ÁLUKA 22
22
Ɔcɛ́ kú Umówābu le ɛhɔ̄ tū fu Ubálam
1Ācɛ kú Ísrɛ̄lu nyɛ̄ɛ̄ gaá lā ɔpɛ́ kú Umówābu ɛháajɛ kú ísu kú Ujɔ́dan, le eyī pīya kwu Ujɛ́rīko kpaakpa. 2Eko nɛ̄ Ubálāki, ɔyí kú Usípɔ nōo wɛ ɔcɛ́ kú Umówābu ā, le ɔdā nɛ̄ ācɛ kú Ísrɛ̄lu ya ācɛ kú Ámɔn ā pó, anɔ́ɔ ó klla le pó ka é lɛwa nɛ̄hi ā, 3anú mɛ́mla odúúdú ācɛ ɔlɛ́ nū gbɔɔ́ ō yúufi nɛ̄hi. 4Ācɛ kú Umówābu da anyākwɔ́cɛ kú Umídīyan kahíníī, “Ɛwa nyā géē je alɔ mɛ́mla odúúdu ɔdā nēe yɛ alɔ jīla tá ā kpó yíífi ānāānā, ɛ́gɛ́nɛ̄ ɛna géē je ácí lé ŋmá ajɛ ā.” Anɔ́ɔ Ubálāki, ɔyí kú Usípɔ, nōo wɛ ɔcɛ́ kú Umówābu eko ɔ́ɔmā ā, 5#Áluk 31.8; 2 Upít 2.15,16; Ujúd 1.11le ɛhɔ̄ tū fu Ubálam, ɔyí kú Ubéyɔ ajɛ kú Upɛ́tɔ, nōo kwu ísu kú Uyúfrétīsi ajaajɛ ipú ajɛ kú Ámɔn ā. É le ɛhɔ̄ kú nu cɛ̄ lɛ ɔ́ kahíníī, “Ācɛ ewo éyi dúúdú le pɛ́ bɛ̄ɛcɛ ŋmá Íjīpiti wā í yɔ̄ ī nyīla tāajɛ. É klla yɔ̄ ī tútū kéē mīyɛ ajɛ kú ɔlɛ́ alɔ tābɔ̄ ɛɛ́. 6Wā káā gaá lɛ okónu tá lɛ ācɛ nēe bá nyā gā um, ɛ́gɛ́nɛ̄ é lɛwa ce alɔ abɔ̄ bá ā. Ekōhī n géē lɔfú yá uwā lé glá klla lɛ uwá kpó nū. Ohígbū ka n jé ka, ɔ̄cɛ dóódu nāa lɛ ɔhā hɛ́ ce ɔ́, ó géē bá ɔ̄ iyē, ɔ̄cɛ nāa kē lɛ okónu tá lɛ ɔ́, ó kē í bá ɔ̄ iyē.”
7Anyākwɔ́cɛ kú Umówābu mɛ́mla ācɛ Umídiya ā, kwú ije nēé gáā lɛ cíla ulé kú okónu ō tá ā ú, anɔ́ɔ é le tá ɛgiyí Ubálam, le ɛhɔ̄ kú Ubálāki ā cɛ̄ lɛ ɔ́. 8Ubálam da uwá kahíníī, “Aá le gbo amānyā gbóócí, cɛ́ɛ́ n géē da aá ɔdā dúúmā nɛ̄ Óndú ā géē ka gā um ā.” Anɔ́ɔ ācɛ ā má klá mla Ubálam á. 9Ɔwɔicō gā ɛgiyí Ubálam, anɔ́ɔ ó da ɔ́ kahíníī, “Ānyɛ bá mla uwɔ abɔ́ɔ ā?” 10Ubálam tá Ɔwɔicō ohi kahíníī, “Ubálāki, ɔyí kú Usípɔ, ɔcɛ́ kú Umówābu, tū uwā ɛhɔ̄ fu um kahíníī, 11“Ācɛ éwo éyi nōo bɛ̄cɛ ŋmá ajɛ kú Íjīpiti ā, le cē klɛ́ɛcɛ odúúdú ajɛ ā, kéē mīyɛ ɔ́ tābɔ̄. Ó dɔɔ̄kā kú n̄ lɛ okónu tá lɛ uwá lɛ ɔ́, eko ōhī anúɔ géē lɔfú kpɛ́fú tá uwā, yá uwā lé klla kpó uwā nū ŋmá ipú ajɛ kú nū ā glá.” 12Ɔwɔicō da Ubálam kahíníī, “Á gáā nyɔ̄ mla uwá ŋ́, á gáā tókónu lɛ ācɛ ā ŋ́. Ohígbū kēé le ɔhā hɛ́ ce uwá ɛɛ́.” 13Ɔ̄cɔ̄ɔ̄cī oŋmɔ́ɔcī nū, Ubálam cāŋjɛ, anɔ́ɔ ó da ācɛ nɛ̄ Ubálāki tɛ̄hɔ̄ ā kahíníī, “Aá nyɔ̄ kú aá, ohígbū ka Óndú ā tá ka ami ɔ́ɔ́ gáā nyɔ̄ mla aá ŋ́.” 14Anɔ́ɔ ācɛ ā cānjɛ le yɛ gaá lɛ ka lɛ Ubálāki ka Ubálam ɔ́ɔ tá ka anúɔ í wā mla aá ŋ́.”
15Ubálāki klla le aótrɛ̄yí alɛwa fíyɛ́ mɛ́mla ācɛ o le ojīlīmā fíyɛ́ tɛ̄hɔ̄ fu Ubálam igbɔhá. 16Uwá le pɛ́ ga ɛgiyí Ubálam, anɔ́ɔ é ka, Ubálāki, ɔyí kú Usípɔ kahíníī, “Ɔdā dúúmā kóō híī ci uwɔ oōwā ɛgiyí um ŋ́. 17N géē cíla uwɔ ulé nɛ̄ɛ̄nɛ̄hi, klla géē yá ɔdā dúúmā nāa da um ka um yá ā. Wā káā lɛ okónu tá lɛ ācɛ nēe bá nyā ga um.” 18Anɔ́ɔ Ubálam ta ācɛ nɛ̄ Ubálāki tɛ̄hɔ̄ ā ohi kahíníī, “Ɔ́dāŋ ka Ubálāki géē je inu kú nū gā um, nɛ̄ ó kōō wɛ o tū mu omōōmu mla oje nɛ̄hɛ́ mɛ́mla ugóolu (oje ɔdɔ), ń gáā tá íne nɛ̄ Óndú ā, Ɔwɔicō kú um je gā um ā glá ŋ́, ɛ́ɛ́ nɛ̄ n gē yá nwuné fíyɛ́ ɔ́ɔmā ŋ́, ámāŋ ka o yá ɔ̄ nyɛ́ fíyɛ́ ŋ́.” 19Ó da uwá kéē le gbo pī núɔ abɔ́ɔ gbɔ́ɔ̄cī kpɔ́, cɛ́ɛ́ kú anúɔ klla pó ɔdā nɛ̄ Óndā ā géē ka kpɔ́ ā 20Anɔ́ɔ Ɔwɔicō gā ɛgiyí Ubálam otú, gaá da ɔ́ kahíníī, “Ɔ́dāŋ ka ācɛ ā wā lɛ uwɔ hīgwú kpɔ́, nyɔ̄ mla uwá, amáŋ ɔdā nɛ̄ n gáā da uwɔ ā, nāa géē yá á.”
21Anɔ́ɔ Ubálam cāŋjɛ ɔ̄cɔ̄ɔ̄cī, le ijakī kú nū tútū, anɔ́ɔ ó le yɛ mla anyākwɔ́cɛ kú Umówābu á.
Ubálam mɛ́mla ijakī kú nū
22Ɔwɔicō le cɔ̄nū abɔ̄ Ubálam yɔ̄ ī nyɔ̄ ā. Abɔ̄ Ubálam ce ijakī kú nū yɔ̄ ī nyɔ̄ mla ayíkpó kú nū ɛpa ā, alelékwū otɛ̄hɔ̄ kú Óndú ā gaá háyi ɔwɛ kú nū, ó le ɔkpacaŋ́gelī bī abɔ̄. 23Eko nɛ̄ ijakī ā le alelékwū otɛ̄hɔ̄ ā má háyi ɔwɛ le ɔkpacaŋ́gelī pi ce abɔ̄ ā, ó nyɛ̄ɛ̄ ŋmá ɔwɛ ga ipácí. Anɔ́ɔ Ubálam lɛ ɔdée fīyɛ̄ ɔ̄, lɛ ɔ́ pīyɛyī tá ɔwɛ. 24Anɔ́ɔ alelékwū otɛ̄hɔ̄ ā gaá háyi ɛga nɛ̄ ɔwɛ ā píbá ā, ɛpla kú ɔdɔ kú ɛhɔ̄ kú ɔcí ufáyin nēé le ɛcɔ̄ hɛ́ igá tū abɔ̄ ɛplɛ́ɛpa. 25Eko nɛ̄ ijakī ā lɛ alelékwū otɛ̄hɔ̄ kú Óndú ā má ā, ó le kwu bá ɔdɔ, le Ubálam ikpó kwu bá ɔdɔ ká. Ubálam le ijakī ā gɔ́ igbɔhá lɛ ɔ̄ pīyɛyí tá ɔwɛ. 26Anɔ́ɔ alelékwū otɛ̄hɔ̄ kú Óndú ā gaá háyi ɛga nōo píbá kú ɔwɛ nɛ̄ ɔ̄cɛ í gaá nyā ga ɛga dúúmā glá ŋ́ mā. 27Eko nɛ̄ ijakī ā, le alelékwū ōtɛ̄hɔ̄ kú Óndú ā má kpɔ́ ā, ó má gwutáajɛ. Anɔ́ɔ Ubálam le cɔ̄nū ŋmá ɛyí nū gbɔɔ́ ō fīyɛ̄ ijakī ā ɔcí á. 28Óndú ā le okónu kú ijakī ā nwūla, anɔ́ɔ ijakī ā da Ubálam kahíníī, “Ɔdí nɛ̄ n yá uwɔ ɛ́ɛ́ nāa fīyɛ̄ um ɔcí igbo ɛtá nyā a?” 29Anɔ́ɔ Ubálam tá ijakī ā ohi kahíníī, “Ohígbū ka a yɔ̄ ī yá um olíla, ɔ́dāŋ ka n kōō bī ɔkpacaŋgelī abɔ̄ nɛɛ, ń géē yɛ í lɛ uwɔ ŋmó.” 30Anɔ́ɔ ijakī ā tá ɔ̄ ohi kahíníī, “Ami wɛ ijakī nāa húmáyī ce ipú oyēeyī kú uwɔ ā ŋ́ nɛɛ? N yá uwɔ lɛ ā jéjéē ɛɛ́ ɛ̄ɛ̄?” Anɔ́ɔ Ubálam tá ɔ̄ ohi kahíníī, “Ehée.”
31Óndú ā le eyī kú Ubálam nwūla, anɔ́ɔ ó lɛ alelékwū otɛ̄hɔ̄ kú Óndú ā má mla ɔkpacaŋ́gelī ā, anɔ́ɔ ó le okwúukwu kpó kwaajɛ, kwú eyī ú pīya klá ajɛ á. 32Anɔ́ɔ alelékwū otɛ̄hɔ̄ ā da ɔ́ kahíníī, “Ɔdíyá nāa fīyɛ̄ ijakī kú uwɔ ɔcí igbo ɛtá lɛ ā? Ami wā í háyi ɔwɛ ká n lɛ iyāwu kú uwɔ ā ci á. Ohígbū ka á cíkā ō ga iyāwu ā ŋ́. 33Amáŋ, ijakī kú uwɔ lɛ um má, le kwu ŋmá ɔwɛ igbo ɛtá. Ɔ́dāŋ kōó kwu ŋ́ nɛɛ, ń géē yɛ í le uwɔ ŋmó, cɛ́ɛ́ n habɔ̄ ijakī ā tá.”
34Ubálam tóohi kahíníī, “N lɛ íne bīya ɛɛ́, ń jé ka a háyi ɔwɛ kú ā lɛ um iyāwu ci ŋ́. Amáŋ, ɔ́dāŋ ka a má ka ɔ́ɔ bɔ̄bí gā um, ká n̄ nyɔ̄ mla ācɛ ā ŋ́, n géē kwúcē ga ɔlɛ́.”
35Amáŋ alelékwū otɛ̄hɔ̄ ā tá ɔ̄ ohi ka, “Nyɔ̄ mla ācɛ ā mɛ́ɛnɛ, amáŋ, ɔdā nɛ̄ n géē ka gā uwɔ ā nāa géē yá á.”
Ubálāki le Ubálam yá omáabā
36Eko nɛ̄ Ubálāki le pó ka Ubálam ɔ́ yɔ̄ ī wā ā, ó nyɔ̄ gaá jīla anú ɔwɛ ipú igelī nɛ̄hi kú Áru, igelī nɛ̄hi nōo yɔ̄ okónu ísu kú Ánɔn, ɛjī kú ajɛ kú ācɛ Umówābu ā. 37Ubálāki da Ubálam kahíníī, “Ɔdíyá nɛ̄ á wā eko nɛ̄ um tɛ̄hɔ̄ fu uwɔ aflɛ́yí ā ŋ́ mā ā? A gbɛlá ka amíɔɔ í cíla anúɔ ulé glá ŋ́ nɛɛ?” 38Anɔ́ɔ Ubálam tá ɔ̄ ohi kahíníī, “N kē gā ɛɛ́, ó lɛ ā ŋ́ nɛɛ? Amáŋ ɛlā nɛ̄ Óndú ā ka gā um ka ami ɔ́ ka ā nɛ̄ n géē ka ga uwɔ á.” 39Anɔ́ɔ Ubálam le yɛ mla Ubálāki ga igelī nɛ̄hi kú Uhúsōtu, 40ɛga nɛ̄ Ubálāki ŋmó ɛna mɛ́mla álá lɛ Ubálam mɛ́mla anyākwɔ́cɛ ōhī nēe bá mla anú ā.
Ɛlā kú ɛbɛ oma kú aflɛ́yí kú Ubálam
41Oŋmɔ́ɔ̄cī nū, Ubálāki kwú Ubálam ú gicō kú Ubamɔtubáal, ɛga nɛ̄ ó lɔfú má ācɛ ōhī kú Ísrɛ̄lu ā ŋmá ā.
Currently Selected:
ÁLUKA 22: IFBCL
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú IdɔmaÁLUKA 22
22
Ɔcɛ́ kú Umówābu le ɛhɔ̄ tū fu Ubálam
1Ācɛ kú Ísrɛ̄lu nyɛ̄ɛ̄ gaá lā ɔpɛ́ kú Umówābu ɛháajɛ kú ísu kú Ujɔ́dan, le eyī pīya kwu Ujɛ́rīko kpaakpa. 2Eko nɛ̄ Ubálāki, ɔyí kú Usípɔ nōo wɛ ɔcɛ́ kú Umówābu ā, le ɔdā nɛ̄ ācɛ kú Ísrɛ̄lu ya ācɛ kú Ámɔn ā pó, anɔ́ɔ ó klla le pó ka é lɛwa nɛ̄hi ā, 3anú mɛ́mla odúúdú ācɛ ɔlɛ́ nū gbɔɔ́ ō yúufi nɛ̄hi. 4Ācɛ kú Umówābu da anyākwɔ́cɛ kú Umídīyan kahíníī, “Ɛwa nyā géē je alɔ mɛ́mla odúúdu ɔdā nēe yɛ alɔ jīla tá ā kpó yíífi ānāānā, ɛ́gɛ́nɛ̄ ɛna géē je ácí lé ŋmá ajɛ ā.” Anɔ́ɔ Ubálāki, ɔyí kú Usípɔ, nōo wɛ ɔcɛ́ kú Umówābu eko ɔ́ɔmā ā, 5#Áluk 31.8; 2 Upít 2.15,16; Ujúd 1.11le ɛhɔ̄ tū fu Ubálam, ɔyí kú Ubéyɔ ajɛ kú Upɛ́tɔ, nōo kwu ísu kú Uyúfrétīsi ajaajɛ ipú ajɛ kú Ámɔn ā. É le ɛhɔ̄ kú nu cɛ̄ lɛ ɔ́ kahíníī, “Ācɛ ewo éyi dúúdú le pɛ́ bɛ̄ɛcɛ ŋmá Íjīpiti wā í yɔ̄ ī nyīla tāajɛ. É klla yɔ̄ ī tútū kéē mīyɛ ajɛ kú ɔlɛ́ alɔ tābɔ̄ ɛɛ́. 6Wā káā gaá lɛ okónu tá lɛ ācɛ nēe bá nyā gā um, ɛ́gɛ́nɛ̄ é lɛwa ce alɔ abɔ̄ bá ā. Ekōhī n géē lɔfú yá uwā lé glá klla lɛ uwá kpó nū. Ohígbū ka n jé ka, ɔ̄cɛ dóódu nāa lɛ ɔhā hɛ́ ce ɔ́, ó géē bá ɔ̄ iyē, ɔ̄cɛ nāa kē lɛ okónu tá lɛ ɔ́, ó kē í bá ɔ̄ iyē.”
7Anyākwɔ́cɛ kú Umówābu mɛ́mla ācɛ Umídiya ā, kwú ije nēé gáā lɛ cíla ulé kú okónu ō tá ā ú, anɔ́ɔ é le tá ɛgiyí Ubálam, le ɛhɔ̄ kú Ubálāki ā cɛ̄ lɛ ɔ́. 8Ubálam da uwá kahíníī, “Aá le gbo amānyā gbóócí, cɛ́ɛ́ n géē da aá ɔdā dúúmā nɛ̄ Óndú ā géē ka gā um ā.” Anɔ́ɔ ācɛ ā má klá mla Ubálam á. 9Ɔwɔicō gā ɛgiyí Ubálam, anɔ́ɔ ó da ɔ́ kahíníī, “Ānyɛ bá mla uwɔ abɔ́ɔ ā?” 10Ubálam tá Ɔwɔicō ohi kahíníī, “Ubálāki, ɔyí kú Usípɔ, ɔcɛ́ kú Umówābu, tū uwā ɛhɔ̄ fu um kahíníī, 11“Ācɛ éwo éyi nōo bɛ̄cɛ ŋmá ajɛ kú Íjīpiti ā, le cē klɛ́ɛcɛ odúúdú ajɛ ā, kéē mīyɛ ɔ́ tābɔ̄. Ó dɔɔ̄kā kú n̄ lɛ okónu tá lɛ uwá lɛ ɔ́, eko ōhī anúɔ géē lɔfú kpɛ́fú tá uwā, yá uwā lé klla kpó uwā nū ŋmá ipú ajɛ kú nū ā glá.” 12Ɔwɔicō da Ubálam kahíníī, “Á gáā nyɔ̄ mla uwá ŋ́, á gáā tókónu lɛ ācɛ ā ŋ́. Ohígbū kēé le ɔhā hɛ́ ce uwá ɛɛ́.” 13Ɔ̄cɔ̄ɔ̄cī oŋmɔ́ɔcī nū, Ubálam cāŋjɛ, anɔ́ɔ ó da ācɛ nɛ̄ Ubálāki tɛ̄hɔ̄ ā kahíníī, “Aá nyɔ̄ kú aá, ohígbū ka Óndú ā tá ka ami ɔ́ɔ́ gáā nyɔ̄ mla aá ŋ́.” 14Anɔ́ɔ ācɛ ā cānjɛ le yɛ gaá lɛ ka lɛ Ubálāki ka Ubálam ɔ́ɔ tá ka anúɔ í wā mla aá ŋ́.”
15Ubálāki klla le aótrɛ̄yí alɛwa fíyɛ́ mɛ́mla ācɛ o le ojīlīmā fíyɛ́ tɛ̄hɔ̄ fu Ubálam igbɔhá. 16Uwá le pɛ́ ga ɛgiyí Ubálam, anɔ́ɔ é ka, Ubálāki, ɔyí kú Usípɔ kahíníī, “Ɔdā dúúmā kóō híī ci uwɔ oōwā ɛgiyí um ŋ́. 17N géē cíla uwɔ ulé nɛ̄ɛ̄nɛ̄hi, klla géē yá ɔdā dúúmā nāa da um ka um yá ā. Wā káā lɛ okónu tá lɛ ācɛ nēe bá nyā ga um.” 18Anɔ́ɔ Ubálam ta ācɛ nɛ̄ Ubálāki tɛ̄hɔ̄ ā ohi kahíníī, “Ɔ́dāŋ ka Ubálāki géē je inu kú nū gā um, nɛ̄ ó kōō wɛ o tū mu omōōmu mla oje nɛ̄hɛ́ mɛ́mla ugóolu (oje ɔdɔ), ń gáā tá íne nɛ̄ Óndú ā, Ɔwɔicō kú um je gā um ā glá ŋ́, ɛ́ɛ́ nɛ̄ n gē yá nwuné fíyɛ́ ɔ́ɔmā ŋ́, ámāŋ ka o yá ɔ̄ nyɛ́ fíyɛ́ ŋ́.” 19Ó da uwá kéē le gbo pī núɔ abɔ́ɔ gbɔ́ɔ̄cī kpɔ́, cɛ́ɛ́ kú anúɔ klla pó ɔdā nɛ̄ Óndā ā géē ka kpɔ́ ā 20Anɔ́ɔ Ɔwɔicō gā ɛgiyí Ubálam otú, gaá da ɔ́ kahíníī, “Ɔ́dāŋ ka ācɛ ā wā lɛ uwɔ hīgwú kpɔ́, nyɔ̄ mla uwá, amáŋ ɔdā nɛ̄ n gáā da uwɔ ā, nāa géē yá á.”
21Anɔ́ɔ Ubálam cāŋjɛ ɔ̄cɔ̄ɔ̄cī, le ijakī kú nū tútū, anɔ́ɔ ó le yɛ mla anyākwɔ́cɛ kú Umówābu á.
Ubálam mɛ́mla ijakī kú nū
22Ɔwɔicō le cɔ̄nū abɔ̄ Ubálam yɔ̄ ī nyɔ̄ ā. Abɔ̄ Ubálam ce ijakī kú nū yɔ̄ ī nyɔ̄ mla ayíkpó kú nū ɛpa ā, alelékwū otɛ̄hɔ̄ kú Óndú ā gaá háyi ɔwɛ kú nū, ó le ɔkpacaŋ́gelī bī abɔ̄. 23Eko nɛ̄ ijakī ā le alelékwū otɛ̄hɔ̄ ā má háyi ɔwɛ le ɔkpacaŋ́gelī pi ce abɔ̄ ā, ó nyɛ̄ɛ̄ ŋmá ɔwɛ ga ipácí. Anɔ́ɔ Ubálam lɛ ɔdée fīyɛ̄ ɔ̄, lɛ ɔ́ pīyɛyī tá ɔwɛ. 24Anɔ́ɔ alelékwū otɛ̄hɔ̄ ā gaá háyi ɛga nɛ̄ ɔwɛ ā píbá ā, ɛpla kú ɔdɔ kú ɛhɔ̄ kú ɔcí ufáyin nēé le ɛcɔ̄ hɛ́ igá tū abɔ̄ ɛplɛ́ɛpa. 25Eko nɛ̄ ijakī ā lɛ alelékwū otɛ̄hɔ̄ kú Óndú ā má ā, ó le kwu bá ɔdɔ, le Ubálam ikpó kwu bá ɔdɔ ká. Ubálam le ijakī ā gɔ́ igbɔhá lɛ ɔ̄ pīyɛyí tá ɔwɛ. 26Anɔ́ɔ alelékwū otɛ̄hɔ̄ kú Óndú ā gaá háyi ɛga nōo píbá kú ɔwɛ nɛ̄ ɔ̄cɛ í gaá nyā ga ɛga dúúmā glá ŋ́ mā. 27Eko nɛ̄ ijakī ā, le alelékwū ōtɛ̄hɔ̄ kú Óndú ā má kpɔ́ ā, ó má gwutáajɛ. Anɔ́ɔ Ubálam le cɔ̄nū ŋmá ɛyí nū gbɔɔ́ ō fīyɛ̄ ijakī ā ɔcí á. 28Óndú ā le okónu kú ijakī ā nwūla, anɔ́ɔ ijakī ā da Ubálam kahíníī, “Ɔdí nɛ̄ n yá uwɔ ɛ́ɛ́ nāa fīyɛ̄ um ɔcí igbo ɛtá nyā a?” 29Anɔ́ɔ Ubálam tá ijakī ā ohi kahíníī, “Ohígbū ka a yɔ̄ ī yá um olíla, ɔ́dāŋ ka n kōō bī ɔkpacaŋgelī abɔ̄ nɛɛ, ń géē yɛ í lɛ uwɔ ŋmó.” 30Anɔ́ɔ ijakī ā tá ɔ̄ ohi kahíníī, “Ami wɛ ijakī nāa húmáyī ce ipú oyēeyī kú uwɔ ā ŋ́ nɛɛ? N yá uwɔ lɛ ā jéjéē ɛɛ́ ɛ̄ɛ̄?” Anɔ́ɔ Ubálam tá ɔ̄ ohi kahíníī, “Ehée.”
31Óndú ā le eyī kú Ubálam nwūla, anɔ́ɔ ó lɛ alelékwū otɛ̄hɔ̄ kú Óndú ā má mla ɔkpacaŋ́gelī ā, anɔ́ɔ ó le okwúukwu kpó kwaajɛ, kwú eyī ú pīya klá ajɛ á. 32Anɔ́ɔ alelékwū otɛ̄hɔ̄ ā da ɔ́ kahíníī, “Ɔdíyá nāa fīyɛ̄ ijakī kú uwɔ ɔcí igbo ɛtá lɛ ā? Ami wā í háyi ɔwɛ ká n lɛ iyāwu kú uwɔ ā ci á. Ohígbū ka á cíkā ō ga iyāwu ā ŋ́. 33Amáŋ, ijakī kú uwɔ lɛ um má, le kwu ŋmá ɔwɛ igbo ɛtá. Ɔ́dāŋ kōó kwu ŋ́ nɛɛ, ń géē yɛ í le uwɔ ŋmó, cɛ́ɛ́ n habɔ̄ ijakī ā tá.”
34Ubálam tóohi kahíníī, “N lɛ íne bīya ɛɛ́, ń jé ka a háyi ɔwɛ kú ā lɛ um iyāwu ci ŋ́. Amáŋ, ɔ́dāŋ ka a má ka ɔ́ɔ bɔ̄bí gā um, ká n̄ nyɔ̄ mla ācɛ ā ŋ́, n géē kwúcē ga ɔlɛ́.”
35Amáŋ alelékwū otɛ̄hɔ̄ ā tá ɔ̄ ohi ka, “Nyɔ̄ mla ācɛ ā mɛ́ɛnɛ, amáŋ, ɔdā nɛ̄ n géē ka gā uwɔ ā nāa géē yá á.”
Ubálāki le Ubálam yá omáabā
36Eko nɛ̄ Ubálāki le pó ka Ubálam ɔ́ yɔ̄ ī wā ā, ó nyɔ̄ gaá jīla anú ɔwɛ ipú igelī nɛ̄hi kú Áru, igelī nɛ̄hi nōo yɔ̄ okónu ísu kú Ánɔn, ɛjī kú ajɛ kú ācɛ Umówābu ā. 37Ubálāki da Ubálam kahíníī, “Ɔdíyá nɛ̄ á wā eko nɛ̄ um tɛ̄hɔ̄ fu uwɔ aflɛ́yí ā ŋ́ mā ā? A gbɛlá ka amíɔɔ í cíla anúɔ ulé glá ŋ́ nɛɛ?” 38Anɔ́ɔ Ubálam tá ɔ̄ ohi kahíníī, “N kē gā ɛɛ́, ó lɛ ā ŋ́ nɛɛ? Amáŋ ɛlā nɛ̄ Óndú ā ka gā um ka ami ɔ́ ka ā nɛ̄ n géē ka ga uwɔ á.” 39Anɔ́ɔ Ubálam le yɛ mla Ubálāki ga igelī nɛ̄hi kú Uhúsōtu, 40ɛga nɛ̄ Ubálāki ŋmó ɛna mɛ́mla álá lɛ Ubálam mɛ́mla anyākwɔ́cɛ ōhī nēe bá mla anú ā.
Ɛlā kú ɛbɛ oma kú aflɛ́yí kú Ubálam
41Oŋmɔ́ɔ̄cī nū, Ubálāki kwú Ubálam ú gicō kú Ubamɔtubáal, ɛga nɛ̄ ó lɔfú má ācɛ ōhī kú Ísrɛ̄lu ā ŋmá ā.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society of Nigeria
Learn More About Ubáyíbu kú Idɔma