HEBRAI 1
1
Fapaa Pathian thusawi
1Pathian, hmasânga thlahtute hnêna bung tam tak leh kawng tinrênga zâwlneitea thu lo sawitu khân, 2hêng ni tâwpah hian keimahni hnênah a Fapaah chuan thu a sawi ta. Chu mi chu engkim rochungtuah a ruat a, chu mi pawh chuan khawvêlte chu a siam a; 3ani chu a ropuina êng leh, a tak anpui ngei leh, ama thiltihtheihna thûa engkim tungdingtu niin, sualte a tlen fai hnuin chung lama Ropuibera ding lamah khian a han ṭhu a; 4vântirhkohte aia hming ṭha zâwk a rochun ang ngeiin an aia ropui zâwk a lo ni tawh si a.
Fapa - vântirhkohte aia ropui
5Vântirhkohte zîngah tu hnênah nge hêng thu hi a sawi ngai le?
“Nang zawng ka Fapa i ni e,
Vawiin hian ka hring che a ni,”
tih leh,
“A tân Pa ka ni ang a,
Ani chu ka tân Fapa a ni ang,”
tih hi. #2 Sam 7.14; 1 Chr 17.13; Sam 2.7
6Tin, Fa tîra chu khawvêla a tirh dâwn lai khân,
“Pathian vântirhkohte zawng
zawng pawhin
Amah chibai bûk rawh se,”
a ti a. #Deut 32.43
7Tin, vântirhkohte chungchâng thûah chuan hei hi a sawi a ni:
“Ani chuan a vântirhkohte chu
Thli-ah a chantîr ṭhîn a,
A rawngbâwltute pawh
Meialhah a chantîr ṭhîn,”
tih hi. #Sam 104.4
8Fapa chungchâng thûah erawh chuan hei hi a sawi a ni,
“Aw Pathian, i lalṭhutphah chu
Chatuanin a awm tûr a ni;
Dikna lal tiang pawh chu
I ram lal tiang chu a ni; #Sam 45.6-7
9Felna chu i ngaina a,
Bawhchhiatna chu i huat kha;
Chuvângin, Pathian,
i Pathian chuan,
I ṭhiante ai chuan
Hlimna hriak a thih nasat tâk
che hi,”
tih leh,
10“Nang, Lalpa, a tîrin
Leilung nghahchhan
i phûm tawh a,
Vânte pawh i kutchhuak a ni; #Sam 102.25-27
11Chûngte chu a la boral ang a,
Nang erawh chu
awm hlen tûr i ni;
Tin, chûng zawng zawngte chu
Silhfên angin a la hlui ang a.
12Puan angin i zial bawk ang a -
Silhfên ang maiin;
Tichuan, a lo danglam tawh ang;
Nang erawh chu
i pângngai fo va,
I kumte pawh a ral lo vang,”
tiin.
13Nimahsela, vântirhkohte zîngah tu chungchâng thûah nge hei hi a sawi ngai ni?
“I hmêlmate i kephah nghahchhana
ka siam hma loh zawng
Ka ding lamah ṭhu rawh,”
tih hi. #Sam 110.1
14Anni zawng zawng chu rawngbâwlna thlarau, chhandamna rochungtu tûrte tân rawngbâwl tûra tirh chhuah an ni lo vem ni?
Currently Selected:
HEBRAI 1: MIZOVBSI
Highlight
Share
Copy
Want to have your highlights saved across all your devices? Sign up or sign in
Mizo OV - Re-edited Bible
© The Bible Society of India, 2017.
Used by permission. All rights reserved worldwide.