ÁLUKA 24
24
1Abālɔbányā, Ubálam le jé ka Óndú ā ɔ́ dɔɔ̄kā ká anúɔ hɔ́hā ce ācɛ kú Ísrɛ̄lu. Anɔ́ɔ ó klla nyɔ̄ gaá tíne kóō má eyī kú Óndú ā, ɛ́gɛ́nɛ̄ ó tɛtɛ gē yá ā ɛ́ɛ́ gɛ ŋ́. Ó le eyī pīya kwu ígbíli ā, 2anɔ́ɔ ó má ācɛ kú Ísrɛ̄lu lā ígwíígwu ɛ́gɛ́nɛ̄ ipɔ́ɔma kú uwā lɛ ā. Alelékwū ihɔ kú Ɔwɔicō kwú ɔ̄ ú, 3anɔ́ɔ ó kahíníī, “Olɛhɔ̄ nɛ̄ Ubálam, ɔyí kú Ubéyɔ bī wā ā,
ɛlā kú ɔ̄cɛ nōo gē mɛ́ɛbɛ yēŋēē ā #24.3nōo gē mɛ́ɛbɛ yēŋēē, ámāŋɔ̄cɛ nɛ̄ eyī kú nū le klá
4Ɔ̄nyɛ lɔfú pó ɛlā nɛ̄ Ɔwɔicō géē ka ā glá,
N le eyī kwɛcɛ cɔɔ, ipú obócí ádēde,
n gē mɛ́ɛbɛ kú Ɔwɔicō nōo lɔfú fíyɛ́ dúú ā.
5Ɔlɛ́ kú ācɛ kú Ísrɛ̄lu lɔhi nɛ̄hi,
6Bɛ̄ɛka aɔ́cí kú alī nēe hɔ́ɔgba likpō-līkpō ā,
Amáŋ ka ɛhɔ̄ nōo yɔ̄ okónu ísu ā,
Ámāŋ bɛ̄ɛka ɔcí kú álɔ̄si nɛ̄ Óndú ā tū,
ámāŋ bɛ̄ɛka ɔcí kú Usɛ́da kú okónu ísu ā.
7Ɔwɔ gē yā lɛ uwā cabá-cabá eko dóódu.
É klla í nyi īkpɔ̄dɛ̄hɔ̄ kú uwā, ajɛ nɛ̄ ɔwɔ le yā tū ɔ̄ lɔɔlɔhi.
Ɔcɛ́ kú uwā géē nwuné fíyɛ́ Ágāgi, ɔcɛ́ á,
Ajɔ̄cɛ́ kú nū géē nyīla ga ɛga dóódu.
8Ɔwɔicō bī uwā bɛ̄cɛ ŋmá Íjīpiti á,
Ó géē nuunu lɛ uwá bɛ̄ɛka ɔbá ɛyī ā.
É géē je aólɛlā kú uwā kpó yíífi,
É klla í je ikpokwú kú uwā ca kwɛɛ́kwɛɛ́,
É klla í je ɔtā mɛ́mla ɔyí kú uwā kpó cē.
9 #
Ohút 49.9;
Ohút 12.3
Éwo ā lɛbɛ̄ɛka ágábá olɔfú nɛ̄hi ā,
Eko dóódu nɛ̄ ó yɔ̄ ī gbiyɔ̄lā, ɔ̄cɛ dúúmā í jámá hé ɔ̄ eyī glá ŋ́.
Ɔ̄cɛ dúúmā nōo hɔ́hā ce Ísrɛ̄lu, é géē hɔ́hā ce ɔ́,
ɔ̄cɛ dúúmā nōo tókónu lɛ Ísrɛ̄lu, é géē tókónu lɛ ɔ́.”
10Ubálāki kwú cɔ̄nū nɛ̄hi le abɔ̄ kú nū fīyɛ̄ ɔhá gbáyíí, anɔ́ɔ ó da Ubálam kahíníī, “N hī uwɔ igwú kú ā gaá tókónu lɛ aólɛlā kú um, amáŋ igbo ɔ́mɛɛtá nāa hɔ́hā ce uwá yɔ̄ mɛ́ɛ̄ á. 11Ga ɔlɛ́ mɛ́ɛ́nɛ. N cokónu ka n géē cíla awɔ ulé, amáŋ Óndú ā lɛ ulé nāa í yɛ í mīyɛ ā ci ɛɛ́. 12Ubálam le ohi tá ɔ̄ ka, n da ācɛ nāa tɛ̄hɔ̄ fu um ā kahíníī, 13“Ɔ́dāŋ ka a kwú inu ɔlɛ́ uwɔ ú gā um, mɛ́mla odúúdu oje nɛ̄hɛ́ mɛ́mla Ugóolu (oje ɔdɔ) nēe bá anú ā, ń gáā tá ɛlā kú Óndú ā nyɔ̄ í yá ɔdā abɔ̄yī um ŋ́. Ɔdā nɛ̄ Óndú ā ka gā um ā ōfōōfū nū nɛ̄ n géē ka á.”
Ɛlā ɛbɛ ō má kú Ubálam ámōmɛ
14Ubálam da Ubálāki kahíníī, “N gē ga ɔlɛ́ um ɛgiyí ācɛ ɔlɛ́ um ɛɛ́, amáŋ, ɛ́ɛ́ ká n̄ nyɔ̄ ā, n géē pi uwɔ ahɔ̄ kú ɔdā nɛ̄ ācɛ kú Ísrɛ̄lu géē yá ācɛ ɔlɛ́ uwɔ ekɔ̄bū ā.” 15Anɔ́ɔ Ubálam kahíníī,
“Ɛhɔ̄ kú Ubálam ɔyí kú Ubéyɔ, ɛlā kú ɔ̄cɛ nōo gē mɛ́ɛbɛ yēŋēē ā.
16Ɔ̄cɛ nōo gē pó ɛlā nɛ̄ Ɔwɔicō gē ka glá ā.
Ɔ̄cɛ nōo ī mīyɛ íjééyī nōo ŋmá ɛgiyí Ɔwɔicō, nōo lɔfú fíyɛ́ dúú ā.
N le eyī kwɛɛcɛ cɔɔ ipú obócí-ádēde, n mɛ́ɛbɛ ŋmá ɛgiyí Ɔwɔicō nōo lɔfú fíyɛ́ dúú ā.
17N mɛ́ɛbɛ kú ɛ̄cɔ̄bū,
Anɔ́ɔ n le éwo kú Ísrɛ̄lu má, Ɔcɛ́ nōo lɛbɛ̄ɛka ínyílɔ́wɔ, ogbɔlɛ́ gbēyī ɔyá ā, géē bɛ̄cɛ ŋmá ewo ɔ́ɔmā.
Bɛ̄ɛka ɔ́kpa ɔlá kú ínyílɔ́wɔ nōo géē wā, ŋmá Ísrɛ̄lu ā.
Ó géē ŋmó aótrɛ̄yí kú ācɛ kú Umówābu,
Ó klla í je odúúdu ācɛ kú ajɛ ā wúla tāajɛ, klla í kpó ayí kú Usɛ́ɛ́ti ā ŋmó.
18Ó géē yá aólɛlā kú nū, nēe wɛ ācɛ Ɛ́dɔm ā lé, klla í je ajɛ kú Ɛ́dɔm pīya agbénú kú nū.
Amáŋ éwo kú Ísrɛ̄lu géē yɔ̄ ī yá aólɛlā kú uwā lé piyóó.
19Ayí kú Ísrɛ̄lu géē lɛ ikpó da aólɛlā kú uwa ɛyi tāajɛ,
É klla í je aóhile kú uwā ā kpó yíífi ŋmá ajɛ.”
20Ipú ɛbɛ nɛ̄ Ubálam má ā, ó le ācɛ kú Ámālɛ̄ki ā má, anɔ́ɔ ó ka ka ācɛ kú Ámālɛ̄ki ɔ́ lɔfú fíyɛ́ odúúdu aéwo á, amáŋ igbīhāajɛ ā, é géē je uwá yíífi ŋmá ipú ɛcɛ nyā piyóó.
21Ipú ɛbɛ nɛ̄ ó má ā, ó le ācɛ kú Ukéniti ā má, anɔ́ɔ ó kahíníī, “Ɛga nɛ̄ aá lā ā,
É yɔ̄ ɛbɔ́ bɛ̄ɛka ɔlɛ́ ígbáanɔ nōo ce ágēnégēne kú ápátɛ́cɔ̄ kú ɛyí ɛfu ā.
22Amáŋ, aá ācɛ kú Ukéniti, é géē kpó aá yíífi, eko nɛ̄ ācɛ kú Asírīya
géē wā í je aá kpó kwú ga ɔlɛ́ uwā.
23Anɔ́ɔ Ubálam ka, ānyɛ wɛ ācɛ nēé bá ī túbá ɛhíícō yɔ̄ ā?
24Ācɛ nēe wā í mīyɛ ajɛ abɔ̄fú ā géē wā ipú úgbéenyi ŋmá Usáyíprɔ̄si.
É géē yá ācɛ kú Asírīya mɛ́mla ācɛ kú Éba lé.
Amáŋ, igbīhāajɛ ā, é géē je uwá kpó yíífi ŋmá ipú ɛcɛ piyóó.”
25Anɔ́ɔ Ubálam le tútū, kē nyɛ̄ɛ̄ le tá ɔlɛ́ nū á, anɔ́ɔ Ubálāki kē nyɛ̄ɛ̄ ŋmá ɛgiyí nū á.
Currently Selected:
ÁLUKA 24: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaÁLUKA 24
24
1Abālɔbányā, Ubálam le jé ka Óndú ā ɔ́ dɔɔ̄kā ká anúɔ hɔ́hā ce ācɛ kú Ísrɛ̄lu. Anɔ́ɔ ó klla nyɔ̄ gaá tíne kóō má eyī kú Óndú ā, ɛ́gɛ́nɛ̄ ó tɛtɛ gē yá ā ɛ́ɛ́ gɛ ŋ́. Ó le eyī pīya kwu ígbíli ā, 2anɔ́ɔ ó má ācɛ kú Ísrɛ̄lu lā ígwíígwu ɛ́gɛ́nɛ̄ ipɔ́ɔma kú uwā lɛ ā. Alelékwū ihɔ kú Ɔwɔicō kwú ɔ̄ ú, 3anɔ́ɔ ó kahíníī, “Olɛhɔ̄ nɛ̄ Ubálam, ɔyí kú Ubéyɔ bī wā ā,
ɛlā kú ɔ̄cɛ nōo gē mɛ́ɛbɛ yēŋēē ā #24.3nōo gē mɛ́ɛbɛ yēŋēē, ámāŋɔ̄cɛ nɛ̄ eyī kú nū le klá
4Ɔ̄nyɛ lɔfú pó ɛlā nɛ̄ Ɔwɔicō géē ka ā glá,
N le eyī kwɛcɛ cɔɔ, ipú obócí ádēde,
n gē mɛ́ɛbɛ kú Ɔwɔicō nōo lɔfú fíyɛ́ dúú ā.
5Ɔlɛ́ kú ācɛ kú Ísrɛ̄lu lɔhi nɛ̄hi,
6Bɛ̄ɛka aɔ́cí kú alī nēe hɔ́ɔgba likpō-līkpō ā,
Amáŋ ka ɛhɔ̄ nōo yɔ̄ okónu ísu ā,
Ámāŋ bɛ̄ɛka ɔcí kú álɔ̄si nɛ̄ Óndú ā tū,
ámāŋ bɛ̄ɛka ɔcí kú Usɛ́da kú okónu ísu ā.
7Ɔwɔ gē yā lɛ uwā cabá-cabá eko dóódu.
É klla í nyi īkpɔ̄dɛ̄hɔ̄ kú uwā, ajɛ nɛ̄ ɔwɔ le yā tū ɔ̄ lɔɔlɔhi.
Ɔcɛ́ kú uwā géē nwuné fíyɛ́ Ágāgi, ɔcɛ́ á,
Ajɔ̄cɛ́ kú nū géē nyīla ga ɛga dóódu.
8Ɔwɔicō bī uwā bɛ̄cɛ ŋmá Íjīpiti á,
Ó géē nuunu lɛ uwá bɛ̄ɛka ɔbá ɛyī ā.
É géē je aólɛlā kú uwā kpó yíífi,
É klla í je ikpokwú kú uwā ca kwɛɛ́kwɛɛ́,
É klla í je ɔtā mɛ́mla ɔyí kú uwā kpó cē.
9 #
Ohút 49.9;
Ohút 12.3
Éwo ā lɛbɛ̄ɛka ágábá olɔfú nɛ̄hi ā,
Eko dóódu nɛ̄ ó yɔ̄ ī gbiyɔ̄lā, ɔ̄cɛ dúúmā í jámá hé ɔ̄ eyī glá ŋ́.
Ɔ̄cɛ dúúmā nōo hɔ́hā ce Ísrɛ̄lu, é géē hɔ́hā ce ɔ́,
ɔ̄cɛ dúúmā nōo tókónu lɛ Ísrɛ̄lu, é géē tókónu lɛ ɔ́.”
10Ubálāki kwú cɔ̄nū nɛ̄hi le abɔ̄ kú nū fīyɛ̄ ɔhá gbáyíí, anɔ́ɔ ó da Ubálam kahíníī, “N hī uwɔ igwú kú ā gaá tókónu lɛ aólɛlā kú um, amáŋ igbo ɔ́mɛɛtá nāa hɔ́hā ce uwá yɔ̄ mɛ́ɛ̄ á. 11Ga ɔlɛ́ mɛ́ɛ́nɛ. N cokónu ka n géē cíla awɔ ulé, amáŋ Óndú ā lɛ ulé nāa í yɛ í mīyɛ ā ci ɛɛ́. 12Ubálam le ohi tá ɔ̄ ka, n da ācɛ nāa tɛ̄hɔ̄ fu um ā kahíníī, 13“Ɔ́dāŋ ka a kwú inu ɔlɛ́ uwɔ ú gā um, mɛ́mla odúúdu oje nɛ̄hɛ́ mɛ́mla Ugóolu (oje ɔdɔ) nēe bá anú ā, ń gáā tá ɛlā kú Óndú ā nyɔ̄ í yá ɔdā abɔ̄yī um ŋ́. Ɔdā nɛ̄ Óndú ā ka gā um ā ōfōōfū nū nɛ̄ n géē ka á.”
Ɛlā ɛbɛ ō má kú Ubálam ámōmɛ
14Ubálam da Ubálāki kahíníī, “N gē ga ɔlɛ́ um ɛgiyí ācɛ ɔlɛ́ um ɛɛ́, amáŋ, ɛ́ɛ́ ká n̄ nyɔ̄ ā, n géē pi uwɔ ahɔ̄ kú ɔdā nɛ̄ ācɛ kú Ísrɛ̄lu géē yá ācɛ ɔlɛ́ uwɔ ekɔ̄bū ā.” 15Anɔ́ɔ Ubálam kahíníī,
“Ɛhɔ̄ kú Ubálam ɔyí kú Ubéyɔ, ɛlā kú ɔ̄cɛ nōo gē mɛ́ɛbɛ yēŋēē ā.
16Ɔ̄cɛ nōo gē pó ɛlā nɛ̄ Ɔwɔicō gē ka glá ā.
Ɔ̄cɛ nōo ī mīyɛ íjééyī nōo ŋmá ɛgiyí Ɔwɔicō, nōo lɔfú fíyɛ́ dúú ā.
N le eyī kwɛɛcɛ cɔɔ ipú obócí-ádēde, n mɛ́ɛbɛ ŋmá ɛgiyí Ɔwɔicō nōo lɔfú fíyɛ́ dúú ā.
17N mɛ́ɛbɛ kú ɛ̄cɔ̄bū,
Anɔ́ɔ n le éwo kú Ísrɛ̄lu má, Ɔcɛ́ nōo lɛbɛ̄ɛka ínyílɔ́wɔ, ogbɔlɛ́ gbēyī ɔyá ā, géē bɛ̄cɛ ŋmá ewo ɔ́ɔmā.
Bɛ̄ɛka ɔ́kpa ɔlá kú ínyílɔ́wɔ nōo géē wā, ŋmá Ísrɛ̄lu ā.
Ó géē ŋmó aótrɛ̄yí kú ācɛ kú Umówābu,
Ó klla í je odúúdu ācɛ kú ajɛ ā wúla tāajɛ, klla í kpó ayí kú Usɛ́ɛ́ti ā ŋmó.
18Ó géē yá aólɛlā kú nū, nēe wɛ ācɛ Ɛ́dɔm ā lé, klla í je ajɛ kú Ɛ́dɔm pīya agbénú kú nū.
Amáŋ éwo kú Ísrɛ̄lu géē yɔ̄ ī yá aólɛlā kú uwā lé piyóó.
19Ayí kú Ísrɛ̄lu géē lɛ ikpó da aólɛlā kú uwa ɛyi tāajɛ,
É klla í je aóhile kú uwā ā kpó yíífi ŋmá ajɛ.”
20Ipú ɛbɛ nɛ̄ Ubálam má ā, ó le ācɛ kú Ámālɛ̄ki ā má, anɔ́ɔ ó ka ka ācɛ kú Ámālɛ̄ki ɔ́ lɔfú fíyɛ́ odúúdu aéwo á, amáŋ igbīhāajɛ ā, é géē je uwá yíífi ŋmá ipú ɛcɛ nyā piyóó.
21Ipú ɛbɛ nɛ̄ ó má ā, ó le ācɛ kú Ukéniti ā má, anɔ́ɔ ó kahíníī, “Ɛga nɛ̄ aá lā ā,
É yɔ̄ ɛbɔ́ bɛ̄ɛka ɔlɛ́ ígbáanɔ nōo ce ágēnégēne kú ápátɛ́cɔ̄ kú ɛyí ɛfu ā.
22Amáŋ, aá ācɛ kú Ukéniti, é géē kpó aá yíífi, eko nɛ̄ ācɛ kú Asírīya
géē wā í je aá kpó kwú ga ɔlɛ́ uwā.
23Anɔ́ɔ Ubálam ka, ānyɛ wɛ ācɛ nēé bá ī túbá ɛhíícō yɔ̄ ā?
24Ācɛ nēe wā í mīyɛ ajɛ abɔ̄fú ā géē wā ipú úgbéenyi ŋmá Usáyíprɔ̄si.
É géē yá ācɛ kú Asírīya mɛ́mla ācɛ kú Éba lé.
Amáŋ, igbīhāajɛ ā, é géē je uwá kpó yíífi ŋmá ipú ɛcɛ piyóó.”
25Anɔ́ɔ Ubálam le tútū, kē nyɛ̄ɛ̄ le tá ɔlɛ́ nū á, anɔ́ɔ Ubálāki kē nyɛ̄ɛ̄ ŋmá ɛgiyí nū á.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma