THUPUAN 1
1
Thuhmahruai
1Isua Krista thupuan chhuah, Pathianin a bâwihte hriattîr atân a hnêna a pêk, thil lo thleng thuai tûr thu chu; tin, chu chu a vântirhkoh hmangin a bâwih Johana a rawn hriattîr a; 2chu Johana chuan Pathian thu leh Isua Krista hriattîrna thu, a thil hmuh zawng zawng thu chu a hriattîr a. 3He hrilh lâwkna bu thu chhiartu leh ngaithlaa a chhûnga thu ziak pawmtute chu an eng a thâwl e; a hun chu a hnai tawh si a.
Chibai bûkna
4,5Johana chuan,
Asia rama kohhran pasarihte hnênah chuan:
Awm mêka leh awm tawha leh lo la awm tûra hnên aṭang te, a lalṭhutphah hmaa Thlarau pasarih awmho hnên aṭang te, Isua Krista, thuhretu rinawm tak, mitthi zîng ata piang hmasa bera leh leia lalte rorêltute hnên aṭang te chuan, khawngaihna leh remna in hnênah awm rawh se. Min hmangaiha, a thisenin kan sualte lak ata min tlan chhuaka, #Ex 3.14; Thup 4.5 #Is 55.4; Sam 89.27 6khua leh tuiah leh a Pathian leh a Pa lama puithiama min siamtu hnênah, a ni, ama hnên ngeiah ropuina leh rorêlna chu chatuanin awm rawh se. Amen. #Ex 19.6; Thup 5.10
7Ngai teh u, ani chu chhûmte nên chuan a lo kal dâwn e; mit tinrêngin an hmu ang a, a chhuntute ngei pawh khân; khawvêla hnam zawng zawngin amah an ṭah bawk ang. A ni, Amen. #Dan 7.13; Zak 12.10; Mt 24.30; Mk 13.26; Lk 21.27; Joh 19.34,37; 1 Thes 4.17
Krista inlârna
8“Kei Alpha leh Omega ka ni,” Lalpa Pathian, awm mêka leh awm tawha leh lo la awm tûra, Engkimtitheia chuan a ti a ni. #Thup 22.13; Ex 3.14
9Kei Johana, in unaupa leh, Isuaa hrehawmna te, khua leh tui te, chhelna te ṭâwmpuitu che u hi, Pathian thu avâng leh Isua hriattîrna thu avângin Patmos thliarkâr an tihah chuan ka awm a. 10Lalpa nîah chuan Thlarauvin ka lo awm a; tin, ka hnung lamah tawtawrâwt ri ang, aw ring takin, 11“I thil hmuh tûr chu lehkhabuah ziak la, kohhran pasarihte hnênah - Ephesi khuaah te, Smurna khuaah te, Pergamos khuaah te, Thuatira khuaah te, Sardis khuaah te, Philadelphia khuaah te, Laodikei khuaah te chuan thawn rawh,” a tih ka hria a.
12Tin, mi biakna aw chu hmuh tumin ka han lehhawi ta a. Tin, ka han lehhawi chuan rangkachak khâwnvâr dahna pasarih ka hmu a; 13khâwnvâr dahna zîngah chuan mi tu emaw mihring fa ang, ke lêr thlenga puan sin, a âwma rangkachak kâwnghrena inhrêng ka hmu bawk a. #Dan 7.13; 10.5 14Tin, a lû leh a sam chu berâm hmul vâr angin a vâr a, vûr ang maiin; a mitte chu mei alh ang a ni a;#Dan 7.9. #Dan 10.6. 15a kephahte chu dâr tle mi ang a ni a, rawh tuina meia rawh thianghlim tawh ang maiin; a aw chu tui tam tak ri ang mai a ni. #Ezek 1.24; 43.2 16Tin, a kut ding lam chuan arsi pasarih a keng a; a kâ aṭang chuan khandaih hriam tawn hriam tak a chhuak a; a hmêl chu ni sat vânglai tak ang a ni. 17Tin, amah chu ka hmuh veleh thi ang dêrin a ke bulah ka tlu ta a. Tin, ani chuan a kut ding lam chu ka chungah nghatin ka hnênah, “Hlau suh ang che; kei Hmasabera leh Hnuhnûngbera leh #Is 44.6; 48.12; Thup 2.8; 22.13 18Mi Nunga chu ka ni; ka lo thi a; nimahsela, ngai teh, kumkhua atân ka nung leh ta a ni. Thihna leh Mitthi Khaw chabite chu ka nei bawk a.
19Chutichuan, i thil hmuh tawhte leh thil awm mêkte leh, tûn hnua thil lo awm tûrte thu chu ziak rawh; 20ka kut ding lama arsi pasarih awm i hmuhte leh, rangkachak khâwnvâr dahna pasarihte thurûk chu. Arsi pasarih chu kohhran pasarihte tirhkoh an ni a; khâwnvâr pasarih chu kohhran pasarihte chu an ni e.
Currently Selected:
THUPUAN 1: MIZOVBSI
Highlight
Share
Copy
Want to have your highlights saved across all your devices? Sign up or sign in
Mizo OV - Re-edited Bible
© The Bible Society of India, 2017.
Used by permission. All rights reserved worldwide.