweniḅọ nemikase ḅereni se jụmḅọ igbiki anịkanịka yela aye se wẹrịmẹ se oria warị ḅie ini àrị furumẹ ḅẹḅẹ, ini nemikase furuḅọ ḅe kunmẹ ḅẹḅẹ, anịa ḅụ mama kiri furuḅọ ḅe ọ̀ nwọ gbẹịnḅịa. 8Ọkụma nemikase furuḅọ ḅe ini ò kunkẹ nwọ ḅẹḅẹ, yela ayema se wẹrịḅọ ḅe ini ò se tẹkẹ nyọ ḅoḅịa, se anịnyọ ò yekarịfịḅịa na ò se wẹrị ayema ori àrị furukẹ.
9“Ngọ na gbolomaye ḅụ paka ḅẹrẹ goyegoye anị ḅọrọ nambulo-o, yepụra asụn-o, anana-o, ḅịtẹ-o, anịkanịka jịn faye sọnị, ini ye mị jina mama apụma se tẹkẹ nyọ mị munḅịa. Tamụnọ Ḅe ḅẹrẹ ḅarasi pẹlẹ pịrịḅọ ḅe ye mị ḅụ mama kiri seni ísíḅọ ḅe gbẹịnḅịa.
10“Nweniḅọ nemikase jụmḅọ yepụra asụn anịkanịka nambulo, anịkanịka anana, anịkanịka jịn nama se wẹrịmẹ, se nama ḅe fị̀mẹ anịkanịka ye ọ̀ lamẹ, anịkanịka ini ò kun somẹ seni onyechịẹḅọ ofori-ẹ nwọ ḅẹḅẹ, 11nweniḅọ ḅe ò so tẹkẹ nyọ mị mun seni yekarịfịḅịa na ori nama ḅe furukẹ. Nemikase nama ḅe ini furukẹ ḅẹḅẹ, nyanaḅọ ḅe ọ̀ wẹrịso seni anị fa ọ̀ pịrịḅịa, nama ḅe nyanaḅọ ḅe ọ̀ gbẹịn fịye ọkịḅịa ọkụ ofori-ẹ; 12ọkụma nemikase nama ḅe ini furumẹ ḅẹḅẹ, ọ̀ nama ḅe gbẹịn nyanaḅọ ḅe pịrịḅịa. 13Piri ḅie owoi nama nemikase ọ̀ ḅaamẹ ḅẹḅẹ, ọ̀ fị nama ḅe oju mị ọkịḅo onyechịẹmaḅịa; owoi nama ḅaasa nama ḅe ọ̀ nwọ gbẹịnḅịa ọkụ ofori-ẹ.
14“Nweniḅọ nemikase nama ḅọlọmẹ jụmḅọ ḅara, se nyanaḅọ ḅe oforika anga ḅụ ye nama ḅe lamẹ anịkanịka ọ̀ fịmẹ ḅẹḅẹ, ọ̀ nama ḅe se nyanaḅọ ḅe gbẹịnḅịa. 15Ọkụma nemikase nyanaḅọ ḅe simearịogbo anị mị mịẹmẹ ḅẹḅẹ ọ̀ gbẹịn ẹkẹ. Nemikase nama ḅe ini nwọ ọkọmẹ ḅẹḅẹ ini se ori ọkọ igbiki mị ọ̀ nyanaḅọ ḅe anị mị gbẹịnḅịa.
Ḅụkekeḅịa Oloko Na Tamụnọ Ḅụ Oloko Na
16“Nweniḅọ nemikase owuḅọ ma ọlọka pịkị owuḅọ nemika eremeni tọkụ na gbolomamẹ ḅẹḅẹ, ori ereya igbiki mị á tịḅị nwọ gbẹịn se á simeḅịa. 17Ọkụma nemikase ḍawu ḅe ori á sime mị ḅerenikẹ ḅẹḅẹ, ma owuḅọ nemika eremeni tọkụ lala ereya igbiki na gbasị igbiki ọ̀ nwọ gbẹịn se ḍawu ḅe pịrịḅịa.
18“Ḍiri kọrị se arị eremeniḅọ goyegoye ọ́ ḅaa.
19“Nama na ama na ere na nwẹngị kọnḅọ goyegoye ọ́ ḅaa.
20“Agbamịẹ Ị̀rị̀ Nyanaḅọ Ḅe pịrịka se agbamịẹ jịn oru pịrịḅọ goyegoye ọ́ ḅaa.
21“Si se igoniḅọ mịẹma, pịkị nụḅọ pụnda ma, ó se ḅiekoroma na jịn sịkị ómine sọnị Ijipt mị ḅie igoniapụ ọ́ nwọ sọ ḅọrọsam. 22Si se deḅọ-fịsa-eremeniḅọ anịkanịka ḍaḅọ na nyengiḅọ na fịsa tọkụ mịẹma. 23Ó nemikase ọkọ mịẹ se ini ḅarachụa gose owu Ị̀rị̀ ini Nyanaḅọ Ḅe pịrị ọkụma, àrị ini naaḅịa, 24anị ị̀ ịganị ma ḅịa se owu ḅie àrị ọ́ ḅaaḅịa. Ọ́mịna erema ini ḅo deḅọ-fịsa-apụ nwọ sọḅịa, se ọ́mịna awọma pịkị ḅo ḍapụ-fịsa-awọ nwọ sọḅịa.
25“Ị́ nemikase igbiki seni ị̀ya tomonima ḅie igweinḅọ ḅọlọmẹ ḅẹḅẹ, ò se anị ọgọnọ gbanaḅịaye nwọ ḅi ma, anị igbiki seni nweni ḅọlọḅọlọ apụma mịẹmịẹ ọkụ mị. 26Nweniḅọ nemikase ḅụchụaye se ị́ ḅara chụa se igbiki ḅọlọmẹ na ori ị́ gbẹịnḅịa ḅẹḅẹ se ọ̀ pịrị ịrụa mị ma binka simeogbo, 27anịatịḅị anị ngẹrị anị oju-ọfịrịma-ḅụgbẹịnye ḅụ nụḅọ nyanaye-ẹ. Nde ò se ọ̀ ḅụgbẹịnḅịaye? Ḅarachụa gose ori owu ị̀ pịrịḅịa sịkị àrị ọ̀ naaḅịa anịatịḅị à ḍikitịḅịfoin nyanamẹ.
28“Tamụnọ Ḅe, ò fiesimama, pịkị ọ́mịna ama tịḅịnịḅọ ḅe wori ma.
29“Ọ́mịna ịpịamgba ma na, ọ́mịna iru ma na, pịkị ọ́mịna oliv pulo agbama na ọ́ nwọ mịẹ ị̀ pịrị, arịa sịkị lasa ḅẹḅẹ.
“Ọ́ tatarị yi owuapụ awọma ọ́ nwọse ị̀ pịrị. 30Ọ́mịna nambuloma na ọ́mịna ananama na ḅụ tatarị ayema ọ́ nwọse ị̀ pịrị. Tatarị yi owoi ḅe sọnọma ḍin ọ̀ nwọse nyengi wuḅe na sime, se nine-a ḍin karama ene mị ḅụ ómine ò se agbamịẹ ị̀ pịrị.
31“Ómine ị̀ya tomoni-ẹ, anịẹrẹchị owoi-nama ḅaasa jịn nama ọ́ pẹị ma; anịnakaraka, ó seni obirima pịrị.
Currently Selected:
Pakaso 22: OBTP
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Pakaso 22
22
Gbẹịn-fịye Gboloma Oloko Ma
1“Tomoniḅọ nemikase nambulo anịkanịka anana furu ḅaa anịkanịka dẹrịmẹ ḅẹḅẹ, sọnọ-a nambulo ọ̀ nwọse gbọrịwu ḅe gbẹịnḅịa, se inein-a anana se gbọrịwu ḅe gbẹịnḅịa. 2-4Gbarịmaka ḅaraḅụ ò furuye mị ọ̀ gbẹịnḅịa. Nemikase gbọrịye sọnị ọ̀ nyanakẹ ḅẹḅẹ ini omoniḅọ ḅara nwọse ọ̀ dẹrịḅịa seni ò furuye mị nwọ gbẹịnḅịa. Nemikase ò furu nama ḅe fịka ḅaraḅụ ọ̀ ḅara ini nwọ ọrịmẹ ḅẹḅẹ, maịn ọ̀ nwọse gbọrịwu gbọrịwu gbẹịnḅịa, anị ḅọrọ nambulo, anịkanịka yepụra asụn, anịkanịka anana sọnị.
“Nemikase ḍin ḅụ furuḅọ warị po sọmun arịogbo ini ò kun se ọ̀ ḅaamẹ ḅẹḅẹ, ọ̀ ḅaaḅọ ḅe nweni-ḅaa-ḅẹrẹ-ḅarasi ọ̀ nwọ nyana-ẹkẹ. Ọkụma nemikase enekaka-ẹ nwọ ḅẹḅẹ, nweni-ḅaa-ḅẹrẹ-ḅarasi ọ̀ nwọ nyanamẹ.
5“Nweniḅọ nemikase nụḅọ nama seni ozu anịkanịka irumịẹ chịnmgbọlụ ozu ḅie mun fịye se àrị pịrị-ẹmunmẹ se namama iri mun jụmḅọ ozu ḅie sọ se sẹnịarị chịnmgbọlụ fịmẹ ḅẹḅẹ, oria ozuma anịkanịka irumịẹ chịnmgbọlụ ozuma ḅie ọ̀ chịnmgbọlụ ọkị se namama fịayema gbẹịnḅịa.
6“Nweniḅọ nemikase nụḅọ ozu ḅie fịnị chụa, se fịnị mị kọrị mun jụmḅọ ozu ḅie sọ seni pakarị ịpịamgba anịkanịka ini pẹlẹ koroma ịpịamgba dọkịmamẹ ḅẹḅẹ, fịnị mị chụaḅọ ḅe siye mị ori anị gbẹịnḅịa.
7“Nweniḅọ nemikase ḅereni se jụmḅọ igbiki anịkanịka yela aye se wẹrịmẹ se oria warị ḅie ini àrị furumẹ ḅẹḅẹ, ini nemikase furuḅọ ḅe kunmẹ ḅẹḅẹ, anịa ḅụ mama kiri furuḅọ ḅe ọ̀ nwọ gbẹịnḅịa. 8Ọkụma nemikase furuḅọ ḅe ini ò kunkẹ nwọ ḅẹḅẹ, yela ayema se wẹrịḅọ ḅe ini ò se tẹkẹ nyọ ḅoḅịa, se anịnyọ ò yekarịfịḅịa na ò se wẹrị ayema ori àrị furukẹ.
9“Ngọ na gbolomaye ḅụ paka ḅẹrẹ goyegoye anị ḅọrọ nambulo-o, yepụra asụn-o, anana-o, ḅịtẹ-o, anịkanịka jịn faye sọnị, ini ye mị jina mama apụma se tẹkẹ nyọ mị munḅịa. Tamụnọ Ḅe ḅẹrẹ ḅarasi pẹlẹ pịrịḅọ ḅe ye mị ḅụ mama kiri seni ísíḅọ ḅe gbẹịnḅịa.
10“Nweniḅọ nemikase jụmḅọ yepụra asụn anịkanịka nambulo, anịkanịka anana, anịkanịka jịn nama se wẹrịmẹ, se nama ḅe fị̀mẹ anịkanịka ye ọ̀ lamẹ, anịkanịka ini ò kun somẹ seni onyechịẹḅọ ofori-ẹ nwọ ḅẹḅẹ, 11nweniḅọ ḅe ò so tẹkẹ nyọ mị mun seni yekarịfịḅịa na ori nama ḅe furukẹ. Nemikase nama ḅe ini furukẹ ḅẹḅẹ, nyanaḅọ ḅe ọ̀ wẹrịso seni anị fa ọ̀ pịrịḅịa, nama ḅe nyanaḅọ ḅe ọ̀ gbẹịn fịye ọkịḅịa ọkụ ofori-ẹ; 12ọkụma nemikase nama ḅe ini furumẹ ḅẹḅẹ, ọ̀ nama ḅe gbẹịn nyanaḅọ ḅe pịrịḅịa. 13Piri ḅie owoi nama nemikase ọ̀ ḅaamẹ ḅẹḅẹ, ọ̀ fị nama ḅe oju mị ọkịḅo onyechịẹmaḅịa; owoi nama ḅaasa nama ḅe ọ̀ nwọ gbẹịnḅịa ọkụ ofori-ẹ.
14“Nweniḅọ nemikase nama ḅọlọmẹ jụmḅọ ḅara, se nyanaḅọ ḅe oforika anga ḅụ ye nama ḅe lamẹ anịkanịka ọ̀ fịmẹ ḅẹḅẹ, ọ̀ nama ḅe se nyanaḅọ ḅe gbẹịnḅịa. 15Ọkụma nemikase nyanaḅọ ḅe simearịogbo anị mị mịẹmẹ ḅẹḅẹ ọ̀ gbẹịn ẹkẹ. Nemikase nama ḅe ini nwọ ọkọmẹ ḅẹḅẹ ini se ori ọkọ igbiki mị ọ̀ nyanaḅọ ḅe anị mị gbẹịnḅịa.
Ḅụkekeḅịa Oloko Na Tamụnọ Ḅụ Oloko Na
16“Nweniḅọ nemikase owuḅọ ma ọlọka pịkị owuḅọ nemika eremeni tọkụ na gbolomamẹ ḅẹḅẹ, ori ereya igbiki mị á tịḅị nwọ gbẹịn se á simeḅịa. 17Ọkụma nemikase ḍawu ḅe ori á sime mị ḅerenikẹ ḅẹḅẹ, ma owuḅọ nemika eremeni tọkụ lala ereya igbiki na gbasị igbiki ọ̀ nwọ gbẹịn se ḍawu ḅe pịrịḅịa.
18“Ḍiri kọrị se arị eremeniḅọ goyegoye ọ́ ḅaa.
19“Nama na ama na ere na nwẹngị kọnḅọ goyegoye ọ́ ḅaa.
20“Agbamịẹ Ị̀rị̀ Nyanaḅọ Ḅe pịrịka se agbamịẹ jịn oru pịrịḅọ goyegoye ọ́ ḅaa.
21“Si se igoniḅọ mịẹma, pịkị nụḅọ pụnda ma, ó se ḅiekoroma na jịn sịkị ómine sọnị Ijipt mị ḅie igoniapụ ọ́ nwọ sọ ḅọrọsam. 22Si se deḅọ-fịsa-eremeniḅọ anịkanịka ḍaḅọ na nyengiḅọ na fịsa tọkụ mịẹma. 23Ó nemikase ọkọ mịẹ se ini ḅarachụa gose owu Ị̀rị̀ ini Nyanaḅọ Ḅe pịrị ọkụma, àrị ini naaḅịa, 24anị ị̀ ịganị ma ḅịa se owu ḅie àrị ọ́ ḅaaḅịa. Ọ́mịna erema ini ḅo deḅọ-fịsa-apụ nwọ sọḅịa, se ọ́mịna awọma pịkị ḅo ḍapụ-fịsa-awọ nwọ sọḅịa.
25“Ị́ nemikase igbiki seni ị̀ya tomonima ḅie igweinḅọ ḅọlọmẹ ḅẹḅẹ, ò se anị ọgọnọ gbanaḅịaye nwọ ḅi ma, anị igbiki seni nweni ḅọlọḅọlọ apụma mịẹmịẹ ọkụ mị. 26Nweniḅọ nemikase ḅụchụaye se ị́ ḅara chụa se igbiki ḅọlọmẹ na ori ị́ gbẹịnḅịa ḅẹḅẹ se ọ̀ pịrị ịrụa mị ma binka simeogbo, 27anịatịḅị anị ngẹrị anị oju-ọfịrịma-ḅụgbẹịnye ḅụ nụḅọ nyanaye-ẹ. Nde ò se ọ̀ ḅụgbẹịnḅịaye? Ḅarachụa gose ori owu ị̀ pịrịḅịa sịkị àrị ọ̀ naaḅịa anịatịḅị à ḍikitịḅịfoin nyanamẹ.
28“Tamụnọ Ḅe, ò fiesimama, pịkị ọ́mịna ama tịḅịnịḅọ ḅe wori ma.
29“Ọ́mịna ịpịamgba ma na, ọ́mịna iru ma na, pịkị ọ́mịna oliv pulo agbama na ọ́ nwọ mịẹ ị̀ pịrị, arịa sịkị lasa ḅẹḅẹ.
“Ọ́ tatarị yi owuapụ awọma ọ́ nwọse ị̀ pịrị. 30Ọ́mịna nambuloma na ọ́mịna ananama na ḅụ tatarị ayema ọ́ nwọse ị̀ pịrị. Tatarị yi owoi ḅe sọnọma ḍin ọ̀ nwọse nyengi wuḅe na sime, se nine-a ḍin karama ene mị ḅụ ómine ò se agbamịẹ ị̀ pịrị.
31“Ómine ị̀ya tomoni-ẹ, anịẹrẹchị owoi-nama ḅaasa jịn nama ọ́ pẹị ma; anịnakaraka, ó seni obirima pịrị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria