ÁLUKA 26
26
Ācɛ Ísrɛ̄lu o gbaáluka igbo ɔ́mpa
1 #
Áluk 1.1-46
Igbīhi kú ōcē obɔ̄bí ā, Óndú ā kɛlā lɛ Umósīsi mɛ́mla Ɛlísa, ɔyí kú Árɔ̄ni ā kahíníī, 2“Lɛ odúúdu ācɛ kú Ísrɛ̄lu, nēe wɛ iháyí ofu gicō ā, nēe lɔfú ga ɔgbɛ́fú glá ɛɛ́ mā gbaáluka ipɔ́ɔma ipɔ́ɔma.”
3Umósīsi mɛ́mla Ɛlísa, ɔ̄cogwɛ́ɛya ā le ɛlā ā ka lɛ ācɛ Ísrɛ̄lu ā. Anɔ́ɔ é le uwá túbá ɔpɛ́ kú Umówābu, okónu ísu kú Ujɔ́dan ɛgiyí Ujɛ́rīko ā. Anɔ́ɔ é kahíníī, 4“Aá lɛ ācɛ nēe wɛ iháyí ofu gɔbū, nēe lɔfú ga ɔgbɛ́fú glá ā gbaáluka, ɛ́gɛ́nɛ̄ Óndú ā da Umósīsi lɛ ā.” Ācɛ kú Ísrɛ̄lu nēe bɛ̄cɛ ŋmá ajɛ kú Íjīpiti ā wɛ:
5Ipɔ́ɔma kú Urúbɛn (Urúbɛn ɔyí aflɛ́yí kú Ujékɔ̄p u), ipɔ́ɔnū kú ɔlɛ́ Uhánɔ̄ku, mɛ́mla Upálu, 6Uhɛ́srɔn mɛ́mla Ukarími. 7Áluka kú ayí kú Urúbɛ̄n ā wɛ úlā ofɛhɔ̄ ce ula ahāanɛ ce ofɛhīlī ce igwo (43,730). 8Ayáyí kú ɔlɛ́ Upálu ā wɛ Ɛlíyābu, 9ayí nū nɔ̄nyīlɔ wɛ Unémūwɛlu mɛ́mla Udátan, mɛ́mla Abíram. Udátan mɛ́mla Abíram wɛ ācɛ nɛ̄ ācɛ Ísrɛ̄lu fu á. É le īkpɛ̄yí olɔfú yá tá Umósīsi mɛ́mla Árɔ̄ni nyɔ̄ í wɛ ígwu obɔ̄bí kú Ukɔ́ra eko nēé gē yá īkpɛ̄yí olɔfú tá Óndú ā. 10Ajɛ le okónu nwūla kwú uwā ú kpó mulɛ nēé le pɛ́ gekwú mla Ukɔ́ra mɛ́mla ígwu kú uwā eko nɛ̄ ɔlá kú Óndú ā je ācɛ ofu igwɛ́ɛpa ce igwó kpó yíífi ā. Ɛ̄nyā ā le pīya ahɔ̄ nēé pi ayí kú Ísrɛ̄lu anú á. 11Amáŋ, é ŋmó ayí kú Ukɔ́ra ŋ́.
12Ipɔ́ɔma kú Usímīyɔni ā wɛ ipɔ́ɔnū kú, Unémūwɛlu, Ujámín, Ujakín mɛ́mla, 13Uséra mɛ́mla Ussɔ́lu. 14Ɛwa kú uwā wɛ úlā ofɛpa ce úlā igwɛ́ɛhɔ̄ ce ofigwó (22,200).
15Ipɔ́ɔma kú Ugádi ā wɛ ipɔ́ɔnū kú, Usɛ́fɔni, Uhággi, Ussúni, 16Ósini, Ɛ́ri, 17Árɔdu, mɛ́mla Arɛ́li. 18Áluka kú uwā wɛ, úlā ofɛhɔ̄ ce úlā éyi ce ofu igwó (40,500).
19Ipɔ́ɔma kú Ujúda ā wɛ ipɔ́ɔnū kú, Ɛ́ru mɛ́mla Ónan, amáŋ Ɛ́ru mɛ́mla Ónan le pɛ́ gekwú ipú ajɛ kú Ukénan. 20-21Ayí kú Ujúda ipú ipɔ́ɔnū ipɔ́ɔnū kú uwā bá yɔ̄ á: Ussɛ́la, Upéres, Uséra, Usera, Uhísrɔn, mɛ́mla Uhámul. 22Áluka kú uwa wɛ, úlā ofu ahāanɛ ce úlā éyi ce ofɛhɔ̄ (76,500).
23Ipɔ́ɔma kú Íssāka ā wɛ ipɔ́ɔnū kú, Utóla mɛ́mla Upúwah, 24Ujássūbu mɛ́mla Ussímrɔn. 25Áluka kú uwā wɛ, úlā ofu ahātá ce ofu igwɛ́ɛhɔ̄ (64,300). 26Ipɔ́ɔma kú Usébūlɔn wɛ aípɔ́ɔnū kú Usérēdi, Ɛ́lɔ̄n, Ujahlíli. 27Áluka kú uwā wɛ úlā ofu ahāapa ce úlā igwóléyi ce ofɛhɔ̄ (60,500). 28Ipɔ́ɔma kú Ujósɛ̄fu, nōo wɛ ádā kú ayí nū ɛpa ā, Umanásɛ mɛ́mla Ɛ́frem ā. 29Ipɔ́ɔma kú Umanásɛ ā wɛ, Umáciru, ɔyí kú Umanásɛ nōo wɛ ádā kú Ugílɛ̄di ā mɛ́mla ayí kú aípɔ́ɔnū nyā ā. 30Aípɔ́ɔnū kú Iyésā mɛ́mla Uhɛ́lɛ̄ki mɛ́mla, 31Asriyɛ̄lu mɛ́mla Ussɛ́kɛmu, 32Ussɛmída mɛ́mla Uhɛ́fa. 33Usɛlófɛ̄hadi ɔyí kú Uhɛ́fa ā í lɛ ayí nɔ̄nyilɔ ŋ́, ayínɔ̄nyā ōfōōfūnū nɛ̄ ó lɛ á. Iyē kú uwā wɛ, Umáhla, Unɔ́wa, Uhɔ́gila, Umílka mɛ́mla Utɛ́sa. 34Áluka kú uwā wɛ úlā ofɛhīlī ce úlā igwóléyi ce ofu igwɛ́ɛhɔ̄ (52,700).
35Ipɔ́ɔma kú Ɛ́frēm wɛ ípɔ́ɔ́nū kú, Ussutɛ́lah, Ubɛ́ka mɛ́mla Utáhan. 36Ipɔ́ɔ́nū kú Erán wɛ ayí kú Ussutéla. 37Áluka kú uwā wɛ úlā ofu ɛnɛ ce úlá éyi ce ofɛhɔ̄ (32,500). 38Ipɔ́ɔma kú Ubɛ́njamīn wɛ ipɔ́ɔ́nū kú Ubɛ́la, Ássibɛ́lu mɛ́mla Ahíram 39Ussifúfam mɛ́mla Uhúfam. 40Ipɔ́ɔ́nū kú Ádi mɛ́mla Unaámani wɛ ayí kú Ubɛ́la. 41Áluka kú uwā wɛ úlā ofu ɛhɔ̄ ce úlā igwɛ́ɛnɛ (42,600).
42Ipɔ́ɔma kú Udán wɛ ipɔ́ɔnū kú Ussɔ́ham. 43Áluka kú uwā wɛ úlā ofu ahātá ce úlā éyi (64,400).
44Ipɔ́ɔma kú Ássa wɛ ipɔ́ɔnū kú, Ímnah Íssifi mɛ́mla Ubɛríya. 45Aípɔ́ɔnū kú Uhɛ́ba mɛ́mla Umálkīyɛlu wɛ ayí kú Ubɛríya. 46Ássa lɛ ɔyínɔ̄nyā éyi nōo lé ka Usɛ́ra. 47Áluka kú uwā wɛ úlā ofɛhīlī ce úlā ɛtá ce ofigwó (53,400). 48Ipɔ́ɔma kú Unáfutāli wɛ ipɔ́ɔnū kú, Ujasíílu mɛ́mla Ugúni, 49Ujésa mɛ́mla Ussílɛm. 50Áluka kú uwā wɛ, úlā ofu ɛhɔ̄ ce úlā ɛtá ce ofu igwó (45,400). 51Opīyatɔ̄há kú áluka kú ɛwa kú odúúdu ācɛ Ísrɛ̄lu ā wɛ, úlā bá ɛga úlā ɛtá, ce úlā ofu igwɛ́ɛhɔ̄ ce úlā ɛnɛ, ce ofu cigwó (601,730).
É le ajɛ ā kɔ̄
52 #
Áluk 34.13; Ujós 14.1,2 Óndú ā da Umósīsi kahíníī, 53“Lɛ ajɛ ā kɔ̄ lɛ aípɔ́ɔma ā, ɛ́gɛ́nɛ̄ ɛwa kú uwā lɛ ā. 54Ipɔ́ɔma nɛ̄hi ā, géē lɛ ajɛ nɛ̄hi. Ipɔ́ɔma nɛ̄ŋ́cɛ́ ā, kē í lɛ ajɛ nɛ̄ŋcɛ́. 55Amáŋ a géē bī iyē kú aípɔ́ɔmā ā le tá ūlī kóō lɛ kɔ̄ ajɛ ā. 56A géē kɔ̄ ajɛ ā ɛ́gɛ́nɛ̄ ɛwa kú ipɔ́ɔma dóódu lɛ ā.”
57Ipɔ́ɔma kú Ulífāyi wɛ aípɔ́ɔnū kú, Ugɛ́ssɔn, Ukɔ́hāti mɛ́mla Umerári. 58Ayááyí uwā klla wɛ aípɔ́ɔma kú Ulíbīni, Uhɛ́brɔn, Umáhli, Umússi, mɛ́mla Ukɔ́ra. Ukɔ́hāti wɛ ádā kú Ámram, 59nōo lɛ ɔyí nɔ̄nyā kú Ulífāyi, nōo lé ka Ujókɛ̄bɛdi, nēé ma ajɛ kú Íjīpiti ā. Ó má ayí ɛpa lɛ Ámram, Árɔ̄ni mɛ́mla Umósīsi, mɛ́mla ɔyí nɔ̄nyā éyi nēé hī ka Umíriyam. 60#Áluk 3.2Árɔ̄ni ma ayí ɛnɛ, Unádābu, Abíhu, Ɛlísa mɛ́mla Utáma 61#Ulīf 10.1,2; Áluk 3.4Unádābu mɛ́mla Abíhu le pɛ́ gekwú eko nēé je ɔlá nɛ̄ ó tīihɔ ŋ́ mā lɛ Óndú ā. 62Áluka kú ācɛnyīlɔ kú ipɔ́ɔma kú Ulífāyi nēe ŋmá ɔyā éyi gɔbū ā wɛ úlā ofu ɛpa ce úlā igwáahāapa ce ofu igwó (23,000). É le uwā kɔ̄ ɛyɛ́ɛyɛ́yí hī ācɛ kú Ísrɛ̄lu o hile ā tá, ohígbū kaé gáā je ajɛ lɛ uwá ipú ayí kú Ísrɛ̄lu ŋ́.
63Umósīsi mɛ́mla Ɛlísa le odúúdu ācɛ kú Ísrɛ̄lu ā gbaáluka klla le iyē kú uwā tá tū ɔkpá ɔpɛ́ kú Umówābu, okónu ísu kú Ujɔ́dan ā ŋmá Ujɛ́rīko. 64Ɔ̄cɛ dúúmā í hile nɛ̄ Umósīsi mɛ́mla Árɔ̄ni í gbo ɔ́ áluka eko kú ācɛ ō gbaáluka kú aflɛ́yí ā ŋ́ nɛ̄ ŋ́. 65#Áluk 14.26-35Óndú ā le da uwá ka, odúúdu uwā géē pɛ́kwú ipú ígbíli, ayíka Ukálɛ̄bu, ɔyí kú Ujɛ́fūnɛ mɛ́mla Ujóssuwa, ɔyí kú Unún, ōfōōfū uwā ɛ́ɛ géē ga ajɛ ā á, amáŋ odúúdu ācɛ o hile ā ɛ́ɛ géē pɛ́kwú.
Currently Selected:
ÁLUKA 26: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaÁLUKA 26
26
Ācɛ Ísrɛ̄lu o gbaáluka igbo ɔ́mpa
1 #
Áluk 1.1-46
Igbīhi kú ōcē obɔ̄bí ā, Óndú ā kɛlā lɛ Umósīsi mɛ́mla Ɛlísa, ɔyí kú Árɔ̄ni ā kahíníī, 2“Lɛ odúúdu ācɛ kú Ísrɛ̄lu, nēe wɛ iháyí ofu gicō ā, nēe lɔfú ga ɔgbɛ́fú glá ɛɛ́ mā gbaáluka ipɔ́ɔma ipɔ́ɔma.”
3Umósīsi mɛ́mla Ɛlísa, ɔ̄cogwɛ́ɛya ā le ɛlā ā ka lɛ ācɛ Ísrɛ̄lu ā. Anɔ́ɔ é le uwá túbá ɔpɛ́ kú Umówābu, okónu ísu kú Ujɔ́dan ɛgiyí Ujɛ́rīko ā. Anɔ́ɔ é kahíníī, 4“Aá lɛ ācɛ nēe wɛ iháyí ofu gɔbū, nēe lɔfú ga ɔgbɛ́fú glá ā gbaáluka, ɛ́gɛ́nɛ̄ Óndú ā da Umósīsi lɛ ā.” Ācɛ kú Ísrɛ̄lu nēe bɛ̄cɛ ŋmá ajɛ kú Íjīpiti ā wɛ:
5Ipɔ́ɔma kú Urúbɛn (Urúbɛn ɔyí aflɛ́yí kú Ujékɔ̄p u), ipɔ́ɔnū kú ɔlɛ́ Uhánɔ̄ku, mɛ́mla Upálu, 6Uhɛ́srɔn mɛ́mla Ukarími. 7Áluka kú ayí kú Urúbɛ̄n ā wɛ úlā ofɛhɔ̄ ce ula ahāanɛ ce ofɛhīlī ce igwo (43,730). 8Ayáyí kú ɔlɛ́ Upálu ā wɛ Ɛlíyābu, 9ayí nū nɔ̄nyīlɔ wɛ Unémūwɛlu mɛ́mla Udátan, mɛ́mla Abíram. Udátan mɛ́mla Abíram wɛ ācɛ nɛ̄ ācɛ Ísrɛ̄lu fu á. É le īkpɛ̄yí olɔfú yá tá Umósīsi mɛ́mla Árɔ̄ni nyɔ̄ í wɛ ígwu obɔ̄bí kú Ukɔ́ra eko nēé gē yá īkpɛ̄yí olɔfú tá Óndú ā. 10Ajɛ le okónu nwūla kwú uwā ú kpó mulɛ nēé le pɛ́ gekwú mla Ukɔ́ra mɛ́mla ígwu kú uwā eko nɛ̄ ɔlá kú Óndú ā je ācɛ ofu igwɛ́ɛpa ce igwó kpó yíífi ā. Ɛ̄nyā ā le pīya ahɔ̄ nēé pi ayí kú Ísrɛ̄lu anú á. 11Amáŋ, é ŋmó ayí kú Ukɔ́ra ŋ́.
12Ipɔ́ɔma kú Usímīyɔni ā wɛ ipɔ́ɔnū kú, Unémūwɛlu, Ujámín, Ujakín mɛ́mla, 13Uséra mɛ́mla Ussɔ́lu. 14Ɛwa kú uwā wɛ úlā ofɛpa ce úlā igwɛ́ɛhɔ̄ ce ofigwó (22,200).
15Ipɔ́ɔma kú Ugádi ā wɛ ipɔ́ɔnū kú, Usɛ́fɔni, Uhággi, Ussúni, 16Ósini, Ɛ́ri, 17Árɔdu, mɛ́mla Arɛ́li. 18Áluka kú uwā wɛ, úlā ofɛhɔ̄ ce úlā éyi ce ofu igwó (40,500).
19Ipɔ́ɔma kú Ujúda ā wɛ ipɔ́ɔnū kú, Ɛ́ru mɛ́mla Ónan, amáŋ Ɛ́ru mɛ́mla Ónan le pɛ́ gekwú ipú ajɛ kú Ukénan. 20-21Ayí kú Ujúda ipú ipɔ́ɔnū ipɔ́ɔnū kú uwā bá yɔ̄ á: Ussɛ́la, Upéres, Uséra, Usera, Uhísrɔn, mɛ́mla Uhámul. 22Áluka kú uwa wɛ, úlā ofu ahāanɛ ce úlā éyi ce ofɛhɔ̄ (76,500).
23Ipɔ́ɔma kú Íssāka ā wɛ ipɔ́ɔnū kú, Utóla mɛ́mla Upúwah, 24Ujássūbu mɛ́mla Ussímrɔn. 25Áluka kú uwā wɛ, úlā ofu ahātá ce ofu igwɛ́ɛhɔ̄ (64,300). 26Ipɔ́ɔma kú Usébūlɔn wɛ aípɔ́ɔnū kú Usérēdi, Ɛ́lɔ̄n, Ujahlíli. 27Áluka kú uwā wɛ úlā ofu ahāapa ce úlā igwóléyi ce ofɛhɔ̄ (60,500). 28Ipɔ́ɔma kú Ujósɛ̄fu, nōo wɛ ádā kú ayí nū ɛpa ā, Umanásɛ mɛ́mla Ɛ́frem ā. 29Ipɔ́ɔma kú Umanásɛ ā wɛ, Umáciru, ɔyí kú Umanásɛ nōo wɛ ádā kú Ugílɛ̄di ā mɛ́mla ayí kú aípɔ́ɔnū nyā ā. 30Aípɔ́ɔnū kú Iyésā mɛ́mla Uhɛ́lɛ̄ki mɛ́mla, 31Asriyɛ̄lu mɛ́mla Ussɛ́kɛmu, 32Ussɛmída mɛ́mla Uhɛ́fa. 33Usɛlófɛ̄hadi ɔyí kú Uhɛ́fa ā í lɛ ayí nɔ̄nyilɔ ŋ́, ayínɔ̄nyā ōfōōfūnū nɛ̄ ó lɛ á. Iyē kú uwā wɛ, Umáhla, Unɔ́wa, Uhɔ́gila, Umílka mɛ́mla Utɛ́sa. 34Áluka kú uwā wɛ úlā ofɛhīlī ce úlā igwóléyi ce ofu igwɛ́ɛhɔ̄ (52,700).
35Ipɔ́ɔma kú Ɛ́frēm wɛ ípɔ́ɔ́nū kú, Ussutɛ́lah, Ubɛ́ka mɛ́mla Utáhan. 36Ipɔ́ɔ́nū kú Erán wɛ ayí kú Ussutéla. 37Áluka kú uwā wɛ úlā ofu ɛnɛ ce úlá éyi ce ofɛhɔ̄ (32,500). 38Ipɔ́ɔma kú Ubɛ́njamīn wɛ ipɔ́ɔ́nū kú Ubɛ́la, Ássibɛ́lu mɛ́mla Ahíram 39Ussifúfam mɛ́mla Uhúfam. 40Ipɔ́ɔ́nū kú Ádi mɛ́mla Unaámani wɛ ayí kú Ubɛ́la. 41Áluka kú uwā wɛ úlā ofu ɛhɔ̄ ce úlā igwɛ́ɛnɛ (42,600).
42Ipɔ́ɔma kú Udán wɛ ipɔ́ɔnū kú Ussɔ́ham. 43Áluka kú uwā wɛ úlā ofu ahātá ce úlā éyi (64,400).
44Ipɔ́ɔma kú Ássa wɛ ipɔ́ɔnū kú, Ímnah Íssifi mɛ́mla Ubɛríya. 45Aípɔ́ɔnū kú Uhɛ́ba mɛ́mla Umálkīyɛlu wɛ ayí kú Ubɛríya. 46Ássa lɛ ɔyínɔ̄nyā éyi nōo lé ka Usɛ́ra. 47Áluka kú uwā wɛ úlā ofɛhīlī ce úlā ɛtá ce ofigwó (53,400). 48Ipɔ́ɔma kú Unáfutāli wɛ ipɔ́ɔnū kú, Ujasíílu mɛ́mla Ugúni, 49Ujésa mɛ́mla Ussílɛm. 50Áluka kú uwā wɛ, úlā ofu ɛhɔ̄ ce úlā ɛtá ce ofu igwó (45,400). 51Opīyatɔ̄há kú áluka kú ɛwa kú odúúdu ācɛ Ísrɛ̄lu ā wɛ, úlā bá ɛga úlā ɛtá, ce úlā ofu igwɛ́ɛhɔ̄ ce úlā ɛnɛ, ce ofu cigwó (601,730).
É le ajɛ ā kɔ̄
52 #
Áluk 34.13; Ujós 14.1,2 Óndú ā da Umósīsi kahíníī, 53“Lɛ ajɛ ā kɔ̄ lɛ aípɔ́ɔma ā, ɛ́gɛ́nɛ̄ ɛwa kú uwā lɛ ā. 54Ipɔ́ɔma nɛ̄hi ā, géē lɛ ajɛ nɛ̄hi. Ipɔ́ɔma nɛ̄ŋ́cɛ́ ā, kē í lɛ ajɛ nɛ̄ŋcɛ́. 55Amáŋ a géē bī iyē kú aípɔ́ɔmā ā le tá ūlī kóō lɛ kɔ̄ ajɛ ā. 56A géē kɔ̄ ajɛ ā ɛ́gɛ́nɛ̄ ɛwa kú ipɔ́ɔma dóódu lɛ ā.”
57Ipɔ́ɔma kú Ulífāyi wɛ aípɔ́ɔnū kú, Ugɛ́ssɔn, Ukɔ́hāti mɛ́mla Umerári. 58Ayááyí uwā klla wɛ aípɔ́ɔma kú Ulíbīni, Uhɛ́brɔn, Umáhli, Umússi, mɛ́mla Ukɔ́ra. Ukɔ́hāti wɛ ádā kú Ámram, 59nōo lɛ ɔyí nɔ̄nyā kú Ulífāyi, nōo lé ka Ujókɛ̄bɛdi, nēé ma ajɛ kú Íjīpiti ā. Ó má ayí ɛpa lɛ Ámram, Árɔ̄ni mɛ́mla Umósīsi, mɛ́mla ɔyí nɔ̄nyā éyi nēé hī ka Umíriyam. 60#Áluk 3.2Árɔ̄ni ma ayí ɛnɛ, Unádābu, Abíhu, Ɛlísa mɛ́mla Utáma 61#Ulīf 10.1,2; Áluk 3.4Unádābu mɛ́mla Abíhu le pɛ́ gekwú eko nēé je ɔlá nɛ̄ ó tīihɔ ŋ́ mā lɛ Óndú ā. 62Áluka kú ācɛnyīlɔ kú ipɔ́ɔma kú Ulífāyi nēe ŋmá ɔyā éyi gɔbū ā wɛ úlā ofu ɛpa ce úlā igwáahāapa ce ofu igwó (23,000). É le uwā kɔ̄ ɛyɛ́ɛyɛ́yí hī ācɛ kú Ísrɛ̄lu o hile ā tá, ohígbū kaé gáā je ajɛ lɛ uwá ipú ayí kú Ísrɛ̄lu ŋ́.
63Umósīsi mɛ́mla Ɛlísa le odúúdu ācɛ kú Ísrɛ̄lu ā gbaáluka klla le iyē kú uwā tá tū ɔkpá ɔpɛ́ kú Umówābu, okónu ísu kú Ujɔ́dan ā ŋmá Ujɛ́rīko. 64Ɔ̄cɛ dúúmā í hile nɛ̄ Umósīsi mɛ́mla Árɔ̄ni í gbo ɔ́ áluka eko kú ācɛ ō gbaáluka kú aflɛ́yí ā ŋ́ nɛ̄ ŋ́. 65#Áluk 14.26-35Óndú ā le da uwá ka, odúúdu uwā géē pɛ́kwú ipú ígbíli, ayíka Ukálɛ̄bu, ɔyí kú Ujɛ́fūnɛ mɛ́mla Ujóssuwa, ɔyí kú Unún, ōfōōfū uwā ɛ́ɛ géē ga ajɛ ā á, amáŋ odúúdu ācɛ o hile ā ɛ́ɛ géē pɛ́kwú.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma