Ịnahụmị 2
2
Ọyịhyẹdụ Ininivẹ
1Ẹnẹyịmavara kà, Ininivẹ ọza ana vaa hụ̀ nịnị ọ raà vẹ.
Sere aha ọyịtẹ̀ awụ ẹnịnị!
Si eyi pe oze!
Tenyi ẹngụ awụ zi ịrẹkụ!
2Ẹnẹyịmavara aa vaa va Anisirẹrị nọ udi ụbanyị ọnịrị ụkata anka ẹ mẹ vịdị ya dị ọnịvị ẹnịnị vaa sị ịrẹkụ hụ́ wa.
3Ogonto ọnịvị ẹnịnị vị ovivi nyarị
di e chire awuru ịrẹkụ ovivi.
E yee tenyi ẹngụ ịrẹkụ!
Dị ịkẹkẹ ịrẹkụ ẹnịnị aa za nyoonyo anka ịra!
Dị umaata ịrẹkụ ẹnịnị aa da gụgụrụgụ nị!
4Di e yee ne nyaanya vachi vahịrẹ ịnị ụpatẹsị,
di e yee zwe giiri vachi vahịrẹ ịnị orere ẹkụra nị.
Dị ẹ yaa za ẹtẹ anka etohweyi ịtọọchị
dị ẹ yaa veeve anka ịnyanya mẹẹ̄ rị avọọ nị.
5Ịjị ọga isoja ọbanyị họ̀ ogeeke hị́ ọga isoja ana vọ;
dị ẹ yaa vanga jịnẹ ẹngụ tụ ọvịdị.
E mee zwe nọ ịnị ọvọ
ka ẹnị e ne tenyi ogonto ana vaa dọ ịrẹta ene e nee hụrị ịrẹsụ ọvọ hi ẹnị nị.
6Dị isoja ẹnẹẹ chaka avaba ozovwoovu ana gụrị okuha na ngụ ẹkụra nị.
Dị ivoovo za aza ene hi ineehi ohinọyị nị.
7Dị ẹ za ose ohinọyị ẹkụra ọnọọ nị;
Di ezi ahụ anị anẹẹ aa jị òrèrè, dị ẹ yaa nowu anka arivadi avọọ,
dị ẹ va ẹngụ hị́, dị ẹ va ụvọ kụ ịrẹsụ nị.
8Dị Anininivẹ nịnị zwe wuuru jịnẹ anka akata enyi ana há avọọ.
Ê nowu hị́ wa ka ẹ jẹẹ, ẹ jẹẹ
ama ẹ yị nyị ọza ẹnịnị ene tụ́ ohi.
9Dị ọga ịrẹkụ ẹnịnị nowu, dị ọ kà, Kụ isiriva!
Kụ igooru!
Ogu vị ana gwẹẹtẹ ịnị ẹkụra ọnọnị!
10Ịjị Anininivẹ maanị re ẹtẹ, dị e nowu za ẹtẹ, dị ẹ ka, oo Ininivẹ ô si du nịnọọ! ộ sị tụ osusu! ệ yị nyị oza vụrụ-vụrụ!
Ayị ẹnịnị ọ́ sị sẹ̀ hi wa ẹngụ angwa mee hi wa;
Dị ẹgahị ngụ wa ẹngụ, dị ahụ ẹnịnị aa jị wa ụvọ ụkata ẹnịnị ta nị;
Dị eyi ẹnịnị aa hụrẹ ọvụ nị.
11Ininivẹ ịjọnọọ wáá yị?
Ẹkụra ana sị mẹẹ anka irehi idu avọọ,
ịzị ezweyi aa rị di e hu,
dị ada ọnịrị ọnyị beri ozi aa zị hwana-hwana kẹnẹ!
12Vịdị vẹ ẹẹ̄ za anẹkụra ana vọ mẹ ụngwẹ anka idu mẹẹ̄ za uye avọọ,
dị ọ na pẹrẹ-pẹrẹ yị ezi anị, dị ọ sima uye wụ̀ yị ese anị avọọ.
Dị ụtẹha anị hi yị uye ọnị ọ wụ̀.
13Ẹnẹyịmavara Ochẹtẹẹngụ kà, ọnị ọ raà va eyi ịraazị ka Anininivẹ nịnị. Ọ kà, ọnị vaa rị ịkẹkẹ ịrẹkụ ẹnịnị ịra, dị ọnị rẹ wụ̀ avaba ọkụrẹkụ ẹnịnị ha, dị ọnị dọ wa ogu aza ẹnị ẹ kụ. Ẹnịnị ẹ yị ma vana tụ ọnụtụ ne chire aza angwa paa.
Currently Selected:
Ịnahụmị 2: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịnahụmị 2
2
Ọyịhyẹdụ Ininivẹ
1Ẹnẹyịmavara kà, Ininivẹ ọza ana vaa hụ̀ nịnị ọ raà vẹ.
Sere aha ọyịtẹ̀ awụ ẹnịnị!
Si eyi pe oze!
Tenyi ẹngụ awụ zi ịrẹkụ!
2Ẹnẹyịmavara aa vaa va Anisirẹrị nọ udi ụbanyị ọnịrị ụkata anka ẹ mẹ vịdị ya dị ọnịvị ẹnịnị vaa sị ịrẹkụ hụ́ wa.
3Ogonto ọnịvị ẹnịnị vị ovivi nyarị
di e chire awuru ịrẹkụ ovivi.
E yee tenyi ẹngụ ịrẹkụ!
Dị ịkẹkẹ ịrẹkụ ẹnịnị aa za nyoonyo anka ịra!
Dị umaata ịrẹkụ ẹnịnị aa da gụgụrụgụ nị!
4Di e yee ne nyaanya vachi vahịrẹ ịnị ụpatẹsị,
di e yee zwe giiri vachi vahịrẹ ịnị orere ẹkụra nị.
Dị ẹ yaa za ẹtẹ anka etohweyi ịtọọchị
dị ẹ yaa veeve anka ịnyanya mẹẹ̄ rị avọọ nị.
5Ịjị ọga isoja ọbanyị họ̀ ogeeke hị́ ọga isoja ana vọ;
dị ẹ yaa vanga jịnẹ ẹngụ tụ ọvịdị.
E mee zwe nọ ịnị ọvọ
ka ẹnị e ne tenyi ogonto ana vaa dọ ịrẹta ene e nee hụrị ịrẹsụ ọvọ hi ẹnị nị.
6Dị isoja ẹnẹẹ chaka avaba ozovwoovu ana gụrị okuha na ngụ ẹkụra nị.
Dị ivoovo za aza ene hi ineehi ohinọyị nị.
7Dị ẹ za ose ohinọyị ẹkụra ọnọọ nị;
Di ezi ahụ anị anẹẹ aa jị òrèrè, dị ẹ yaa nowu anka arivadi avọọ,
dị ẹ va ẹngụ hị́, dị ẹ va ụvọ kụ ịrẹsụ nị.
8Dị Anininivẹ nịnị zwe wuuru jịnẹ anka akata enyi ana há avọọ.
Ê nowu hị́ wa ka ẹ jẹẹ, ẹ jẹẹ
ama ẹ yị nyị ọza ẹnịnị ene tụ́ ohi.
9Dị ọga ịrẹkụ ẹnịnị nowu, dị ọ kà, Kụ isiriva!
Kụ igooru!
Ogu vị ana gwẹẹtẹ ịnị ẹkụra ọnọnị!
10Ịjị Anininivẹ maanị re ẹtẹ, dị e nowu za ẹtẹ, dị ẹ ka, oo Ininivẹ ô si du nịnọọ! ộ sị tụ osusu! ệ yị nyị oza vụrụ-vụrụ!
Ayị ẹnịnị ọ́ sị sẹ̀ hi wa ẹngụ angwa mee hi wa;
Dị ẹgahị ngụ wa ẹngụ, dị ahụ ẹnịnị aa jị wa ụvọ ụkata ẹnịnị ta nị;
Dị eyi ẹnịnị aa hụrẹ ọvụ nị.
11Ininivẹ ịjọnọọ wáá yị?
Ẹkụra ana sị mẹẹ anka irehi idu avọọ,
ịzị ezweyi aa rị di e hu,
dị ada ọnịrị ọnyị beri ozi aa zị hwana-hwana kẹnẹ!
12Vịdị vẹ ẹẹ̄ za anẹkụra ana vọ mẹ ụngwẹ anka idu mẹẹ̄ za uye avọọ,
dị ọ na pẹrẹ-pẹrẹ yị ezi anị, dị ọ sima uye wụ̀ yị ese anị avọọ.
Dị ụtẹha anị hi yị uye ọnị ọ wụ̀.
13Ẹnẹyịmavara Ochẹtẹẹngụ kà, ọnị ọ raà va eyi ịraazị ka Anininivẹ nịnị. Ọ kà, ọnị vaa rị ịkẹkẹ ịrẹkụ ẹnịnị ịra, dị ọnị rẹ wụ̀ avaba ọkụrẹkụ ẹnịnị ha, dị ọnị dọ wa ogu aza ẹnị ẹ kụ. Ẹnịnị ẹ yị ma vana tụ ọnụtụ ne chire aza angwa paa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.