Pakaso 20
20
Oyi Oloko Ma
(Maịn 5.1-21)
1Tamụnọ Ḅe ma ọkwẹịn mamgba kọn se nwọ ḅẹmẹ: 2“Ị̀rị̀ anị Nyanaḅọ ọ́mịna Tamụnọ Ḅe-ẹ, Ijipt mị ḅie ómine ọkị pakụmaḅoḅọ ḅe-ẹ, anị ómine omonisọ sime nyọ mị ḅụ.
3“Ó jịn-a oru tẹkẹma ị̀ sikima ọkụma.
4“Ómine ini karasa oru mịẹ ọ́ ḅụ pịrịma, soḅie simeye, anịkanịka sẹkiri simeye sọnị, anịkanịka sẹkiri chuku mengi ḅie simeye na kịkịnaye sọnị. 5Ọ́ tịḅịtu gbọrị oru sọnị pịrịma pịkị anị tẹkẹma, anịatịḅị Ị̀rị̀ anị Nyanaḅọ ọ́mịna Tamụnọ Ḅe anị sime ị̀ pịrị osi se jịn-a oru pịrị ḅụḅẹlẹḅẹlẹkaḅọ ḅe. Taraka se ị̀ wẹrịma apụma à ḅụfụka se ini pịrịpịrịmẹ, pịkị inia awọma na, ọkịmun tẹrẹ-a ḅụọ na inein-a ḅụọ na la. 6Ọkụma à ḅẹlẹma nyana ị̀ ḅẹlẹma se ị̀ya olokoma koko apụma ḅụ kịnị-a mẹndẹ oyiasi fịnjị-fịnjị nwọ pịrịpịrịmẹ.
7“Ị̀ya ẹrẹ mị seni si ḅọkọ ḅụ chịnma, anịatịḅị Ị̀rị̀, Nyanaḅọ ọ́mịna Tamụnọ Ḅe, à fomuḅara se karakaraka ḅọkọ ḅụ ị̀ya ẹrẹ mị chịnḅọ nwọ pịrịḅịa.
8“Ịnyọsara Ene mị se ḅiekoroma se anị ọlọ fịafịama. 9Sonio-a ḍin anị ó se fịrịnwẹngịḅịaye-ẹ, 10ọkụma sọnọma ḍin karama ene mị anị ịnyọsara ene-ẹ, anị osiḅụ sime ị̀ pịrịmẹ. Anị ene mị ḅie gbọrịḅọ sọnị fịrịnwẹngị-ẹkẹ—ómine, anịkanịka ọ́mịna awọma, ọ́mịna omoniapụ ma, ọ́mịna namama, pịkị ọ́mịna sẹ mị ḅie anga igoniapụma sọnị. 11Sonio-a ḍin, anị Ị̀rị̀ Nyanaḅọ Ḅe se so mị na, kiri mị na, tọrụ mị na, pịkị arịa ḅie simeaye mamgba tẹmẹye-ẹ, ọkụma sọnọma ḍin karama ene mị ḅụ àrị ịnyọsaramẹ. Anịẹrẹchị Ị̀rị̀ Nyanaḅọ Ḅe àrị Ịnyọsara Ene mị ḅẹlẹmamẹ pịkị anị seni osiḅụ wẹrịmẹ.
12“Ị́ ḍa na nyengi na osi, mịẹse à seni ọ́ pịrịarị ama mị ḅie ó ḍumo ḅọlọḅịa ọkụ.
13“Nweni ḅaama.
14“Sẹ fịma.
15“Furuma.
16“Iruoye se ị́ juo tomoniḅọ ọgọnọ gbanama.
17“Ị́ juo tomoniḅọ warị ḍikipụkọsolima, tarọ ma sọnị, oria omoni ma sọnị, oria nambulo sọnị, oria yepụra asụn sọnị, pịkị oria ye goyegoye sọnị.”
Tomoni Ma Ḅe Ḅalafa Mị
(Maịn 5.22-33)
18Tomonima soalagba mị na oḍu mị na pụkọ nwọ naamẹ, se so wakam mị na onwoin soarị tụndụ mị na nwọ ọrị sịkị, inia ḅụgeregeremẹ ḅalafa ḅụ, se ini mun salama chịẹmẹ. 19Ini nwọse Moziz ḅe ḅẹmẹ, “Nemikase ị́rị́ ọkwẹịn wa pịrị ọkụma wa pokiḅịa; ọkụma mịna ḅalafa aḅẹ na Tamụnọ Ḅe nemikase ọkwẹịn wa pịrị ọkụma, wa fịḅịa.”
20Moziz ḅe nwọ pẹkẹrẹmẹ, “Ọ́ ḅalafama; Tamụnọ Ḅe ọ̀ papa ḅo ómine elekima ḍikimẹ, mịẹse ómine ọ̀ ḅịpị poki ḅụ simeḅịa ḅara, mịẹse ó osiye mịẹ ẹkaye gose.” 21Ọkụma tomonima pa salama chịẹ waraḅẹ, Moziz ḅe kẹngẹ anị nwẹngị mun kpiti soḅuno mị kpekimaye-ẹ anị Tamụnọ Ḅe sime nyọ mị.
Agbamịẹ Ẹbẹ Ma Na Gboloma Oloko Ma
22Nyanaḅọ Ḅe tọn Moziz ḅe pịrịmẹ na ò ḍuko Izrẹlapụma pịrị: “Ị̀rị̀, Nyanaḅọ Ḅe ḅara wẹrịma soḅie ọkwẹịn ọ́ pịrị ọkụ ómine ọrịsam. 23Seleḅa anịkanịka goli se mịẹ-a oru ma ó seni ị̀rị̀ na chụa tẹkẹma. 24Ómine aḅaịn seni agbamịẹ ẹbẹ mịẹ ị̀ pịrị, se anịa ọgọnọ ọ́mịna ananama na ọ́mịna nambuloma na ọ́ nwọse ọ́ dọkịmaḅịa agbama mịẹ ị̀ pịrị, pịkị deinma agbama na. Ó sime ị̀ tẹkẹtẹkẹḅịa ẹrẹchị à sẹlẹ sikima anga goyegoye àrị ọ́ damaḅo se ọ́ ḅẹlẹmaḅịa. 25Ó nemikase ḍụparị se agbamịẹ ẹbẹ mịẹ ị̀ pịrịḅịa ḅẹḅẹ, pusa ḍụparịma ḅụ ómine anị namama, anịatịḅị ọ́ nwọ ḍụparị pu ye mị seni ḍụparị mị ḅụ chu sịkị, à ḅarị anị se ye mịẹḅịa ọkụ ofori-ẹ. 26Ịkpịkpa tanjị mun ọgọnọju laḅịa agbamịẹ ẹbẹ ọ́ nwọ nama ị̀ pịrịma. Ómine ọkọ mịẹ ọkụma ọ́ papa ḅụ sinḅịa, ọ́ nwọ ịkpịkpa mị tanjị iwoarị sịkị.
Currently Selected:
Pakaso 20: OBTP
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Pakaso 20
20
Oyi Oloko Ma
(Maịn 5.1-21)
1Tamụnọ Ḅe ma ọkwẹịn mamgba kọn se nwọ ḅẹmẹ: 2“Ị̀rị̀ anị Nyanaḅọ ọ́mịna Tamụnọ Ḅe-ẹ, Ijipt mị ḅie ómine ọkị pakụmaḅoḅọ ḅe-ẹ, anị ómine omonisọ sime nyọ mị ḅụ.
3“Ó jịn-a oru tẹkẹma ị̀ sikima ọkụma.
4“Ómine ini karasa oru mịẹ ọ́ ḅụ pịrịma, soḅie simeye, anịkanịka sẹkiri simeye sọnị, anịkanịka sẹkiri chuku mengi ḅie simeye na kịkịnaye sọnị. 5Ọ́ tịḅịtu gbọrị oru sọnị pịrịma pịkị anị tẹkẹma, anịatịḅị Ị̀rị̀ anị Nyanaḅọ ọ́mịna Tamụnọ Ḅe anị sime ị̀ pịrị osi se jịn-a oru pịrị ḅụḅẹlẹḅẹlẹkaḅọ ḅe. Taraka se ị̀ wẹrịma apụma à ḅụfụka se ini pịrịpịrịmẹ, pịkị inia awọma na, ọkịmun tẹrẹ-a ḅụọ na inein-a ḅụọ na la. 6Ọkụma à ḅẹlẹma nyana ị̀ ḅẹlẹma se ị̀ya olokoma koko apụma ḅụ kịnị-a mẹndẹ oyiasi fịnjị-fịnjị nwọ pịrịpịrịmẹ.
7“Ị̀ya ẹrẹ mị seni si ḅọkọ ḅụ chịnma, anịatịḅị Ị̀rị̀, Nyanaḅọ ọ́mịna Tamụnọ Ḅe, à fomuḅara se karakaraka ḅọkọ ḅụ ị̀ya ẹrẹ mị chịnḅọ nwọ pịrịḅịa.
8“Ịnyọsara Ene mị se ḅiekoroma se anị ọlọ fịafịama. 9Sonio-a ḍin anị ó se fịrịnwẹngịḅịaye-ẹ, 10ọkụma sọnọma ḍin karama ene mị anị ịnyọsara ene-ẹ, anị osiḅụ sime ị̀ pịrịmẹ. Anị ene mị ḅie gbọrịḅọ sọnị fịrịnwẹngị-ẹkẹ—ómine, anịkanịka ọ́mịna awọma, ọ́mịna omoniapụ ma, ọ́mịna namama, pịkị ọ́mịna sẹ mị ḅie anga igoniapụma sọnị. 11Sonio-a ḍin, anị Ị̀rị̀ Nyanaḅọ Ḅe se so mị na, kiri mị na, tọrụ mị na, pịkị arịa ḅie simeaye mamgba tẹmẹye-ẹ, ọkụma sọnọma ḍin karama ene mị ḅụ àrị ịnyọsaramẹ. Anịẹrẹchị Ị̀rị̀ Nyanaḅọ Ḅe àrị Ịnyọsara Ene mị ḅẹlẹmamẹ pịkị anị seni osiḅụ wẹrịmẹ.
12“Ị́ ḍa na nyengi na osi, mịẹse à seni ọ́ pịrịarị ama mị ḅie ó ḍumo ḅọlọḅịa ọkụ.
13“Nweni ḅaama.
14“Sẹ fịma.
15“Furuma.
16“Iruoye se ị́ juo tomoniḅọ ọgọnọ gbanama.
17“Ị́ juo tomoniḅọ warị ḍikipụkọsolima, tarọ ma sọnị, oria omoni ma sọnị, oria nambulo sọnị, oria yepụra asụn sọnị, pịkị oria ye goyegoye sọnị.”
Tomoni Ma Ḅe Ḅalafa Mị
(Maịn 5.22-33)
18Tomonima soalagba mị na oḍu mị na pụkọ nwọ naamẹ, se so wakam mị na onwoin soarị tụndụ mị na nwọ ọrị sịkị, inia ḅụgeregeremẹ ḅalafa ḅụ, se ini mun salama chịẹmẹ. 19Ini nwọse Moziz ḅe ḅẹmẹ, “Nemikase ị́rị́ ọkwẹịn wa pịrị ọkụma wa pokiḅịa; ọkụma mịna ḅalafa aḅẹ na Tamụnọ Ḅe nemikase ọkwẹịn wa pịrị ọkụma, wa fịḅịa.”
20Moziz ḅe nwọ pẹkẹrẹmẹ, “Ọ́ ḅalafama; Tamụnọ Ḅe ọ̀ papa ḅo ómine elekima ḍikimẹ, mịẹse ómine ọ̀ ḅịpị poki ḅụ simeḅịa ḅara, mịẹse ó osiye mịẹ ẹkaye gose.” 21Ọkụma tomonima pa salama chịẹ waraḅẹ, Moziz ḅe kẹngẹ anị nwẹngị mun kpiti soḅuno mị kpekimaye-ẹ anị Tamụnọ Ḅe sime nyọ mị.
Agbamịẹ Ẹbẹ Ma Na Gboloma Oloko Ma
22Nyanaḅọ Ḅe tọn Moziz ḅe pịrịmẹ na ò ḍuko Izrẹlapụma pịrị: “Ị̀rị̀, Nyanaḅọ Ḅe ḅara wẹrịma soḅie ọkwẹịn ọ́ pịrị ọkụ ómine ọrịsam. 23Seleḅa anịkanịka goli se mịẹ-a oru ma ó seni ị̀rị̀ na chụa tẹkẹma. 24Ómine aḅaịn seni agbamịẹ ẹbẹ mịẹ ị̀ pịrị, se anịa ọgọnọ ọ́mịna ananama na ọ́mịna nambuloma na ọ́ nwọse ọ́ dọkịmaḅịa agbama mịẹ ị̀ pịrị, pịkị deinma agbama na. Ó sime ị̀ tẹkẹtẹkẹḅịa ẹrẹchị à sẹlẹ sikima anga goyegoye àrị ọ́ damaḅo se ọ́ ḅẹlẹmaḅịa. 25Ó nemikase ḍụparị se agbamịẹ ẹbẹ mịẹ ị̀ pịrịḅịa ḅẹḅẹ, pusa ḍụparịma ḅụ ómine anị namama, anịatịḅị ọ́ nwọ ḍụparị pu ye mị seni ḍụparị mị ḅụ chu sịkị, à ḅarị anị se ye mịẹḅịa ọkụ ofori-ẹ. 26Ịkpịkpa tanjị mun ọgọnọju laḅịa agbamịẹ ẹbẹ ọ́ nwọ nama ị̀ pịrịma. Ómine ọkọ mịẹ ọkụma ọ́ papa ḅụ sinḅịa, ọ́ nwọ ịkpịkpa mị tanjị iwoarị sịkị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria