Anihiburu 8
8
Ikirisiti ọ vị ohirẹsụ ọbanyị irehi Ohomorihi ayị nị
1 #
Ahẹ 110.1
Avaba ịsa ọnị yaa kà ịrẹyị anị yị: Yáa nyị ohirẹsụ ọbanyị irehi Ohomorihi ọnya, ana yaayịtẹ éyi ụvọrị aga ohinọyị, ana nyị avaba ụbanyị ẹ́bẹẹba. 2Aha ọnịnị keekere ọ́nị yà aa mẹ̀ ụkọrọ anị nị. Ịzọọ ọ vị aha obooro oni Ohomorihi yà nị. Ọnị ụvọta ọ dàa nị; ayị vị ọza ọ dà ọnọọ. 3Avaba ohirẹsụ ọbanyị irehi Ohomorihi vị ana a nyị ka ẹẹ sị ẹyịza yị Ohomorihi dị ẹ̀ rẹẹ mẹ ịsọvọọ hi ọọ. Agụvị avọọ áa nyị ka ẹ́ẹyị ọnị ọ̀ rẹ nyị ịsa ana aa sịị mẹ̀ ịsọvọ. 4Àa vị ẹhẹ ọ yà nị, ọ yị yaanị zụ vị ohirẹsụ irehi Ohomorihi, agụvị ka áa nyị aza ana sị vị ohirẹsụ irehi Ohomorihi da, ana aa mẹ̀ ịsọvọ, anka Ímosiisi mẹ̀ mẹ ọda. 5#Kụra 25.40Ohirẹsụ irehi Ohomorihi ẹnẹẹ vị ọnị ụkọrọ ẹnịnị aa sịị zụ̀ ịsa obobooro ana yà ẹbẹẹba. Yáa yẹ ka ịnị ụmẹ oni Imosiisi aa vaa jị ajẹngụ Ohomorihi, Ohomorihi óo hú ọọ ụvọ ka ò re ka ọnị ọ́ọ mẹ avaba anị anka ịsị ọnị sị zụ̀ ọọ gẹdẹ-gẹdẹ ị́rẹsụ ataba. 6Ụkọrọ oni Ohomorihi sị yị Ijeesu o huna ụkọrọ ohirẹsụ irehi Ohomorihi ana vọ nị. Ijeesu ọ́ọ yà ịnị akakana aza ọnịrị Ohomorihi, dị ọ hị́ eku ịsa ene huu yị nị. 7Ịzẹzẹ ịpaapa ọ̀ọ yaanị zoza gụ, ẹ yị yaanị nyị ka èe sì ọsa. 8#Ijer 31.31-34Ama Ohomorihi ô re ka aza anị ệ nyị ohuvọ, agụvị avọọ dị ọ kà a ka:
Ụmẹ aa vẹ,
ọnị ọnị ve sii tenyi oto ọwọọwaa zẹẹ Anisirẹrị ọnịrị anovwoovu Ijuda.
9O yi kuku vee véné oto ọnị ọnị vịdị wo yị ohiku ẹnịnị
ịnị ẹkụhị ọnị ọnị sị ụvọ gẹ wa, dị ọnị kụ́ wa hụụnị ẹtẹ Ijipiti.
Ẹnịnị ẹ yị nyị ịzẹyịza tụ́ ịnị ịrẹyị oto ọnọọ ọnị ọnị wo yị wa.
Agụvị avọọ ọnị ẹ yị kụkụ sị ayị tụ́ ịnị ịrẹyị ẹnịnị.
10Ananyị yị rẹ kà oto ọnị ọnị kụkụ vee wo yị Anisirẹrị nịnị yị:
Ọ kà, Ịnị ụmẹ ana aa vẹ, ọnị vaa sị ọda anịị tụ́ ịnị ayị ẹnịnị,
dị ọnị rẹ chẹrẹẹ tụ́ ịnị ayị ẹnịnị. Ọnị vaa vị Ohomorihi ẹnịnị,
dị ẹnị rẹ vị aza anị.
11Ẹ yị nyị ọza ẹnịnị ana kụkụ vaa
kà a yị ọnọhụva anị, à vị anẹkụra anị
ka ọ̀ yẹ Ananyị yị,
agụvị ka avaba ẹnịnị vaa yẹ ọnị
hụụnị ozweyi na ngụ ịnị ọzọkụ ẹnịnị.
12Ọnị vaa vayị ẹnịnị ịnị ịsa edivi ẹnẹ ẹ mẹ,
ọnị ẹ yị kụkụ vaa tamayị ịvị ẹnẹ mẹ.
13Dị Ohomorihi na aa kà a ka, “oto ọwọọwa”, ọnị ọ vị ka ọ raà mẹ ka ị́ịpaapa ò bo. Ịsa ene èe si bo, di ee du nị, ọ vaa taa kwooze.
Currently Selected:
Anihiburu 8: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
